Abdulloh Shamsutdinov

Qadriyatlar aytilavermaydi, shunchaki yashaladi.
Agar ovoza qilayotgan bo’lsak, hali bizda ular to’liq singimagan, odatga aylanmagan.
Intervyularda nomzod qadriyatlari haqida ko’p gapirsa, ikkilanib qolaman va ko’pincha o’sha qadriyatlar yo’q bo’lib chiqadi.
Muzokaralarda ham qoida shu, kim ko’p ishdan boshqa mavzuda, o’zi, Xudodan qo’riqishi haqida gapirsa hafsalam pir bo’ladi.
Shunga o’zimga ham, atrofimdagilarga ham qadriyatlar haqida kamroq gapirishni tavsiya qilaman.
@abdulloh_shamsutdinov

Yuqori saviyadagi mutaxassislar uchun ish bozori juda kichik.
Shu sabab, ular qattiq yopgan eshiklari boshqa eshiklar ochilmasligiga asos bo’lishi mumkin.
Chunki, top kompaniyalar egalari, rahbarlari o’zaro tanish yoki ishga olish tizimlarida eski ish joyidan jiddiy surishtirish qismi bor.
Munosabatlarda ham shu qoida tushsa kerak. Qancha muhim inson bo’lar ekanmiz, obro’yimizga tushgan kichik dog’ ham katta ko’rinaveradi, yo’limizni to’sishi mumkin.
@abdulloh_shamsutdinov

Sabr qilish bilan sabr qilish ko’nikmasi shakllanadi, xolos.
Boshqa ko’nikmalar shakllanishi uchun esa o’sha ko’nikma talab qilgan mehnatni ham qilish kerak.
https://t.me/shamsutdinov_qisqa

Maktabimizda yana bir o’quv yili tugadi.
Natijalarimiz bilan bo’lishamiz.
Qavs ichida o’tgan yilgisini yozamiz.
O’quvchilarimiz darslikdan tashqari 2355+ ta kitob o’qib tugatishdi. (800)
55% o’quvchimizni kitobxon qildik. (30%)
91% ota-onamiz bizni tavsiya qilishni boshlashdi. (81%)
Bitiruvchilarimiz hammalari natija qilishdi. (rasmda). O’tgan yilgi natijalardan ikki barobar oshira oldik.
80% o’qituvchilarimiz attestatsiyadan o'tib, maktabimizda ishlarini davom ettirishyapti. (80%)
Jamoamizga, bizga ishonga ota-onalarga rahmat.
Lokomotiv filialimizda ko’p sinflar deyarli to’lib bo’ldi.
Toshkent shahrida, Ibn Sino mavzesida ham filial
ochyapmiz
.
9-10-11 sinflarga grant ham e’lon
qilyapmiz
. Shu yakshanba imtihon.
Muhit
qidirganlarni
chorlab qolamiz!
Yordam berishni istaganlar, shu xabarni tarqatishlari kifoya qiladi.
Rahmat.

#maslahat
Boshingizga ish tushgan paytda yaqinim deb bilgan odamlaringizni eshigi oldiga boring. Eshik ochilmasligi mumkin. Lekin sizni ko'zingiz ochiladi!
P. S: bu buzg'unchi mafkura emas. Achchiq haqiqat
@Muhammad_Fozil

https://t.me/shamsutdinov_qisqa

Qizim ikki yarim yoshda, bizga o’rgatyapti:
Hafa bo’lsa, ba’zan yuzimizga qaramasdan, ba’zan yig’lab bildiradi, ichida saqlamaydi — samimiylikni o’rgatyapti.
Shunda bag’rimizga bosamiz, boshini ko’ksimizga qo’yib to’yib yig’lab oladi va keyin yana tabassum qiladi — kechirishni o’rgatyapti.
Har kuni energiyasi to’liq tugaguncha o’z vazifasini bajaradi, tinmasdan o’ynaydi, bizni ham o’ynatadi — mehnatkashlikni o’rgatyapti.
O’rgatadigan boshqa ko’p hislatlari ham bor, albatta. Hayron qoldirgan narsa, ularni hech birini biz o’rgatmaganmiz, fitratida bor.
Keyin tushundim, biz kattalar bolalarimiz ulg’aygani sari ulardagi tug’ma yaxshi hislatlarini o’ldirib borar ekanmiz.
Aslida bola tarbiya qilishda borini buzmaslik muhim ekan, yangi odatlar o’rgatishdan ko’ra. Chunki, fitratdagi asl insoniy ko’nikmalar edi.
@abdulloh_shamsutdinov

Arzon emas, saqla
Kino treyleri
– filmning qisqa, lekin qiziqtiruvchi parchasi. Maqsadi – tomoshabinni to‘liq kino ko‘rishga undash.
Biz ham shundaymiz.
Har bir inson – alohida bir kino. Bizning “treylerimiz”ni hamma ko‘rishi mumkin, ammo ichki dunyomiz, haqiqiy “kino”miz faqat yaqinlarga ochiq bo‘lishi kerak.
Kinoni tekin ko‘rgan tomoshabin kinochiga zarar yetkazgani kabi, bizga yaqin bo‘lmagan odamlar biz haqimizda ko‘p bilishi ham zarar yetkazadi.
Ko‘p gapirgan va ko‘p sirini ochgan odamga boshqalar oson ta’sir qiladi. Sir qolmagan odam esa hech kimga qiziq emas.
Xulosa:
O‘zimiz haqimizdagi ma’lumotlarni kim bilan bo‘lishayotganimizga juda ehtiyot bo‘laylik. Hamma ham sizdek samimiy va yaxshi niyatli emas, ukam/singlim.
@abdulloh_shamsutdinov

Belgisi bor
Bir akamizni doktorga olib bordik. Doktor deyarli yarim soat savol berdi, lekin tashxis qo'ymadi. Keyin analizlarga yubordi.
Savdo bo'yicha ekspert bilan ikki yarim soat gaplashdik. Bittasiga javob bersangiz, yana bir savol.
Ustozim bilan sherik tanlash masalasida edik. Savol berdilar, javob qildim. Deyarli yarim soat jim turib, keyin javob qaytargandilar
Bu uchala odam ham yechim berishga shoshilmadi. Aksincha, vaziyatni ko'proq o'rganishga harakat qilishdi.
Oxirida, bergan maslahatlari o'rinli chiqdi, bizning ahvolimizga mos keldi. Boshidanoq, foydasi tegishi aniq edi.
Haqiqiy mutaxassis shunaqa bo'ladi: O'rganadi. Sizni o'rganadi. Vaziyatni o'rganadi. Keyin yechim beradi.
Chala mutaxassis esa boshqacha: Hamma narsani bilaman deydi. Sizni ayblaydi. Vaziyatni o'rganmaydi. Tez, tayyor yechimlarni beradi.
Adashtirmaylik.
@abdulloh_shamsutdinov