Davron Akbar - anomal fikrlar
Davron Akbarning shaxsiy blogiga xush kelibsiz.
Bu yerda juda subyektiv fikrlar bildiriladi.
Ajdodlari bilan faxrlanib gapirishni boshlab ketgan odamlarni deyarli tinglamay qo'ydim. Bugungi kun haqida gap yo'q, real muammolar haqida gap yo'q, bugungi kundagi odamlarni zalolat botqog'iga botirayotgan illatlar haqida gap yo'q, ammo og'zini to'ldirib ajdodi bilan faxrlanishni uqtiradi. Ular kim bo'lishidan qat'i nazar, xoh din ulamosi bo'lsin, xoh muallim, bugungi real holatdan gapirishi kerak. Unday emasmi, odamlarga safsata sotishni bas qilishi kerak.
Avvalllari juma kuni 11:00 dayoq Juma namoziga chiqar edim. Endi esa iloji boricha namoz vaqtiga taqab chiqyapman. Chunki ajdodlarimiz haqida va'z eshitaverib zerikdim. Reallikdan uzilgan har narsa, zerikarli bo'lib boraveradi.
@meningcha_blog
Yangi ochib chiqqan jo'jalarga tuxum qaynatib bersam, yemadi. Jo'jalar halok bo'lgan ajdodlarini yemasakan)
@meningcha_blog
Muomala, yurish-turish, erning haqqini bilish, ota-onani qadrlash, uy tutumi masalasida ayolim kimga o'xshashi bo'yicha faqat ikki kishidan andaza olaman. Biri - ammam, ikkinchisi ustozimning ayoli.
Balki, ularning uyida qandaydir gap-so'z o'tar, ammo ular erni tashqaridagi insonlarga juda yuqori hurmatda ko'rsatib bera olgan. Bo'lajak ayolimda ham shunday sifatlarni ko'ryapman va tasavvurimdagi uchinchi ideal ayol paydo bo'layotganidan xursandman.
@meningcha_blog
Hadislarni she'rga solmagan,
Shoirlikka da'vo qilmasin!
@meningcha_blog
- Alloh bo'ynigacha gunohga botgan insonlarni kechiradi, sen kechira olmaysanmi?
- Men Alloh emasman.
@meningcha_blog
Ular ro'mol erkaklarni jalb qilishini tushunib qoldilar va fursatni boy bermadilar. Ammo ularning sirtlari o'zgardi, qalblari esa o'sha-o'sha qoldi. Erkaklarni jalb qiluvchi vositalar o'zgarganda, ular ro'molni tashlaydilar va tuslanishda davom etadilar.
@meningcha_blog
Madinaning muzdek marmar toshida o'tirib, soyobon ostida Masjidi Nabaviyga qarab o'tirishning xumori tutyapti.
Makka o'z yo'liga-yu, ammo Madinaning ifori boshqa edi, salobati boshqa edi.
@meningcha_blog
Ular ulkan muvaffaqiyatga erishdi, buning sababi ular ilm olishda malollanmagani edi.
@meningcha_blog
Haydovchilik guvohnomasi (prava) ning muddati tugagandan so'ng qayta imtihon topshirish amaliyoti joriy etilishi lozim ekan. Nega deganda ko'pchilik haydovchilar avvalgi davrda pravani sotib olgan, bu degani deyarli YHQ ni o'qimagan deb hisoblash mumkin. O'qigan bo'lsa ham, u davrdagi qoidalar keskin o'zgargan va yangiliklar bisyor. Pravasining muddati tugagan haydovchilarga 3 martagacha bepul imtihon topshirishga ruxsat berilishi kerak. Shunda ham ololmasa, keyingilarni hamma qatori topshiraveradi.
Bu usul ko'pchilikka yoqmasligi mumkin, ammo shu yo'l bilan haydovchilik madaniyatini oshirish mumkin. Men bunga 100 foiz ishonaman.
@meningcha_blog