Chiqindilarni boshqarish agentligi | Агентство по управлению отходами

#PressTur
#Samarqand
5⃣
Chiqindilarni boshqarish agentligi tomonidan Samarqandda tashkil etilgan press-tur doirasida:
⚙️
Chiqindi tashuvchi elektr motorollerlar endilikda Samarqandda ishlab chiqarilmoqda
OAV vakillari Ekologiya vazirligi bilan hamkorlikda Samarqand shahrida joylashgan “ELXOLDING” korxonasi tomonidan “ELDOSH” brendi ostida chiqindilarni tashish uchun moʻljallangan uch gʻildirakli sanitar mototsikllarning ishlab chiqarish jarayonlari bilan yaqindan tanishtirildi.
Korxonada bu yoʻnalishda qoʻshimcha 100 ga yaqin ish oʻrni yaratilgan. Mototsikllarning benzin va elektorli turlari mavjud. Ular shahar hududi koʻplab mahallalardagi tor koʻchalarda ham bemalol harakatlanib, chiqindilarni tashib chiqishi bilan afzal sanaladi.
Qolaversa, 2 kishili salonda yoz va qish fasllariga moslashtirilgan sovutish hamda isitish tizimlari yaratilgan.
Benzinli motoroller 6 litr benzin sarfi bilan 1 tonnagacha (3,5 kub.l) chiqindini 100 km masofaga bemalol tashiy oladi.
Elektrli motorollerlarda esa 150 amperli 72 voltli quvvatlagich joylashtirilgan boʻlib, 1 tonna yukni 60-80 km masofaga tashib borish xususiyatiga ega. Muhim jihati barcha texnikalarga 1 yil kafolat muddati mavjud.
JARAYON
Veb-sayt
|
Telegram
|
Facebook
|
Instagram
|
YouTube

#PressTur
#Samarqand
4⃣
Chiqindilarni boshqarish agentligi tomonidan Samarqandda tashkil etilgan press-tur doirasida:
♻️
Samarqandlik “Tabiat himoyachisi” chiqindi tashish barobarida uni qayta ishlashda ham faol
Press-turning ikkinchi kuni Kattaqoʻrgʻon shahridagi “Anvarjon Biznes invest” sanitar tozalash korxonasi misolida qayta ishlash faoliyati bilan tanishtirildi.
Maʼlumot uchun:
Respublika boʻyicha chiqindilarni qayta ishlovchi jami 270 ga yaqin korxona mavjud. Birgina 2024-yilda respublika boʻyicha yigʻilgan 14 mln tonna chiqindining 5,2 foizi qayta ishlangan.
Mazkur korxona 2015-yildan beri faoliyat olib borayotgan boʻlib, rahbari Gulmira Jumayeva unda 426 ta ish oʻrni yaratilgan. Shundan, 120 ta ijtimoiy himoyaga muhtoj daftarlarga kiritilgan aholi ish bilan taʼminlangan.
Korxona Kattaqo‘rg‘on shahri hamda Kattaqo‘rg‘on, Narpay va Paxtachi tumanlariga sanitar tozalash xizmatini koʻrsatadi. Unda hududda mavjud jami 207 MFYdagi 100 foizda 700 ming nafar aholi qamrovga olingan. Jarayonga 90 texnika jalb qilingan boʻlib, toʻliq GPS onlayn tizimiga ulangan.
Korxona tomonidan 4 ta hududda bir kunda 280 tonna chiqindi olib chiqilib, shuning 20 tonnasi qayta ishlanadi. Birgina 2025-yilning 6 oyi davomida 50 ming 400 tonna olib chiqilgan chiqindining 3 600 tonnasi qayta ishlangan.
Korxonaning 8 ta zavodida plastik, polimer, metall, shisha, rezina, karton-qogʻoz va boshqalar kabi 13 turdagi chiqindini qayta ishlash yoʻlga qoʻyilgan.
Jarayonlar turli yo‘nalishli, qiziqarli bo‘lgani, ayniqsa ayol tadbirkor Gulmira Jumayevaning ushbu soha rivojidagi shijoati, tashabbuslari markaziy hamda hududiy OAV vakillari jurnalist, blogerlarda katta qiziqish va hayrat uyg‘otdi.
JARAYON
Veb-sayt
|
Telegram
|
Facebook
|
Instagram
|
YouTube

#PressTur
#Samarqand
3⃣
Chiqindilarni boshqarish agentligi tomonidan Samarqandda tashkil etilgan press-tur doirasida:
📡
Samarqandda chiqindi xizmati GPS tizimi orqali to‘liq online nazoratda
Agentlik huzuridagi “Maroqandobod” sanitar tozalash korxonasida hududlardan chiqindilarni olib chiqib ketish xizmatining GPS tizimi orqali online nazorat yo‘lga qo‘yilgani bilan tanishildi.
Mazkur sanitar korxona tomonidan Samarqand shahri va tumaniga xizmat ko‘rsatiladi. Xizmat bilan 285 ta MFYdagi 700 ming nafarga yaqin aholi qamrab olingan. Jarayonda 113 ta chiqindi tashuvchi maxsus texnika jalb etilgan bo‘lib, ularning hammasi GPS tizimiga ulangan va 80 foiz texnikaga kuzatuv kameralari ham o‘rnatilgan.
Shu kuni sanitar korxonaga agentlikning o‘z mablag‘lari hisobidan yetti yil muddatga imtiyozli lizing shartlari asosida 8 va 12 m3 hajimdagi 6 ta «ISUZU» rusumli chiqindi tashuvchi maxsus texnikalar topshirildi.
Eslatib o‘tamiz:
Respublika boʻyicha chiqindilarni tashuvchi hamda boshqa maxsus texnikalar jami 4200 dan ortiqni tashkil etadi. Bugungi kunda ushbu texnikalarning 3800 dan ortig‘i yoki 92 foizi GPS qurilmasi bilan jihozlangan va doimiy nazoratda. Shuningdek, sanitar tozalash korxonalarining texnik bazasini yangilanish maqsadida agentlik tomonidan 2024-yilda 146 ta hamda 2025-yilning hozirigacha 55 ta yangi texnikalar hududlarga tarqatildi.
Qizg‘in borgan press-turda OAV vakillari xizmat sifatini yaxshilashda raqamlashtirish va online nazoratning yo‘lga qo‘yilganiga guvoh bo‘lishdi.
JARAYON
Veb-sayt
|
Telegram
|
Facebook
|
Instagram
|
YouTube

#PressTur
#Samarqand
2⃣
Chiqindilarni boshqarish agentligi tomonidan Samarqandda tashkil etilgan press-tur doirasida
♻️
Samarqanddagi maishiy chiqindidan energiya olinadigan zavod qurilishi bilan tanishildi
Samarqand shahridagi “Xushrav” qoʻrgʻoni “Navroʻz” MFYda joylashgan 15 gektar yer maydonida chiqindilarni yoqish orqali elektr energiyasi ishlab chiqariladigan zavodning qizg‘in borayotgan qurmoqda.
Ushbu loyihada
“Shanghai SUS Environment” LLЧ
kompaniyasi tomonidan umumiy qiymati
150 mln AQSH dollari
miqdorida investitsiya jalb etilgan. Kuniga
1,5 ming tonna
chiqindi qayta ishlanib, yiliga jami
240 mln kVt/soat elektr energiyasi
ishlab chiqariladi va unda
150-200 ta yangi ish oʻrni
yaratiladi.
Jarayonda OAV vakillari investor va soha mas’ullaridan o‘zlarini qiziqtirgan barcha savollarga javob olishdi.
JARAYON
Veb-sayt
|
Telegram
|
Facebook
|
Instagram
|
YouTube

#PressTur
#Samarqand
1⃣
Chiqindilarni boshqarish agentligi tomonidan Samarqandda tashkil etilgan press-tur doirasida
✅
Samarqandda chiqindi tashuvchi elektr motorollerlar tizimi yo‘lga qo‘yildi
Ekologiya vazirligi huzuridagi Chiqindilarni boshqarish va sirkulyar iqtisodiyotni rivojlantirish agentligi tomonidan sohada olib borilayotgan ishlarni Samarqand viloyati misolida tanishtirish maqsadida 21-22-avgust kunlari press-tur tashkil etildi.
Jarayonda 20 dan ortiq ommaviy axborot vositalari vakillari ishtirok etdi. Dastlab, respublikada tajriba tariqasida ilk bor Samarqand shahrida joriy etilgan yangi tizim — chiqindi tashuvchi elektr motorollerlar faoliyati bilan tanishtirildi.
Jumladan, shaharning “Qoʻshhovuz” va “Urguti” MFYlari misolida sanitar tozalash xizmatida tor ko‘chalarda harakatlanishda ixcham, ham soha vakillari, ham aholi uchun har tomonlama qulay bo‘lgan ushbu texnikalarning afzalliklari haqida mas’ullar tomonidan batafsil ma’lumotlar berildi.
JARAYON
Veb-sayt
|
Telegram
|
Facebook
|
Instagram
|
YouTube

♻️
Chiqindilarni boshqarish sohasini rivojlantirish masalalariga eʼtibor qaratildi
Prezident Shavkat Mirziyoyev chiqindilarni boshqarish sohasini rivojlantirishga oid takliflar taqdimoti bilan tanishdi.
Batafsil
💬
Рассмотрены вопросы развития сферы управления отходами
Президент Шавкат Мирзиёев ознакомился с презентацией предложений по развитию сферыобращения с отходами.
Подробно
Veb-sayt
|
Telegram
|
Facebook
|
Instagram
|
YouTube

Ўзбекистон Республикаси Президенти Шавкат Мирзиёевнинг тадбиркорлар билан очиқ мулоқот шаклида ўтказилган учрашувдаги
нутқи
—
Выступление
Президента Республики Узбекистан Шавката Мирзиёева на встрече с препринимателями в формате открытого диалога
Prezident.uz|
Facebook|
Instagram|
YouTube|
X

#IjtimoiyRolik
▶️
Shahrimizning toza va ozoda bo‘lishi uchun barchamiz birdek masʼulmiz!
Ekofaollar ishtirokida o‘z ta'sir kuchiga ega navbatdagi ijtimoiy rolik tayyorlandi. Jamoatchilik vakillaridan yer yuzini chiqindilardan asrashda befarq bo‘lmaslikni so‘rab qolamiz!
💬
Мы все несём ответственность за чистоту и порядок в нашем городе!
Еще один влиятельный социальный видеоролик подготовлен при участии эко активистов. Просим представителей общественности не оставаться равнодушными в защите земли от мусора!
Veb-sayt
|
Telegram
|
Facebook
|
Instagram
|
YouTube

#HududlardanXabarlar
#Xorazm
⚙️
Xorazm:
12 ta chiqindi tashuvchi zamonaviy texnika topshirildi
Xorazm viloyati Urganch shahri va Urganch tumanida chiqindilarni olib chiqib ketishda qamrovni oshirish, aholiga sifatli xizmat koʻrsatish hamda sohadagi mas’ul korxonalarni qo‘llab-quvvatlash maqsadida bugun 19-avgust kuni Chiqindilarni boshqarish va sirkulyar iqtisodiyotni rivojlantirish agentligining o‘z mablag‘lari hisobidan qo‘shimcha zamonaviy chiqindi tashuvchi maxsus texnikalar topshirildi.
Jumladan, yetti yil muddatga imtiyozli lizing shartlari asosida viloyatning 12 m3 hajimdagi
12 ta «ISUZU»
rusumli chiqindi tashuvchi maxsus texnikalar “Toza hudud” davlat korxonasiga ajratildi.
Jarayonda Chiqindilarni boshqarish agentligi direktori o‘rinbosari Shavkat Sobirov va viloyat sektorlari mutasaddilari boshchiligidagi bir guruh mas’ullar ishtirok etdi.
Ma’lumot o‘rnida:
Agentlik mablag‘lari hisobidan yana 100 ga yaqin maxsus texnikalar joriy yil mobaynida respublika bo‘ylab yetkazib berilishi rejalashtirilgan.
Veb-sayt
|
Telegram
|
Facebook
|
Instagram
|
YouTube

#HududlardanXabarlar
#Namangan
✅
Namanganda o‘tkazilgan sayyor qabulda chiqindi xizmati bilan bog‘liq murojaatlar ko‘rildi
Bugun, 19-avgust kuni Namangan viloyati Kosonsoy tumanida Chiqindilarni boshqarish va sirkulyar iqtisodiyotui rivojlantirish boshqarmasi boshlig‘ining sayyor qabuli tashkil etildi.
Unda soha mas’ullari, “Chashmai safed gaz” MChJ sanitar tozalash korxonasi hamda mahalla vakillari ishtirok etdi.
Qabul davomida shahar va tumanlar fuqarolari tomonidan bildirilgan muammo va murojaatlar birma-bir ko‘rib chiqildi. Jarayonda 30 ga yaqin jismoniy va yuridik shaxslarning ekologiya, chiqindilarni boshqarish, sanitar tozalash xizmatisifati, debitor qarzdorlik, chiqindi yig‘ish punktitashkil etishga doir murojaatlari qabul qilindi.
Asosiy eʼtibor murojaatlarning joyida hal etilishiga qaratilib, qo‘shimcha o‘rganish va vaqt talab qilganlari ish yurituviga hamda alohida nazoratga olindi. Shuningdek, yig‘ilganlarga sohaga doir qonunchilik mazmun-mohiyati bo‘yicha ham tushuntirishlar berildi.
Maʼlumot o‘rnida: bu kabi chora-tadbirlar “Jismoniy va yuridik shaxslarning murojaatlari to‘g‘risida”gi qonunga o‘zgartirish va qo‘shimchalar kiritish haqida”gi 445-son O‘zbekiston Respublikasi Qonuni ijrosi yuzasidan olib borilmoqda.
Veb-sayt
|
Telegram
|
Facebook
|
Instagram
|
YouTube