қыр баласы

Мүмкін сендер мүлде әйел алмай-ақ қоясыңдар?

Ұзату тойға 350 адам келеді, бірақ қонақтың бәрі еркек, бір әйел жоқ. Бұл не өзі?
Сонда шариғат бойынша әйелдердің тойға келуіне болмайды да, қызыңды 350 еркектің алдында ұзатуға бола ма?

Осы “арқайың” деген сөздің мағынасы қандай?
Қай жақта қолданылады? Батыс, оңтүстік?

Тауықсыз да таң атады.

Реал Қазақстанға күнде келіп жатқан жоқ. Тарихта тұңғыш рет. Бәлкім соңғы рет… Көрермені мен жанкүйері ең көп “футбол” деген спорт түрінде ең танымалы да Мадридтің Реалы.
Біреу бетперде киіп барайық, біреу 24 мың барабан алып барайық, біреу ойынды Астанада өткізейік дейді. Әркімдікі өзінше дұрыс-ақ, қарсылық жоқ.
Мендегі алып-қосар жалғыз нәрсе… бай-бағлан, дәу-дөкей, ығай мен сығайлар онсыз да екі күннің бірінде Еуропада жүреді.
Сол үшін билеттің бағасы со’кісілерге ғана қолжетімді болмаса екен. Орталық стадион Реалды сүйетін, Қайрат үшін күйетін халыққа толса екен. Ол күн қалталылар үшін қарапайым күн болса да, қарапайым қауым үшін қайта келмес мүмкіндік іспетті.
Бәрін айт та бірін айт, Реал мен Қайраттың кездесуі жұрттың қалтасын қағатын емес, өмірінде бір мәрте көңілін табатын сәт болсыншы.

Астанаға күзбен бірге ыстуденттер келіп жатыр. Неге тым көпсіңдер?

Ред флаг дегенді жаттап алып, көрінген жерге қыстыра бергенді қойыңдаршы, қарақтарым
🤣
Орынсыз пікірлеріңді орынсыз жерге тықпалай бергендеріңді қоймасаңдар “өмір” деп аталатын сұм неме сол қызыл жалауды бір жерлеріңе тығып қояды.

Сұрағаның үшін бас шауып, тіліңнен ет кесіп алмайды. Оған бола ешқашан айыпты емессің. Білмейтін жерде сұрағың көбірек болсын. Қажет болса тағы сұра, сұрай бер.

Ертең ақ кебінге оралып, қара жердің қойнына кіргенде түсінесің, біреулердің лайк пен қаралым үшін бейітіңді суретке түсіріп, әлемжеліге салып қойғанының қандай ауыр болатынын. Сол кезде “мұның не?” деуге мүмкіндігің болмайды, әттең…

Білегін бесік қылған,
Қарызбын ақ шашына.
Жүрегін есік қылған
Жұмақтың бақшасына.
Тербетті тал бесікте,
Тербеліп қалды фәни.
Бөледім жер бесікке
Анашым әлди-әлди.
Періште қай ғаламда
Пейішке барасың ба?
Адам көп айналамда
Анам жоқ арасында.
Өмірде көп амал бар,
Өлімнің жоқ амалы.
Анасы жоқ адамдар
Құдайдың балалары.
Айналып бақсы күндей
Болады елес пайда.
Анамның ақ сүтіндей
Зәм-зәм су жоқ ешқайда.
Ақ нұрға боянарсың,
Жүрегім мәңгі сәби.
Жұмақта оянарсың
Анашым әлди-әлди...
Ақжол Түменбай
Әнге сілтеме:
https://youtu.be/YDs1_vUxrwY?list=RDMMYDs1_vUxrwY
Әуені де, өлеңі де жүректі елжіретіп жібереді екен