ТАҒО ТАЙМ

Bugun ancha jo‘shqin boshlandi!
"Top-100 kitobxon" loyihasiga start berildi. Alisher Saʼdullayev yaqinda davlat rahbari maʼqullagan "Yangi O‘zbekiston yoshlari strategiyasi-2030" ni jamoatchilikka taqdimot qildi.
Ochig‘i yoshlar siyosati katta natijalar berayotganidan g‘ururlandim. Ularga davlat katta ishonch va imkoniyatlar berishdan to‘xtamayotganiga quvondim.
Bugunning yoshlari ozgina o‘qib izlansa istalgan sohada muvaffaqiyat qozonishi mumkin. Bunga sharoit va huquqiy asos bor!
@hamzajumayev

YOSH YOZUVCHILAR UCHUN KATTA IMKONIYAT!
Sizning mehnatingiz va iste’dodingiz munosib qadrlanish vaqti keldi! Kitobxonlik madaniyatini rivojlantirish jamg‘armasi yosh iqtidorli yozuvchilar uchun maxsus tanlov e’lon qiladi.
Biz sizga shunchaki tanlov emas, balki professional o‘sish uchun ajoyib imkoniyat taklif etamiz.
Eng kuchli 10 nafar g‘olib davlat grantiga ega bo‘ladi, moliyaviy qo‘llab-quvvatlanadi hamda ularning asarlari mualliflik huquqi saqlangan holda kamida 3000 nusxada chop etilib, keng miqyosda targ‘ib qilinadi.
Arizalar 8-apreldan 5-mayga qadar quyidagi havola orqali hamda Yoshlar ishlari agentligining hududiy boshqarmalarida qabul qilinadi.
👉
Ariza yuborish
Tanlov
nizomi bilan ushbu havola orqali
tanishib chiqishingiz
mumkin.
@kitobxonlikkengashi

Бакалаврда диплом раҳбарим бўлгандилар. Кейин ТВга ишга кирганимда устозимнинг "қора рўйхат" далигини билганман. Биринчи раҳбар бу одамни кўргиси келмаганми, ё атрофидагилар буни хоҳлашмаганми, хуллас ака "запрет" да эди.
Каримовча запретлар шундай эдики, кимнидир кўрсатиш мумкинмас, дейилдими, қайтиб уни ҳеч ким запретдан чиқармас эди. Ҳатто буни буюрган амалдор ишдан кетса ҳам, ўлса ҳам. Чунки "запрет" "катта" нинг номидан келарди.
Карим ака буни биларди. Шу боис қаршисига чиққан мухбирга, барибир беролмайсизлар, деб рад жавоби берарди.
2017-йил, ўзим ҳам ўша тузум зарбини еб, бир айланиб ТВ га қайтиб тикланганимда Firuz Allaev китоб тақдимотига чақирди. Бордим. Карим ака ҳам келган эди. Тақдимоти бўлаётган китобнинг таржимони сифатида. Тадбир сўнгида микрофон тутдим. Карим ака ҳайратда. Ие, ҳеч ким билмаса ҳам сиз биласиз ку, дедилар. Мен эса, устоз, ишимга қайтишим катта шов-шув бўлди, сизни интервьюингизни эфирга берганим учун ишдан ҳайдашса ҳам ундан катта шов-шув бўлади да, деб ҳазилга йўйдим. Лекин, бир нима бўлган тақдирда ҳам жавобим тайин эди. Аввало менга бу одамнинг ҳали ҳам запретдалигини менга ҳеч ким айтмади, қолаверса янги давр очиқлик сиёсати "қора рўйхат" га барҳам берди ку, деб туравераман.
Хуллас, Карим ака ишонқирамай, раъйимни синдирмаслик учун гапирган бўлди. Эрталабки кўнгилочар дастурда китоб тақдимотидан лавҳа кетти. Ичида Карим Баҳриев берган интервью билан...
Хонада ўтирибман, қулоғим динг! Қани шапалоқ қайси тарафдан келаркан, мабодо қўнғироқ бўлса, тушдаги такрорий эфирдан лавҳани олиб ташлашга шай турибман.
Кутганимдек, ҳеч ким индамади. Чунки энди Каримов йўқ, Баҳриев ҳеч ким учун "исталмаган шахс" эмасди. Тушда ҳам эфирга кетгач, бошимни елкаларим орасидан секин чиқардим да, акага қўнғироқ қилдим.
Карим ака на хафа, на хурсанд эди. Мен "запрет"дан ечилибманми, деб сўради. Мен, билмайман, ҳеч кимдан сўраганим йўқ, сўраганимда, тинч ўтирайлик, бермай қўяқолинг, деган жавоб бўлиши аниқлиги учун таваккал қилганимни айтдим. Ўзингизни эҳтиёт қилинг, деди Карим ака суҳбат сўнгида. Кейинги учрашувларимизда ҳам бу воқеани кўп эслвдик...
Бугун, Карим Бахриев нинг вафотидан қаттиқ изтиробдаман. Энди у йўқ. Уни "запрет"га ҳукм қилганлар ҳам. Лекин, хотиралар қолади. Одамлар онгида бошқаларга қилган амалларимиз ё ижобий, ё салбий хотира сифатида қолади...
Барча яқинларига Аллоҳ сабр берсин! Карим акани раҳмати билан сийласин. Юртдошларимга бардамлик тилайман.
@hamzajumayev

Bir murojaat — bir taqdir!
Prezident faoliyatining ilk kunlaridanoq yo‘lga qo‘yilgan murojaatlar bilan ishlash tizimi inqilobiy qadam sifatida olqishlangan edi. O‘tgan davr tizimni test qilib ko‘rish uchun yetarli bo‘ldi nazarimda. Bu davr jarayonlardagi kamchiliklar, bo‘shliqlarni aniqlab olishga xizmat qildi desak ham bo‘ladi.
Bugun masalaga yana qaytildi. Rostan ham tizimda yuzaga kelgan kamchiliklarga o‘rinli yechimlar ilgari surildi. Admistratsiya kommunikatsiyalar departamentiga bu borada jiddiy masʼuliyat
yuklandi
.
Oddiy fuqaro sifatida esa bugungi yig‘ilish menda shunday xulosa qoldirdi: "Demak, inson taqdiri, dardi davlatning kun tartibidagi muhim masala!"
Bu yaxshigina umid va ishonch beradi odamlarga.
@aloqabank_kontent

Бекободда 11-синф ўқувчиси тенгдошлари томонидан ўлдирилибди.
Kun.uz
ёзишича болага 5 кишилаб ҳужум қилишган, дўппослашган ва пичоқ билан 2 марта кўкрагига уришган.
Болага тез тиббий ёрдам кўрсатилган, бироқ бу фойда бермаган.
Ота-онага оғир. Сабр берсин.
Жуда қалтис пайт шу ўсмирлик. Болалар билан эринмасдан шуғулланиш керак шу даврда.
@hamzajumayev

Nima? TV da ko‘radigan narsa qolmadi? Yo‘o‘o‘q, hali qolgan! Bor bunday loyihalar.
Yulduz Fayziy ning Izlarim loyihasi My5 telekanalining durdonasiga aylanmoqda. Uni kuzatib boraman.
Ustoz jurnalist Sevara Tursunova haqidagi sonini ko‘rib aytmasam bo‘lmaydi, deb o‘yladim. Opa bilan birinchi prezidentga mikrofon tutganlar safida bo‘lganman bir muddat. Yosh, g‘o‘r, mahmadona, soha intrigalariga chap bera olmaydigan paytimda ulardan o‘rganganlarim ko‘p.
"Syomka" ga ikki soat avval olib chiqib qo‘yishardi bizni o‘shanda. TV dan faqat opa va men. Prezident kelishini kutish asnosida ko‘p suhbatlarini olganman. Lekin, "Izlarim" da eshitganlarim hammasi aytilmagan gap bo‘ldi men uchun. Eski xotiralarim Sevara opa bilan jonlandi. Ular eslagan damlarning qaysidir burchagida bo‘lganim yodimga tushdi.
Sevara opa o‘sha o‘sha... Vazmin, mulohazali, dilidagi tilida. Mehnatlarini rohatini ko‘rib yurganlariga havas qildim.
Yulduz Fayziyga bu hisni taqdim etgani uchun rahmat!
@hamzajumayev
https://youtu.be/fs0R80263YA?si=Vl-p51-lgOWBBHUs

Журналистлар уюшмаси аввал ҳам имконияти ва ваколати доирасида фаолият юритган. Ундан жуда катта натижалар, инқилобий ўзгаришларни кутиш керак эмас.
Шуҳрат Ориф эса уюшма раҳбарлигига тайинлангунига қадар ҳам ўз имконияти доирасида унинг асосий функциясини бажариб келаётган эди. Бу функция — журналистларнинг бошини қовуштириш. Унинг шу қобилияти ва эндиги расмий мақоми бирлашиб янада кенгроқ ва самарали нетворкинг шаклланади менимча. Ваколат ва имкониятни кенгайтириш борасида ҳам салоҳияти етарли унинг.
Ҳозир ҳамма ундан янги ўзгаришлар кутади. Уюшмага нисбатан негатив ҳам позитив ҳам энди унинг номи билан боғланади. Бу табиий жараён. Лекин, ҳеч йўқ ҳамкасбларимиз билан четдан кузатувчи мақомидан энди қўлловчи мақомига ўтсак, ўзимиз истаган уюшмани тезроқ тиклаймиз. Ҳамма нарсани яна янги раиснинг ўзига ташлаб қўйиш касбий адолат мезонларига ҳам тўғри келмаса керак...
Янги тайинлов хайрли бўлсин ҳамкасбларга!
Мен уюшмага аъзолик гувоҳномамни тортмадан олиб чўнтагимга солдим...
@hamzajumayev

U endi yo‘q...
"Dizayn" jamoasi vakili Dilshod Musabekov vafot etdi. Unga yaqin manbaning aytishicha, yaqinda Umra ziyoratiga borishdan oldin yurak muolajasini o‘tkazib, safarga borib qaytishda samolyotda tobi qochgan.
Bir necha kun avval shifoxonaga yotqizilgan sanʼatkor ko‘rsatilgan tibbiy yordamga qaramay hayotdan ko‘z yumgan.
Yaqinlariga sabr va hamdardlik bildiraman. Oxirati obod bo‘lsin! Yaxshi inson edi...
Quyida u bilan amalga oshirilgan xayrli amalning linkini qoldiraman.
https://www.youtube.com/watch?v=yfQ-rfZmvy0
@hamzajumayev

Assalomu alaykum!
9-fevral, bobomiz Alisher Navoiy tug‘ilgan kun!
Bir necha kun avval shu sanaga birorta kontent tayyorlash haqida o‘ylay boshladim va Navoiy hozirgi zamonga tushib qolsa nima bo‘lishini tasavvur qildim.
AloqaBank qoshidagi "Startap Garage" rahbari Muhammadxalilga qisqa tezis jo‘natdim. U esa jamoasidagi kreativ yoshlar bilan ushbu rolikni tayyorladi.
Sunʼiy intellekt yordamida qilingan ishning mayda kamchiliklarini maʼzur ko‘rib, mohiyatiga ko‘proq eʼtibor qaratasiz, degan umiddaman!
@aloqabank_kontent