Marketing bo'limi

Kanal bir oyga tanaffus oladi
Ramazon boshlanyapti. Bu oy - oʻzgarish, hayotni qayta koʻrib chiqish, tozalanish oyi.
Ishlarimizni qayta koʻrib chiqamiz. Yoki eng kamida, bir oy ma’lumotlardan shunchaki dam olamiz.
Rahmat :)
Marketing o‘zbek tilida —
@marketingbolimi

Tizer reklamani uch oy oldin chiqarsa bo‘ladimi?
O‘zbekistonda tizer reklamani YAKS brendi to‘liq ochib bergan. Shundan beri tadbirkorlar buning effektini tushunib, imkon bo‘lsa tizer qilishga harakat qilishadi.
Bugungi kunning o‘zida ham Toshkentda kamida 3 ta brendning tizeri aylanyapti. Birinchisi, Makani. Ikkinchisi, “ol” degan yozuv, kompyuter grafikali uslubda chiqyapti. Uch, “yer sayyorasini sev” degan ma’nodagi yozuv.
Tizer o‘zi - biron bir mahsulot yoki xizmat bozorga chiqishidan oldin odamlarning e’tiborini jalb qilish. Odatda, tizer’da yashirin sir bo‘ladi. Topishmoqqa o‘xshab. Nima reklama qilinayotgani bilinmaydi. Shunchaki logotip bo‘lishi mumkin. Va bunaqa yashirin narsalar muhokamasiga odamlar ko‘proq intiladi, qiziqadi-da.
Bugun bir mijozimiz so‘rab qoldilar, "tizerni uch oy avval chiqarsak bo‘ladimi, uch oy muhokama qilishsin" - deb. Yo‘q! Yaks vaqtlari o‘tib ketdi. Bugun hech kim noma’lum narsani uch oy muhokama qilmaydi. Yoki bunga judayam katta pulingiz ketadi. Qayta-qayta katta mablag‘ bilan, hali chiqmagan narsani eslatib turishingizga to‘g‘ri keladi. Mantiq yo‘q.
Bizning (605 agentligi) tavsiyasi, tizerni uzog‘i bilan 2 hafta, ana bor 1 oy qiling. Tamom. Ikki haftadan keyin darrov plizer (ya’ni topishmoqning javobini) chiqaring. Lekin bu vaqtda, mahsulotingiz javonlarda (onlayn bo‘lsa ham) bor bo‘lishi, topish judayam oson bo‘lishi kerak. Nima uchun?
Chunki aslida, hech kimga sizning mahsulotingiz kerak emas. Hech kim uni qidirib yurmaydi. Hamma joyda bor bo‘lmasangiz, shuncha pul uvol. Reklama chiqardingizmi, savdo joylarida sizni topish oson bo‘lsin. Chunki xaridor, o‘sha savdo nuqtasiga borganidagina sizning mahsulotingizni ko‘rib, "haaa, bu o‘shaku, qani bir ko‘raylik" - degan hayolga kelish ehtimoli paydo bo‘ladi. Shunday.
Marketing o‘zbek tilida —
@marketingbolimi

Uklon kompaniyasida proyekt menejer bo’ling
Uklon — ride-hailing sohasida faoliyat yurituvchi mahsulot IT-kompaniya. Jamoaga kross-funksional biznes-loyihalar bilan ishlash uchun proyekt menejer talab qilinadi.
Asosiy vazifalar jamoalarni muvofiqlashtirish, loyihalarni boshlanishidan yakunlanishigacha boshqarish, muddatlarni nazorat qilish va tomonlar bilan shaffof muloqot.
Proyekt menejer qarorlari mahsulot va biznesga bevosita ta’sir qiladi.
Talablar:
—Project / operational management sohasida 2–3 yillik tajriba
— Kross-funksional loyihalar tajribasi
— Google Workspace / MS Office, Agile / Waterfall / Hybrid bilimi
— Ingliz tili Upper-Intermediate va undan yuqori
— PM sertifikatlari afzallik hisoblanadi
Ariza topshirish uchun:
https://bit.ly/4reuMFQ
📩
Rekruter bilan bog’lanish: Yelizaveta
@lizabelelia
​​​​​​​​​​​​​​​​
Marketing o’zbek tilida —
@marketingbolimi

Sahnada Divison agentligi rahbari, Umid Ergashev soʻzlayapti. Auditoriya orasida bir qiz, “marry me Divison” deb yozilgan plakat koʻtarib chiqsa boʻladimi
😳
🤯
🤯
🤯
Marketing oʻzbek tilida —
@marketingbolimi

Barcha Muhrim akadan ko'chib o'tgan obunachilarga salomlar bo'lsin :) Ismim Otabek, 605 agentligi hammuassisiman (Onasini emsin, Issiq-sovuq qilamiz degan reklamalarni eshitgan bo'lsangiz, bu biz)
Bu yerda men marketing atrofidagi mavzularda postlar yozib turaman. Bu kanalni 2018-yili ochgandim. O'zbek tilida marketing haqida ma'lumot hech qayerda yo'q edi. Shunda o'zim birinchi marketing kanal ochaqolay deb, boshlangan :)
Ilmiy maqolalar yozolmayman. Kunda-kunora marketing olamidagi yangilik, fikr, mulohazalar bo'ladi.
Marketing o‘zbek tilida —
@marketingbolimi

Korzinka'ning yashirin reklamasi
ongostiga joylashadi
Yaqinda bitta mayda detalni payqadim. Ham qiziq-kulgili bo‘ldi, ham qoyil qoldim.
Bir juda mashhur jurnalist borlar - Muhrim A’zamxojayev. O‘zbekistondagi eng yirik internet nashrlaridan birining bosh muharriri. Muhrim aka
Instagram sahifalarini qiziqarli yuritadilar.
Tez-tez video chiqaradilar. Tinch, mulohazali, qiziqarli mavzularda, reklamasiz.
Mana shu videolarni tomosha qila boshlaganimda, bir noodatiy narsa ko‘zimga tashlandi. Deyarli har bir videoda Muhrim akaning yonida, stol ustida yoki kadrda bir xil brend mahsulotlari paydo bo‘la boshladi. Suv. Pechenye. Salfetkalar. Bularning hammasi, Korzinka’ning 365 Kun brendi mahsulotlari.
Muallif bu haqda gapirmaydi. Hech narsani sotmaydi. Maqtamaydi. Hech qanday “hamkorlik”, "reklama" degan so‘zlar yo‘q. Shunchaki har safar brend kadrda juda sokin va tabiiy tarzda mavjud. CHunki hayotda ham shunday. Stolda turadigan mahsulot.
Avvaliga “tasodifdir” deb o‘ylashingiz mumkin. Keyin yana bir video. Keyin uchinchisi. Keyin esa sekin-asta ongostida saqlanishni boshlaydi. Siz bu brendga o‘rganib borasiz. "Overton tuynugi" - desam a =)))
Yo‘q. Buni mohirona "product placement" deb ataymiz. Chunki bu ochiq reklama emas. Bu integratsiya ham emas. Bu shunchaki mavjudlik hissi. Go‘yo brend u yerda har doim bo‘lgandek.
Men aynan shunaqa topilmalarni yaxshi ko‘raman. Apple serial va kinolarda xuddi shu uslubdan yillar davomida foydalanib keladi. O‘zbekistonda ham buni ortiqcha shovqinlarsiz qilishayotganini ko‘rib xursand bo‘ldim. Yashirin reklama mana shunday bo'ladi
👌
Marketing o‘zbek tilida —
@marketingbolimi

Nima uchun Click marketingga 100 milliard so‘m sarflaydi
Sizga eksklyuziv ma’lumot olib keldim. Click kompaniyasi, marketingga 100 milliard so‘m sarflar ekan. Click’ning marketing byudjeti menimcha birinchi bor ochiqlandi. Yana bilmadim. Lekin gap summa haqida emas...
Men Click asoschilaridan biri, Ulug‘bek Rustamovga oddiy savol berdim:
"Bozordagi eng kuchli mahsulotlardan biriga ega bo‘lsangiz, nima uchun qimmat-qimmat roliklar olaslar, taqdimotlar, kommunikatsiyalar, shuuncha marketing aktivatsiyalarini o‘tkazaslar?" - deb, aslida ritorik savol bergandim.
Chunki ko‘pchilikda "agar mahsulot yaxshi bo‘lsa, reklama kerak emas" - degan tushuncha bor.
Ulug‘bek akaning javobi esa kutilganidan ham sodda va ochiq bo‘ldi.
"Click bir yilda marketingga taxminan 100 milliard so‘m sarflaydi. Bu ham mahsulotning barcha imkoniyatlarini odamlarga yetkazish uchun yetarli emas." - dedi Click rahbari.
"O‘shnaqa o‘ylaydiganlarga mahsuloti yomon lekin reklamasi zo‘r produklarni ko‘rsatib qo‘ygan bo‘lardim, bunaqa misollar ko‘p" - deb qo‘shimcha ham qilib qo‘ydilar.
Haqiqatdan bunday kompaniyalar bozorda bor. Mahsuloti yoki xizmati yengil qilib aytganda "tortmaydi". Reklamasi WOW.
Lekin gap boshqa narsada. Hatto kuchli mahsulot ham o‘z-o‘zidan odamlar uchun tushunarli bo‘lib qolmaydi. Mening ritorik savolimdan maqsad ham, shu javobni kompaniyaning egasidan eshitish edi.
"Kompaniya ichida mahsulot doimiy ravishda yaxshilanadi. Agar mahsulotingizning afzalliklarini tushuntirmasangiz, u ko‘pchilik uchun shunchaki yana bir ilova bo‘lib qoladi." - deb davom ettirdi, Ulug‘bek aka.
Demak, marketing bu o‘zgarishlarni doimiy ravishda va kreativ uslub bilan odamlarga yetkazmasa, ular haqida hech kim bilmaydi. Xuddi siz ish qilmagandek bb qolasiz.
Shu yerda kommunikatsiyaning roli sezila boshlaydi. Kommunikatsiya mahsulotni yaxshilamaydi. U uni odamlarga ko‘rsatadi.
Yana, Click qanday reklamalarni xush ko‘rishini ham bilib oldik. "Reklama shunday bo‘lishi kerak-ki, odamlar uni reklama ekanligini sezmasin. Biz mana shunday standartga intilamiz" - deb javob yakunlandi.
Marketing o‘zbek tilida —
@marketingbolimi

⭐️
Tashkent Marketing Forum 2026 — Local Opportunities bo‘limi
Bo‘lim kuratori:
Otabek Sharapov, 605 Agency rahbari
Spikerlar:
▫️
16:00 -16:30 Mirzo Qodirov
, IMAN Digital Projects marketing bo‘yicha direktor
Mavzu: Islom moliyasi va marketing: qadriyatlar asosidagi marketing qanday bo‘ladi?"
▫️
16:30 -17:00 Jahongir Yusupov
CMO - O! Brands (Oqtepa Lavash, O!Kafe, Milly)
Mavzu: 2026-yil Marketing trendlari
▫️
17:00-17:30 Guzal Qodirova
, СМО KFC, Costa Coffee
Mavzu: Xalqaro brendlar O'zbekistonga qanday kirib keladi. KFC va Krispy kreme misolida
"
▫️
17:30-18:00 Umid Ergashev
, Division agentligi hammuassisi va direktori
Mavzu: Lokal kod: Bozorga kirish va uni egallashda global standartlar hamda o‘zbekona moslashuvchanlik uyg‘unligi
▫️
18:00-18:30 Azizibek Yusufov
, Mirror Management, WorldWide Media rahbari
Mavzu: Oʻzbekistondagi samarali media vositalariga sharh
▫️
18:30-19:00 Otabek Sharapov
, 605 Agency rahbari
Mavzu: Qanday qilib odamlarning Top of Mindiga kirish mumkin?
Batafsil ma’lumot uchun:
https://tmf26.marketing.uz/uz
Marketing o’zbek tilida —
@marketingbolimi

Qanday qilib Anthropic AI kompaniyasi, odamiy brend quryapti
AI janglari davom etadi. OpenAI reklamalar ChatGPT'da paydo bo'lishini e'lon qilganidan so'ng, Anthropic kompaniyaci Claude'da reklama yo'qligini aytib troll qilganday reklama chiqardi. Qizig'i, asoschilar o'zlari OpenAI'dan chiqqan xodimlar.
Umuman, Anthropic hammamizga odamiy brend qanday qurilishini jonli ravishda ko'rsatib beryapti. Ularning marketingini tahlil qilib, kuzatib borishni judayam tavsiya qilaman.
Hammasi B2B yo'nalishdan boshlangan. Anthropic o'zlarini shunchaki "chat" emas, butun boshli AI institut sifatida pozitsiya qilishdi. Tinmasdan AI haqida haqiqiy chuqur tadqiqotlar o'tkazib, uni ommaga bepulga e'lon qilishdi. Bu tadqiqotlardan butun dunyo dasturchilari, kompaniyalar foydalanib kelmoqda.
Kompaniya 2021-yilda tashkil topilgan. 2024-yilgacha moliyaviy ko'rsatkichlari deyarli o'smagan. Ammo keyiiiin... Raqamlar vertikal tarafga uchib ketgan (skrin ko'ring). Hozir yillik daromadi $4 milliarddan ko'p.
Keyin B2C sektorga o'tishdi. U yerda ham o'zlarini digital dunyo bilan cheklab qo'yishmadi. Bannerlar, gazetalar, hammasida brendga ishlaydigan reklamalar aylana boshladi.
Birinchi bo'lib reklama sifatida vaqtinchalik kafe ochishdi. Tasavvur qilyapsizmi? AI kompaniya va qahvaxona. Reklama uchun. Yaqinda esa Formula 1 bilan shartnoma tuzdi. Ungayam mahsus reklama chiqardi. Blogerlar bilan ketma-ket kollaboratsiyalar. Endi esa ChatGPT'dagi reklama ustidan kulib chiqibdi =))
Xulosa o'rnida: yuqoridagi marketing ishlarining hammasi mahsulotni TOP darajaga olib chiqish bilan parallel ravishda olib borilyapti.
Ya'ni eng avvalo - mahsulotni ustida doimiy ishlashadi, yangiliklar va qulayliklar kiritishadi, turli korporatsiyalar bilan kelishuvlarga erishyapti. Shuningdek, "mahsulot zo'r bo'lsa bo'ldi" degan fikrga ham suyanib qolmay, emotsional brend qurishyapti.
Maqolada keltirilgan reklamalarni izohlarga joylab qo'yaman. Bu yerga yuklashga erindim va vaqt yo'q. Uzr
🙃
Marketing oʻzbek tilida —
@marketingbolimi

Oʻzbekistonda dorixona birinchi bor robotlashtirildi
Instagramdagi
mana bu videoni
koʻrib xursand boʻldim. Oʻzbekistonda oddiy dorixona robotlashtirilibdi. Bu yerda oddiy - kamsitish ma’nosida emas. Ya’ni dorixonalar tarmogʻining ombori emas, yoki avtomobil zavodi emas - dorixona. Zoʻr-a.
Mana bu ish agar toʻgʻri qoʻllanilsa - qoʻshimcha qiymat boʻla oladi. Qoʻshimcha qiymatlar esa brendni shakllantiradi.
Shu qurilmani olib kelgan odamlar agar shu uskunani boshqalarga ham sotishni rejalashtirgab boʻlsa (katta ehtimol bilan shunday), ular barcha maanfatlarni mijozlarga koʻrsatib berishsa sotuvga ancha yordam beradi deb oʻylayman.
Chunki menimcha uskunani oʻrnatish, birinchi qarashda qimmatga aylanadi, ammo mijoz undan oladigan foydasi koʻpligiga ishonaman.
Oʻquvchilarimiz nima deb oʻylaydi? Kerakmi bu robot yoki befoydami?
Marketing oʻzbek tilida —
@marketingbolimi