Bilol Sohib | Расмий канал

Kim Ramazon oyida do‘zaxdan ozod etilishni umid qilsa,
do‘zaxdan ozod bo‘lishga sabab bo‘ladigan amallarni qilishi lozim.
Ramazon oyida bunday sabablar osondir.
Abu Qiloba esa oy oxirida chiroyli bezatilgan bir cho‘rini ozod qilar edi.
U bu amal orqali Allohdan o‘zini ham do‘zaxdan ozod qilishni umid qilardi.
Ibn Rajab rahimahulloh

📌
#tafsir
🟢
Qur'oni karim tafsiri | Naba surasi | 1-qism
👀
Youtube
🎙
Bilol Sohib Marg'iloniy
«Rizvon TV» sahifasi
•••┄┄┄༻❅༺┄┄┄•••
🩵
Telegram
🩷
Instagram
❤
Youtube
💙
Facebook

📌
#tafsir
🟢
Qur'oni karim tafsiri | Naba surasi 1-qism
👀
Youtube
🎙
Bilol Sohib Marg'iloniy
«Rizvon TV» sahifasi
•••┄┄┄༻❅༺┄┄┄•••
🩵
Telegram
🩷
Instagram
❤
Youtube
💙
Facebook

Inqilobni “eksport qilish” va “shia yarimoyi” haqidagi siyosiy haqiqatlar
Eron xavfini doimiy ravishda bo‘rttirib ko‘rsatib, shu bahona bilan sionistik-amerikalik blok bilan ittifoqni oqlayotgan ayrim arab rejimlari bir nechta ochiq haqiqatni ataylab ko‘rmaslikka urinadi. Bu masala nafaqat tashqi siyosiy propagandaning mahsuli, balki mintaqadagi strategik muvaffaqiyatsizliklarni yashirishga qaratilgan siyosiy niqob hamdir.
Birinchi haqiqat: bo‘shliqni kim to‘ldirdi?
Bugun “Eron kengayishi” deb ta’riflanayotgan hodisaning ildizi aslida arab siyosiy tizimlarining o‘zida yotadi. Arab dunyosining katta qismi Falastin masalasi va mintaqaviy mustaqillik masalasida tarixiy rolini tark etdi. Ayrim rejimlar esa bundan ham oldinga o‘tib, dushman bilan ochiq yoki yashirin ittifoqqa kirdi.
Natijada mintaqada katta strategik bo‘shliq paydo bo‘ldi. Bu bo‘shliqni kimdir to‘ldirishi muqarrar edi. Eron va uning ittifoqchilari aynan shu joyni egalladi. Keyin esa aynan shu rejimlar o‘zlari yaratgan vaziyatni “Eron xatari” deb taqdim eta boshladi.
Agar arab siyosiy elitalari o‘z tarixiy mas’uliyatini bajarganida, bugungi manzara butunlay boshqacha bo‘lardi.
Ikkinchi haqiqat: “shia yarimoyi” qanday paydo bo‘ldi?
Bugun “shia yarimoyi” haqida ko‘p gapiriladi. Ammo uning shakllanishi faqat tashqi siyosat bilan emas, balki ichki siyosiy qarorlar bilan ham bog‘liq.
Bir tomondan, Eron mintaqadagi shia harakatlarini qo‘llab-quvvatladi. Bu ochiq haqiqat.
Lekin ikkinchi tomondan, arab rejimlari o‘z mamlakatlarida va butun mintaqada sunniy siyosiy harakatlarni shafqatsiz bostirish siyosatini olib bordi. Natijada jamiyat ichidagi tabiiy siyosiy kuchlar yo‘q qilindi va bo‘sh maydon paydo bo‘ldi.
Bu bo‘sh maydonni boshqa kuchlar egallashi esa tarixiy qonuniyatdir.
Uchinchi haqiqat: “inqilob eksporti” – siyosiy qo‘rqitish vositasi
Yillar davomida “Eron inqilobini eksport qilish” degan ibora mintaqada eng ko‘p ishlatilgan siyosiy qo‘rqitish vositalaridan biri bo‘ldi.
Ammo tarixiy faktlar boshqa narsani ko‘rsatadi.
So‘nggi yarim asr davomida Eron birorta ham arab yoki musulmon inqilobining boshlanishiga sabab bo‘lmagan. Hatto Arab bahori paytida ham Eron bu jarayonlarga ehtiyotkorlik bilan qaradi va ayrim hollarda ularni qo‘llab-quvvatlash o‘rniga sovuqqon pozitsiya egalladi.
Demak, “inqilob eksporti” haqidagi vahima ko‘proq siyosiy tashviqot bo‘lib chiqadi.
To‘rtinchi haqiqat: mazhabiy demografiya o‘zgarmadi
Eron inqilobidan beri qariyb ellik yil o‘tdi. Agar “shialashtirish loyihasi” haqiqatan mavjud bo‘lganida, bugun musulmon dunyosining demografik xaritasi keskin o‘zgarishi kerak edi.
Ammo bunday bo‘lmadi.
Sunniy millionlar shialikka o‘tib ketgani ham yo‘q, shialar ommaviy ravishda sunnilikni qabul qilgani ham yo‘q. Bo‘lib turgani – har doim bo‘lganidek – kichik o‘tishlar xolos.
Shu sababli “Eron xavfi”, “inqilob eksporti” yoki “shia yarimoyi” haqidagi doimiy vahima ko‘p hollarda mintaqadagi siyosiy muvaffaqiyatsizliklarni yashirish uchun ishlatiladigan qurol bo‘lib qolmoqda.
Haqiqiy savol esa boshqacha:
mintaqa nega o‘z strategik mustaqilligini yo‘qotdi va bu bo‘shliqni boshqalar to‘ldirishiga kim sabab bo‘ldi?
Bu savolga javob topilmaguncha, mintaqa siyosati doimo tashqi kuchlar tomonidan belgilanishda davom etadi.

Ibn Qayyum rahimahulloh aytadi:
“Bandaning hayotida eng foydali, Allohga yaqinlashish yo‘lida eng katta yordam beradigan narsa — Qur’onni tadabbur qilishdir.
Ya’ni, uning oyatlari ustida chuqur tafakkur qilish, ular ustida uzoq mulohaza yuritish va oyatlar ma’nolarini anglash uchun fikrni jamlash.”

Arab mamlakatlarida xorijiy harbiy bazalar shunchalik ko‘payib ketganki, go‘yoki Eronning sun’iy yo‘ldoshlarga yoki murakkab razvedka ma’lumotlariga ham ehtiyoji yo‘q — tasodifan zarba bersa ham, baribir raketalar shu bazalarning biriga tushib ketadigandek.
Italiya Iroq Kurdistonidagi harbiy bazasiga hujum uyushtirilganini e’lon qildi.
Bugun shunday bir holat yuzaga kelganki, go‘yo G‘arb dunyosida katta-kichik biror davlat qolmagandek — deyarli hammasining arab mamlakatlarida harbiy bazalari bor: Fransiya, Germaniya, Britaniya, AQSH, Italiya… va yana ko‘rinmay turganlari ham ko‘p. Hatto bir kun kelib Monako amirligining ham harbiy bazasi borligini bilib qolishimiz hech gap emas!
Bu urush davomida biz ilgari umuman bilmagan Amerika va Yevropa harbiy bazalari ham arab mintaqasida mavjud ekanini anglab yetdik — ilgari bilganlarimizdan tashqari yana qancha bazalar borligi ochilmoqda.
Bularning barchasi shuni ko‘rsatadiki, ayrim arab rejimlari davlat boshqarmayapti, balki go‘yo boshqalarga xizmat qiladigan joylarni boshqarayotgandek.

Tramp va uning jamoasining muammosi shundaki, ular asosan savdo-bitim va kelishuv odamlari — ular sivilizatsiyalar o‘rtasidagi chuqur to‘qnashuv tabiatini ham, kuchlar o‘rtasidagi katta strategik muvozanatni boshqarish san’atini ham yaxshi tushunmaydi.
Ammo taqdir ularni dunyodagi eng rivojlangan va eng halokatli harbiy kuch ustidan qaror qabul qiladigan holatga olib keldi.
Olov bilan o‘ynagan odam qanday kuyib ketishi mumkin bo‘lsa, halokatli qudrat bilan o‘ynash ham oxir-oqibat uning egasini ham halok qiladi.
“Kuch orqali tinchlik” degan shior aslida Tramp olib borayotgan siyosiy yo‘lning chiroyli bezatilgan nomi xolos — u esa aslida o‘zini-o‘zi halokat sari yetaklaydigan jarayondir.
Allohga shukrki, bugun na Amerika, na Yevropada zamonaviy dunyo tartibini shakllantirgan o‘sha eski davrning urush strateglari va buyuk siyosiy daholari qolmadi.
Ularning o‘rnida esa faqat Epstein mojarolari bilan bog‘langan va qimorboz siyosatchilar to‘dasi qolgandek ko‘rinadi.

📌
#Dolzarb
🟢
Eronda vaziyat keskinlashmoqda
👀
Youtube
🎙
Ustoz Bilol Sohib
«Rizvon TV» sahifasi
•••┄┄┄༻❅༺┄┄┄•••
🩵
Telegram
🩷
Instagram
❤
Youtube
💙
Facebook

“OXIRGI OʻN KUN”
Tasavvur qiling: men sizni qarshimga olib kelib shunday desam:
Mana bu yerda o‘nta chamadon turibdi, ulardan birida 100 million dollar bor.
Siz faqat bittasini tanlab ochasizmi, u bo‘lsa ham bo‘lmasa ham?
Yoki hammasini ochib ko‘rasizmi?
Albatta aytasiz: hammasini ochaman. Chunki bunday masalada hazil bo‘lishi mumkin emas.
Endi o‘ylab ko‘ring: atigi o‘n kecha qoldi.
Har bir kecha — Allohga qasamki — butun dunyo va undagi hamma narsadan qimmatroq, hatto o‘sha ichi toʻla chamadonlarning barchasidan ham ulug‘roqdir.
U kechalarda shunday bir kecha bor: agar siz unga muvaffaq bo‘lsangiz, go‘yo Allohga 84 yildan ham ortiq ibodat qilgandek bo‘lasiz.
Endi siz faqat bitta kecha bilan kifoyalanasizmi?
“Menimcha, shu Laylatul Qadr bo‘lsa kerak”, deb faqat o‘sha kechada namoz o‘qib, Qur’on tilovat qilasizmi?
Yoki hamma kechalarda ham jiddiy harakat qilib, inshaAlloh, uni topganlar qatorida bo‘lishga harakat qilasizmi?
Tanlov sizning qo‘lingizda.
U atigi bitta kecha, ammo agar siz unga erishsangiz, hayotingiz butunlay yaxshilik tomonga o‘zgaradi va Allohning izni bilan do‘zaxga kirmaysiz.