WikiTarjima

Leo Fender
– dunyodagi eng yirik elektr musiqа asboblari (asosan gitara) ishlab chiqaruvchi kompaniyaning asoschisi hisoblanadi. Shuningdek, u
Telecaster
va
Stratocaster
gitаralarining dizayneri hamdir. Bu faktning qiziq tomoni shundaki, Fenderning o‘zi gitara chalishni, hatto ularni sozlashni ham bilmagan.
wikiTarjima
- Original tarjimalar

​​
▪️
Joseph Weil
- (Jozef Veil) — Amerikaning eng mashhur firibgari
Jozef Veyl (1875–1976) — AQSh tarixidagi eng afsonaviy firibgar, ya’ni “con artist”lardan biri bo‘lib, u o‘zining aql, so‘z o‘yinlari va psixologik kuzatuv orqali boylik orttirgan. U Chicago shahrida tug‘ilgan va yoshlikdanoq odamlarning ishonchini qozonish san’atini mukammal egallagan.
Veil o‘z faoliyati davomida turli soxta biznes loyihalari, lotereyalar, oltin konlari, bank investitsiyalari va boshqa shubhali sxemalar orqali 8 million dollardan ortiq (bugungi qiymatda 100 milliondan ko‘p) pul ishlab olgan. U hech qachon qurol ishlatmagan, balki odamlarni ishontirish orqali aldashni afzal ko‘rgan. Shu sababli u “confidence man” (“ishonch orqali aldaguvchi odam”) deb atalgan.
Uning mashhur laqabi
“The Yellow Kid”
edi — bu nom unga o‘sha davrning mashhur komiks qahramonidan ilhomlanib berilgan. Veil har doim yorqin kiyimlar kiygan, odamlarga xushmuomala va ishonchli ko‘ringan, shu tarzda o‘z qurbonlarini to‘rga ilintirgan.
1948-yilda u o‘z hayoti haqida
“The Yellow Kid: Confessions of a Con Man”
nomli avtobiografik kitob yozgan. Bu asarda Veil o‘zini oqlamaydi, balki hayotini “ishonchning kuchi va inson ochko‘zligining saboqlari” sifatida ko‘rsatadi. U shunday degan edi:
“Men odamlarni hech qachon majburlamadim. Men faqat ularning ochko‘zligi va ishonchidan foydalandim.”
Jozef Veil 101 yoshgacha yashagan va 1976-yilda vafot etgan.
wikiTarjima
- Original tarjimalar

Nokturnabium
(shuningdek noktural) – yulduzlarning joylashuvidan vaqtni aniqlash uchun ishlatilgan yulduz soati. Noktural,
Verona ruhoniysi Patsifikus
(777–844) tomonidan yaratilgan degan taxminlar mavjud.
Quyosh soatlari faqat kunduz ishlagan. Tunda esa vaqtni aniqlash uchun ushbu yulduz soatidan foydalanilgan. Ushbu soatdan faqatgina shimoliy yarim sharda, Shimoliy yulduz ko‘rinadigan joyda foydalanilgan bo‘lib, buning uchun yulduz turkumlaridagi yulduzlar joylashuviga
(Katta va Kichik Ayiq, Kassiopeya yulduz turkumlari)
qarab vaqt hisoblangan.
Nocturnal
so'zi tunda faol degan ma'noni anglatadi.
wikiTarjima
- Original tarjimalar

Haribo
— mashhur nemis shirinlik ishlab chiqaruvchi kompaniya, ayniqsa (gummy bears) bilan tanilgan. Kompaniya 1
920-yilda
Germaniyaning Bonn shahrida Hans Riegel tomonidan asos solingan. “Haribo” nomi esa uning ism-familiyasi va shahri nomidan olingan:
HAns RIegel, BOnn
. Haribo o‘zining mashhur shiori bilan tanilgan: “Haribo macht Kinder froh – und Erwachsene ebenso” — ya’ni “Haribo bolalarni quvontiradi — kattalarni ham xuddi shunday!”.
Eng mashhur mahsuloti — Goldbears, rangli va meva ta’mli ayiqcha, ular 1922-yilda yaratilgan. Dastlab bu shirinliklar “Dancing Bears” deb atalgan, keyinchalik esa “Goldbears” nomi bilan dunyoga mashhur bo‘ldi.
Bu kompaniya dunyoda birinchi shu turdagi mahsulotni ishlab chiqargan; har kuni 100 milliondan ortiq shirinlik tayyorlaydi; ularning ta’mi har mamlakatda biroz farqlanadi — masalan, Germaniyada olcha va olma, AQShda esa qulupnay va apelsin ta’mlari mashhur.
wikiTarjima
- Original tarjimalar

Rotonda kafesi
(Café de la Rotonde) — XX asr boshlarida Parijdagi eng mashhur san’at markazlaridan biri bo‘lgan. 1911-yilda Montparnasse tumanida ochilgan bu kafe qisqa fursatda rassomlar, yozuvchilar va ziyolilar yig‘iladigan maskan sifatida tanildi.
Bu yerda Pablo Picasso, Amedeo Modigliani, Henri Matisse, Diego Rivera, Ernest Hemingway kabi ijodkorlar to‘planishgan. Ular san’at, hayot va falsafa haqida bahslashishgan, ba’zan esa chizgan rasmlarini to‘lov o‘rniga kafeda qoldirishgan.
Rotonda o‘sha davrning bohem (ijodkorlar) hayot tarzi va erkin fikrlash ramzi bo‘lib qolgan. Bugungi kunda esa u o‘z tarixiy muhitini saqlab qolgan holda ishlamoqda va Parij san’at ruhini eslatib turuvchi afsonaviy joy sifatida mashhur.
wikiTarjima
- Original tarjimalar

​​
▪️
Amalgam comics
“Amalgama” so‘zi aralashma yoki uyg‘unlashuv degan ma’noni anglatadi. Bu tushuncha Marvel va DC komikslari tarixida ham o‘z ifodasini topgan. 1996-yilda ikki raqib kompaniya o‘zaro hamkorlik qilib, “Amalgam Comics” nomli maxsus loyihani yaratgan.
Bu loyiha Marvel va DC olamlarining bir-biriga qo‘shilishi natijasida paydo bo‘lgan yangi, gibrid superqahramonlar universumi edi. “Marvel vs. DC” nomli krossover jangidan so‘ng ikkala olam to‘qnashib, keyin aralashib ketadi va o‘ziga xos yangi dunyo vujudga keladi.
Amalgam koinotida har bir qahramon go‘yoki doimo mavjud bo‘lgandek tasvirlanadi, ularning hikoyalari esa Marvel va DC elementlarining uyg‘unlashuvi asosida yaratilgan.
Mashhur Amalgam qahramonlari:
Dark Claw – Batman va Wolverine’ning aralashmasi. Qorong‘u kechada jinoyatchilarni ovlaydigan, tirnoqli qahramon.
Super-Soldier – Superman va Captain America uyg‘unligi. Quyosh kuchi va super zardobni birlashtirgan patriot.
Iron Lantern – Iron Man va Green Lantern aralashmasi. Texnologiya va kosmik energiyani uyg‘unlashtirgan qahramon.
Amazon – Wonder Woman va Storm’ning birlashmasi. Ob-havoni boshqaruvchi kuchli jangchi ayol.
Spider-Boy – Spider-Man va Superboy uyg‘unligi. Yosh, tezkor va kuchli gibrid qahramon.
Bu loyiha komiks tarixida noyob hodisa bo‘lib, Marvel va DC o‘rtasidagi yagona rasmiy hamkorlik sifatida esda qolgan. Amalgama shu tarzda ikki olamdagi qahramonlar, g‘oyalar va uslublarning yaratuvchan uyg‘unlashuvini ifodalaydi — haqiqiy ijodiy sintezning timsoli.
wikiTarjima
- Original tarjimalar

Ritberger
— bu figurali uchish (figurali konkida uchish) sportida bajariladigan sakrash turlaridan biri bo‘lib, texnik jihatdan ancha murakkab element hisoblanadi. Ushbu sakrashda sportchi orqa yo‘nalishda sirg‘anib keladi, bitta oyoq bilan muzdan turtinadi va havoda bir yoki bir necha marta aylangan holda yana o‘sha oyoq ustiga tushadi. Ritbergerning o‘ziga xos jihati shundaki, sportchi sakrashni ham, qo‘nishni ham bir xil oyoqda — turtinish oyog‘ida — bajaradi, bu esa muvozanat va aniqlikni talab qiladi.
Ingliz tilida bu element
loop jump
deb ataladi. U o‘z nomini bu usulni birinchi bo‘lib ijro etgan nemis figurali uchuvchisi
Verner Rittberger
nomidan olgan. Bugungi kunda Ritberger figurali uchish dasturlarining muhim qismi bo‘lib, u sportchining texnik mahorati, kuchi va artistik ifodasini namoyon etuvchi chiroyli element sifatida qadrlanadi.
wikiTarjima
- Original tarjimalar

Acqua alta
— italyancha so‘z bo‘lib,
“baland suv”
degan ma’noni anglatadi.
Bu atama Venetsiyada dengiz suvi ko‘tarilib, shahar ko‘chalari va maydonlarini suv bosishi hodisasini bildiradi.
Ko‘pincha kuz va qish fasllarida ro‘y beradi. Kuchli shamol, past bosim va to‘lqinlar tufayli suv sathi ko‘tariladi. Eng ko‘p zarar
San-Mark
maydoni atrofiga yetadi.
Venetsiyaliklar bunga moslashgan — maxsus ko‘tarma yo‘laklardan (passerelle) foydalanadilar. Shaharni himoya qilish uchun
MOSE
nomli suv to‘siq tizimi ham qurilgan.
wikiTarjima
- Original tarjimalar

▪️
Qora lola nomi bilan bog'liq faktlar
• To‘q ko‘k-qora rangdagi dekorativ o‘simlik bo‘lib, lolaning “Tun qirolichasi” va “Vena o‘rmoni” navlarining duragayi.
• Aleksandr Dyumaning Gollandiyadagi siyosiy kelishmovchiliklar haqida yozgan shu nomli romanidan so‘ng qiziqishlarga sabab bo‘lgan. Siyosiy voqealar fonida bosh qahramon, qamoqxona mahbusi Kornelius Van Berle (Barle) o‘zining bor yo‘g‘i bo‘lgan noyob rangli lola piyozchalarini yetishtirishga harakat qiladi. Bu lola piyozchalarini qamoqxona boshlig‘ining qizi Rozaga sovg‘a qiladi va ulardan qimmatbaho gullar unib chiqadi. Roman yaxshilik bilan tugaydi, mahbus qamoqdan chiqadi va yetishtirgan guli uchun mukofot ham oladi. Romanda navga “Berle atirguli” deb nom berilgan.
• Shuningdek, bu gul Afg‘on urushi (1979–1989) bilan bog‘lanadi. Urush davrida “Qora lola” deb “Gruz 200” ortilgan sovet samolyotlarini atashgan. Afg‘on urushida halok bo‘lgan askarlar xotirasiga bag‘ishlangan ko‘plab memoriallar va yodgorliklar “Qora lola” deb atalgan.
• Aleksandr Rozenbaumning shu nomli lirik qo‘shig‘i bo‘lib, qo‘shiq askar tanalarini olib ketayotgan “Qora lola”ning uchuvchisi haqida.
• Niderlandiyadan nemislarni deportatsiya qilish operatsiyasiga (1945-yil) ham shu nom berilgan.
• Milan klubining 80-yillar oxiri va 90-yillardagi yulduzli trio (van Basten, Raykard, Gullit) a’zolaridan biri bo‘lgan gollandiyalik Rudd Gullitning laqabi ham “Qora lola”.
wikiTarjima
- Original tarjimalar

Farg'ona viloyati Shaxsiy o'yin 2-tur
Shokirov Samandar va Sarvinoz Ergasheva navbatchilik savollari.
wikiTarjima
- Original tarjimalar