Футбол ҳақида
Собиқ ФИФА агенти Равшан Салимовнинг футбол канали
Бир неча кун олдин Осиё футбол конфедерацияси клублар учун футзал ва аёллар футболи жамоасига эга бўлиш мажбуриятини бекор қилди. Кеч бўлса ҳам, ОФК ўз хатосини тан олиб, тўғри қарор қабул қилди.
Авваллари бу жамоаларга эга бўлмаган клубларга лицензия берилмасди. Натижада кўплаб клублар номигагина, футбол ўйнашни билмайдиган одамлардан жамоа тузиб қўйишар эди. Шунинг ўзи клубларга бир неча миллиард сўмга тушарди.
Энди ОФК бу талабни бекор қилганидан сўнг, умид қиламизки, биздаги масъуллар буни қайтадан мажбурий тартибда жорий этишни ўйлаб топишмайди. Бу жамоаларга сарфланадиган маблағни академияларни ривожлантиришга, инфратузилмани яхшилашга йўналтиришса, футбол учун анча фойда бўлади.
Албатта, кимдир “эркаклар футболига шунча пул ажратилаётганда, аёллар футболига ажратилса нима бўлибди?” дейиши мумкин. Лекин, келинг, рақамларга қарайлик: аёллар ўртасидаги охирги жаҳон чемпионати финалини тахминан 82 миллион киши томоша қилган, эркаклар финалини эса 1 миллиарддан ортиқ инсон кўрган. Эркаклар футболида стадионлар тўлиб бораётган бир пайтда, аёллар футболи ўйинлари доим бўш трибуналарда ўтади.
Футзал бўйича жаҳон чемпионати финалини неча киши кўргани ҳақида аниқ маълумот топа олмадим, лекин футзални кўришдан кўра ўйнашнинг ўзи қизиқроқ.
Бугунги кунда кўплаб кичик корхоналар ўз футзал жамоаларига эга. Талабларни озгина енгиллатиб, ана шундай жамоаларни қўллаб-қувватлаш орқали футзални ривожлантириш мумкин, деб ўйлайман.
Клубларга сунъий тарзда юк юклаб, мажбурий йўл билан футзални ҳам, аёллар футболини ҳам ривожлантириб бўлмайди.
@salimov_futbol
Менимча, U-23
жамоаси
таркиби энди 20 ёшли футболчилардан иборат бўлади. Осиё чемпионатида ҳам саралашдан ўтган 23 ёшли йигитлар эмас, балки 20 ёшлилар иштирок этадилар. Шунинг учун Равшан Ҳайдаров номи U-23 бўлган, лекин амалда таркиби 20 ёшли футболчилардан иборат бўлган жамоанинг мураббийи ҳисобланади. Нишонов бу штабда бўладими-йўқми, бу мен учун ҳали ноаниқ.
Айтганча, 20 ёшликларни Осиё чемпионатига бориши ҳам тўғри қарор. Барибир бу Осиё чемпионати ҳеч нарса бермайди. Бу йигитлар эса Олимпияда йўлланмасини берадиган кейинги Осиё чемпионатигача тажриба ортириб оладилар.
@salimov_futbol
Чиройли а?
🔥
Бу ўзимизнинг Андижон ултраси! Эртага Чемпионлар лигасида ҳам шундай кайфият бўлиши мумкин.
Лекин бир масала бор: ОФК қоидаларида пиротехникага тақиқ бор. Ҳар бир тутун ёки факел клубга 10.000$ тушиши мумкин.
Устига клуб “мухлисларни назорат қилмади” деб яна 10.000$ қўшишади.
Қисқаси, кайфият супер, манзара зўр, лекин “Андижон” учун жуда қимматга тушиши мумкин, шунинг учун айтмади деманглар)
@salimov_futbol
Бугун "Пахтакор" нинг Ироқлик футболчиси Башар Ресандан сен ишлаган энг зўр мураббий ким деб сўраганимда айнан шу
мураббийни
айтган эди.
Эроннинг "Персеполис" жамоасида шу мураббий қўл остида ҳаракат қилган.
⚽️
Ўзбек футболида янги тажриба!
Ўзбекистон кубоги ярим финалидаги “Пахтакор” – “Динамо” учрашувида илк бор бош ҳакам ВАР текширувидан кейинги якуний қарорини бутун стадион бўйлаб эълон қилади.
🔹
Бу тартиб ФИФА томонидан 2023-йилдан бошлаб халқаро майдонда амалиётга киритилган. Мақсад — стадиондаги мухлислар ва телевидениэ орқали кузатаётган томошабинларга ҳакамнинг қарорини янада аниқ ва очиқ тарзда тушунтиришдир.
🔹
Ҳакам қарорининг эълон қилиниши Европа ва жаҳон ареналарида синовдан ўтган бўлиб, футбол ўйинларида шаффофликни оширишда самарали восита сифатида эътироф этилмоқда.
Энди ушбу тажриба Ўзбекистонда ҳам илк бор тест режимида синовдан ўтказилади.
⚽️
t.me/uzfhm
Анча олдин ёшроқ бир футболчининг агентлари билан алоқага чиқиб, ойлик масаласида қизиқиб кўргандим. Улар терма жамоанинг ТОП ўйинчиси оладиган миқдорни айтганди. Шунда:
«Эхее, бу пулга ким олади бу ўйинчини?»
деб ўйлаб, шу билан мавзу ёпилган эди.
Кейинроқ хабарларни ўқисам, ўша ўйинчи арзимаган пул тўлай оладиган ўртамиёна клубга ўтибди. Кўп футболчилар ўз келажакларини ўзлари барбод қиладилар: ҳали ҳеч нарсага эришмасдан туриб катта маош сўрашга тушадилар. Натижада ўсиш имконияти бор жамоа ўрнига турли жойларда сарсон бўлиб, охир-оқибат йўқолиб кетадилар.
Бундай футболчилар жуда кўп. Бу ҳолатда футболчининг ўзи катта маош сўраганми ёки агентими — бу менга қоронғу. Лекин ҳам футболчи, ҳам агент ўзларига адекват баҳо бера олиши, футболчининг карьерасига жуда катта таъсир қилади. Футболчи ТОП бўлса пулнинг ўзи уни қидириб келади.
@salimov_futbol
"Пахтакор" Осиёнинг энг яхши жамоаси деб топилганини билармидингиз?
2002 йил ОФК "Пахтакор" жамоасини Осиёнинг энг яхши жамоаси деб топади. Махсус совға ҳам берилади.
Ҳозирги ёш авлоддан буни кўпчилик билмайди ҳам.
"Пахтакор" Ўзбекистонда лига ва кубокда ғолиб чиқиб, шунингдек 2002 йилги илк бор ташкил этилган AFC Чемпионлар Лигасида олти саралаш баҳсини ўтказиб, ярим финалгача етгани учун AFC “Йилнинг энг яхши клуб жамоаси” деб топилди.
AFC 2002 Йилнинг энг яхшилари:
Йил клуб жамоаси (AFC Club Team of the Year):
Пахтакор (Ўзбекистон)
📍
Куала Лумпур, 27 май 2003 йил
@salimov_futbol
Охирги мақолада ёзганимдак "Ўзбекистон" - "Эрон" ўйинида ҳакам ҳаммасини тўғри бажарган. Ҳаммаси қоида бўйича бўлган. Бу
мақолада
Россиялик эксперт ҳам буни мен ёзганимдак таҳлил қилган.
Эронликлар ҳар қандай учрашувда, ҳар қандай ҳакамга ва ҳар қандай хуштакка тўполон билан реакция билдиришлари мухлисларда кўпинча нотўғри таассурот уйғотади. Бу ҳакамга бир босим усули ҳолос.
@salimov_futbol
Ўйинни ёзиб ўтирмайман. Ҳакамлик масаласида оз-моз ақллилик қилсам. Қизил қоида бўйича бор эди, лекин турнир аҳамияти катта эмаслигини, бу ҳудди ўртоқлик учрашувига ўхшашини инобатга олиб, бермаса ҳам бўлар эди.
Биринчи таймда Ўзбекистон дарвозасига пенальти бордек эди, лекин ВАР ҳам кўриб ўтирмади.
Иккинчи таймда дарвозамизга белгиланиб, сўнгра бекор қилинган пенальтида эса Эронлик ўйинчи чап оёғини атайлаб дарвозабонимизга уриб, оёғини қолдириб кетди. Буни ВАР кўра олди.
Алижоновга берилган қизил карточкада ҳам у Эронлик ўйинчига тегмаган эди. Рақиб ўйинчисининг оёқлари Алижоновнинг оёқларига урилиб, ўзи йиқилиб тушди. Буни ҳам ВАР кўрди.
Эрон дарвозасига белгиланган пенальтида эса Эронликлар ўзлари ҳам талашиб ўтиришмади.
Бу ўйиндаги ҳакамликдан кўра Қирғизистондаги ҳакамлик чатоқ бўлган ва қўшниларимиз шунинг учун хафа бўлишган эди. Жаҳон чемпионатида ҳакамлар шундай ишлашса йўқ демайман)
@salimov_futbol