Xushnudbek - o‘ta shaxsiy

Bugun testning hamma natijalari chiqib bo’ldi. Endi yo’nalish tanlash ochilishini kutishadi, bunga biroz vaqt ketadi.
Videodagi yigit 187,9 ball
olibdi.
🔘
@xushnudbekuz

Magistratura va doktoranturaga til bilish sertifikati bekor qilinibdi,
deyishsa
, ishonib yurmang yana
🔘
@xushnudbekuz

Jizzax somsa yemaganimga bir necha yil bo’lgandi.
🔘
@xushnudbekuz

Kecha Instagramda savol-javob o’tkazdim. Qiziq format ekan, menga yoqdi.
🌐
To’liq o’qish uchun havola
🔘
@xushnudbekuz

Men kanalimdagi abituriyentlarga qarata xitob qilyapman:
🔘
@xushnudbekuz

“Milliy tiklanish” demokratik partiyasi rahbari Alisher Qodirov kelajak avlod dinini unutib daraxtga e’tiqod qilishni boshlashidan xavotirda.
Bu gaplar daraxtlarni kesishni qonuniylashtirish haqida berilgan taklifga jamoatchilik tomonidan keskin e’tiroz bildirilganiga javoban aytilgan.
🔘
@xushnudbekuz

❗️
2 kunda 387 nafar abituriyent maksimal 189 ball to‘pladi
mandat.uzbmb.uz
saytining "Kengaytirilgan qidiruv" sahifasida fanlar majmuasi kesimida abituriyentlar to‘plagan ballar ro‘yxati e’lon qilinmoqda. Shuningdek, ro‘yxatdagi istalgan abituriyent natijasi ustiga bossangiz, batafsil ma’lumotlarni chiqarib bermoqda. Ya’ni nechta savolga to‘g‘ri javob bergan, qanday imtiyozlari bo‘lgan va sertifikatlar orqali necha ball to‘plagani haqida.
Dastlabki ikki kunlik natijalarni tahlil qilar ekanmiz,
387 nafar
abituriyent to‘plash mumkin bo‘lgan
eng maksimal 189 ballni
qo‘lga kiritganini ko‘rishimiz mumkin.
Fanlar majmuasi hamda tillar kesimida 189 ball to‘plaganlar soni quyidagicha:
🔹
Davlat va huquq asoslari + chet tili fanlari majmuasida
O‘zbek tili:
21 nafar
Rus tili:
3 nafar
Qoraqalpoq tili:
1 nafar
🔹
Fizika + matematika fanlari majmuasida
O‘zbek tili:
1 nafar
🔹
Ingliz tili + ona tili va adabiyot fanlari majmuasida
O‘zbek tili:
45 nafar
Qoraqalpoq tili:
1 nafar
🔹
Matematika + chet tili fanlari majmuasida
O‘zbek tili:
122 nafar
Rus tili:
3 nafar
Qoraqalpoq tili:
2 nafar
🔹
Matematika + fizika fanlari majmuasida
O‘zbek tili:
5 nafar
🔹
Tarix + chet tili fanlari majmuasida
O‘zbek tili:
62 nafar
Rus tili:
1 nafar
🔹
Biologiya + kimyo fanlari majmuasida
O‘zbek tili:
105 nafar
Rus tili:
6 nafar
Qoraqalpoq tili:
9 nafar
Bu hali atigi 2 kunlik natijalar xolos. Test sinovlari to‘liq yakunlangach, ularning soni yanada ko‘payishi, shubhasiz. Joriy yilda rekord qo‘yiladi.
Xabar tahrirlandi: biologiya + kimyo fanlar majmuasida 105 nafar ekan.
🔘
@xushnudbekuz

Testdan keyin javob chiqishini 20 kun kutgan bizning avlodga haykal qo’yishni taklif qilaman.
🔘
@xushnudbekuz

🔄
“Perevod” qilish tartibi bo‘yicha kengroq tushuntirish
#perevod
Quyidagi tushuntirishlarning asosi: 2022-yil 15-iyundagi PQ-279-son
Prezident qarori.
1️⃣
Bir davlat OTMdan boshqa davlat OTMga o‘qishni ko‘chirish
Bunday holda faqat 2 ta vaziyatda ruxsat beriladi:
1) talaba oila qursa va turmush o‘rtog‘i doimiy yashaydigan hududdagi OTMga ko‘chmoqchi bo‘lsa;
2) davlat xizmatchisi ish yuzasidan boshqa hududga ko‘chsa va turmush o‘rtog‘i yoki
voyaga yetmagan
farzandining o‘qishini o‘sha hududga ko‘chirmoqchi bo‘lsa
(ishga kirgan vazirlik xati asosida).
❌
Boshqa hududga ham, o‘z hududidagi boshqa OTMga ham shu qoida ishlaydi.
Masalan, SamDU talabasi Samarqand tibbiyot universitetiga ko’chiraman desa ham, Toshkent tibbiyot universitetiga ko’chiraman desa ham
shu 2 ta sabab
kerak.
2️⃣
Xorijdan o‘qishni ko‘chirish
Bunda o‘tgan yilgi tartib saqlanib qolgan:
1) mos va turdosh yo‘nalishga test yoki ijodiy imtihon topshiradi hamda
o‘tish balini to‘plash
talab etiladi. 2024-yilgi o’tish ballari bu yerda:
t.me/xushnudbek/24554
2) o‘tish balini to‘play olmasa,
super-kontrakt shartlari asosida
o‘qishini ko‘chirishga ruxsat beriladi;
3) xorijdan
mos va turdosh bo‘lmagan
yo‘nalishga o‘qishni ko‘chirishga
ruxsat berilmaydi
. 2024-yilgi turdosh yo’nalishlar ro’yxati bu yerda:
t.me/xushnudbek/24831
‼️
Test o’tgach, har bir talabaning hujjati qayta tekshiriladi. Kimdir “xorijda o’qiyapti
”
degan soxta hujjat tayyorlagan bo’lsa, natijalar bekor qilinadi va prokuraturaga soxta hujjat tayyorlash fakti yuzasidan murojaat etiladi.
3️⃣
O‘zbekistondagi xorijiy va nodavlat OTMlardan o‘qishni ko‘chirish
Bunda ham o‘tgan yilgi tartib saqlanib qolgan:
1) mos va turdosh yo‘nalishga test yoki ijodiy imtihon topshiradi hamda
o‘tish balini to‘plash
talab etiladi. 2024-yilgi o’tish ballari bu yerda:
t.me/xushnudbek/24554
2) o‘tish balini to‘play olmasa,
super-kontrakt shartlari asosida
o‘qishini ko‘chirishga ruxsat beriladi;
3)
mos va turdosh bo‘lmagan
yo‘nalish uchun esa
bir martalik “super-kontrakt”
to‘lab,
imtihonsiz
ko‘chirishi mumkin.
t.me/xushnudbek/24579
2024-yilgi turdosh yo’nalishlar:
t.me/xushnudbek/24831
2024-yilgi super-kontrakt narxlari:
https://t.me/xushnudbek/25518
4️⃣
Davlat OTMdan nodavlat OTMga o‘qishni ko‘chirish
Buni davlat hozircha nazorat qilmaydi, buning tartibini nodavlat OTMlar o‘zi mustaqil belgilaydi. Nodavlat OTMga o‘qishni ko‘chirish mumkin yoki mumkin emasligini o‘sha OTMning o‘zidan aniqlashtiring.
5️⃣
Nodavlat OTMdan nodavlat OTMga o‘qishni ko‘chirish
Buni ham davlat hozircha nazorat qilmaydi, tartibini nodavlat OTMdan aniqlashtirish kerak.
6️⃣
Xorijdan nodavlat OTMga o‘qishni ko‘chirish
Buni ham davlat hozircha nazorat qilmaydi, tartibini ko‘chirmoqchi bo‘linayotgan nodavlat OTMdan aniqlashtirish kerak.
7️⃣
Bir davlat OTM ichida bir yo’nalish yoki fakultetdan boshqa yo’nalish yoki fakultetga
o‘qishni ko‘chirish
Ushbu masala OTM rektori tomonidan hal qilinadi, ariza ham
rektor nomiga yoziladi
. Bunda ko’chirilayotgan yo’nalishning mos va turdoshligi, ko’chirilish sababi, OTM imkoniyatlari va boshqa faktorlar inobatga olinishi mumkin.
8️⃣
Bir OTM va hatto bir yo’nalish doirasida ta’lim shaklini yoki tilni o’zgartirish
Ushbu masala ham OTM ma’muriyati tomonidan hal qilinadi. Bunda ham ko’chirish maqsadi, OTMning imkoniyati
(masalan, auditoriya sig’imi, professor-o’qituvchilari soni va hk)
va boshqa faktorlarga qaralishi mumkin. Masalan, kechki, sirtqi yoki masofaviydan
kunduzgiga
o’tkazish deyarli imkonsiz, bu haqda o’ylamasa ham bo’ladi. Lekin
kunduzgidan
ko’chirish odatda muammosiz hal bo’ladigan masala.
***
Arizalar quyidagicha qabul qilinadi:
➡️
transfer.edu.uz
— respublikaning bir davlat oliygohidan boshqa davlat oliygohiga yoki bir oliygoh ichida;
➡️
my.uzbmb.uz/service/41
— xorijiy va nodavlat oliy taʼlim muassasalaridan davlat oliygohlariga.
☝️
Arizalar
15-iyuldan 5-avgustgacha
(shu kuni ham) qabul qilinadi.
Kerakli hujjatlar:
◾️
ariza (onlayn tarzda);
◾️
transkript yoki reyting daftarchasi (JPEG yoki Pdf shakli);
◾️
akademik maʼlumotnoma (o‘qishni tiklovchilar uchun).
🔘
@xushnudbekuz

Mabodo biron tanishingiz ham shunaqa qilib pasportini testdan 1 kun oldin yo’qotib qo’ygan bo’lsa, avvalo mas’uliyatsizligi uchun boshiga bir uring. Undan keyin quyidagi maslahatlarni bering:
1.
Haydovchilik guvohnomasi
ham shaxsni tasdiqlovchi hujjat hisoblanadi. U bilan borsa ham testga kiritadi;
2.
Xorijga chiqish pasporti
(qizil pasport) ham shaxsni tasdiqlovchi hujjat hisoblanadi. U bilan borsa ham testga kiritadi;
3. Agar imtihon soat 15:00 da bo’lsa, unda ertalab soat 9:00 dan Davlat xizmatlari markaziga borib, yangi ID-karta olish mumkin,
taxminan 1 soatda
tayyor bo’ladi;
4. Agar imtihoni ertalab soat 8:00 da bo’lsa, unda boshiga yana bir marta uring, baribir hech narsa qila olmaydi endi.
🔘
@xushnudbekuz