Abdul’Aziz Umarali (Azizbek Umaraliev)

Ҳозиргина "Space Property" лойиҳаси бўйича Дубай билан муҳим "Zoom" учрашувини якунладик.
Жиддий режалар муҳокама қилинди.
Худо хоҳласа, аниқ натижа бўлганда, бўлишамиз
🔥
🤲🏻
@azizbekumaraliev
I
Инстаграм

Бизнесмен ёки CEO ўзи нимага қараши керак?
Бу жуда жиддий савол. Кўпчилик "бизнесменман", "
CEO
'ман" дейди-ю, лекин 90% вақти "операционка"да ўтaди. Ҳар бир майда ишни ўзи "контрол" қилади, ҳамма жойга ўзи югуради, сотувчини ўрнигаям ўзи гаплашади.
Тадбиркор бизнес ичида эмас, бизнес устида ишлаши керак. Агар сиз бир кун офисга келмасангиз ва ҳамма нарса "орқага кетиб", савдо тўхтаб қолса, демак сизда бизнес йўқ. Сизда шунчаки ўзингизга ўзингиз яратиб олган иш бор, тамом.
CEO'нинг асосий фокуси учта нарсада бўлиши керак!
1. Тизим (Система). Биринчи вазифа – бизнес сизсиз ҳам соатдек ишлайдиган тизим қуриш. Қачонгача ҳамма "пожар"ни ўзингиз ўчириб юрасиз? CEO'нинг иши "пожарник"лик эмас. Унинг иши – "пожар" чиқмайдиган тизимни қуриш. Back office, сотув бўлими, маркетинг – ҳаммаси автоматлашиши керак.
2. Команда (Кучли одамлар). CEO'нинг иккинчи вазифаси – ўзидан кучлироқ одамларни ишга ёллаш ва уларни "ушлаб қолиш". Кўпчилик бунга қўрқади: "Мендан зўр бўлса, ўрнимни эгаллаб қўяди". Бу – саёз фикрлаш. Аксинча, сиз кучлиларни йиғиб, уларга мотивация, йўналиш ва эркинлик беришингиз керак. Сиз уларга эркинлик беринг, улар сизга натижа беради.
3. Стратегия ва "Видение" (Келажак). CEO – бу стратег. У компания 1 йил, 5 йил, 10 йилдан кейин қаерда бўлишини кўра олиши керак. Бозор қаёққа кетяпти? Рақобатчилар нима қиляпти? Биз эртага нима қиламиз? Агар сиз фақат бугунги касса билан овора бўлсангиз, эртага бозордан "учиб кетишингиз" ҳеч гап эмас. CEO "самолёт"ни 10 минг метр баландликдан кўра олиши керак.
CEO'нинг иши – майда ишлар билан шуғулланиш, "пожар" ўчириш эмас. Унинг иши – аниқ стратегия белгилаш, кучли командани йиғиш ва сизсиз ҳам ишлайдиган тизимни қуриш.
"Операционка"дан чиқмас экансиз, бизнесингиз ўсмайди.
Сиз бизнесингизда кимсиз? Ҳақиқий СEО бўлишда нима муаммоларга учраяпсиз, изоҳларда ёзиб қолдиринг!
👇🏻
@azizbekumaraliev
I
Инстаграм

"Эркинлик нима?" Тадбиркор учун бу нимани англатади?
Кўпчилик тадбиркорлар (ва ёшлар) эркинлик деганда биринчи навбатда молиявий мустақилликни тушунади. "Пулим бўлса, эркинман". "Хоҳлаган машинамни олсам, хоҳлаган жойга учсам – мана шу эркинлик".
Иккинчи тоифа эса "эркинлик бу – вақтни бошқариш" дейди. "Мен ҳеч кимга "отчёт" бермайман, хоҳлаган пайтим тураман, хоҳлаган пайтим ишлайман".
Тўғри, булар эркинликнинг муҳим қисмлари. Лекин булар фақат ташқи томони.
Менинг тушунчамдаги ҳақиқий эркинлик – бу инсоннинг ўз устидан ҳукмронлигидир.
Агар сизда миллиард пул бўлса-ю, лекин сиз ўз нафсингизни, хоҳишларингизни, "инстинкт"ларингизни жиловлай олмасангиз, сиз эркин эмассиз. Сиз ўша "хоҳиш"ларнинг қулисиз.
Ҳозир "эркинлик" деган ниқоб остида жуда кўп бемаънигарчилик "норма"га айланиб кетяпти. (Яқинда шу ҳақда алоҳида гапиргандим). Одамлар ичишни, чекишни, тунги клубларда юришни, ҳатто фаҳш ва бемаъни контентни "бу менинг танловим, мен эркинман" деб тан олишга уриняпти.
Йўқ, бу эркинлик эмас. Бу – энг ёмон қуллик. Бу – ўз нафсининг, ўткинчи ҳирсларининг қулига айланиш.
Инсонни ҳайвондан ажратиб турадиган нарса нима? Бу – принцип ва дисциплина. Агар одамда ички қонун-қоида, "тормоз" бўлмаса, у ҳайвондан ҳам тубанроқ бўлиб кетиши мумкин.
Тарихда бирорта инсон ўз нафсига қул бўлиб, катта натижага эришганини кўрмаганман. Исталган "крутой" тадбиркорни, спортчиними ёки олимними, қаранг – уларнинг ҳаммаси ўзини қаттиқ назорат қиладиган, дисциплинали одамлар.
Улар "хоҳламайман" деса ҳам эрталаб 5 да туради, чунки бу керак. Улар "мазали" лекин зарарли нарсани емайди, чунки бу фойдасиз. Улар вақтини бемаъни контентга ёки "клуб"ларга сарфламайди, чунки мақсади бор.
Ҳақиқий эркинлик – бу ўз танангни, ақлингни ва хоҳишларингни бошқара олиш қобилияти. Бу – Оламлар Раббисининг қонунларига бўйсуниш ва ўзингга "йўқ" дея олиш кучи.
Агар сиз фақат молиявий эркинликка эришиб, лекин маънавий томондан нафсингизга қул бўлиб қолсангиз, сиз ҳеч нарса ютмаган бўласиз. Бундай "эркинлик"да барака бўлмайди.
Биринчи ўринда ички эркинликка эришиш керак – нафсни жиловлаш керак. Ана ўшанда молиявий эркинлик ҳам, вақт ҳам ўз-ўзидан келади ва узоқ муддатли бўлади.
@azizbekumaraliev
I
Инстаграм

БИЗНEСДА УСТОЗНИ ҚАНДАЙ ТАНЛАШ КEРАК?
Ҳозир ҳамма "устоз" қидиряпти. Кимдан ўргансам экан, қандай қилиб тезроқ "успешный успех"га эришсам экан, деб. Лекин бозорни бир кузатинг, Кўпчилик "устоз" деганда Инстаграмда қиммат машина кўрсатадиган, баландпарвоз гапларни гапирадиганларни тушуниб қолган. Бу жуда катта хато.
Менга бир одамнинг қанча пул топганидан кўра, унинг "қадриятлари муҳимроқ.
Устоз бу – шунчаки сизга "инструмент" ўргатадиган одам эмас. Устоз – бу сизга "фикрлаш"ни, дунёқарашни ўргатади. Агар бир одам миллионлаб доллар пул топаётган бўлса-ю, лекин оиласига вақт ажратмаса, ходимларини "одам" деб билмаса, алдов-қалдов йўллар билан ишини битказадиган бўлса... ундан нима ўрганасиз? Пул топишни-ю, лекин инсонийликни йўқотишними?
Мен ҳавас қиладиган тадбиркорлар бор. Масалан, 500 та, 1000 та, ёки мана 50 мингта одамни иш билан таъминлайдиганлар. Адамларда ҳам 500-600 та одам ишлаган. Улар фақат бизнес қилмаган, улар одамларни "специалист" қилиб тарбиялаган. Ўша ерда оддий ишчи бўлиб кирган одам, 10 йилда катта директор бўлиб чиққан.
Мана шунақа одамдан ўрганиш керак. Унинг мақсади фақат "ўзи" эмас, балки жамиятга, атрофидагиларга фойда бериш.
Шунинг учун, устоз танлаётганда 3 та асосий мезонга қаранг!!!
1. Қадриятлари.
Сизнинг қадриятларингизга мос келадими? Оила, дин, тўғрилик, инсонийлик – шу тушунчалар у учун биринчи ўриндами?
2. Реал натижаси.
"Гап"да эмас, "иш"да нимага эришган? Нечта одамга иш яратган? Қанча "специалист" чиқарган? (Шунчаки қанча пул топгани эмас!).
3. Инсонийлиги.
У сизга вақт ажратадими? Унинг ёнида ўзингизни эркин ҳис қиласизми? У сизни ўстиришдан манфаатдорми ёки сиздан шунчаки фойдаланишданми?
Ҳозир интернетда "жинни-ғинни" контент, аҳмоқона "мотивациялар" кўпайиб кетган. Лекин асл, фундаментал билим ва тўғри қадрият берадиган инсонлар ҳам бор.
Шунчаки муваффақиятли эмас, тўғри ва қадриятлари бутун инсондан ўрганинг. Худо хоҳласа шу орқали яхши устоз топиш шансини оширасиз
🔥
🤲🏻
@azizbekumaraliev
I
Инстаграм

Кеча муқаддас заминга етиб келдик. Тўғри, осон бўлмади, рейс 7 соат ушланиб қолди. Лекин бу ерга қўнган заҳоти ҳамма чарчоқ, ҳамма асаббузарлик унутилди.
Мана, бугун бир эспрессо ичиб, шукур қилиб ўтирибмиз.
Бу ерга келиш - ҳақиқий "тозаланиш" экан. "Обновление" дейди-ку, шунақа. Инсон ҳам жисмонан, ҳам маънан енгил тортади.
Худо хоҳласа, буни анъана қилиш керак экан. Камида йилига бир маротаба келиб, шундай янгиланиб туриш керак.
Бу ҳолатни, бу кайфиятни фақат бошидан ўтказган тушунади.
Энг муҳими, бу ерда сочни олдирганда, фақат сочни эмас, балки қалбда, мияда йиғилиб қолган ҳамма ғуборни, кераксиз юкларни ҳам қириб ташлар экансиз.
Кераксиз одамлар ҳақидаги хаёллар, бефойда ўй-фикрлар ҳаммасидан халос бўладиган жой.
Шунақа гаплар. Ҳаммага насиб қилсин, тавсия қиламан.
@azizbekumaraliev
I
Инстаграм

ТАРИХДАГИ ЭНГ КУЧЛИ ЛИДЕРЛАРДАН БИРИ!
Тарихни ўзгартирган инсонлар ҳақида гаплашганда, Салоҳиддин Айюбийни (асл исми Юсуф ибн Айюб) четлаб ўтишнинг иложи йўқ. У ҳозирги Ироқ ҳудудида, курдлар оиласида таваллуд топган.
Энг қизиқ жойи у ёшлигида кўпчилик кутганидек қиличбозлик ёки жанг санъатига эмас, балки Қуръон ва диний илмларга кўпроқ эътибор қаратган. Бу унинг келажакдаги бутун характерига, қарорларига пойдевор бўлган. У бир нечта тилларни, жумладан араб, форс ва турк тилларини яхши билган.
ЙЎЛНИНГ БОШЛАНИШИ, 31 ЁШДАГИ МАСЪУЛИЯТ
У ўз фаолиятини қариндоши Шеркуҳ қўл остида, Мисрга қилинган ҳарбий юришларда қатнашишдан бошлаган. 1169 йилда, атиги 31 ёшида, Шеркуҳ вафот этгач, Салоҳиддин Миср вазири ва Суриядан келган қўшинлар қўмондони этиб тайинланади. Тасаввур қилинг, бу ёшда шундай улкан масъулият!
У дарҳол кучли ва стратегик қадам ташлайди. Мисрдаги заиф Фотимийлар халифалигини тугатиб, мамлакатни асл сунний исломга қайтаради (1171). Бу унинг биринчи катта сиёсий ва мафкуравий ғалабаси эди.
МИССИЯ. БИРЛАШТИРИШ СТРАТЕГИЯСИ
Давоми шу ҳаволада:
https://telegra.ph/TARIHDAGI-EHNG-KUCHLI-LIDERLARDAN-BIRI-10-20
@azizbekumaraliev
I
Инстаграм

Space Marketing энди расман Яқин Шарқ бозорида!
🇦🇪
Space Group компаниялар гуруҳи асосчиси сифатида, жамоамиз билан халқаро бозорга кейинги катта қадамни ташлашга қарор қилдик.
Нега айнан Яқин Шарқ? Бу шунчаки танлов эмас, бу - аниқ стратегик қарор. Бу минтақа билан бизнинг маданий қадриятларимиз жуда яқин. У ерда биз билан "бир тўлқинда" фикрлайдиган профессионаллар ва глобал компаниялар билан ҳамкорлик қилиш учун улкан потенциал бор.
🤝
📍
Бизнинг асосий марказимиз: Дубай. Нишондаги бозорлар: Кўрфаз мамлакатлари — Қатар, Саудия Арабистони, Уммон, Баҳрайн ва Кувайт.
Олдиндаги йўл осон бўлмаслигини, қийинчиликларга бой бўлишини жуда яхши биламан. Лекин биз ўзимизга, тажрибамизга ва жамоамизга ишонамиз.
Бу йўл, шубҳасиз, динамик, кучли натижаларга бой ва ҳақиқий илҳомлантирувчи бўлади.
Дуода бўласизлар
🤲🏻
🔥
@azizbekumaraliev
I
Инстаграм

БИЗНЕС — БУ РАҚАМЛАР!
Кўп тадбиркор акалар билан гаплашсак, бизнесни тахминлар билан бошқаришади.
"Менимча, фойда бор", "Клиентлар келяпти-ку, ёмон эмас", "Айланма бўляпти"... Лекин пул аниқ қаёққа кетяпти – ҳисоб-китоб йўқ.
Агар сиз рақамларни ҳисобламасангиз, демак, бизнесни бошқармаяпсиз. Шунчаки тахмин қиляпсиз. Ва охир-оқибат, зарарга ишлаётганингизни билмай қоласиз.
Бизнесни назорат қилиш учун нима қилиш керак?
Фақат "айланма"ни эмас, соф фойдани ҳисобланг.
ҲАММА харажатни қўшинг,
реклама, ижара, солиқлар, жамоанинг ойлиги, ҳатто ўзингизнинг меҳнатингизни ҳам. Таннархни аниқ билинг!
"Ойни охирида кўрамиз" деган гапни унутинг. Ҳисоботни ҳафталик юритинг. Тизим керак.
Нима иш бераётганини ва нима бюджетни бекорга сарфлаётганини ўлчанг: реклама самарадорлиги, конверсия (сотувга ўтиш), маржа.
Реал кейсларимдан мисоллар
Биринчи мисол:
Яқинда бир тадбиркор келди. "Абдул'Азиз, маркетингга пул ажратяпмиз, лекин сотув йўқ" дейди. Таҳлил қилиб чиқдик. Ойига 300 ТА мурожаат (лид) тушяпти, лекин сотув бўлими шунчаки маълумот беряпти, лекин сотмаяпти. Рақамларни таҳлил қилмагани учун, муаммо маркетингдами ёки сотувдами – билмай ўтирибди.
Иккинчи мисол:
Бир кийим-кечак дўкони фақат чегирма билан сотадиган бўлиб қолган. Янги коллекция келса ҳеч ким олмайди, ҳамма чегирма кутади. Нимага? Чунки рақамларни эмас, "айланма"ни орқасидан қувиб, маржасини ўлдириб қўйган. Бренд "чегирмачи"га айланиб қолган.
Хулоса шуки, акалар, Бизнес бу – "тахминан яхши" дегани эмас. Бизнес – бу аниқ рақамлар, бу аниқ кўрсаткичлар, бу бошқариладиган тизим.
Стабиллик хоҳлайсизми – ҳисоб-китоб қилинг. Ўсишни хоҳлайсизми – таҳлил қилинг. Бошқаришни хоҳлайсизми – ўлчанг.
@azizbekumaraliev
I
Инстаграм

СИЗНИ БАХТСИЗ ҚИЛАЁТГАН 2 ТА КУЧЛИ ИЛЛЮЗИЯ
Келинг, бир саволга жавоб излаймиз, нега доим бахтни қувамиз-у, лекин унга ета олмаймиз? Ҳаммамиз тинмай меҳнат қиламиз, олдинга мақсадлар қўямиз, югурамиз... лекин ичимиздаги хотиржамлик ва бахт ҳисси қаёққадир йўқолиб қолаётгандек.
Бу саволга жавобни 30 йил олдин, инсон онгини ўрганган олим – Алан Уотс топган. Унинг айтишича, 99% одамлар иккита кучли иллюзия, яъни ёлғон тасаввур асирига айланган. Айнан шу алдовлар биздан энергияни, ҳаёт мазмунини ва бахтни тортиб оляпти.
Хўш, ким ўзи у Алан Уотс?
Бу инсон (1915-1973) британиялик файласуф бўлиб, содда тилда тушунтириб берган. Унинг мақсади битта эди, одамларни азобга солаётган ёлғон ғояларни фош қилиш.
Уотс замонавий ҳаётда бир аччиқ ҳақиқатни кўрган.
Биз ёқтирмаган ишимизда ишлаймиз - кераксиз нарсаларга пул сарфлаймиз - ўзимизга ёқмайдиган одамларни ҳайратда қолдириш учун. Ва буларнинг ҳаммаси қачондир келадиган "бахтли келажак" учун. Лекин ўша "келажак" ҳеч қачон келмайди.
Давоми шу ҳаволада
👇🏻
https://telegra.ph/SIZNI-BAHTSIZ-ҚILAYOTGAN-2-TA-KUCHLI-ILLYUZIYA-10-13
@azizbekumaraliev
I
Инстаграм

Қурилиш бозоридаги энг катта алдовлар!
2023-йилда иккита қурилаётган уйга инвестиция қилдим, пулларим ҳалигача музлаб ётибди. Меники майли, лекин бутун топганини тикиб, 2-3 йилдан бери ижарада сарсон бўлиб юрган одамлар ҳақида жим туриб бўлмайди.
Яқинда "Space Review" учун қурилиш соҳасининг ичидаги мутахассислар билан катта подкаст қилдик. Ўша суҳбатдан ва шахсий тажрибамдан келиб чиқиб, сизга уй олишда нималарга эътибор бериш кераклиги ҳақида аниқ, лўнда ва энг муҳим "инсайт"ларни айтиб бераман.
Уй олишда алданиб қолмаслик учун аниқ, лўнда ва энг муҳим маслаҳатлар
1. "Ҳужжати жойида" деган гапга ишонманг. 7-8 та ҳужжатни текширишни унутинг. Сизга фақат битта ҳужжат керак: ГАСН хулосаси.
ГАСН (Давлат архитектура-қурилиш назорати) хулосаси — бу қурилиш тўлиқ битгани ва яшаш учун топширилгани ҳақидаги давлатнинг якуний муҳри. Агар шу ҳужжат бор бўлса, демак, ҳокимият рухсатномасидан тортиб, қолган ҳаммасигача жойида бўлади. Бошқа майда-чуйдасига чалғиманг. Аввал шуни сўранг.
2. “Секин қурилса, сифатли бўлади” — бу ёлғон. Аксинча, қурилиш чўзилса, очиқ ҳавода қолган темир занглайди, бетоннинг сифати бузилади.
3. “Premium”, “Lux” деган маркетингга алданманг. Уйда шундоқ ҳам бўлиши керак бўлган болалар майдончаси ёки домофонни сизга катта қулайлик деб сотишади. Бу — алдов.
4. Ташқи кўринишга эмас, ички деталларга қаранг. Биз ўзбекларда сақланадиган нарса кўп. Kладофка борми? Лифт нечта? Чиқиндихона қаерда? Булар сизнинг ҳар кунги комфортингиз.
5. Эмоция билан уй олманг! “Ҳозир олмасангиз, эртага бу нарх бўлмайди” деган агрессив сотувга учманг. Шартномани уйга олиб бориб, юристга кўрсатинг, кейин қарор қилинг.
6. Ўзингиз текширинг. Қурувчининг инстаграм’идаги изоҳларни, ҳақиқий одамларнинг фикрини ўқинг. Блогерларнинг мақтовига эмас.
Энг асосийси. Агар уйни олишда кўнглингиз салгина ғаш бўлса – ОЛМАНГ! Озгина қимматроқ бўлса ҳам, қурилиши битган, ҳужжати тайёр уйни олган афзал. Сизнинг хотиржамлигингиз ҳар қандай чегирмадан қимматроқ туради.
Бу мавзуни соҳа мутахассислари билан янада чуқурроқ муҳокама қилдик.
Подкастимиз тез кунда "Space Review" YouTube каналида чиқади.
https://youtube.com/@spacereview?si=C0VFLFwFXavoMCer