ТАҒО ТАЙМ

O‘zbek tili bayrami kuni bilan barcha kuzatuvchilarimni tabriklayman!
Sana munosabati bilan biz to‘g‘ri deb o‘ylaydigan, aslida noto‘g‘ri ishlatilayotgan so‘zlar haqida lavha tayyorladik.
@hamzajumayev

Шунча иш орасида расмни етказишниям ўйлайдиган президент.
👏
@hamzajumayev

Шундай яшаш керакки, одамлар бир жойларга боришингиз, пулни қаердан олишингиз ва доимий хурсандлигингиз сабабини тушунолмай қийналишсин.
Эфирда "Тағо тайм"

Трамп АҚШ мудофаа вазирлигини Уруш вазирлиги деб номламоқчи эмиш. Бу АҚШ ўз манфаатлари учун жангга ҳозир деган сигнал.
@hamzajumayev

Мустақилликни эълон қилишда ишлатилган ҳийлаи тадбир. У қандай бўлган эди? Нега биринчи президент уни эълон қилганида залдагилар реакция билдирмаган?
Ушбу лавҳада шу саволларга жавоб берилган.
Байрам муборак юртдошлар!
@hamzajumayev

Болалар учун ҳам ёқимли ҳам фойдали инновация топдим.
@hamzajumayev

Юрарди...
- Ҳа ануми, ўзича катта одам бўпқолди, юрарди мишиғини оқизиб...
Таниш гап а? Шу одатимизни ҳеч қабул қилолмадим, қилолмадим. Масалан, мен ҳам шундай одамларни биламан. Бир пайтлар ёнимизда акалаб юрган, ҳозир эса кимсан фалончи. Лекин, юрарди, ҳаммадан қарз бўлиб, дейишим тўғри бўлмаса керак.
Қайтага, шу бола интилди, омадини берсин, ҳаракат қилди, қайтмади, таслим бўлмади, маладес, деб қўйсак бир еримиз камаядими?
Ёшлигида ҳаммага мазах бўлган одам, нима умрини охиригача шундай қолиши керакми? Ё алкаш алкашлигича, ношуд ношудлигича, латта латталигича ўлиши керак деган қоида борми?
Шундай бўлса хурсанд бўламизми?
Яна бир ҳолат бор. Кўпнинг ичида ҳамма фалончи пистончиевич деб мурожаат қилган пайт, ҳа Шуқи қалесан, деб эскидан қадрдонлиги, унга шундай ваколат берилганлигини намойиш қилиш ўтакетган маданиятсизлик. Бирга-бир қолганда мумкиндир, лекин кўпнинг ичида субординация бўлиши керак. Бу ўша фалончиевич эмас, ўша "яқин"нинг ҳурматини оширади қайтага.
@hamzajumayev

🗓
Bugun “Gapiring” tok-shousining tajribali va taniqli boshlovchisi
Hamza Jumayev
ning tavallud kunlari.
🥳
➡️
Sizni bugungi shaxsiy ayyomingiz bilan jamoamiz nomidan chin dildan tabriklaymiz.

Фирибгарлар ўта безбетлашиб кетибди. Шу рақамлардан қўнғироқ қилиб Яккасарой РОВД данман, сиз берган ишончнома билан ҳужжат сохталаштирилган дейди. Яна алламбало моддаларни қўшиб қўйяпти. Овоз эффектини сезмасам майли. Мени безовта қилма, деб қўйсам қайтиб қиляпти, нега уздингиз дейди без бўлиб. Кел санга қайтиб чиқаман, десам рақам мавжуд эмас деяпти робот.
Ўзини исм фамилия ота исмини ўзбекча айтиб, қайсидир бўлим бошлиғи деб таништиряпти. Менга чақирув қоғози жўнат, ҳозир бошлиғинг Эркин Олимовга чиқаман бўлмаса, десам ҳам қайтмайди.
Охири ушладим. Нега ўзбек бўлсанг русча гаплашяпсан, кел ўзбекча гаплашамиз, десам, иш ҳужжатлари рус тилида, жиноятчи Россия фуқароси дейди денг.
😄
Ўзбекчани жуда бузиб гапиряпти чала чулпа. Хўп мени фамилиям нима, отамнинг исми нима десам, саволни мен бераман, дейди ярамас. Мен сенга ишонишим учун фамилиямни айт, дедим. Менда ундай маълумот йўқ, деди. Ўша ишончномани олиб ўқи, ёзилган, дедим.
Қисқа гудок кетти.
Огоҳ бўлинг! Эфирда "Тағо тайм"
@hamzajumayev

Гиргиттон бўлай.
2004-йил. АҚШнинг Оклахома штати. Дўстларим ресторанга таклиф қилди. Бордик.
🦋
бўйинбоғли, фрак кийган, баланд бўйли бир жаноб буюртма олгани келди. Мен унга қараб оғзим очилиб қолган. Шерикларим буни сезиб сабабини сўрашди.
Мен содда, бу ресторанда хўжайинни ўзи хизмат қиларкан-а, дедим. Улар кулди. Йўқ, бу официант ку, дейишди. Мен эса қанақасига, бу 60 лардаги қария официант бўладими, дедим. Улар, албатта, бўлиб ҳам штатнинг энг қиммат официанти, у хизмат қилиши учун камида бир ой навбат ҳам кутиш керак, деди.
Мен баттар ҳайратдаман. Нимасига? Нима каромати бор? Бизда бу ишни ёшлар қилади. У ҳам вақтинча тирикчилик учун...
Шерикларим бу гиргиттон камига олий маълумотли экани, уларда бу алоҳида мутахассислик эканини тушунтиришади. Шу гиргиттоннинг йиллик даромади эса 180 минг
💵
.
Чек келди. Бошқа жойда 25 долларга сотиладиган овқатга 250 ни қуртдай тўладик.
Чиқиб кетаётиб орқамга қарайман. У эса оппоқ қўлқоп кийган, билагига оппоқ сочиқчани илган куйи жилмайиб кузатиб қўяди...
Нега бу воқеани эсладим? Ҳар қандай тирикчилик илм асосига қурилса у мутахассисликка айланади ва нархи ҳам баланд бўлади.
Эфирда "Тағо тайм"
@hamzajumayev