قناة الشيخ أحمد الأهواني

✍️
بعد نصيحة أحد أصدقاءه له إنه يزورني ويتكلم معايا في موضوعه، جه زارني وقعدنا نتكلم مع بعض
شاب محترم جدًا متزوج من 9 سنوات
الشاب دا كان عاوز يتزوج من بنت معينة ولكنه فوجيء باعتراض والده ووالدته عليها وإن رغبتهم يزوجوه من بنت تانيه [بنت لأحد أصدقاء الأسرة]
بيقوللي إن بعد حرب شديدة منهم عليه وافق يتزوجها علشان يفضل بار بوالده ووالدته وميخالفش أوامرهم
بعد الزواج فوجيء بتدخلات أمه في حياته وحياة زوجته بطريقة مريبة
أول سنوات الزواج كانت الزوجة مُجبرة تنزل تقضي مع الأم اليوم بتاعها علشان هما في بيت عيلة ، وفي الوقت دا مكنش فيه في البيت غيرها (له 2 من إخواته لسه متزوجوش)
كل يوم أمه تقعد تشتكي له من زوجته وهو علشان يرضي أمه كانت معاملته بتتغير مع زوجته للأسوأ
الغريب في الموضوع إن الزوجة كانت بتتحمل علشان ترضيه وترضي والدته
دور والده كان سلبي جدًا في الموضوع ، ولما سألته عن بعض تفاصيل بيت والده عرفت إن القرار بيكون للوالد ولكنه لا يخرج عن إرادة الأم [طبعًا فهمت طبيعة وشخصية الأم من الكلمتين دول]
زوجته اللي واجب عليها تعمل كل شيء في البيت فوق وتحت ، واجب عليها تنظيف كامل البيت حتى لو مريضة (مفيش عذر مقبول أبدًا لزوجته اللي المفترض إن أمه بتعاملها كخادمة)
تسلط أمه عليه في حياته وصل لحياته الشخصية ، بيقوللي لو أذنت لزوجتي تروح لأهلها أمي تقوللي: (عاوزاك تعيش راجل زي أبوك ومش كل شوية تخرج بمزاجها)
لو خرجنا سوا نتمشى أو نروح أي مشوار فُسحة تنكد عليا وتقوللي: (مش كل ما زوجتك تديك أوامر تطاوعها)
بعد فترة من زواجي اتفاجئت إني عايش مع زوجتي علشان أرضي أمي وبس ، دايمًا بظلمها وأبهدلها بسبب شحن أمي ليا ، والغريب في الموضوع إن زوجتي بتحاول تساعدني على ده وفي كل موقف يحصل مشكلة تنصاع لأوامري وتطيع أمي اللي مش بيعجبها أي حاجة
استوقفني جدًا موقف الزوجة ، وسألته هل زوجته بتعمل معاه مشاكل ؟
قاللي: (أبدًا ياشيخ ، أنا متزوج واحدة لو لفيت الدنيا مش هلاقي زيها ، اتحملتني كتير جدًا بس أنا اللي مقدرتش أكمل)
سألته: (يعني إيه ؟)
قاللي: (بعد 7 سنوات من زواجنا ابني كان بدأ يكبر واتفاجئت في كل يوم مشكلة بسبب الولد أمي بتفتعلها ، الولد لو نزل بدري لأمي علشان بتحب تشوفه أمي تقعد تتخانق وتقول هي السنيورة عاوزه تريح دماغها ؟..ولو نزل متأخر تقوللي بتحرمنا من ابننا الوحيد!... أنا أصبت وقتها بحالة عصبية وبدأت أتعاطى مهدئات وصل الوضع بيا لإدمان المخدرات
😥
)
فعلًا كان واضح على الأخ إنه بيعاني من متلازمة عصبية عبارة عن تشنجات في أعصابه وحركاته وهو بيكلمني بتزيد كل ما يدخل في صُلب الموضوع
زوجته لما عرفت إنه مشي في سكة الإدمان نزلت تستنجد بأهله ولكنهم نهروها وقالولها متطلعيش سمعة وحشة على ابننا
ولما اتأكدوا من الخبر والده هدده بالطرد من البيت ، ودي كانت صدمته الكبيرة اللي وصلته دلوقتي لدخوله في مرحلة علاج القلب
😥
سألته: (زوجتك عملت معاك إيه بعد ما وصلت للحالة دي وأهلك تخلوا عنك؟)
بيقوللي: (احتوتني جدًا وقعدت تفكرني بالتزامي وإني كويس ، ومن كلامها وتشجيعها طلبت من شغلي أجازة شهر علشان أعالج نفسي)
بيقوللي: (بفضل الله ثم بفضل زوجتي قدرت أتعافى تمامًا من الإدمان ، الحمد لله حالتي رجعت طبيعية ، بس المفاجأة إني وأنا طالع لفوق في التعافي زوجتي كانت حالتها بتتدهور وبتنزل لتحت خالص وبتموت كل يوم قدام عيني من الإكتئاب)
واحد صاحبي نصحني أجيلك علشان أشوف أنا ماشي صح وللا غلط ، اللي جعلني كمان أفكر أجيلك موقف أخويا اللي تزوج من 3 شهور وبعد الزواج بشهر طلع بزوجته من البيت علشان مصيره مع زوجته ميكونش زي مصيري
كل السنين اللي فاتت كنت بعمل دا علشان أمي متغضبش عليا زي ما كانت دايمًا بتقوللي وتهددني وأنا مبتحملش زعلها ، حالة التشنجات اللي عندي بتزيد يوم عن يوم وحلها البعد عن المشكلات
إمبارح هددت زوجتي بالطلاق علشان مش قادر أكمل معاها وهي بقت عصبية وعلى أي سبب تتخانق معايا لدرجة إنها تركت البيت آخر خناقة وأخدت الولد ومشيت في الشوارع شويه ورجعت تاني
سألته: (مغضبتش وراحت لأهلها ؟)
قاللي: (لا ياشيخ خالص ، زوجتي مش ممكن تعمل كدا)
⬅️
بعد ما سمعت منه الحكاية قلتله: (ياأخي اتق الله في المسكينة اللي ربنا جعلك قوَّام عليها ، ليه اتزوجت وإنت مش فاهم الشرع بيأمرك بإيه وبينهاك عن إيه قبل زواجك)
إنت قبل ما تُصاب بمتلازمة التشنجات دي كنت مصاب بمتلازمة خربت بيوت كتير من الشباب (متلازمة كلنا لازم نرضي بعض)
المتلازمة دي بتخلي في دماغ الشباب فكرة مفادها (إنه ملزم يبر أمه بزوجته) ودا غلط مش صحيح
ممكن أمك بعد زواجك ميكونش في راحة بينها وبين زوجتك عادي ، الاتنين مش منسجمين مع بعض ، ولا يفرق معاك خالص

افصلهم واقعد افهم دماغ زوجتك بمعزل عن كل ده
أهلك خربوا حياتك ووصلوك لحالة مرضية زي اللي إنت فيها ، وبعد ما وصلت للحالة والدك بيطردك من البيت أهوه (علشان أمك عاوزه تذل زوجتك كمان وكمان)
كل دا وإنت منصاع وفاكر دا من البر ؟
البر هو إنك تعيش تحت رجلين أمك وتسمع كلامها بس لازم تفصل بين علاقتك [إنت] بأمك وبين علاقة [زوجتك] بيها
الاتنين مش ملزمين ببعض
ضغطت على زوجتك واسأت عِشرتها بالباطل وكل دا علشان محترمة وبنت ناس وعاوزه ترضيك ، ولما بقت مريضة هي كمان بسبب والدتك بتفكر تطلقها ؟
ياأخي اتق الله بجد
الشاب سمع مني الكلمتين دول وبدأ ينتبه (فعلًا واضح إنه لأول مرة يفهم طبيعة العلاقة)
قاللي: (يعني أنا كدا لو أمي ماتت غضبانة عليا هعمل إيه ؟)
قلتله: (ياابني الأم لو ماتت غضبانة عليك وإنت عامل كل اللي تقدر عليه بالبر متفتكرش إن ربنا حد ممكن يضحك عليه ، والد سيدنا إبراهيم كان راضي عنه يعني ؟..إنت مطالب بالبر حتى لو الأهل كفار بس مش مطالب تغير اللي في قلوبهم ، جواك شِرك يعني ؟..عاوز تعامل ربنا وللا تعامل كلام أمك ؟..ما تشوفك مركوب أو ماشي ورا كلام مراتك وللا تشوفك بأي نظارة هي عاوزاها إيه اللي يشغلك ؟...هتعمل إيه دلوقتي لما ربنا يسألك عن المسكينة اللي ظلمتها كدا من غير وجه حق ؟..لو زوجتك دي وقفت قدامك يوم القيامة هتعمل معاها إيه ؟...ياأخي النبي ﷺ اللي قالك: (اتقوا الله في النساء) لو عرف إنك وأمك عملتوا كدا في حد من بناته هيعمل معاكوا إيه ؟
الشاب قام ياخدني بالحضن ويقوللي ياريتني قعدت معاك من 9 سنين
قلتله: (حتى لو جاي متأخر حاول تعوض اللي فاتك ، سيب أمك تقول اللي هي عاوزاه ، بس متفكرش ولو مجرد تفكير في كلامها بعد ما عرفت حقيقتها ، حاول تحتوي زوجتك اللي شالتك كل الفترة دي وضغطت على نفسها علشان ترضي حد هي مش ملزمة بإرضائه وكل دا علشانك ، كان طبيعي كل الضغط النفسي ده يجيب لها الإكتئاب اللي بتتكلم عنه ، إذا كنت إنت راجل وحالتك وصلت لكده منتظر من امرأة ضعيفة إيه ؟..كتمت في نفسها علشان سر بيتكوا ميطلعش برا وكان بإمكانها تدخل أهلها من البداية ، وقفت جنبك علشان تطلع من حالة الإدمان اللي دخلت فيها ، ياأخي لو واحد غيرك عنده عُشر زوجة زي اللي عندك كان شالها من عالأرض شيل)
الشاب قعد يشكرني جدًا ووعدني إنه هيرجع يصلح كل ما أفسده ويتعامل معاها بالشرع ويفصل أمه من حياته الشخصية نهائيًا
#الجهل_بالشرع_كان_هيضيع_البيت
😥
#اتقوا_الله_في_النساء
#تصحيح_مفاهيم_الزواج

قناة الشيخ أحمد الأهواني
pinned «
✍️
رابط رسائل صراحة
👇
https://ahmed20209090.sarhne.com هتكتب رسالتك في سرية تامة
👍
👈
ودا رابط كل حاجة عالصفحة
👇
❤️
https://linktr.ee/AhmedAlAhwany
✍️
وهذا رابط تطبيق لتسكنوا "للزواج الشرعي"
👇
https://letaskono-zwaj.com/ انشر وعرف غيرك فالدال على الخير كفاعله
❤️
…
»

#حكاية_المَهر
🤔
✍️
أكيد هتعدي في زواجَك عالمرحلة دي ، أكيد هتكوني عاوزه تفهمي إيه الحوار
🙄
اليومية دي هتلخص القصة كلها للطرفين
👇
-السلام عليكم ورحمة الله وبركاته ، إزيك ياشيخ أحمد =وعليكم السلام ورحمة الله وبركاته ، الله يسلمك يامصطفى ، مبارك عليك ياغالي سمعت…

#اللهم_استعملنا_ولا_تستبدلنا
🤲

=طبعًا يادرش ، قال علي بن أبي طلحة ، عن ابن عباس: " رغبهم الله في التزويج ، وأمر به الأحرار والعبيد، ووعدهم عليه الغنى ، فقال : ( إِنْ يَكُونُوا فُقَرَاءَ يُغْنِهِمُ اللَّهُ مِنْ فَضْلِهِ )
وقال ابن مسعود : (التمسوا الغنى في النكاح)
يعني الزواج سبب من أسباب الرزق
-طب وتيسير الشريعة للفقراء دول كان إيه بقى ؟
=شوف مثلًا حديث النبي ﷺ: (خَير الصداق أَيسَرُه)
وشوف عُمَر بن الخطاب رضي الله عنه لما وجد الناس في زمانه بيغالوا في الصداق قال: (لاَ تُغالوا صداقَ النِّساءِ ، فإنَّها لو كانت مَكرمةً في الدُّنيا ، أو تقوًى عندَ اللهِ ، كانَ أولاَكم وأحقَّكم بِها محمَّدٌ ﷺ ، ما أصدقَ امرأةً من نسائِهِ ، ولاَ أصدقتِ امرأةٌ من بناتِهِ أَكثرَ منَ اثنتي عشرةَ أوقيَّةً ، وإنَّ الرَّجلَ ليثقِّلُ صدقةَ امرأتِهِ , حتَّى يَكونَ لَها عداوةٌ في نفسِهِ ، ويقولُ : قد كلفتُ إليْكِ علقَ القربةِ)...يعني جبت لكم كل حاجة حتى العِلَق [الحبل] اللي بيربطوا بيه القِربَة اللي بيجيبوا بيها مايه من البئر... يعني كلفتوني بكل حاجة
-وهي الأوقية دي أد إيه ياشيخنا ؟
=الـ12 أوقية من الفضة دول يعادلوا 480 درهمًا ، ودرهم الفضة حوالي (2.975 جرام)
يعني أعلى صداق كان لزوجة أو بنت من بنات النبي ﷺ لو قلنا إن جرام الفضة دلوقتي بـ42ج
يبقى الصداق كان ( 480 درهم × 2.975 جرام × 42 سعر جرام الفضة) = 59.976 ج
يعني أعلى مهر في وقتنا هيكون حوالي 60.000 ج
-طيب وهو لازم نجيب مهر زي النبي ﷺ ياشيخ ؟
=لا مش لازم ، بل كثير من العلماء قالوا أن السُنَّة ألا يتعدى مهر المسلمة مهر زوجات وبنات النبي ﷺ
-هو المهر بتاعهم بقى من السُنَّة عدم تعديه ؟
=السُنَّة عدم زيادته عن مهرهن يامصطفى ، شايف الإمام ابن تيمية بيقول إيه في مجموع الفتاوى: (السُّنَّةُ: تَخْفِيفُ الصَّدَاقِ ، وَأَلَّا يَزِيدَ عَلَى نِسَاءِ النَّبِيِّ ﷺ وَبَنَاتِهِ ، فَقَدْ رَوَتْ عَائِشَةُ - رَضِيَ اللَّهُ عَنْهَا - عَنْ النَّبِيِّ ﷺ أَنَّهُ قَالَ:( إنَّ أَعْظَمَ النِّسَاءِ بَرَكَةً أَيْسَرُهُنَّ مَئُونَةً )
وكذلك الإمام النووي (رحمه الله) قال: (والمستحب أن لا يزيد على خمسمائة درهم، لما روت عائشة رضي الله عنها قالت: (كان صداق رسول الله ﷺ لأزواجه اثنتى عشرة أوقية ونشا ، أتدرون ما النش ؟ نصف أوقية، وذلك خمسمائة درهم)
-طيب ياشيخ أمال إيه حكاية مَهر المِثل ده ؟..كل ما أكلم صديق ليا يقوللي شوف بنت عمها وقرايبها مهرهم كام ؟
=مهر المثل دا يامصطفى بيحكموا فيه عند التنازع ، مش طبيعي يعني تتقدم لواحدة والدها حالته زي حالتك وتطالبك بمهر بنت عمها اللي أبوها من الأغنياء مثلًا
مهر المثل دا بنرجعله لما منبقاش عارفين نحدد في وجود مقدرة عندك أو حال التنازع أو في حالة إنك تكون بتبخسها في مهرها مع ثرائك وسعة حالتك المادية
-ليا صديق اتفق على مهر كبير ودفع منه جزء صغير مقدم وقال كدا كدا مش هدفع المؤخر بتاعه
=حرام يامصطفى..المهر دا من الديون واجبة الوفاء ، بل صاحبك ده مُهدد بحديث النبي ﷺ: (أيُّما رجلٍ تَزَوَّجَ امرأةً على ما قَلَّ مِنَ المَهْرِ أوْ كَثُرَ ، ليس في نفسِهِ أنْ يُؤَدِّيَ إليها حقَّها ؛ خَدَعَها ، فماتَ ولمْ يُؤَدِّ إليها حقَّها ؛ لَقِيَ اللهَ يومَ القيامةِ وهوَ زَانٍ)[صححه الألباني]
-ياستير يارب....زاني
🤦‍♂
=مفيش تهاون في الحقوق يامصطفى
-طب ياشيخ دا فيه ناس بياخدوا مهر زوجاتهم بعد الزواج.. دول حكمهم إيه ؟
=يعني بياخده برضاء نَفس منها مثلًا وللا غصب عنها ؟
-لأ ياشيخ ، أقصد برضاء نفس ، ماهو أكيد اللي هياخده غصب عنها دا هيكون سارق
=ربنا بيقول: (وَءَاتُوا۟ ٱلنِّسَاۤءَ صَدُقَـٰتِهِنَّ نِحۡلَةࣰۚ فَإِن طِبۡنَ لَكُمۡ عَن شَیۡءࣲ مِّنۡهُ نَفۡسࣰا فَكُلُوهُ هَنِیۤـࣰٔا مَّرِیۤـࣰٔا }[سُورَةُ النِّسَاءِ: ٤]
يعني ممكن تأخذ من صداقها برضاها ، ودي عامله زي اللي زوجته بتشوفه في ضائقة وتديه ذهبها على سبيل الهِبَة لا القرض
=حلو أوي الحتة دي ياشيخ
😍
، طب لو الواحد مدفعش مهر أصلًا هل زواجه باطل ؟
=لو مُعسَر وقبلت الزوجة فالزواج صحيح بلا شك ، جاء في الموسوعة الفقهية: فإذا تزوجته عالمة بإعساره بالمهر، لم يكن لها طلب التفريق بذلك، وكذلك إذا علمت بإعساره بعد العقد وسكتت، أو رضيت به صراحة، فإنه لا يكون لها حق في طلب التفريق للإعسار بالمهر بعد ذلك، قياسا على العنة. انتهى)
ولكن لو تزوجها وهي رضيت ولم يُسَم مهرًا فالنكاح صحيح لأن المهر ليس ركنًا ولا شرطًا في النكاح ولكن الله فرضه فحسب
-طب وفي الحالة دي المهر كدا خلاص ؟
=لا مش خلاص...أهي دي حالة بقى بيتم فيها تحديد مهر المِثل يامصطفى..لو طلبت مهر أو مات عنها ولم يتفقوا على مهر.. (يؤخذ مهر المِثل من تركته لها)
-الله يفتح عليك ياشيخنا ، طب أنا دلوقتي أعمل إيه ؟
=ادخل البيت وقول للناس إمكانياتك ، لو قبلوا بيها كمل عادي ولو مقبلوش شوف حد يناسبك وربنا يعوضك خير
-شكرًا ياشيخنا
=العفو ياحبيبي
💕

في مصر بقى غالبًا بيطلبوا المهر ذَهَب..اللي هو الشبكة.. يعني لو طلبوه ذهب عادي ولو طلبوه فلوس عادي ولو قالولك هات لبنتنا جاموسة والجاموسة تكون مهرها برضو عادي
-ههههههههه...الله ينور ياشيخ...طب ينفع مثلًا علشان الأمور تمشي معاهم أدفع جزء فلوس وجزء ذهب ؟
=عادي برضو...تقول لهم مثلًا مهر بنتكوا 50.000ج...يقولولك عاوزين منه 30.000ج شبكة والباقي تديه لهم فلوس ، وهكذا
-طب ياشيخ لو رحت لهم وقلتلهم مثلًا أنا مقدرتي 30.000 ج.. وهما قالولي إحنا عاوزين 50.000 ج أعمل إيه ؟
=قدامك أمرين
✌
1/ ممكن يكون البيت مش مناسب لك...ودا عادي لإن الكفاءة في الزواج مطلوبة ، والمبلغ الكبير عليك ممكن ميبقاش مبلغ أساسًا في الوَسَط بتاعهم..وساعتها متلومش الناس خالص لإن دا شئ ملوش تحديد ولا سقف
قال تعالى: (وَإِنۡ أَرَدتُّمُ ٱسۡتِبۡدَالَ زَوۡجࣲ مَّكَانَ زَوۡجࣲ وَءَاتَیۡتُمۡ إِحۡدَىٰهُنَّ قِنطَارࣰا فَلَا تَأۡخُذُوا۟ مِنۡهُ شَیۡـًٔاۚ أَتَأۡخُذُونَهُۥ بُهۡتَـٰنࣰا وَإِثۡمࣰا مُّبِینࣰا }[النِّسَاءِ: ٢٠]
قال ابن كثير رحمه الله: (وَفِي هَذِهِ الْآيَةِ دَلَالَةٌ عَلَى جَوَازِ الْإِصْدَاقِ بِالْمَالِ الْجَزِيلِ)
2/ ممكن تقول لهم إنك معاك مثلًا 30.000ج (عاجل الصَداق) يعني مهر مُعَجَّل ، ويبقى للناس بعد كدا 20.000ج (مؤخر صداق) يعني مهر مؤجل
-يااااه...هو دا بقى المؤخر اللي بيقولوا عليه ؟...دا أنا افتكرت المؤخر دا حاجة تانيه
=لا خالص...الصداق ممكن يكون عاجل..هتدفع الـ50.000 مرة واحدة ، وممكن يكون آجل..يعني هتدفعه بعد الدخول زي ما تتفقوا ، وممكن يكون جزء عاجل وجزء آجل زي ما قلتلك دلوقتي
-بس أنا سمعت ياشيخ إن المؤخر دا مش شرعي ، أنا بصراحة مش عاوز أقع في أي مخالفة
=المؤخر يامصطفى مكنش موجود على عهد النبي ﷺ ولا صحابته الكرام ، ولكن ظهر فيما بعد ، بمجرد اتفاقك عليه بيكون حق خالص للمرأة ودَين في رقبتك ، والأفضل طبعًا إن الزواج يكون بلا مؤخر خالص ويتم بمقدم المهر فقط
-طب ياشيخ لو كتبت المؤخر ده ، أدفعه إمتى ؟
=المؤخر دا جزء من المهر...حق خالص لزوجتك ، ودَين متعلق برقبتك وعلشان كدا مش مستحب ، للزوجة الحق تطالبك بيه في أي وقت ، ولو مات الزوج المؤخر دا بيطلع من التركة قبل تقسيمها زي الديون العادية وبعدين كل واحد ياخد نصيبه
-بعض الزوجات ياشيخ في كل مشكلة بيطلبوا المؤخر علشان يذلوا الزوج
=حقيقي...الكلام دا حصل على عهد شيخ الإسلام ابن تيمية (رحمه الله)
-على عهد ابن تيمية !.. هو الموضوع من زمان كذا ؟
=أيوا...وساعتها الإمام ابن تيمية حدد طلب المؤخر بالموت أو الطلاق وقال كما نقل عنه ابن القيم في كتاب الطرق الحكمية: (قَالَ شَيْخُنَا[يعني ابن تيمية]:
وَمِنْ حِينِ سُلِّطَ النِّسَاءُ عَلَى الْمُطَالَبَةِ بِالصَّدَقَاتِ الْمُؤَخَّرَةِ، وَحَبْسِ الْأَزْوَاجِ عَلَيْهَا، حَدَثَ مِنْ الشُّرُورِ وَالْفَسَادِ مَا اللَّهُ بِهِ عَلِيمٌ.وَصَارَتْ الْمَرْأَةُ [إذَا أَحَسَّتْ مِنْ زَوْجِهَا بِصِيَانَتِهَا فِي الْبَيْتِ، وَمَنْعِهَا مِنْ الْبُرُوزِ، وَالْخُرُوجِ مِنْ مَنْزِلِهِ وَالذَّهَابِ حَيْثُ شَاءَتْ]: تَدَّعِي بِصَدَاقِهَا، وَتَحْبِسُ الزَّوْجَ عَلَيْهِ، وَتَنْطَلِقُ حَيْثُ شَاءَتْ، فَيَبِيتُ الزَّوْجُ وَيَظَلُّ يَتَلَوَّى فِي الْحَبْسِ، وَتَبِيتُ الْمَرْأَةُ فِيمَا تَبِيتُ فِيهِ فَإِنْ قِيلَ فَالشَّرْطُ إنَّمَا يَكْتُبُهُ حَالًّا فِي ذِمَّتِهِ تُطَالِبُهُ بِهِ مَتَى شَاءَتْ)
يعني بقى يلزمهم يحددوا وقت للمطالبة بالمؤخر مشروط مثلًا بالطلاق أو الموت ، علشان تكون له قوامة على زوجته مش كل ما يأمرها بأمر تغضب وتطالبه بالمؤخر وتسجنه
-طيب ياشيخنا الشريعة لما جعلت الموضوع دا إلزامي أكيد هنلاقيها خففت فيه علشان واقع الشباب يعني
معلش يعني ياشيخنا إنت دايمًا بتقول إن ربنا سبحانه افترض علينا هذا الشرع وهو يعلم أحوالنا ليوم القيامة..إحنا بنكح تراب يامولانا
🤣
=تقصد يعني إن الشباب دلوقتي مش قادرين على غلاء المهور والمفروض الشريعة تراعي ده ؟
-بالضبط ياشيخنا ، الشاب اللي هيجهز ويعمل كل دا مطلوب منه كمان مبالغ باهظة تحت مُسمى المهر!؟
=الوضع دا كان موجود زمان برضو يامصطفى ، النبي ﷺ كان بيزوج الفقراء .. وكان يحثهم على الزواج
-يعني الفقير يتزوج ياشيخ ؟..أمال إيه بقى حديث: (يَا مَعْشَرَ الشَّبَابِ مَنْ اسْتَطَاعَ منكُم الْبَاءَةَ فَلْيَتَزَوَّجْ ، فَإِنَّهُ أَغَضُّ لِلْبَصَرِ ، وَأَحْصَنُ لِلْفَرْجِ ، وَمَنْ لَمْ يَسْتَطِعْ فَعَلَيْهِ بِالصَّوْمِ فَإِنَّهُ لَهُ وِجَاءٌ)
يعني الفقير يصوم أهوه ميتزوجش
=يامصطفى ، الباءة مش تكاليف الزواج بس ..الباءة من معانيها القدرة على النكاح كمان ، والنبي ﷺ زوج الفقراء ، بل الرزق أساسًا بييجي بالنكاح
-الرزق بييجي بالنكاح ؟
😀

#حكاية_الم
َهر
🤔
✍️
أكيد هتعدي في زواجَك عالمرحلة دي ، أكيد هتكوني عاوزه تفهمي إيه الحوار
🙄
اليومية دي هتلخص القصة كلها للطرفين
👇
-السلام عليكم ورحمة الله وبركاته ، إزيك ياشيخ أحمد
=وعليكم السلام ورحمة الله وبركاته ، الله يسلمك يامصطفى ، مبارك عليك ياغالي سمعت إنك هتتزوج
💕
-الله يبارك فيك ياشيخنا ، بس غرقاااان في شبر مايه ياشيخ ، مش عارف راسي من رجلي
=ليه يادرش ؟...إيه الموضوع ؟
-دلوقتي ياشيخ أنا جهزت الشقة زي ما قلتلي ، وخلاص اتفقت مع الناس على كل حاجة في الزواج الشرعي ، بس أبوها سألني هتدفع مهر كام ؟..بصراحة مش عارف أقول له إيه ؟..وهل هيطلب مني حاجة مقدرش عليها وللا إيه ؟...وبعدين لقيت ناس توهوني أكتر...واحد يقوللي هتدفع صداق والتاني يقوللي الشبكة هتكون إيه واللي يقوللي المؤخر هتعمله كام ؟
هو أنا بعد تجهيز الشقة هدفع صداق ومهر وشبكة ومؤخر كمان
😭
=ههههههه...اصبر بس يادرش ربنا يهديك.. إيه اللي بتقوله دا كله
😂
-أنا عن نفسي ياشيخ مقلتش حاجة ، ولا عاوز أقول أصلًا والله...دا الناس اللي بيقولولي
=يامصطفى مش قلتلك بلاش الناس ؟..بلاش تمشي ورا الناس أصلًا
-طب قول ياشيخ...هتزوجني ببلاش ؟
😀
=يامصطفى مفيش حاجة اسمها ببلاش ، ومينفعش ندخل الزواج اللي هو ميثاق غليظ في الحسابات التجارية بتاعتنا..أنا هشرحلك الموضوع ببساطة خالص
ربنا سبحانه وتعالى بيقول: (وَءَاتُوا۟ ٱلنِّسَاۤءَ صَدُقَـٰتِهِنَّ نِحۡلَةࣰ) أي تعطيها هذا الصداق فريضة وَعَطيَّة عن طيب نَفس منك
الصداق هو المال الذي تدفعه للمرأة إذا أردت الزواج منها ، والصداق هو المَهر وهو نفسه الشَبكَة التي يعطيها الزوج لزوجته عندنا في مصر
-يعني لما أتزوج ياشيخ لازم مع تجهيز شقتي أدفع المهر أو الصداق ده ؟
=أيوا يامصطفى...النبي ﷺ حتى في الصحابي اللي مكنش معاه قال له: (اذْهَبْ فَالْتَمِسْ ولو خَاتَمًا مِن حَدِيد)...يعني اتزوج بأي حاجة حتى ولو بسيطة
مفيش زواج ببلاش
-طيب ياشيخ فيه عندي برضو حاجة كدا ، سمعت يعني إن المهر دا بندفعه للمرأة علشان لا مؤاخذة يعني هي هتملكني من نفسها
=تقصد يعني أجر لقضاء شهوتك ؟
-اممم.. فهمت كدا
🙄
=يامصطفى هو إنت بتقضي شهوتك لوحدك ؟...هي شاذة مثلًا ملهاش في الرجالة ؟
😀
-هاه...أمال إيه ؟
=يامصطفى اللي قالك كدا مش واخد باله إن نصف المهر دا هيكون من حق المرأة لو طلقتها بعد العَقد وقبل الدخول...إيه اللي أخدته منها بقى ؟
أكلت إيه تشرب عليه مايه زي ما بيقولوا ؟
-آه فعلًا
=كمان لو مات عنها العاقد قبل الدخول لها المهر كاملًا.. بالرغم إنه معملش حاجة!
-طب الموضوع إيه ياشيخ ؟..دا ربنا سماه ( أَجر )
يعني الست بتاخد أجر ياشيخ
ربنا بيقول: (فَمَا اسْتَمْتَعْتُمْ بِهِ مِنْهُنَّ فَآتُوهُنَّ أُجُورَهُنَّ فَرِيضَةً)
وبيقول: (وَالْمُحْصَنَاتُ مِنَ الَّذِينَ أُوتُوا الْكِتَابَ مِنْ قَبْلِكُمْ إِذَا آتَيْتُمُوهُنَّ أُجُورَهُنَّ)
وبيقول: (يَاأَيُّهَا النَّبِيُّ إِنَّا أَحْلَلْنَا لَكَ أَزْوَاجَكَ اللَّاتِي آتَيْتَ أُجُورَهُنَّ وَمَا مَلَكَتْ يَمِينُكَ)
=جميل كلامك...المهر زمان كان بيروح لولي المرأة مش للمرأة خالص
شايف شُعَيب في تزويج بنته من نبي الله موسى قال إيه: (قَالَ إِنِّیۤ أُرِیدُ أَنۡ أُنكِحَكَ إِحۡدَى ٱبۡنَتَیَّ هَـٰتَیۡنِ عَلَىٰۤ أَن تَأۡجُرَنِی ثَمَـٰنِیَ حِجَج)
الأب هو اللي كان هياخد المهر مش البنت
لما نزلت شريعة الإسلام الخاتَمَة بقى المهر حق خالص للبنات...ولذلك رب العالمين سماه أَجر وسماه نِحلَة يعني فريضة وَعَطية علشان بس يوضح إن مفيش زواج ببلاش ويوصل للناس إن العقد دا زي غيره من العقود ، فتعدد الأوصاف دليل على تعدد المهام وإعطاء المرأة مالًا تتقوى به على شراء ما قد يلزمها في حاجياتها التي قد تحتاجها في البيت الجديد ولم يأت به الزوج
الدكتور وهبة الزحيلي في كتاب الفقه الإسلامي وأدلته بيقول: (والحكمة من وجوب المهر: هو إظهار خطر هذا العقد ومكانته، وإعزاز المرأة وإكرامها، وتقديم الدليل على بناء حياة زوجية كريمة معها، وتوفير حسن النية على قصد معاشرتها بالمعروف، ودوام الزواج ، وفيه تمكين المرأة من التهيؤ للزواج بما يلزم لها من لباس ونفقة)
-جميل أوي الكلام ده ، طب أدفع كام يعني ياشيخ ؟
=المهر ملوش تحديد معين ، يعني الشريعة لَم تُلزِم أحدًا بمال معين في المهور ، ممكن مثلًا بعد ما تخلص شقتك وتيجي تتزوج تروح للناس وتقول لهم أنا هدفع مهر كذا من الأموال
الناس لهم يقبلوا ولهم يرفضوا
-دا غير الشبكة ياشيخ ؟
=الشَبگة يامصطفى صورة من صور المهر
-إزاي مش فاهم
=المهر في الأصل مش محدد بشئ معين.. يعني مثلًا لو دخلت بيت وقالولك مهر بنتنا موبايل آيفون مثلًا...لو جبت الآيفون تبقى دفعت مهر...بيت تاني يقولك عاوزين المهر 20.000ج ..ساعتها هتدفعه فلوس

✍️
التسرع بالحكم على "قائمة المنقولات" على أنها جائزة شرعًا، تشويه بَيَّن للشريعة
والإعتماد على تغييب الشاب بقول البعض: (هو كدا كدا مضى وخلاص وأكيد هو عارف) عامل زي النصابين زمان لما كانوا يروحوا لامرأة مُسنة ويمضوها على بيتها أو أرضها على اعتبار إنهم بيعملوا لمصلحتها وهي مش فاهمه هي بتمضي على إيه
ومحاولات البعض إدخال العزال من ضمن المهر علشان "بس" يكتبوا بيه قايمه، ترويج لباطل انتشر بإلزام الأب بتجهيز ابنته والشخص اللي بيبرر ساكت عن الإفصاح به لإنه كدا كدا هيعمل زي الناس
وكتابة العزال اللي هو "مهر" بعد كدا في قائمة المنقولات، تدليس لا يرضي الله ورسوله لأن القائمة ليست محلًا لكتابة المهور
وإنك تكون لسه متعرفش إن القائمة دي ورقة قانونية بحتة يحكم فيها القانون الوضعي مش شيخ المسجد، وتعرف المعلومة لأول مرة مع سماعك لحكم الحبس، فدا نتيجة بينة لكل مراحل التدليس اللي إنت مشيت فيها باسم الدين
ياصديقي...الشريعة واضحة وضوح الشمس، لا تدليس فيها ولا غرر ولا غش ولا خداع
فَمَن أتاك بغير هذا من البيان ثم وافقته على تدليسه وغشه فأنت لا تسير وفقًا لأحكام الله ورسوله
#نصباية_القائمة

✍️
تعليق الأخت "نهلة" كان رد منها على المنشور اللي كنت بناقش فيه هزلية مقارنة المهر بالشهادة الجامعية مستدلًا بالطبيبة بتاعة واقعة "الصُباع"، وقارنتها بحافظة للقرآن مثلًا مش معاها شهادتها بس محترمة (البوست كله عن هزلية تقدير المهر بناءًا على النظرة السطحية…