Mohichehra A’zam 📚

Önce biraz gülecek,
Kalbe umut katacak...

#nazm
Gina
Negadir sen meni yo’qlamay qo’yding,
Es-hushing qaytadan qaytdi joyiga.
Ertalab, tush payti, oqshomda to’yding,
Qayroqlar sayramas qalbing soyida.
Negadir mensiz ham yashashing mumkin,
Ko’zing qarmog’ida tindi havasim.
Aslida ko’ksingni tebratgan to’lqin,
Fahming yetarmikin…
Rashku arazim.
Sen go’yo baxtlisan, topganday nurni,
Mug’ambir oshyonda yupanching borday...
Shunda ham yuzingda (ochay bir sirni)
Tilamchi ko’zlarim so’zlari borday.
Beshbattar bo’lmaydi… bundan ziyoda,
Hapqirib ketaman…
Sochlaring isi -
Dimoqqa urilar iffor, ziyoday,
Uyilib, yurakka taqalib, to’zib…
Sevgilim, sen meni yo’qlamay qo’yding…
Abduvali
Qutbiddin
@boqiy_darbadarr

Yoshim bir joyga borganda o‘zbek tili grammatikasini 0 dan qayta o‘rganayotgan men: –
🥸
Magistraturaning ham javobi chiqa qolmadi-ye! Ishqilib maktabimda dars jadval tuzilishidan avval aniq bo‘lsinda.
Sizda nima gaplar?

​​
#nimadir
Doim o‘qib, o‘z ustida ishlab, bilimini o‘zi uchun isbotlab yurgan odam o‘qimay qolsa g‘alati bo‘ladi. Nima desam ekan, o‘zini hammadan ortda qolgandek, maishiylashib ketgandek, befoydadek his qila boshlaydi.
Yoz–qishloqda ish eng qaynaydigan fasl. Shunday qilib yozimning 1,5 oyi ana shu his bilan o‘tdi menda. Banka yopish, idish-tovoq yuvish, kuniga ikki mahal hovli supurish-u suv sepish degandek... Ro‘yxatni uzoq davom ettirish mumkin. Ayniqsa mendek oilaning katta farzandi bo‘lganlarga yanayam ko‘proq mas’uliyat tushadi odatda.
Tuzuk-quruq kitob ham o‘qiy olmadim. Men jismoniy faol bo‘lsamda, izlanmay qolsam, hech yo‘q badiiy kitob o‘qimay qolsam g‘irt nofaol hayotni yashayapman deb hisoblayman. Motivatsiyamni, orzularimni yo‘qotib qo‘yaman.
Kuni kecha esa men yana ilmga qaytdim. Sohamni yanayam chuqur o‘rganishga bel bog‘ladim va bu bilan o‘zimni judayam baxtiyor sezyapman. Kuz uchun ham bir qancha rejalarni ko‘zlaganman. Jim turib ish qiling, natijasi shovqin bo'lsin deyisharmidi?! Xullas, o‘xshasa bu yerda, albatta, bo‘lishaman.
Alloh barchamizning ilmimizni ziyoda qilsin. Bu yo‘lda sobitqadam qilsin. Sizlarni yaxshi ko‘raman)
@boqiy_darbadarr

Bu yerga nimadir yozish shart(mi?!)
(Qo‘shilmanglar!!!)

​​
#nimadir
Yaqinda “mondat” e’lon qilinganiga men ham 5 yil avvalgi javob varaqamni joylagim keldi.
2020-yil. Biz abituriyentlar ayni bosib o‘qishimiz kerak palla karantin boshlandi. Kamiga filologiyaning ikkinchi fani yanvar oyi oxirida ingliz tiliga almashgan. Qancha xafaliklar, endi ingliz tiliga ulguramanmi, o‘zi umuman o‘qishga kiramanmi degan xavotirlar. Chunki shu paytgacha ikkinchi blogimiz tarix edi. Men 1,5 yil davomi yotvolib tarix o‘qigandim. Endi esa mehnatlarim havoga uchgandi. Ona tili ustozimning daldasi bilan ingliz tilini ham boshladim. 1-fevraldan to karantin e’lon qilinguncha o‘qidim. Ya’ni 15-martga qadar. Karantinda ingliz tilini onlayn tarzda umuman o‘rgana olmadim. Shunday qilib vaqt ham o‘tdi. Maktabni esa bitiruv oqshomi va davlat imtihonisiz tugatgan birinchi avlod biz bo‘ldik.
Balim chiqqan kuni ancha xafa bo‘lganman. Uydagilarga ham kira olmayman deganman. Lekin baribir umidsizlik va umid bilan natijani kutardim. Nihoyat o‘sha kun keldi va men hech kutmagan joyimga o‘qishga kirgandim. Umuman olganda esa bitta qanot bilan manzilga qo‘ngandim va ortiq talaba edim. Bunga Allohning menga nasib etgan qadari sifatida qaradim. Ustozim va ko‘plab do‘stlarim, albatta, meni Toshkentda o‘qiydi deb o‘ylashardi. O‘zimning ham niyatim shu edi. Lekin taqdir bu.
4 yil o‘tdi. Go‘zal kunlarni yashadim. Eng yaxshi do‘stlarni, ustozlarni topdim. Bitirdim. Ishlayapman. Birin-ketin sertifikatlar oldim. Shaxsiy hayotim ham, kariyeram ham joy-joyida ketyapti. Va endi aminmanki, hech bir ish bejiz emas. Harakat qildim, taqdir ham menga ataganini berdi.
Hozir abituriyentlarga havas qilaman. Chunki ularda sertifikatlarni qatorlashtirib muddatidan avval ham talaba bo‘lish imkoni bor. Milliy sertifikatning eng past “C” darajasi ham kamida 20+ ballni beradi. Bizning paytda bunaqa narsalar xayollarda ham yo‘q edi. Yillar o‘tib shunday bo‘ladi deyishsa aniq og‘zimiz ochilgan bo‘lardi)
@boqiy_darbadarr

#nimadir
Hammasidan ham yurakka qiyin.
Baribir yurakka qiyin...
@boqiy_darbadarr

Sevdim)
@boqiy_darbadarr

#E
‘LON
📎
Yil oxirigacha Turk tili o‘rganmoqchi yoki noyabr oyidagi CEFR imtihoniga kirmoqchi bo‘lganlar yaqinroq kelsin.
0 dan
boshlanadigan Turk tili kursimga qabulni ochiq deb e'lon qilaman.
● Darslar haftada uch kun:
seshanba/payshanba/shanba
kunlari
21:00
da bo‘lib o‘tadi. Dars davomiyligi bir yarim, ikki soat. Boshlanish vaqti:
19-avgust.
● Mashg‘ulotlar Yeni İstanbul kitobi va taqdimotlar orqali o‘tiladi. Uch oyda barcha darajani tamomlab imtihonga kiramiz.
● Bu kursda o‘qimoqchi bo‘lganlarga ildamroq harakat qilishni tavsiya qilaman. Guruh yarmi deyarli to‘lgan. Kam sonli o‘quvchi olaman.
● Qisqa muddatli natijaga ishonmaganlar
mana bu
va
mana bu
havoladagi postlarni ko‘rishi mumkin.
● Kurs narxi:
300 ming
so‘m. Yozilish
@Shahlo_Islomovna
ga bog'laning.
– Bundan tashqari ertalabgi
A2
va kechgi
B2
ni boshlash arafasidagi guruhga ham o‘quvchi olaman. Bu o‘quvchilarim sentyabrda imtihonga kirishadi.
Hurmat bilan
Quyosh Qizi
💛

Qaytmoq– yaxshi. Boradigan manziling bo'lsa)
Avval fotiha to'y ishlari bilan, so'ngra esa telefonim bilan bog‘liq muammolar sabab kanal va kitobdan uzoqlashdim. Akkauntimga boshqa telefondan ham kira olmadim. Faqat yaqinlarim bilan bog‘lana oldim xolos. Telefonim tuzalishida ham o‘sha insonlarning yordami katta.
Kanalim ham ancha chang bosibdi. Endi davom etamiz, shu yerdaman.
Barchangizga hurmat bilan Mohichehra
@boqiy_darbadarr