Baxtiyor Rasulov | Rasmiy kanal
Andijon davlat pedagogika institutida Zulfiya nomidagi Davlat mukofoti sovrindorlari bilan uchrashuv o‘tkazildi
8-mart — Xalqaro xotin-qizlar kuni arafasida O‘zbekiston Respublikasi Prezidentining “Zulfiya nomidagi Davlat mukofoti bilan taqdirlash to‘g‘risida”gi qaroriga muvofiq, mamlakatimizda xotin-qizlarni e’zozlash, ularning ezgu orzu-intilishlarini qo‘llab-quvvatlash hamda jamiyat hayotida faol ishtirok etib kelayotgan iqtidorli qizlarni munosib rag‘batlantirish maqsadida 28 nafar xotin-qiz mazkur nufuzli mukofot bilan taqdirlandi.
Quvonarlisi, ushbu yuksak e’tirofga sazovor bo‘lganlar qatorida Andijon davlat pedagogika institutining 1-bosqich magistrantlari — Abduqaxorova Muslimaxon Mirzabaxrom qizi hamda Umurzoqova Moxlaroy Muxtorjon qizi ham borligi institut jamoasi uchun alohida faxr va iftixor bag‘ishladi.
Shu munosabat bilan bugun Andijon davlat pedagogika institutida mazkur talaba-qizlar ishtirokida davra suhbati tashkil etildi. Tadbirda institut rektori Baxtiyor Rasulov, prorektorlar, avvalgi yillarda Zulfiya nomidagi Davlat mukofoti sovrindori bo‘lgan institut xodimlari va talabalari, shuningdek, faol talaba-yoshlar ishtirok etdilar.
Uchrashuv davomida mukofot sohibalari o‘zlarining ta’lim va ilmiy faoliyati, erishgan yutuqlari hamda kelgusidagi maqsad va rejalari haqida so‘zlab berdilar. Tadbirda so‘zga chiqqanlar yoshlarning, ayniqsa, talaba-qizlarning ilm-fan, ta’lim va jamiyat hayotidagi faolligini oshirish, ularning iqtidorini qo‘llab-quvvatlash muhim ahamiyat kasb etishini ta’kidladilar.
Samimiy ruhda o‘tgan davra suhbati talaba-qizlar uchun motivatsion muloqotga aylanib, ularga kelgusida yangi marralarni zabt etish yo‘lida katta ilhom bag‘ishladi.
🟦
Rasmiy sahifalarimizni kuzatib boring
🟦
Telegram
🟦
Facebook
🟦
Instagram
🟦
YouTube
Bu olamning bir gulisan, iforisan
Fasillarning kelinchagi bahorisan
Sen qalam ahlining go'zal ashorisan
Ne bo'lsa ham bizlar uchun sen muqaddas
Sen sevgilim, opa-singlim, munis onam
Seni deya qo'shiq kuylar butun olam
Sen muqaddas ayol
....
Andijon davlat pedagogika instituti rektori
Baxtiyor Rasulov
boshchiligida institut prorektorlari
Muhammadjon Parpiyev
,
O'tkirbek Muxtarov,
Bekzodbek Sirojidinov
,
Tursunboy Qodirov
va dotsent, xalqaro musiqiy tanlovlar g'olibi
Xusniddin Orifjonov
lar ayollarga ehtirom ko'rsatib, ajoyib tarona kuyladilar. Siz ham baho bering.
Bunaqasi bo'lmagan....
🟦
Rasmiy sahifalarimizni kuzatib boring
🟦
Telegram
🟦
Facebook
🟦
Instagram
🟦
YouTube
🟦
🟦
🟦
8-mart – Xalqaro xotin-qizlar kuni munosabati bilan tabrik
Hurmatli aziz va muhtarama ustozlar, opa-singillar, qadrli talaba-qizlar!
Avvalo, Sizlarni bahorning eng go‘zal va nurafshon bayramlaridan biri – 8-mart – Xalqaro xotin-qizlar kuni bilan Andijon davlat pedagogika instituti jamoasi nomidan hamda shaxsan o‘zim nomimdan samimiy muborakbod etaman.
Muhtaram ayollarimiz jamiyatimizning eng muqaddas tayanchi, ma’naviy barkamollik va mehr-oqibat timsolidir. Ayniqsa, institutimiz ravnaqi va taraqqiyotida Sizlarning o‘rningiz beqiyosdir. Ta’lim-tarbiya jarayonida, ilm-fan, madaniyat, sport va boshqaruv sohalarida xotin-qizlarimizning fidokorona mehnati, tashabbuskorligi hamda yuksak mas’uliyati institutimiz nufuzini yanada oshirib bormoqda.
Bugungi kunda talaba-qizlarimizning erishayotgan yutuqlari barchamizga alohida faxr bag‘ishlaydi. Jumladan, joriy yilda institutimizning 1-bosqich magistrantlari —
Abduqaxorova Muslimaxon Mirzabaxrom qizi
hamda
Umurzoqova Moxlaroy Muxtorjon qizi
nufuzli Zulfiya nomidagi davlat mukofoti sohibasi bo‘lgani institutimiz jamoasi uchun katta sharafdir. Shuningdek, “Yil talabasi” respublika tanlovida talaba-qizlarimiz
Aziza Shahobiddinova
hamda
Dilshoda Usmonova
ning faol ishtiroki va yuqori natijalari ham yoshlarimizning intilishi va salohiyatini yaqqol namoyon etmoqda.
Sport sohasida ham xotin-qizlarimizning muvaffaqiyatlari tahsinga loyiq. Institutimizning
ayollar voleybol jamoasi
respublika miqyosidagi musobaqalarda doimiy ravishda yuqori o‘rinlarni egallab kelayotgani barchamiz uchun quvonarlidir. Yengil atletika bo‘yicha talaba-qizimiz
Dilshoda Usmonova
ning Osiyo rekordchisi bo‘lishi esa institutimiz tarixidagi yorqin sahifalardan biri bo‘ldi.
Ilm-fan yo‘nalishida ham ayollarimiz safi tobora kengayib borayotgani quvonarli holatdir. Bugungi kunda institut boshqaruv tizimida ham xotin-qizlarning o‘rni tobora mustahkamlanib bormoqda. Jumladan, institutimizda
1 nafar dekan
,
8 nafar kafedra mudiri
hamda
14 nafar bo‘lim boshlig‘i
xotin-qizlardan iborat bo‘lib, ularning soni yildan yilga ortib bormoqda. Bu esa ayollarimizning nafaqat ta’lim jarayonida, balki boshqaruv tizimida ham katta salohiyat va mas’uliyat bilan faoliyat olib borayotganidan dalolat beradi.
Muhtaram opa-singillar! Sizlarning fidokorona mehnatingiz, yuksak natijalaringiz va ulkan yutuqlaringiz nafaqat institutimiz, balki butun jamiyatimiz taraqqiyotiga munosib hissa qo‘shmoqda. Sizlarning har bir muvaffaqiyatingiz biz uchun faxr va iftixor bag‘ishlaydi.
Fursatdan foydalanib, barchangizni yana bir bor ushbu go‘zal bayram bilan chin qalbimdan tabriklayman. Sizlarga mustahkam sog‘liq, oilaviy baxt-saodat, ishlaringizda ulkan muvaffaqiyatlar, ilmiy va ijodiy faoliyatingizda yangi zafarlar tilayman.
Doimo aziz va ardoqli bo‘lib, jamiyatimiz ravnaqi yo‘lida o‘z salohiyatingiz bilan ulkan yutuqlarga erishib yurishingizga tilakdoshman.
Bayramingiz muborak bo‘lsin, aziz va muhtarama opa-singillar!
Rasulov Baxtiyor Mahmudjonovich
Andijon davlat pedagogika instituti rektori
✅
@BaxtiyorRasulov
🟦
🟦
🟦
🟦
Hurmatli jamoamiz, aziz ustozlar va talabalar!
8-mart – Xalqaro xotin-qizlar kuni arafasida mamlakatimizning eng nufuzli mukofotlaridan biri — Zulfiya nomidagi Davlat mukofoti sohibalari safidan o‘rin olgan institutimiz magistrantlari bilan cheksiz faxrlanaman.
Andijon davlat pedagogika institutida tahsil olayotgan 1-bosqich magistrantlarimiz —
Abduqaxorova Muslimaxon Mirzabaxrom qizi
hamda
Umurzoqova Moxlaroy Muxtorjon qizi
ning ushbu yuksak e’tirofga sazovor bo‘lishi — nafaqat ularning shaxsiy yutug‘i, balki butun institutimiz ilmiy-ijodiy salohiyatining yorqin ifodasidir.
Muslimaxon Abduqaxorova tasviriy san’at yo‘nalishida respublika va xalqaro miqyosdagi ko‘rik-tanlovlarda qo‘lga kiritgan ko‘plab g‘alabalari, o‘nlab shaxsiy ko‘rgazmalari, ilmiy maqolalari va tashabbuskorlik faoliyati bilan chin ma’noda iste’dodli yosh ijodkor sifatida shakllanganini namoyon etdi. Uning xorijiy davlatlarda ham e’tirof etilgan ijodiy ishlari va ilmiy izlanishlari bugungi kunda yoshlarimiz uchun munosib namuna bo‘lib xizmat qilmoqda.
Moxlaroy Umurzoqova esa an’anaviy xonandalik yo‘nalishida xalqaro va respublika tanlovlarida erishgan yutuqlari, nufuzli festivallardagi g‘olibliklari, ilmiy maqolalari hamda ommaviy axborot vositalaridagi faol chiqishlari bilan milliy san’atimizni yuksak darajada targ‘ib qilib kelmoqda. Uning ijrosidagi mumtoz va maqom asarlari nafaqat yurtimizda, balki xalqaro maydonda ham e’tirof etilmoqda.
Institutimizda ana shunday bilimli, tashabbuskor, ijodkor va ijtimoiy faol magistrantlar ta’lim olayotganidan rektor sifatida yuksak faxr tuyg‘usini his qilaman. Bu yutuqlar — ustozlarimizning fidokorona mehnati, ta’lim sifati va yoshlarni qo‘llab-quvvatlash borasidagi tizimli ishlarimizning amaliy natijasidir.
Zulfiya mukofoti sohibalarini ushbu tarixiy muvaffaqiyat bilan samimiy muborakbod etaman. Ularning kelgusi ilmiy, ijodiy va kasbiy faoliyatida yanada ulkan zafarlar tilayman. Ishonchim komilki, ular kelgusida ham Yangi O‘zbekiston taraqqiyotiga munosib hissa qo‘shadigan yetuk mutaxassislar bo‘lib yetishadilar.
#ZulfiyaMukofoti
Baxtiyor Rasulov
Andijon davlat pedagogika instituti rektori
✅
@BaxtiyorRasulov
#Andijon_yoshlar_day
Андижон давлат педагогика институтида "Ёшлар куни" Ректор
ва ёшлар учрашуви
Andijon davlat pedagogika institutiда Пайшанба – Ёшлар куни доирасида институт ректори Бахтиёр Расулов волонтёр талабалар билан очиқ ва самимий мулоқот ўтказди. Учрашув давомида ёшларнинг ташаббус ва таклифлари тингланиб, волонтёрлик фаолиятини янги босқичга олиб чиқиш масалалари муҳокама қилинди.
Мулоқотда, аввало, волонтёрлик йўналишида илғор хорижий тажрибани ўрганиш мақсадида фаол ёшларни қисқа муддатли — 3 кунлик малака ошириш дастурлари асосида хорижий давлатларга юбориш таклифи илгари сурилди. Таъкидланганидек, бу ташаббус волонтёрларнинг ташкилий кўникмаларини мустаҳкамлаш, халқаро тажрибани ўзлаштириш ва институт миқёсида самарали лойиҳаларни амалга оширишга хизмат қилади.
Шунингдек, хорижий тиллар бўйича IELTS 8+ натижага эга бўлган 2 нафар магистр ташаббуси асосида институт талабалари ҳамда олийгоҳга туташ 5 та маҳалла ёшлари учун бепул хорижий тил курсларини йўлга қўйиш таклифи билдирилди. Мазкур ташаббус ёшларнинг тил компетенциясини ошириш, халқаро грант ва таълим дастурларида фаол иштирок этиш имкониятларини кенгайтиришга қаратилган.
Учрашувда ёшларни Андижон вилояти мезбонлигида ўтказиладиган йирик тадбирлар, форум ва маданий-маърифий лойиҳаларда волонтёр сифатида кенг жалб этиш масаласи ҳам кўриб чиқилди. Бу орқали ёшларнинг ижтимоий фаоллигини ошириш, ташкилий тажрибасини бойитиш ҳамда ҳудуд нуфузини мустаҳкамлаш кўзда тутилмоқда.
Ректор томонидан илгари сурилган таклифлар қўллаб-қувватланиб, уларни босқичма-босқич амалга ошириш бўйича масъулларга тегишли топшириқлар берилди. Учрашув якунида ёшларнинг ташаббускорлиги ва фуқаролик позицияси эътироф этилиб, волонтёрлик ҳаракатини янада ривожлантириш устувор вазифа экани таъкидланди.
👉
Vodiy1.uzга уланиш учун
https://t.me/Vodiy1uzofficial
. Водийнинг 1- рақамли каналига аъзо бўлинг
🟦
🟦
🟦
🟦
Yoshlar muammolarini hal qilish, ularni qo'llab-quvvatlash, bandligini ta’minlash — zimmamizdagi ustuvor vazifa
Kuni kecha Ko‘ksaroy qarorgohida O‘zbekiston Respublikasi Prezidenti Shavkat Mirziyoyevning yoshlar bilan bo‘lgan ochiq muloqoti mamlakatimizning taraqqiyot yo‘lida, ayniqsa, yoshlar siyosatida yangi bosqichni boshlab berdi. Uchrashuvda 60 mingdan ziyod yoshlar ishtirok etib, davlatimiz rahbari tomonidan inson kapitaliga qaratilayotgan yuksak e’tibor amaliy ravishda namoyon bo‘ldi.
Bugungi kunda global raqobat sharoitida iqtisodiy o‘sish, innovatsion taraqqiyot va ijtimoiy barqarorlikning asosiy omili — bilimli, tashabbuskor va faol yoshlardir. 2030-yilga kelib mehnat bozoriga kirib keladigan yoshlar soni 1 millionga yaqinlashadi, bu esa mamlakatimiz uchun katta imkoniyatni anglatadi. Shu imkoniyatdan samarali foydalanish uchun har bir yoshni zamonaviy kasb-hunarga ega, bilimli va iqtisodiy jihatdan mustahkam shaxs sifatida shakllantirish zarur.
Prezident tomonidan ilgari surilgan “Kelajak tadbirkori” dasturi yoshlarni ish izlovchidan ish beruvchiga aylantirishga qaratilgan tizimli qadam bo‘lib, startap va innovatsion loyihalar uchun moliyaviy resurs ajratilishi, 10 milliard so‘mgacha kredit imkoniyatlarining yaratishi va venchur qo‘llab-quvvatlash mexanizmlarining joriy etilishi yoshlarning iqtisodiy faolligini oshirishga xizmat qiladi.
Shuningdek, “Mening birinchi kasbim” dasturi bitiruvchilarga stajirovka imkoniyatini yaratish, oyiga 2 million so‘mgacha stipendiya bilan ta’minlash orqali ta’lim bilan mehnat bozori o‘rtasidagi uzviy bog‘liqlikni mustahkamlaydi. Bu tashabbus yosh mutaxassislarning ilk mehnat faoliyatidagi asosiy muammo — amaliy tajriba yetishmasligi masalasini hal qilishga qaratilgan.
Oliy ta’lim muassasalari oldida ham yangi vazifalar turibdi. Oliygohlar faqat bilim beruvchi muassasa emas, balki innovatsiya va tadbirkorlik markazi bo‘lishi kerak. Zamonaviy o‘quv-amaliy markazlar tashkil etish, dual ta’limni keng joriy etish, “spin-off” va startap loyihalarni qo‘llab-quvvatlash orqali oliygohlar hududiy iqtisodiy rivojlanish drayveriga aylanishi lozim.
Yoshlarning jismoniy tarbiyasi va sog‘lom turmush tarzi ham davlat siyosatining e’tibor markazida. Ommaviy sport musobaqalari, talabalar ligalari, OTMlar o‘rtasidagi turnirlar orqali faol, sog‘lom va maqsadli avlodni tarbiyalash imkoniyati mavjud. Bugungi kunda mamlakatimizda 22 milliondan ziyod yoshlar bor. Agar har bir yosh munosib ish o‘rniga, kasbga va o‘zini ro‘yobga chiqarish imkoniyatiga ega bo‘lsa, u o‘sib kelayotgan avlodning milliy taraqqiyot poydevoriga aylanishini ta’minlaydi.
Andijon davlat pedagogika instituti ushbu vazifalarni to‘liq va sifatli amalga oshirishni ustuvor maqsad deb biladi. Har bir oliy ta’lim tashkiloti yoshlar uchun bilim, innovatsiya va tadbirkorlik xabi bo‘lishi, bitiruvchi esa ish izlovchi emas, balki qiymat yaratuvchi mutaxassis sifatida hayotga qadam qo‘yishi shart.
Ko‘ksaroydagi muloqot — yoshlar kelajagi uchun aniq yo‘l xaritasi bo‘lib, belgilangan tashabbuslar moliyaviy manba va strategik maqsadlar bilan ta’minlangan. Ushbu qarorlar yoshlar bandligini ta’minlash, ularning intellektual va iqtisodiy salohiyatini to‘liq ro‘yobga chiqarish orqali Yangi O‘zbekiston taraqqiyotini yanada jadallashtiradi.
Aziz talaba yoshlar, o‘z imkoniyatlaringizni keng qamrovli qidiring, innovatsion loyihalaringizni ilgari suring, ilmiy va amaliy ko‘nikmalaringizni mustahkamlang, jamiyat va ta’lim tizimining rivojiga hissa qo‘shing!
Baxtiyor Rasulov
Andijon davlat pedagogika instituti rektori
✅
@BaxtiyorRasulov
🟦
🟦
🟦
🟦
🟦
Payshanba – Yoshlar kuni: ADPIda tonggi badantarbiya mashg‘ulotlari tashkil etildi
Payshanba – Yoshlar kuni munosabati bilan
Andijon davlat pedagogika institutida
sog‘lom turmush tarzini keng targ‘ib etish, talaba-yoshlarning jismoniy faolligini oshirish hamda ular o‘rtasida sog‘lom muhitni mustahkamlash maqsadida
tonggi badantarbiya mashg‘ulotlari tashkil etildi.
Mazkur tadbir
institut rektori Baxtiyor Rasulov boshchiligida
o‘tkazilib, unda professor-o‘qituvchilar, tyutorlar hamda
500 nafar talaba-yoshlar
faol ishtirok etdilar. Ertalabki mashg‘ulotlar maxsus sport murabbiylari ko‘magida olib borilib, ishtirokchilar uchun umumiy jismoniy rivojlantiruvchi mashqlar kompleksi bajarildi.
Tonggi badantarbiya mashg‘ulotlari yoshlarning kunni yuqori kayfiyatda boshlashlari, jismoniy chiniqishlari va sog‘lom turmush tarziga amal qilishlarini ta’minlashga xizmat qilmoqda. Shuningdek, bunday tashabbuslar institutda sog‘lom raqobat, jamoaviylik va birdamlik muhitini yanada mustahkamlashga zamin yaratadi.
Andijon davlat pedagogika institutida Yoshlar kuni doirasidagi tadbirlar izchil davom etmoqda.
#Payshanba
#Yoshlar_kuni
#Sport
🟦
Rasmiy sahifalarimizni kuzatib boring
🟦
Telegram
🟦
Facebook
🟦
Instagram
🟦
YouTube
🟦
🟦
🟦
🟦
🟦
Payshanba – Yoshlar kuni: ADPIda tonggi badantarbiya mashg‘ulotlari tashkil etildi
Payshanba – Yoshlar kuni munosabati bilan
Andijon davlat pedagogika institutida
sog‘lom turmush tarzini keng targ‘ib etish, talaba-yoshlarning jismoniy faolligini oshirish hamda ular o‘rtasida sog‘lom muhitni mustahkamlash maqsadida
tonggi badantarbiya mashg‘ulotlari tashkil etildi.
Mazkur tadbir
institut rektori Baxtiyor Rasulov boshchiligida
o‘tkazilib, unda professor-o‘qituvchilar, tyutorlar hamda
500 nafar talaba-yoshlar
faol ishtirok etdilar. Ertalabki mashg‘ulotlar maxsus sport murabbiylari ko‘magida olib borilib, ishtirokchilar uchun umumiy jismoniy rivojlantiruvchi mashqlar kompleksi bajarildi.
#Payshanba
#Yoshlar_kuni
#Sport
🟦
Rasmiy sahifalarimizni kuzatib boring
🟦
Telegram
🟦
Facebook
🟦
Instagram
🟦
YouTube
Bugun biz nafaqat buyuk tarixiy shaxs tavalludini, balki millatimiz tafakkuri, ma’naviyati va davlatlilik an’analarining yorqin timsolini yod etmoqdamiz. Men uchun Zahiriddin Muhammad Bobur siymosi – bu jasorat va latofat, qilich va qalam uyg‘unligining betakror namunasidir.
Bobur bobomiz qisqa, ammo mazmunan nihoyatda boy umr kechirdi. U nafaqat saltanat barpo etdi, balki o‘zining “Boburnoma” asari orqali tarix, geografiya, adabiyot va inson ruhiyatiga oid bebaho ilmiy-ma’rifiy meros qoldirdi. Uning ruboiylaridagi samimiyat, hayotga teran nigoh va insoniy iztirob bugun ham qalblarni larzaga soladi.
Biz, pedagoglar va yoshlar tarbiyasi bilan shug‘ullanuvchi jamoa sifatida, Bobur bobomizning ilmga, adabga, tafakkurga bo‘lgan ehtiromini yosh avlod qalbiga singdirishni o‘zimizning ustuvor vazifamiz deb bilamiz. Chunki Bobur merosi – bu shunchaki tarix emas, bu – milliy o‘zlik, tafakkur mustaqilligi va ma’naviy qudrat manbaidir.
✅
@BaxtiyorRasulov
“Yangi avlod” MTTlari tarmogʻi, ustama, soliq imtiyozlari. Prezidentimiz maktabgacha taʼlim tizimiga oid farmonni imzoladi
Oʻzbekiston Respublikasi Prezidentining
“Maktabgacha taʼlim va tarbiya tizimini yanada takomillashtirish chora-tadbirlari toʻgʻrisida”
gi Farmoni qabul qilindi. Unga koʻra:
➖
bir yillik maktabga tayyorlov guruhlarining taʼlim dasturi majburiy
umumiy oʻrta taʼlimning dastlabki bosqichi sifatida kiritiladi;
➖
maktabgacha taʼlim tizimida
oʻyinga asoslangan taʼlim joriy etiladi;
➖
tarkibida Bolalarni rivojlantirish innovatsion markazini oʻz ichiga olgan
“Yangi avlod” maktabgacha taʼlim tashkilotlari tarmogʻi tashkil etiladi;
➖
bir yillik maktabga tayyorlov guruhlarining taʼlim dasturlari maktabgacha taʼlim tashkilotlari, umumtaʼlim maktablari va
boshqa ijtimoiy soha obyektlarida toʻliq yoki qisqa muddatli guruhlarda amalga oshiriladi;
➖
maktabgacha va umumiy oʻrta taʼlim xizmatlarini koʻrsatuvchi nodavlat taʼlim tashkilotlariga
bir yillik maktabga tayyorlov guruhlarini tashkil etishga ruxsat beriladi;
2027-2028-oʻquv yilidan boshlab:
➖
maktabga tayyorlov guruhlarining taʼlim jarayonlari oliy maʼlumotli pedagoglar, shuningdek, oliy taʼlim tashkilotlarining
bitiruvchi bosqich talabalari tomonidan olib boriladi;
➖
maktabga tayyorlov guruhlarida taʼlim-tarbiya olgan bolalarga bir yillik maktabga tayyorlovdan oʻtganlik toʻgʻrisida davlat namunasidagi elektron sertifikat beriladi hamda
ushbu maʼlumotlar umumiy oʻrta taʼlim toʻgʻrisidagi shahodatnomada qayd etiladi;
2026–2028-yillarda:
➖
Qoraqalpogʻiston Respublikasi, viloyatlar markazlari va Toshkent shahrida bittadan davlat maktabgacha taʼlim tashkiloti sifatida faoliyat olib boruvchi
“Yangi avlod” maktabgacha taʼlim tashkiloti tashkil etiladi;
➖
“Yangi avlod” maktabgacha taʼlim tashkiloti rahbar, pedagog boshqa xodimlarining tarif stavkasiga nisbatan
20 foiz miqdorida har oylik qoʻshimcha ustama joriy etiladi;
2026-2027 oʻquv yilidan boshlab:
➖
pedagogika oliy taʼlim tashkilotlarida maktabgacha va boshlangʻich taʼlim yoʻnalishi boʻyicha
bakalavrlarni tayyorlash xalqaro ilgʻor tajriba asosida amalga oshiriladi;
➖
tegishli oliy taʼlim tashkilotlarida oʻrta maxsus maʼlumotli pedagog kadrlar uchun dual taʼlim shaklida maktabgacha taʼlim yoʻnalishida
toʻlov-shartnoma asosida bakalavrlar tayyorlash yoʻlga qoʻyiladi;
➖
yangi tashkil etilgan davlat maktabgacha taʼlim tashkilotlariga, birinchi navbatda,
oliy maʼlumotli tarbiyachilar ishga qabul qilinadi;
➖
2026-yil 1-aprel boshlab
:
➖
maktabgacha taʼlim qamrovi 80 foizdan past boʻlgan tuman
(shahar)
lardagi
(Toshkent shahri bundan mustasno)
tadbirkorlik subyektlari uchun qator imtiyozlar joriy etiladi
.
Farmonning toʻliq matni
@hilola_umarova