Abdul’Aziz Umarali

Ҳамма ҳам бизнесмен бўлиши шарт эмас. Буни қабул қилайлик.
Ҳозир қаерга қараманг, ҳамма жойда битта гап: "Бизнес қил, ўз ишингни бошла, бошқани қўлида ишлама!". Инстаграмга кирсанг, ҳамма миллионер, ҳамма "успешный".
Бунақа хайп ёшларда нотўғри тушунча пайдо қиляпти. Гўёки сен тадбиркор бўлмасанг, ҳеч ким эмассан.
Бу - абсолютно хато фикр!
Биз тадбиркорликни ҳаддан ташқари романтикалаштириб юбордик. Лекин реал ҳаётда ҳамма ҳам бизнесмен бўлиш учун яратилмаган. Ва бунинг ҳеч қандай уяладиган жойи йўқ.
Биласизми, бизнес - бу фақат чиройли машина ва офислар эмас. Бу - 24/7 тинимсиз меҳнат, катта стресс ва ҳар куни риск қилиш дегани. Ҳамма ҳам бу юкни кўтара олмайди, ҳамма ҳам бунга мажбур эмас.
Аксинча, ўз ишининг "топ" мутахассиси бўлиш - бу жуда катта шараф ва кўпинча бизнесдан кўра анча стабилроқ йўл.
Тасаввур қилинг, оддий ходим бўлиб ишга кириб, ўз устида ишлаб, карьера қилиб, катта бир компаниянинг ижрочи директори даражасига чиқиш мумкин. Бунақа инсонларнинг ҳурмати ҳам, топадиган даромади ҳам кўпчилик ўртача тадбиркорларникидан анча юқори бўлади.
Бизга ҳозир "бизнес қиламан" деб юрган, лекин аниқ мақсади йўқ 100 та боладан кўра, ўз соҳасини чуқур биладиган 1 та кучли инженер, зўр IT-шник ёки малакали бошқарувчи кўпроқ керак.
Агар сиз кучли специалист бўлсангиз - сиз ҳеч қачон кўчада қолмайсиз. Сизга ҳар доим талаб бўлади.
Шунинг учун, модага қараб эмас, ўзингизга қараб иш тутинг. Зўр бизнесмен бўлиш қийиндир, лекин ўз касбининг ҳақиқий профессионали бўлиш - бу мана шу Ватанга энг катта фойдангиз тегадиган нуқта бўлиши мумкин.
@azizbekumaraliev
I
Инстаграм

"ТРЕНД" ОРТИДАН ҚУВГАНЛАР... ҚАНИ УЛАР?
Атрофга қаранг, кечагина "портлатган" ва ҳамманинг оғзида бўлган "бизнесмен"лар бугун қаерда? Улар йўқ. Ғойиб бўлишди.
Нега биласизми? Чунки Хайп устига қурилган бизнес - бу қумни устига қурилган уй.
Тасаввур қилинг, сиз бино қуряпсиз. Лекин фундамент йўқ. Сал шамол бўлса, ёки тренд ўзгарса - тамом, ҳаммаси қулайди. Бизнесда ҳам худди шундай.
Трендлар вақтинчалик. Бугун битта нарса модада, эртага бошқаси. Агар сиз фақат трендга қараб иш қилсангиз, тренд ўлган куни бизнесингиз ҳам ўлади.
Ҳақиқий ютуқ - бу Стабиллик.
Мен ҳар доим айтаман, шошилиш керак эмас. "Тезроқ бойиб кетаман", "битта тема қиламан" деган гаплар - бу шунчаки ўзини алдаш. Ҳақиқий тадбиркор тренд қувмайди, у система ва сифат устида ишлайди. Чунки сифат бор жойда, фундамент мустаҳкам бўлади ва нарх ҳам, даромад ҳам автоматик тарзда ошиб бораверади.
Асоссиз, фақат хайпга суянган ишнинг умри қисқа. Бизга бир кунлик натижа эмас, узоқ йиллик, баракали бизнес керак.
@azizbekumaraliev
I
Инстаграм

“Яна битта инстаграм ЭКСПЕРТми?” - деган гапларни кўп эшитябман охирги 1-2 йилда. Хар куни янги “Биринчи рақамли маркетолог”, “энг қиммат эксперт”, “1.000.000$ дан ошиқ запуск” ва шунга ўхшаш гаплар янгилик эмас.
Бугунги кунда бозорда "эксперт"лар қаерга туфламасанг қўзиқоридай ўсиб чиқябти. Бу бир томондан яхши - рақобат бор. Лекин тадбиркор сифатида менда ҳақли савол туғилади. Биз чиройли "упаковка" билан ҳақиқий натижани адаштириб қўймаяпмизми?
Келинг, холисона таҳлил қиламиз.
Ҳозирги кунда ижтимоий тармоқлардаги "Bio" кўпинча инсоннинг реал тажрибасидан кўра жарангдорроқ ёзиляпти. Сертификатлар кўп, дипломлар етарли. Лекин бизнесда энг муҳим кўрсаткич бошқа нарса эмасмиди!?
Агар сиз маркетолог бўлсангиз - сизнинг ишингиз фақат креатив расм эмаску, балки ошган савдо ҳажми, қайта сотув ва бренд эффектив танилиши. Агар сиз бошқарувчи бўлсангиз - жамоадаги соғлом муҳит ва тизимли иш жараёнидир.
Биз, Space Group’да кадр танлашда ёки ҳамкорлик қилишда битта принципга амал қиламиз: "Назариянгни эмас, реал кейсингни ва натижани кўрсат!".
Чунки китоб ўқиган одам билимли бўлиши мумкин, лекин муаммони ечган одамгина - эксперт бўлади.
Тадбиркорларга маслаҳат. Жамоангизга мутахассис олаётганда, унинг "чиройли инстаграмлари" эмас, "нима натижа қилганини" сўранг.
- Қайси қийин вазиятдан чиқиб кета олган
- Қандай натижани рақамларда кўрсата олади?
Ишнинг сифати гапда эмас - амалда, якуний натижада кўринади.
Соғ омон бўлинг!
@azizbekumaraliev
I
Инстаграм

Ҳамма "Премиум" сотяпти. Хўш, бу аслида нима дегани?
Бугунги кунда бозорга қаранг: "Премиум мажмуа", "Премиум такси", "Премиум кийим"... ҳатто "Премиум сомса". Бу сўз шунчалик кўп ва ўринсиз ишлатиляптики, унинг асл қадри йўқолиб кетди.
Келинг, очиқчасига гаплашамиз. Нархга қўшимча нолларни қўшиб қўйиш ёки логотипни тилла рангга бўяш — бу ҳали "Премиум" дегани эмас.
Унда "Премиум" нима?
1. Премиум - бу Нарх эмас, бу Стандарт. Бу — мукаммал йўлга қўйилган операцион жараён. Мижоз сиздан соат 09:00 да қандай хизмат олса, соат 21:00 да ҳам худди шундай идеал хизматни олиши шарт. Агар кайфиятингизга қараб сервис ўзгарса — бу премиум эмас, бу ҳаваскорлик.
2. Премиум - бу деталларга эътибор. Мижоз сизга катта пул тўлаяптими, демак у сиздан "шунчаки яхши" нарса эмас, "бенуқсон" нарса кутади. Кичкина хато — бу катта ишончсизлик дегани.
3. Такаббурлик ва Премиум. Мана шу энг муҳим нуқта. Агар сизнинг хизматингиз оқсаса-ю, лекин нархингиз "осмон" бўлса — бу бизнес эмас. Бу — такаббурлик.
Мижоз пулни сизнинг "бренд"ингизга эмас, ўзи оладиган Қиймат ва Ҳис-туйғу учун тўлайди. Агар сервис ва ваъда бажарилмаса, қиммат нарх — мижозни ҳақорат қилиш билан баробар.
Нархни оширишдан олдин, ўзингизга савол беринг."Менинг жараёнларим шу нархга жавоб берадиган даражада идеалми?"
Агар жавоб "Йўқ" бўлса — шошилманг. Олдин фундаментни тўғирланг.
@azizbekumaraliev
I
Инстаграм

Замонавий бизнес учун брендинг - бу шунчаки логотип эмас
Брендинг - бу чиройли шрифт, ялтироқ логотип ёки 100 бетлик мураккаб стратегия дегани эмас.
Брендингни энг кучли бир қисми - бу Ассоциация.
Бу кимдир сизнинг исмингизни эшитганда миясида "келадиган" энг биринчи сигнал ва фикр.
Мисол учун, одамлар
АбдулЪАзиз Умарали
деганда нимани тасаввур қилади?
• Маркетинг.
• Space Group.
• Миллий қадриятлар.
• Дисциплина.
Энди танганинг иккинчи томонига қарайлик. Сиз мени арзон тунги клубларда, вақтни исроф қилувчи бемаъни давраларда ёки савиясиз "хайп" ичида кўрасизми?
Йўқ. Ҳеч қачон.
Нимага? Чунки бу -
Позиционирование (Ўрин эгаллаш).
Брендинг фақат сизнинг қаерда
БОР
лигингиз билан эмас, балки кўпроқ қаерда
ЙЎҚ
лигингиз билан ўлчанади.
Бу - қадриятлар масаласи. Бу - сизнинг стандартингизга тўғри келмайдиган ҳар қандай нарсага қатъий "ЙЎҚ" дея олиш қобилияти.
Агар сиз шахсий бренд ёки компания қураётган бўлсангиз, битта қоидани эсда сақланг: Сизнинг брендингиз - бу сизнинг ваъдангиз.
Шунчаки "кўриниш бериш" муҳим эмас, муҳими - тўғри жойда, тўғри қадриятлар билан кўринишдир.
Одамлар сизни исмингизни эшитганда биринчи бўлиб нимани тасаввур қилишади?
@azizbekumaraliev
I
Инстаграм

Янги лойиҳа фундаменти қурилмоқда
🇸🇦
Ҳозирча фақат рақамлар ва таҳлил. Индустриал зоналар, локация ва бозорни жиддий тадқиқот қиляпмиз.
Бизнесда шошилиш ярамайди. Аввал ҳисоб-китоб, кейин ҳаракат. Худо хоҳласа, ҳаммасини пухта қилиб, кейин старт берамиз
🤲🏻
🔥
@azizbekumaraliev
I
Инстаграм

Буюк тадбиркорлик ва ишонч, Зубайр ибн Аввом
Очиғини айтсам, анчадан бери тарихимиздаги буюк шахслар, маънавий устозларимиз ва чин маънодаги буюк тадбиркорлар ҳаётига тўхталмай қўйган эдик. Лекин ҳозирги тезлашиб кетган ва қадриятлар бироз хиралашган даврда, ортга қараб, фундаментимиз қай даражада мустаҳкам бўлганини эслаш жуда муҳим деб ҳисоблайман.
Бизнесни шунчаки пул топиш учун эмас, балки катта бир миссия ва шахсий принциплар устига қурган инсонлар ҳақида гаплашиш вақти келди. Бугун шундай шахслардан бири
Зубайр ибн Аввом
тажрибаси ҳақида фикр алмашмоқчиман...
Мен бу инсоннинг ҳаёт йўлидан ўзим учун топган 3 та муҳим бизнес-инсайтни бўлишмоқчиман!
1. Инвестиция эмас, омонат.
У кишига одамлар ўз маблағларини топширишга навбатда туришган. Эътибор беринг, у киши пулни шунчаки сақлаш учун ("депозит" сифатида) олмаган. "Мен буни омонат эмас, қарз (инвестиция) сифатида қабул қиламан, чунки уни айлантириб, сизга фойда келтиришим ва йўқолиб кетишидан қўрқмаслигим керак" деган принципи бўлган.
Мижознинг ишончи - бу сизнинг энг катта айланма маблағингиз. Агар ҳалол бўлсангиз, капитал сизни ўзи излаб келади.
2. Инқироз пайтидаги жасорат.
У киши нафақат савдо майдонларида, балки ҳаётнинг энг оғир синовларида ҳам биринчилар қаторида турган. Ҳозирги тил билан айтганда, у киши "кризис-менеджер" бўлган. Қийин вазиятда жамоани ташлаб қочмаслик, аксинча, масъулиятни бўйинга олиб, олдинга чиқиш - ҳақиқий лидерлик белгиси.
3. Тўғри фундамент ва мерос.
У киши вафот этганда, ортидан жуда катта миқдорда активлар қолган. Лекин энг қизиғи, бу бойлик бировни алдаш ёки ноинсофлик билан эмас, балки аниқ тизим ва шахсий принциплар устига қурилган. У кишининг ҳаёти исботлайдики: виждон тоза бўлса, барака ҳам, хотиржамлик ҳам бўлади.
Бугун биз "Made in Uzbekistan" брендини дунёга олиб чиқмоқчимизми, демак, мана шундай буюк аждодларимизнинг бизнес этикасини тиклашимиз керак. Пул топиш санъат эмас, пулни ҳалол йўл билан, қадриятларни сотмасдан топиш - бу маҳорат.
Кечқурун уйга борганда, виждонимиз билан юзма-юз келганда хижолат бўлмайдиган бизнес қурайлик. Қолгани - вақт ва тизим масаласи.
@azizbekumaraliev
I
Инстаграм

GD be like
💪
Сизларда нима гап? Битта яхши эълон бор, ҳозир бўлишамиз.

"Made in Uzbekistan" - бу шунчаки ёзув эмас, миллат имзоси!
Кўпинча мендан «Маркетинг агентлигининг асосий вазифаси нима?» деб сўрашади. Савдони оширишми? Клиент олиб келишми?
Менимча, масала чуқурроқ. Маркетинг агентликларининг бурчи - “Made in Uzbekistan” деган ёзувни дунё миқёсида сифат ва ишонч рамзига айлантиришдир. Германия деганда хаёлимизга «аниқлик», Япония деганда «технология» келгани каби, Ўзбекистон деганда дунё хаёлига «ҳалоллик ва юқори сифат» келиши керак.
Space Group’нинг Араб давлатларида филиалларини очганимизнинг туб моҳияти ҳам аслида шунда.
Биз шунчаки Дубай ёки Қатарда офис очиб, даромад қилишни мақсад қилмаганмиз. Бизнинг мақсадимиз - ўзбек тадбиркорлари учун жаҳон бозорига ишончли «кўприк» бўлиш ва Ўзбекистон хизмат кўрсатиш соҳаси глобал гигантлар билан бемалол рақобатлаша олишини исботлашдир.
Лекин очиғини айтаман: Бу миссияни ёлғиз маркетинг агентлиги ёки бир гуруҳ маркетологларнинг ўзи эплай олмайди. Чунки ҳозирда ҳамма ҳам бу ғоя атрофида бирлашгани йўқ.
Биз дунё даражасидаги стратегияни тузиб беришимиз, қадоқни «конфет» қилиб беришимиз мумкин. Аммо ичидаги маҳсулот ва тадбиркорнинг ёндашуви бунга мос бўлмаса, ҳамма меҳнат - ноль.
Агар экспортга чиқаётган 10 та тадбиркордан бири сифатсиз маҳсулот сотиб, шеригини алдаб, ноинсофлик қилса, бутун миллат брендига доғ тушади. Чет эллик ҳамкор «Фалончи ёмон экан» демайди, «Ўзбек билан ишлаб бўлмас экан» дейди.
Шунинг учун, бу йўлда ҳамма ўзбек брендлари бир ёқадан бош чиқариши шарт.
Ички бозорда рақобатлашаверайлик, лекин ташқи бозорга чиққанда биз бир жамоамиз. Ҳар бир юборилган маҳсулот, кўрсатилган хизмат ортида Ватан номи турибди.
Сифат, тартиб ва бирдамлик. Глобал бренд фақат шу фундамент устига қурилади.
@azizbekumaraliev
I
Инстаграм