Zebuniso Nur

Assalomu Alaykum Nurlilar
✨
Men TV ko’rsatuvlarida va You tube sahifasidagi bir qancha kanallarda ko’plab ishtirok etganman, lekin negadir o’zim bu ko’rsatuvlarni ko’rishga vaqt ajrata olmayman. Ochiq aytishim kerak, vaqtim bo’lsa ham bazan o’zim hohlamayman.
Sababi o’zimga judayam talabi katta insonman. Shu uchun ko’rsatuvlar ko’rish paytida bu odatim halaqit beradi.
Sizlardan so’ramoqchiman – ko’rsatuvni ko’rib o’z fikringizni qoldirsangiz, u hoh pozitiv hoh negativ farqi yo’q. Men tanqidni qabul qila olaman
🥰

https://youtu.be/jxLTWoeJIzs?si=qYJQQoehAl7gu4jZ

Hayrli kun Nurlilar
✨
Kecha va bugun bizda oilaviy kun.
Bizni oilada hamma o’z ishiga va kasbiga ega. Hech kim shunchaki uyda bekorchilikda umrini o’tkazmaydi.
Oilamizda bir qadriyat bor, albatta hammamiz barcha ishimizdan 1-2 kun vaqt ajratib birga kechki ovqatga, madaniy hordiq olishga, konsertlarga, teatr yoki kinoga, tog’ yon bag’riga dam olishlarga chiqamiz.
Bugun ham shunday kunlarimizdan biri va men biz borgan mukammal Allohim yaratgan eng go’zal maskanlardan birini sizlarga ulashgim keldi
🫶🏼

Hikoyamiz davomi
📜
U hayotini birdaniga emas, asta-sekin o‘zgartirdi.
Psixolog savol berdi– seni nima hursand qiladi, qachon o’zingni yaxshi his qilasan?
U dedi– Oilamdagilar, turmush o’rtog’im, farzandlarim, opa-singlim, rahbarim, ishimdagi hamkasblarim, qo’shnilarim, dugonalarim mendan hafa bo’lishmasa. Men ular uchun nimadir qila olsam, ularni hursand qilsam va ulardan gap eshitmasam shunda o’zimni yaxshi his qilaman.
Psixolog sukut saqladi va dedi: Seni o’zingchi? O’zing uchun, o’zingni hursandchiliging uchun qalbing nima so’raydi? Qanday hohishi bor uning? Uni hafa bo’lmasligi uchun nimalar qila olasan? Sen o’zingni o’zinga berayotgan munosabatingdan rozimisan?
U shu payt pik-pik etib yig’lab yubordi… va aytdiki– men o’zim uchun nimadir qilishga qo’rqaman, bolaligimda 5 yoshlik paytim, Bobur parkiga oilaviy bordik va man muzqaymoq yegim kelyapti, olib bering deb Onamdan so’radim. Ular eshitmasdan holam bilan gaplashib boraverdilar. Men yig’ladim va Onam: - meni sharmanda qilding deb hammani oldida meni urib ketdilar… U ho’ngrab yig’lab yubordi.

Ikkinchi uchrashuvga u butunlay boshqa kayfiyatda keldi. Bu safar qo‘lidagi telefonga yopishib olmagan edi. O‘zini erkinroq his qilardi.
Psixolog unga qarab dedi:
— O‘tgan safar siz bilan gaplasha olmagan edik. Aytingchi, sizni eng ko‘p qiynayotgan narsa nima?
U ko‘zlari yoshlanib dedi:
— Men hammaga “yaxshi qiz” bo‘lishdan charchadim. Hamma narsani uddalashim, sabr qilishim kerakdek yashadim. Lekin ichimda doim bo‘shliq… Men o‘zimni yo‘qotib qo‘ydim.
Psixolog :
— Bu bo‘shliq — sizning haqiqiy hayotingiz boshlanishini kutayotgan joy, — dedi. — Siz kimnidir xafa qilmaslik uchun o‘zingizni qurbon qilasiz. Lekin bir savol: agar shu holatda davom etsa, 5 yildan keyin o‘zingizni qayerda ko‘rasiz?
Uning yuragi siqilib ketdi. U kelajakni ko‘ra olmasdi, faqatgina jimgina yig’lardi.
Psixolog davom etdi:
— Hayot boshqalarga qulay bo‘lish uchun emas, sizga mazmunli bo‘lishi uchun berilgan. Agar o‘zingizni tanlamasangiz, hech kim sizni ham tanlamaydi.
Bu so‘zlar unga tushunarsiz edi, u o’zini tanlash nimani anglatishini tushunmadi.

…..
U xonaga kirganida qo‘lidagi telefondan qattiq ushlab olgandi, xuddi u himoyachisidek. Ko‘nglida qo‘rquv emas, balki charchoq bor edi.
Psixolog unga asta tabassum qildi. Shu jimlikning o‘zida qochib ketgisi kelmadi.
— Nimadan boshlaymiz? — dedi psixolog yumshoq ohangda.
Shu payt u birdan his qildi: necha yillardan beri ilk marta kimdir uning javobini chin dildan kutyapti. Ajoyib tuyg’u edi bu u uchun. Ahir uni hech kim na holini so’rardi, na fikrini…
Qisqa sukutdan so‘ng psixolog :
— Siz doim boshqalarning fikrini eshitgansiz. Lekin bir marta bo‘lsa ham o‘zingizni tinglab ko‘rdingizmi?
Uning yuragi hapriqib ketdi. Yillar davomida u boshqalarga yoqishni o’ylab, boshqalarning talabiga moslashib yashadi. Ammo o‘z qalbini eshitmagan, hatto buni nimaligini tushunmagan.
Psixolog bilan suhbati 2 soat davom etdi, 1soat 50 daqiqa jim o’tirardi, faqat yonidagi “Psixolog” deb atalmish kasb egasini tinglardi, go’yoki uni zimdan kuzatardi. Nega men bu insonga o’zimni hayotimni va qalbimni tuyg’ularini aytib berishim kerak? degan savol bor edi.
Ohirgi 10 daqiqasida esa u: Menga nima maslahat berasiz ? deb so’radi.
— Hech nimani maslahat bermayman dedi psixolog. Ahir siz sukunatda o’zingizni qoldirishni tanladingizku…

Assalomu Alaykum Nurlilar
✨
Bugundan qisqacha hikoyalar orqali sizlarga hayotiy voqealarni bo’lishib boraman
🫶
Ular ichida o’zingizni hayotingizga to’g’ri keladigan vaziyatda bemalol anglashlar olsangiz bo’ladi
📖

Psixologiyaga qaytiiiinn tezroq Nur clubdagi qizlar ham soʻrashyapti Havasxon, Barno opa, Zumrad opa deganlari

Hech boʻlmasa kanali yurib tursa ustozni his qilib turardik diydi
😁
sogʻindik sizni qayting bu sohaga ham
🥰