Футбол ҳақида
Собиқ ФИФА агенти Равшан Салимовнинг футбол канали
Нарзулла
ёзгани
унчалик тўғри эмас. "Пахтакор" футболчини йилни охиригача "Андижон"га ижарага берган эди. "Андижон" клуби футболчи керак эмаслигини айтганидан сўнг, футболчининг агенти билан келишган ҳолда "Сурхон" га бериб юбориш маъқул кўрилди.
"Пахтакор" ўзидан ўзи қарор қабул қилиб ижарадаги футболчини бошқа жамоага жўната олмайди.
"Бунёдкор" стадиони майсаси бир неча кундан бери “тренд”да. Айримлар “майдонни дабдала қилишди” дейди, бошқалар эса “стадион халқники, концерт қилишга ҳақимиз бор” деб ҳимоя қилади.
Балким, стадион ростан ҳам халқникидир. Лекин халқники бўлган нарсани вайрон қилиш керак эмас — асраш керак. Чунки у халқники, кимнингдир шахсий мулки эмас.
"Стадион халқники, чет элларда ҳам стадионларда концертлар бўлади-ку" дейишади. Лекин ўша чет элларда майдонни қандай муҳофаза қилишларини билармикан?
Масалан, “Реал”нинг “Сантьяго Бернабеу” стадионида майдон махсус механизм орқали ер остига туширилади. Ер остида газонни парвариш қилиш учун барча шароит бор. Шунга қарамай, 2024 йилда у ердаги кўп концертлар маҳаллий аҳолининг шовқин-сурон ҳақидаги шикояти туфайли бекор қилинган. Йўлларни беркитиб, ҳосил бўладиган пробкалардан чарчашган бўлишса керакда.
Майсаси йиғиладиган стадионлар Германия, Япония ва “Тоттенҳэм”да ҳам бор.
Майдони йиғилмайдиганлар эса бошқа усул ишлатади. Масалан, Лондондаги “Уэмбли”да газон устига қимматбаҳо TerraTrakPlus панеллари ётқизилади. Шу орқали, ҳатто 80 тонна оғирликдаги кранлар ҳам саҳна қуриш учун кириб ишлай олади, лекин газонга зарар етказмайди. Монтаж тугагач, устига ёруғлик ўтказувчи TerraFlor панеллари ётқизилади. Бу панеллар одамлар ва жиҳозлар ҳаракатини таъминлаб, газонни ҳимоя қилади.
Албатта, бу хизматлар арзон эмас. Бизда бундай технология ишлатилганми-йўқми — билмайман. Билганим шуки, унчалик оғир бўлмаган саҳна майдон дренаж тизимини ишдан чиқарган ва газон ҳам вайрон бўлган.
Ўзбек футболига юлдузлар етказиб берган “Бунёдкор” энди ўзига майдон қидиришга мажбур. “Бунёдкор” балки ўрганиб қолгандир, лекин терма жамоамиз-чи? Жаҳон чемпионатига илк бор чиққан, CAFA мусобақасини қабул қиладиган терма жамоамиз қаерда ўйнайди?
@salimov_futbol
Шу икки йигитимизга кўп нарса боғлиқ. Туркия чемпионатини "ёндириб" беришса Ўзбекистонлик футболчиларга йўл очилади Туркияга.
Айнан "ёндириб" бериш керак. Иккала йигитимизга омад. Юзлари доим ёруғ бўлиб юрсин.
Ёш футболчиларнинг энг катта душмани ким деб ўйлайсиз? Мураббийми? Футбол мутахассисларими? Агентларми?
Ишонмайсиз, лекин уларнинг энг катта душмани — ўзларининг ота-оналари бўлади. "Қанақасига?" дейишингиз мумкин. Лекин айнан шундай.
Албатта, ҳар бир ота-она учун фарзанд ўзгача, энг зўр бўлиб кўринади. Лекин шунга қўшимча равишда, баъзи ота-оналар футболни мураббийдан ҳам яхши тушунаман деб ўйлайди. Ва боласига яхшилик қиламан деб, мураббийнинг ҳар бир ишига аралаша бошлайди.
Қандай тренировка ўтказиш кераклигини ўргатадиганлар бор. Боласи қайси позицияда ўйнаши кераклигини белгилаб қўядиганлар бор. Нима еб, нима ичиш кераклигини айтувчилар ҳам йўқ эмас.
Ўғлининг ўйини чиқмаса — мураббийга қўнғироқ қилиб жанжал қилади. Асосий таркибда тушмаса — клубга келиб уришади. Унингча — ўғли энг зўр, мураббий эса порахўр. "Пора олиб рақобатчисини ўйнатяпти", деб очиқ туҳмат қилади.
Ҳакамларни урадиган, ўйинларга келиб: “Нега ўғлимни таркибга қўймадинг?”, “Нега алиштирдинг?”, деб жанжал қиладиганлар ҳам бор.
Илгарилари: "Гўшти сизники, суяги бизники", деб мураббийга бола топшириларди. Ҳозир эса ота-оналар мураббийга ақл ўргатишяпти.
Шунча йиллик тажрибамдан келиб чиқиб айтаман: ТОП футболчи бўлиб чиққанларнинг деярли барчасининг ота-онаси мураббийнинг ишига аралашмаган. Аралашмагангина эмас, ҳатто узоқда бўлган. Шу сабаб бола шахс сифатида мустақил тарбияланган ва футболчи бўлиб етишган.
Мен шундай футболчиларни ҳам биламан — истеъдоди бор, лекин отаси мураббийнинг ишига ҳар доим аралашавергани учун ҳеч бир мураббий у бола билан ишлашни хоҳламаган. Ахир ким ҳам хоҳлайди: ўғлини таркибга қўймасанг — келиб ақл ўргатади, алиштирсанг — жанжал қилади? Шунинг учун ҳеч ким ишлашни истамайди, натижада бола қолиб кетади.
Агар сиз ҳам футболчи боланинг отаси ёки онаси бўлсангиз — болангизни мураббийга топширинг. Футболчи бўлиб етишгунча у минг марта ўзгаради. Бир пастга тушиш бўлса, бир кўтарилиш ҳам бўлади. Бу — нормал ҳолат.
@salimov_futbol
Азмиддинов
ҳозирча ҳеч қаерга кетмаган. Азмиддиновга чет давлатлардан таклифлар бўлиб қолиши мумкин. У бу янгиликлар бўлса бизагаям айтиб турилар)
Шу
Эрондаги
ҳамма футболчиларимизни боши жароҳатдан чиқмаяптия .. бунга Эрон футболи жуда "жесткий"лиги сабабмикан?
Эронлик бир таниш агент билан доимгидак ватсапдан уёқдан, буёқдан гаплашиб тургандик. Гап Ўзбек футболчиларини Эронга кетма кет ўтишига бориб тақалди. "Намунча Эрон клублари Ўзбек футболчиларига ёпишиб олди" дедим. Ўзимча ҳозир "Ўзбек футболчилари ўзини яхши кўрсатяпти Эронда" дейди деб ўйлаб турвудим, "Уруш сабаб четдан бошқа футболчилар келмаяптида" дейди аблаҳ)
Шу
ерда
кўрсатилган статистикадаги давлатлардан футболи биздан устун бўлганлар фақат Япония, Эрон ва Саудия бўлса керак. Қолганлари аниқ биздан паст даражада. Бизда мухлислар футболни қадрига етишмайди. Менталитетимиз бошқача.