MEHROB HIMMATI

ЯХШИ АМАЛ ҚИЛИШ ФИКРИ АЛЛОҲНИНГ “МЕҲМОНИ”ДИР
Ҳакимул уммат, Мавлоно Ашраф Али Таҳонавий қуддиса сирруҳ шундай дейдилар: “Қалбга, бирон яхши амални қилиб олайин, деган ўй келиши сўфийлар истилоҳида “ворид” дейилади. Яъни, мен шу савоб ишни қилайин, намоз ўқиб олайин, таҳажжудга турайин, садақа берайин, биродаримга ёрдам қилайин, дўстимнинг ғамини кетказайин, деган каби ўйлар келишини “ворид” дейдилар.
“Ворид” Аллоҳ таоло тарафидан келган меҳмондир. Агар сен бу меҳмонни бироз бўлса ҳам иззат қилсанг, меҳмоннавозлик кўрсатсанг, у ҳолда у яна келади. Қайси яхши амални қилиш фикри қалбингга келса, ўша заҳоти уни бажариш меҳмоннавозликдир. Агар сен бир мартта меҳмоннавозлик қилмасанг, у меҳмон жуда ҳурматга сазовор бўлгани сабабли ҳузуринга бошқа келмай қўяди. Унинг қайтиб келмай қолишидан паноҳ сўрагин. У меҳмон қайтиб келмай қолиши, дегани, энди қалбга яхши амал қилиш фикри келмайди деганидир.
Аллоҳ таоло сақласин. Қалбга муҳр босилса, занг қопласа, ана ўшанда яхши амал қилиш фикри келмай қолади.
“Насиҳатлар гулдастаси”дан.
@mehrob_himmati

АЛЛОҲ ТАОЛО БАНДАНИНГ ТАВБАСИДАН НИҲОЯТДА ХУРСАНД БЎЛАДИ
Расулуллоҳ соллаллоҳу алайҳи васаллам бу ҳақда кўп марта айтганлар. Жумладан, бир ҳадиси қудсийда Аллоҳ таоло:
«Мен бандам гумон қилганидекман. у Мени эсласа, Мен у билан биргаман»,
деган.
Расулуллоҳ соллаллоҳу алайҳи васаллам шундай дедилар:
«Аллоҳ таоло бандаси тавба қилганида саҳрода уловини топган киши хурсанд бўлганидан ҳам кўпроқ хурсанд бўлади».
Аллоҳ таоло шундай дейди:
«Ким Менга бир қарич яқинлашса, Мен унга бир зиро яқинлашаман. Ким Менга бир зиро яқинлашса, Мен унга бир қулоч яқинлашаман. У Мен томон юриб келса, Мен унга ундан тезроқ юриб бораман»
(Имом Муслим ривояти).
"Энг шарафли уммат"
@mehrob_himmati

Қуръон ўқилган уйга фаришталар келади, бундай уй хонадон аҳлига кенг бўлади
Анас розияллоҳу анҳудан ривоят қилинади: «Расулуллоҳ соллаллоҳу алайҳи васаллам шундай дедилар:
«Қуръон ўқилган уйга фаришталар келади, шайтонлар ундан узоқ бўлади. Бундай уй ўз аҳлига кенг бўлади, яхшилиги кўпаяди, ёмонлиги камаяди. Қуръон ўқилмайдиган уйга шайтонлар келади, фаришталар қочади, бундай уй ўз аҳлига тор бўлади, унинг яхшилиги кам бўлади, ёмонлиги кўп бўлади»
(Имом Муҳаммад ибн Наср Марвазий ривояти).
✅
Яқинларингизга улашинг!
@mehrob_himmati

ЭНГ АФЗАЛ ИБОДАТ
Ҳикоя қилишларича, Абдуллоҳ Умарий имом Моликка мактуб йўллаб, уни узлатга чекиниб, фақат тоат-ибодат билан машғул бўлишга чақирди. Имом Молик унга қуйидагича жавоб ёздилар: "Аллоҳ таоло ризқларни тақсимлагани каби амалларни ҳам тақсимлаб қўйган. Баъзи инсонларнинг қалбини намозга очиб қўйган, лекин рўзага очмаган, баъзиларнинг қалбини садақа қилишга очиб қўйган, лекин рўза тутишга очмаган бўлади. Ибодатларнинг энг афзали илмни ёйишдир. Аллоҳ таоло менинг қалбимни шунга очганидан мингдан минг розиман. Менинг ҳолатим сизнинг ҳолатингиздан пастроқ деб ўйламайман. Умид қиламанки, иккимиз ҳам яхшилик ва эзгуликдамиз".
"Солиҳлар гулшани" китобидан.
@mehrob_himmati

Шукур қилмоқ одамларни рози этмоқдан осонроқдир
Убайдуллоҳ ибн Абу Нуҳ айтади: Бир киши мендан сўради: Аллоҳ субҳанаҳу ва таолога ёқмайдиган қанча ишларни қилдинг, Аллоҳ эса сенга яхшиликлар қилди, саноғини биласанми?
– Уларнинг сон-саноғи йўқ.
– Роббим, деб илтижо қилганингда сени бирон маротаба ёрдамсиз ташлаб қўйдими?
– Йўқ. Аллоҳга қасамки, У ҳамиша менга яхшиликлар қилди, мадад берди!
– Сўраган бирон нарсангни бермаганми?
– Аллоҳ менга бирон нарсани рад этибдими?! Ахир қачон сўрасам, албатта берган-ку. Қачон ёрдам сўрасам, Аллоҳнинг ёрдамига эришганман.
– Агар бирон киши сенга юқоридаги нарсаларнинг биронтасини қилса, сен унга қандай жавоб қайтарган бўлардинг?
– Мен унинг мукофотини бера олмасдим.
– Сенинг шукрингга Роббингдан-да ҳақлироқ ким бор?! Аллоҳга қасамки, Аллоҳга шукур қилмоқ одамларни рози этмоқдан осонроқдир.
@mehrob_himmati

Аллоҳ таолодан узоқлаштирувчи, ҳалокатга олиб борувчи бахиллик дардининг давоси молни сарфу инфоқ қилишдир. Лекин баъзида бу сарф исроф даражасига ўтиб кетади. Натижада бахиллик касаллигидан халос бўламан деб киши исроф дардини орттиради. Мисол учун, тананинг совиб кетиши ҳароратни кўтариш билан муолажа қилинади. Аммо ҳароратни кўтариш ҳаддан ошса, бу ҳам касаллик. Аслида ҳарорат ва совуқлик ўртасида тенглик бўлиши лозим эди. Шунингдек, исроф ва бахиллик орасида ҳам мўътадилликни сақлаш керак. Токи бизга керак нуқта икки тарафдан бир хил узоқликда жой олсин.
Абу Ҳомид Ғаззолий
@mehrob_himmati

Охират учун сармоя
Дунёда ва охиратда филиаллари бор ягона банк -
"Садақа
"
(эҳсон)
банкидир.
Унга бу дунёда
(маблағ кўринишида ажр-савоблар)
қўясиз ва охиратингизда ундан
(улуш, фойда)
оласиз.
Ҳисобингизни фаоллаштиринг.
Доктор Аҳмад Ийсо Маъсоравий
.
✔️
Эзгу ишларни “MEHROB HIMMATI” билан бирга амалга оширинг!
Эҳсон қилиш учун:
🌙
HUMO:
9860090105667720
BOBOSHER JUMAYEV
UZCARD:
6262720197332284
BOBOSHER JUMAYEV
"SAXOVAT" XAYRIYA JAMOAT FONDI
Asia Alliance bank:
Ҳ/р: 20212000505392419001
(МФО 01095)
ИНН 207339666
Хайрия қилиш учун устига босинг
👇
Clic
|
Payme
|
Paynet
✅
Яқинларингизга улашинг!
🌐
Instagram
|
🌐
Telegram

ПУЛ АСЛИДА РОҲАТ ЭМАС
Пул, бойлик аслида роҳатга сабаб нарса эмас. Пулнинг ўзи инсонга ором бера олмайди. Пул бўлсаю, лекин унда барака бўлмаса, роҳатга эмас, аксинча, азобга сабаб бўлади. Шунинг учун Набий соллаллоҳу алайҳи васаллам таҳорат асносида:
“Эй Аллоҳим! Гуноҳимни кечир, ҳовлимни кенг қил ва ризқимга барака бер”
, деб дуо қилганлар. (Имом Аҳмад ва Имом Насоий ривояти)
Эътибор қилинг, Набий соллаллоҳу алайҳи васаллам ризқнинг кўп бўлишини сўрамадилар. Балки, “эй Аллоҳим! Менинг ризқимга барака ато қил”, дедилар.
“Насиҳатлар гулдастаси”дан.
@mehrob_himmati

ЖИМ ТУРИБ ЗУЛМГА ШЕРИК БЎЛМАНГ
❤️
Шайх Саййид Раҳматуллоҳ Термизий
✅
Яқинларингизга улашинг!
🌐
Instagram
|
🌐
Telegram

• Бахтни ҳис этиш учун ғам-ташвиш чекиб кўриш керак.
• Ютуқни қўлга киритиш учун муваффақиятсизликни бошдан ўтказиб кўриш керак.
• Яхшиликни ажратиб олиш учун ёмонликка назар солиб кўриш керак.
• Яхши кўришни ҳис этиш учун кароҳиятни ҳам билиб кўриш керак.
• Ғалабани ҳис этиш учун мағлубиятга учраб кўриш керак.
• Ҳузур-ҳаловатни ҳис этиш учун оғриқни тотиб кўриш керак.
Демак, ҳар бир неъматнинг қадрига етиш учун ундан маҳрум бўлиб кўриш керак. Улар бўлмаганида ҳеч нарсанинг қадр-қимматини ҳис этмаган бўлар эдик.
@mehrob_himmati