ТАҒО ТАЙМ

Фирибгарлар ўта безбетлашиб кетибди. Шу рақамлардан қўнғироқ қилиб Яккасарой РОВД данман, сиз берган ишончнома билан ҳужжат сохталаштирилган дейди. Яна алламбало моддаларни қўшиб қўйяпти. Овоз эффектини сезмасам майли. Мени безовта қилма, деб қўйсам қайтиб қиляпти, нега уздингиз дейди без бўлиб. Кел санга қайтиб чиқаман, десам рақам мавжуд эмас деяпти робот.
Ўзини исм фамилия ота исмини ўзбекча айтиб, қайсидир бўлим бошлиғи деб таништиряпти. Менга чақирув қоғози жўнат, ҳозир бошлиғинг Эркин Олимовга чиқаман бўлмаса, десам ҳам қайтмайди.
Охири ушладим. Нега ўзбек бўлсанг русча гаплашяпсан, кел ўзбекча гаплашамиз, десам, иш ҳужжатлари рус тилида, жиноятчи Россия фуқароси дейди денг.
😄
Ўзбекчани жуда бузиб гапиряпти чала чулпа. Хўп мени фамилиям нима, отамнинг исми нима десам, саволни мен бераман, дейди ярамас. Мен сенга ишонишим учун фамилиямни айт, дедим. Менда ундай маълумот йўқ, деди. Ўша ишончномани олиб ўқи, ёзилган, дедим.
Қисқа гудок кетти.
Огоҳ бўлинг! Эфирда "Тағо тайм"
@hamzajumayev

Гиргиттон бўлай.
2004-йил. АҚШнинг Оклахома штати. Дўстларим ресторанга таклиф қилди. Бордик.
🦋
бўйинбоғли, фрак кийган, баланд бўйли бир жаноб буюртма олгани келди. Мен унга қараб оғзим очилиб қолган. Шерикларим буни сезиб сабабини сўрашди.
Мен содда, бу ресторанда хўжайинни ўзи хизмат қиларкан-а, дедим. Улар кулди. Йўқ, бу официант ку, дейишди. Мен эса қанақасига, бу 60 лардаги қария официант бўладими, дедим. Улар, албатта, бўлиб ҳам штатнинг энг қиммат официанти, у хизмат қилиши учун камида бир ой навбат ҳам кутиш керак, деди.
Мен баттар ҳайратдаман. Нимасига? Нима каромати бор? Бизда бу ишни ёшлар қилади. У ҳам вақтинча тирикчилик учун...
Шерикларим бу гиргиттон камига олий маълумотли экани, уларда бу алоҳида мутахассислик эканини тушунтиришади. Шу гиргиттоннинг йиллик даромади эса 180 минг
💵
.
Чек келди. Бошқа жойда 25 долларга сотиладиган овқатга 250 ни қуртдай тўладик.
Чиқиб кетаётиб орқамга қарайман. У эса оппоқ қўлқоп кийган, билагига оппоқ сочиқчани илган куйи жилмайиб кузатиб қўяди...
Нега бу воқеани эсладим? Ҳар қандай тирикчилик илм асосига қурилса у мутахассисликка айланади ва нархи ҳам баланд бўлади.
Эфирда "Тағо тайм"
@hamzajumayev

Японияда 70% одам олий маълумотли экан. Қозоғистонда 50, Ўзбекистонда 25%. Бу ҳам сўнгги йилларда таълим ислоҳотлари натижасида.
Олий ва ўрта маълумотли одамнинг фарқига бориш учун битта мисол айтаман. (Бундан гўзалроқ мисол учратмадим ҳали) НАСА космик ташкилоти очилишига ўша пайтдаги АҚШ президенти келади ва пол артаётган фаррошни учратади. Ундан нима қиляпсан, деб сўрайди. У АҚШнинг коинотни забт этишига ёрдам беряпман, дейди. Унинг ўрнида маълумотсиз ишчи бўлганида балки, кўрмаяпсизми, пол артяпман, деган бўларди...
Масалан Европада гиргиттонлик бу мутахассислик ҳисобланади. Бизда эса вақтинча тирикчилик. Мен ғарбда 60 ёшли гиргиттонни кўрганман. У хизмат қилиши учун бир ой олдиндан буюртма бериш керак, ресторан эса айнан у борлиги учун қиммат. Батафсил кейинроқ айтиб бераман...
Эфирда "Тағо тайм"
@hamzajumayev

Ветнамдан қайтиб...
Дунё мендан тўйган экан, мен-чи, унга қўйиб келдим.
Унда бир қум заррасидай эмаслигим туйиб келдим.
Якка қолиб худо билан, сабр сўраб нидо билан
Елкамдаги чандиқларни шўр сувларга чайиб келдим.
Куйган юракни совутиб исён оловин овутиб
Менга тегмас диёрларнинг офтобида куйиб келдим.
Кетар чоғим жомадонга жабр жойлаб, ситам жойлаб
Қайтишда тўлдириб қалбни, сакинатга тўйиб келдим.
Изимдаги иғволарни, ортимдан учган тошларни
Тўсиб қолди баланд тоғлар, у тоғларни суйиб келдим.
Кимнинг оромини тунаб, кимга зиёним тегди, деб
Ўйлаб ўйлаб кетган эдим.., келгунча жилмайиб келдим.
17.07.2025
@hamzajumayev

Nega 34 yil?
Nima, futbolchilarimiz avval yaxshi emasmidi? Sportchilarimiz kuchlimasmidi? Menimcha yo‘q.
Zo‘r futbolchilar bizda azaldan bo‘lgan. Jahonga chiqadigan salohiyatli sportchilar avval ham bo‘lgan. Lekin, nega o‘shanda mundialga chiqolmaganmiz?
Shaxsiy xulosam shuki, yutuqlarning ko‘lami faqat jismoniy kuchga bog‘liq emas. Hatto, kuch va mahorat nari borsa 10% ahamiyatga ega bo‘lsa kerak. Unda sir nimada?
Sir -- g‘oyada. Maqsadning shakli va ko‘lamida. Sher juda ko‘p ov qiladi, o‘ljasidan tez yuguradi, lekin kamdan kam unga yetishadi. Chunki bu yerda uning maqsadi qorin to‘yg‘azish xolos. Qochayotgan o‘ljaning maqsadi esa -- jonini asrash. Uning maqsadi shernikidan buyukroq va muhimroq. Shuning uchun u yutadi, garchi kuchsizroq bo‘lsa ham.
Bizning sportchilarga yillar davomida aynan mana shu maqsad, g‘oya maydalik qilayotgan edi. Avvalgi futbolchi golni katta gonorar uchun urardi, bugungisi Vatan uchun, millat shaʼni uchun uryapti. Avval, ozgina manfaat evaziga yengilib berilardi. Hozir esa maqsadning buyukligi oldida mayda manfaatlar ojizlik qilmoqda.
Sportchilarimiz davlatdan, millatdan qo‘llov ko‘ra boshlashdi. Ular o‘z harakatlari xalqni birlashtirishi, jipslashtirishi mumkinligini his qila boshlashdi. Bundan har qancha boylik bilan topib bo‘lmaydigan zavq tuya boshlashdi.
Noo‘rin o‘xshatish bo‘lsa ham aytaman. Masalan, nashaning kayfi xumor qilganda giyohvandga dunyoning ahamiyati qolmaydi. O‘sha hisni topish uchun hamma imkoniyatni ishga soladi, istalgan narsadan voz kechadi.
Sportdagi qo‘llov ham sportchiga yaxshi maʼnoda lazzat beradi. Uning xumori ham kuchli bo‘ladi.
Tasavvur qiling, siz bir tanlovda qatnashyapsiz. Yaqinlar, tanishlar, do‘stlar... hamma kelgan, sizni qo‘llab-quvvatlab turibdi. Albatta, o‘zingizda cheksiz kuch, ishonch his qilasiz. Maqsadingiz endi o‘zingiz emas, ular uchun ham g‘alaba qozonishga undaydi. Tabiiyki, kattaroq maqsad uchun ko‘proq harakat va matonat sarflaysiz. Endi o‘sha joyga podshoh kirib kelsa-chi? Maqsad o‘zgaradi. Endi mag‘lubiyatga haqqingiz yo‘qligini his qilasiz. Bu esa g‘alaba imkoniyatini karrasiga oshiradi.
Futbolimiz atrofida bo‘layotgan voqealardan shunday xulosa qilyapman. Endi, boshqa sohalarda ham mana shunday katta maqsad, kuchli g‘oya bilan ish yuritsak nimalar bo‘lishini tasavvur qiling!
Maqsadni kuchli g‘oyaga bog‘lab yashashimiz kerak! Aks holda olamshumul natijalarni kuta-kuta, ko‘rmasdan o‘tib ketaveramiz...
@hamzajumayev

Bayram muborak!
@hamzajumayev

Habukaturadan issig‘i.
🤣
🤣
🤣
@hamzajumayev

Президентдан ректоргача.
1-июн -- Болаларни ҳимоя қилиш куни баҳонасида сиёсатчиларнинг шахсий албомини титкиладик.
😉
@hamzajumayev

Оиласизлик.
Оилада яшамаслик ёки турмуш қурмаслик турли ижтимоий, психологик ва иқтисодий оқибатларга олиб келиши мумкин. Уларни қуйидагича қисқача баён қилиш мумкин:
1. Психологик оқибатлар
Ёлғизлик ҳисси: Инсон ижтимоий мавжудот бўлгани учун, доимий мулоқот ва эмоционал қўллаб-қувватлаш етишмаслиги руҳий тушкунликка олиб келиши мумкин.
Стресс ва депрессия: Турмуш ўртоғи ва оилавий муҳитдаги қўллаб-қувватлов етишмаслиги руҳий саломатликка салбий таъсир қилади.
2. Ижтимоий оқибатлар
Жамиятдаги ўрнининг пасайиши: Айрим жамиятларда оила қурмаслик одамга салбий қарашларга сабаб бўлиши мумкин.
Ёлғиз қарилик: Қариганда ёрдам бериш учун фарзанд ёки турмуш ўртоғининг бўлмаслиги жисмоний ва ижтимоий қийинчиликларга сабаб бўлади.
3. Иқтисодий оқибатлар
Якка тартибда ҳаёт кечириш харажатлари: Турмуш қурган инсонлар кўпинча ресурсларни бўлишиб, иқтисодий жиҳатдан самаралироқ ҳаёт кечиришади.
Қариликда таъминланиш муаммоси: Оилавий муҳитда фарзандлар қария ота-онага қараб туришади; оиласиз инсонда бу кафолатланмаган бўлади.
4. Аҳлоқий ва маънавий оқибатлар
Жамиятда кўпайиш даражасининг пасайиши: Оиласизлик кўпайса, туғилиш даражаси тушиб кетиши мумкин, бу эса демографик муаммоларга олиб келади.
Ёш авлод тарбиясига таъсир: Оила — бола тарбияси учун энг асосий муҳит. Оиласизлик болаларнинг барқарор муҳитда улғаймаслигини англатади.
@hamzajumayev

Бугун -- оила куни!
1. Лев Толстой:
«Бахтли оила – бу осмонда барпо этилган жангсиз давлатдир.»
2. Конфуций:
«Оилани тузатмасдан туриб жамиятни ислоҳ қилиб бўлмайди.»
3. Махатма Ганди:
«Агар сиз дунёда ўзгаришни кўришни истасангиз, бу ўзгаришни оиладан бошланг.»
4. Мать Тереза:
«Агар сиз жаҳонда тинчликни тарғиб қилмоқчи бўлсангиз, уйингизга боринг ва оилангизни севинг.»
5. Абдулқодир Жалилов (ўзбек файласуфи):
«Оила — инсоннинг биринчи мактаби. У ерда севги, ҳурмат, сабр ва маъсулиятни ўрганамиз.»
6. Уинстон Черчилль:
«Оила — бу бизнинг бошпана, биз ким бўлишимиздан қатъи назар, у ерда муҳаббат кутамиз.»
7. Барбра Буш (АҚШнинг собиқ биринчи хоними):
«Уйдаги муҳаббат ва дўстлик – ҳаётдаги барча муваффақиятларнинг асосидир.»
8. Ислом Каримов:
«Оила муқаддас даргоҳдир. У ерда келажак тарбияланади, инсонийлик шаклланади.»
@hamzajumayev