Marketing bo'limi

Mom’s Touch O‘zbekistonda ish boshlaydi
Janubiy Koreyaning yirik fastfud tarmog‘i
Mom’s Touch
ilk bor O‘zbekiston bozoriga kirib kelmoqda. Bu kompaniyaning Markaziy Osiyo va Yaqin Sharq bozorlariga kengayishidagi muhim qadam bo‘ldi.
Franshiza shartnomasi Toshkentda
Mom’s Touch
bosh direktori Kim Don Chjon va
One Food
bosh direktori Xo‘jayev Zafar Zalulovich oʻrtasida imzolandi.
Maʼlumot uchun,
One Food
– O‘zbekistondagi UHL logistika kompaniyasi asosida tashkil etilgan oziq-ovqat va ichimliklar ishlab chiqaruvchi kompaniya.
Birinchi restoran joriy yilda Toshkentda, yaqin yillarda esa butun mamlakat bo‘ylab 60 ta restoran ochish rejalashtirilgan.
Bu kelishuv Markaziy Osiyoda ilk bor koreys fastfud brendi master-franshiza asosida ochilishi bilan ham muhim ahamiyat kasb etadi.
Mom’s Touch
– qovurilgan tovuq, burger va pitsalari bilan mashhur brend. Kompaniya o‘z mahsulotlarini musulmon iste’molchilar ehtiyojiga moslab taqdim etadi, bu esa O‘zbekiston bozorida katta afzallik, chunki aholining 88% musulmon va cho‘chqa go‘shtini iste’mol qilmaydi.
Brend hozirda Koreyada 1460 ta restoran bilan eng yirik fastfud tarmog‘i hisoblanadi. Xalqaro bozorlarda esa Tailand, Mongoliya, Yaponiya va Laosda faoliyat yuritmoqda.
Nima deb oʻylaysiz, Mom’s Touch O‘zbekiston fastfud bozorida oʻz oʻrnini topa oladimi?
Marketing oʻzbek tilida —
@marketingbolimi

Tajriba marketingi — sun’iy intellekt davrida hamon eng kuchli vosita!
So‘nggi yillarda brendlar raqamli kontent va AI yordamida auditoriyaga chiqmoqda. Lekin
eng katta ta’sir
hamon
ko‘z bilan ko‘rib, qo‘l bilan his qilinadigan tajribalar
da. Buni yaqinda Campbell’s brendi o‘zining noodatiy loyihasi orqali yana bir bor
isbotladi.
4-iyul dam olish kunlari Long Beach Island’ga boruvchi avtomobillar uzun navbat hosil qildi. Ularning hammasini birlashtirgan bitta sabab bor edi:
Campbell’s brendining dunyodagi ilk Goldfish avtomoykasi
.
Ikki kun davomida xodimlar yoqimli rangli kombinezonlarda haydovchilarni qabul qilib, avtomobillarni to‘liq tozalashdi, chang va qoldiqlarni supurib tashlashdi, hatto orqa ko‘zguga maxsus
Goldfish aromatizatorlarini
ham ilib qo‘yishdi.
Shuningdek, mehmonlar ilk bor taqdim etilgan
Flavor Wall
— turfa xil Goldfish pechenyelari bilan to‘ldirilgan “Mazali devor”dan ham bahramand bo‘lishdi.
📊
Natija: 18 soat ichida
1 300 ta avtomobil
xizmat ko‘rsatildi. Kelolmaganlar uchun esa brend maxsus
Goldfish avtomobil gilamlari
ni taqdim etdi. Ular birinchi kuni 24 daqiqada, ikkinchi kuni esa bor-yo‘g‘i 1 daqiqada sotilib ketdi.
Nega bunday tajribalar brend uchun samarali?
1.
Dopamin va mukofot hissi
– yangilik va hayajonli tajriba miyamizda “baxt gormoni”ni ishlab chiqaradi.
2.
Kutilmagan yangilik
– noodatiy voqealar kuchliroq esda qoladi va hissiy ta’sir uyg‘otadi.
3.
Ijtimoiy ahamiyat
– bunday tadbirlarda ishtirok etish odamga alohida maqom va “men ham bu jamoaning bir qismiman” degan tuyg‘uni beradi.
4.
Hissiyot + Xotira = Uzoq ta’sir
– quvonch, hayrat kabi kuchli hissiy tajribalar inson ongida yillar davomida esda qoladi.
Goldfish’ning yangi pozitsiyasi —
“Be More Goldfish” (Ko‘proq Goldfish bo‘l)
— hayotdagi mayda noqulayliklarni tez unutish, zavqli lahzalarni qadrlashga chorlaydi.
Avtoyuvish xizmati ham aynan shuni aks ettirdi: odatiy kundalik tashvishlardan biroz uzilib, kichkina, ammo quvonchli sarguzashtni boshdan kechirish.
Goldfishning avtoyuvish loyihasi shuni ko‘rsatdiki: raqamli reklama va A.I. davrida ham eng samarali marketing — bu odamlarning his-tuyg‘ulariga ta’sir qiladigan tajriba. Odamlarni hayratga soladigan noyob voqealar brendni esda qolarli qiladi va keng ommaga tarqalishiga yordam beradi. Shu sababli bugungi kunda brendlar uchun asosiy ustunlik — reklama emas, balki unutilmas tajriba yaratishdir.
Marketing o‘zbek tilida —
@marketingbolimi

Lush yopildi. Sababi: Gʻazoni qoʻllab-quvvatlash yoʻlidagi protest
Brend Gʻazodagi ocharchilikka qarshi protest maqsadida, Buyuk Britaniyadagi YUZLAB doʻkonlarini, veb-sayti va ijtimoiy tarmoqlarini toʻxtatib qoʻydi.
Saytida
esa - “Gʻazodagi ocharchilikni toʻxtating” degan yozuv va buni tushuntiruvchi matnga havola bor xolos. Yozuvlar Falastin bayrogʻi rangida.
Lush - 1994-yilda Buyuk Britaniyada tashkil topgan, tabiiy kosmetik mahsulotlarini sotuvchi doʻkonlar tarmogʻi. Bugungi kunda 52 davlatda, 900dan ortiq doʻkonlari bor. Lush dunyodagi eng mashhur kosmetik brendlardan biri.
Marketing oʻzbek tilida —
@marketingbolimi

Postlar ichidagi izohlarda tonimizni bir-oz o'zgartirdik (oxirgi ikkita postga kirib ko'ring). Shunda dialogimiz sal qiziqarliroq bo'ladi. Yoqsa davom ettiramiz, yoqmasa xayr ;)

ChatGPT kontentchi insonni ishga
taklif qilmoqda
Ha, hammaga - kontentni ChatGPT orqali yozishingiz mummin deb uqtirayotgan OpenAI kompaniyasi, ChatGPT mahsuloti uchun kontent bilan shug'ullanivchi inson xodimni, odamni izlamoqda.
Yangi xodimning lavozimi Kontent Strateg deb nomlanadi. Detallariga qaraganda,
yangi kontent-strateg quyidagi ishlar bilan shug'ullanadi
:
- ChatGPT uchun, rivojlantiruvchi, mijozlarni jalb qiluvchi va mahsulotni yaxshilovchi kontent strategiyasini ishlab chiqish
- Sayt, kampaniya va gaydbuklar orqali mijozlarni jalb qiluvchi, yuqori sifatli kontentni yaratish, yozish va tahrirlash
- ChatGPT ovoz tonini belgilash va ustida ishlash
- SEO, rivojlanish va marketing jamoalari bilan hamkorlik qilish
- Kontent va nashriyot kalendarini tuzib chiqish va amalga oshirish
- Turli xil auditoriyalarga ChatGPT haqida tushuntiruvchi xabarlar ierarxiyasini ishlab chiqish
- Maksimal konversiya, qamrov va tushunarli bo'ladigan kontentni yaratish uchun tadqiqotlar o'tkazish
- Dizayn va muhandislar jamoasi bilan birgalikda, kontentni jozibador, mijozga mos qilib chizish
Yuqoridagi talablardan ancha-muncha xulosalar chiqarsa bo'ladi:
Birinchi xulosa. ChatGPT yoki boshqa istalgan innovatsion mahsulotga ham reklama kerak va zarur. Ular ham ko'rib turganingizdek, hamma ishlarni mijozni jalb qilish, jozibadorlik, dizayn, konversiya, qamrov - degan tushunchalardan kelib chiqib bajaradi. Ular ham kampaniyalar amalga oshiradi. Lekin ayrimlar "yaxshi mahsulotga reklama kerak emas" deb o'ylashadi. Kerak.
Ikkinchi xulosa. Hammaga bir xil xabar, bir xil reklama ishlamaydi. Bitta reklama xabarining ichiga hamma auditoriyani ham sig'dira olmaysiz. Auditoriya guruhlariga qarab, xabarlaringiz turli kanallarga va turli matnlarda moslanishi kerak.
Eng muhim xulosa:
hatto ChatGPT'ga ham aqlli inson kerak. Bitta "prompt muhandis" bilan ish bitmasligini ular biladi. Lekin bizga "prompt yozishni bilsang, qolgan ishni GPT bajaradi" - deb o'rgatishadi.
Ha-ya, vakansiyaga
mana bu havola orqali ariza topshirishingiz mumkin
;)
Marketing oʻzbek tilida —
@marketingbolimi

Avtomobil bozorida yangi bosqich
Texnik jihatdan tartibga solish agentligi muhim qaror qabul qildi — endilikda Piskentdagi
UzTest
poligonida import avtomobillarni majburiy sinovdan o‘tkazish bekor qilindi. Bu tartib 2024-yil noyabrdan buyon 10 oy davomida amal qilib kelgan edi.
Bu oʻzgarishdan soʻng xorijiy avtomobillar mamlakatimizga rasmiy dilerlar orqali keltiriladi.
Maʼlumot uchun:
bugungi kunda O‘zbekistonda 21 ta xorijiy brendning avtorizatsiyalangan importchilari faoliyat yuritmoqda.
Siz mashina olishni rejalashtiryapsizmi? Endi dilerlik markazlariga murojaat qilib, kafolatlangan, to‘liq hujjatli va xizmat ko‘rsatish tizimiga ega avtomobilni bemalol tanlashingiz mumkin.
Marketing oʻzbek tilida —
@marketingbolimi

Xuan Kabral ishlarini ko'ramiz
Haftada bir marta mashhur rejissyorlar ishlarini ko'rsatishga harakat qilaman. Rubrikani men o'zim birinchilardan tanigan va eng ilhomlanadigan rejissyor - Xuan Kabraldan boshlaymiz.
Reklamalarga qiziqadigan odam, Xuan Kabralni tanimasa ham uning ishlarini ko'rgani aniq. Bitta ishi esa dunyoda ko'plab odamlarni reklamaga kirib kelishiga sabab ham bo'lgan (qarang, reklama nimalarga sabab bo'la oladi...).
https://telegra.ph/Xuan-Kabral-ishlarini-koramiz-09-02
Bu kanalda
@kreativkoramiz

Sun‘iy intellekt qo‘llanmasi
OpenAI, Google va Anthropic (yana bitta AI kompaniya) ichki S.I. qo‘llanmalarini bepul e‘lon qilishdi. Bu ma‘lumotlar orqali prompt yozish va agent qurishni mukammal o‘rganish mumkin bo‘ladi.
-
Prompting 101
(Gemini) – prompt yozishning asosiy qoidalari. Marketing, sotuv va boshqa yo‘nalishlarda savolni to‘g‘ri berishni o‘rgatadi.
- AI agentlarini yaratish bo‘yicha
amaliy qo‘llanma:
oddiy promptlar bilan agentlarni farqi tushntirilgan. *Agent funksiyasini
bu yerda
tushuntirganmiz.
-
AI at Scale
(OpenAI) – AI’ni katta kompaniyalarga integratsiya qilish strategiyasi.
Marketing o‘zbek tilida —
@marketingbolimi

Google qidiruv tizimida S.I boʻlimi paydo boʻldi Google’da qidiruv qilsangiz, birinchi boʻlib S.I javoblari chiqayotgandi. Endi esa butun boshli alohida boʻlim ochilibdi. U xuddi suratlar, videolar, yangiliklar boʻlimlari kabi, qidiruv doirasida sun’iy…

NVidia kompaniyasining 78% xodimlari - millionerlar
Nvidia, dunyodagi eng qimmat kompaniya. Uning bozordagi narxi 4 trillion AQSH dollaridan orqit. Nvidia - kompyuterlar uchun prosessor, chip va boshqa ichki qurilmalar ishlab chiqaradi. 2019-yildan keyin o'zi gigant bo'lgan bu kompaniya misli ko'rilmagan o'sishni qayd etgan.
Bugungi kunda Nvidia'ning 80% yaqin xodimlari allaqachon millionerlarga aylangan. Barcha xodimlarning 50% qismida $25 millionga teng boyliklari mavjud. Top menejerlar orasida esa hatto milliarderlar ham bor.
Bunday katta natijaning sababi o'laroq, "xodimlarning aksiyani xarid qilishi" dasturi ko'rsatilgan. Unga ko'ra xodimlar kompaniya aksiyasini 15% chegirma bilan xarid qilishlari mumkin.
Marketing o‘zbek tilida —
@marketingbolimi