BnSamy

التضخم بقي 15.2% ودا مارس يعني لسه ابريل وبداية تأثير الكهرباء + زيادة اسعار السلع بسبب تكاليف الشحن العالمي
كده هنشوف 16% الشهر القادم ودا كده مش حلو، لان لسه في زيادة الحد الادني للاجور بالصيف اللي مفيش مقابلها زيادة انتاج يعني هتديني تضخم.
الطريق دا مش حلو لو استمر كده

سعر برميل النفط في الشهور قبل الحرب وقبل تصعيد فبراير الماضي كان متوسطه 65 دولار فلما تيجي تحسبها كده.
*️⃣
سعر البرميل 65$ وسعر صرف الدولار 47 جنية = سعر البرميل تقريبا 3 الاف جنية.
*️⃣
الحرب وقفت والبرميل الان نزل ل 95 دولار وحاليا الدولار 54.7 يعني كده البرميل بعد ما رخص بقى = 5200 جنية.
*️⃣
يعني السعر الحالي = زيادة 73% عن سعر بداية السنة ودا بعد هبوط سعر البرميل.
*️⃣
ففكرة ان الحرب خلصت اهي رخصوا البنزين دي فكرة طفولية، انتا تدعي ربنا انه ميزدش تاني، اه مهو البرميل اهو زايد بعد الانخفاض +70% مقابل زيادة بنزين 15%.
*️⃣
هتقولي يعني لو البترول لو رجع زي قبل الحرب الحكومة هترخص السعر، هقولك لى رجع + الدولار رجع 47 تبقي قابلني وقولي، البترول مش هيرجع تاني 65 دولار دي قبل سنتين مثلاً فخلاص كده زمن الطاقة الرخيصة خلص لسنين لقدام
😭
😭
😭
.
قال يلا رخصوا بقى البنزين، اسكت بس عشان أنا متوقع 2 جنية في الصيف كمان
😭
.

😍
😍
حد يفكرني كده اهداف الحرب بتاعة أمريكا كانت ايه
دي كده ايران هتلم لها رسوم عبور بس ممكن 4 او 5 اضعاف دخل قناة السويس، غير شيل العقوبات

الا يا اخي ما في حد عملي منشن وقالي ان شطور وقبل قرابة 3 اسابيع كتبت وقولت في بوست في الفيسبوك وهنا قولت فيه (
*️⃣
في مصر أعلى شريحة كهرباء هي للي بيعدي 1000 كيلو وسعرها حالياً 2.23 جنية، طيب ما نبتكر شريحة اضافية فوق الفين كيلو ونخلي سعرها 4.5 جنية)
*️⃣
بعدين وزارة الكهرباء بهدوء قررت إن فوق 2000 كيلو السعر يزيد 16% (لا قالوا تفاصيل ولا قالوا اعادة تسعير ولا ايه) يعني خلوا الشريحة السابعة 2.58 جنية ولو زودنا 16% يبقي 3 جنية الكيلو... الفكرة بتاعتي لكن اتطبقت بحنيه عني
😃
...
*️⃣
على فكرة الوزارة قالت إن أول 6 شرايح ثابتين والزيادة السابعة بس، وقالت ان 86% من المشتركين مش بيوصلوا للسابعة يعني فواتيرهم مش هتتغير... فأنا مع كده وهي ان شريحة ال 15% العليا يزيد عليها أكثر، دي هتتضرب تقول آااه لكن تحت هو لو اتلمس هيموت
😭
خلاص شبع ضرب مع إن الضرب لم يبدأ بعد أصلاً
https://t.me/BnSamyPosts/1794

رغم خروج الهوت ماني + انخفاض الذهب لكن الاحتياطي منزلش ودا معناه ان اللي كنت قولته في الفيديوهات
😃
وهو ان المركزي هيتسخدم الفلوس اللي متشاله على جنب
*️⃣
في 17.5 مليار دولار (رقم يناير) مش متضافين في الاحتياطي ومتشالين على جنب تحت مصطلح الاحتياطي الغير رسمي
*️⃣
استخدمناه وخرجنا الهوت ماني منه
😃
وكمان عوضنا نزول الذهب، واضح اننا سحبنا 10 مليار دولار مثلا منهم، عامة حركة حلوه تطمن الناس ان الاحتياطي لم ينهار رغم خروج الأموال الساخنة
⬅️
⬅️
للأمانة أنا في الفيديوهات توقعت ان خروج الهوت ماني يكون من الاحتياطي الغير رسمي لكن متوقعتش خالص اننا نعوض كمان انخفاض قيمة الذهب منه، دي جديدة.
⬅️
⬅️
عامة ما سبق لسه تخمين، لسه هنشوف صافي الأصول للقطاع المصرفي لإن ممكن نتفاجئ انه خرج الهوت ماني من البنوك
😭
😭
حركة كان محافظ مركزي سابق بيعملها بس حسن عبد الله سياسته مفروض مختلفه... غالباً خرجوا من الاحتياطي الغير رسمي معظمهم.
السؤال بقى مش بتشوفوا فيديوهاتي ليه، دا هو فيديو وحيد اسبوعي ، اه طويل شويتين ثلاثة اربعة خمسة بس هو واحد بس اعتبره دواء وخده عشان أحبكم
🤩
🤩

يوم الأحد الماضي لما نشرت الفيديو الاسبوعي قولت المزيد من الإجراءات الاقتصادية في الطريق وقولت إن الكهرباء هتيجي بس اتوقع شوية كده ومن 1 مايو لكن إن (عاجلاً أو عاجلاً) هنشوف زيادة كهرباء
😁
ايوا قولتها عاجلا او عاجلاً.
*️⃣
الحكومة قالت انتا بتستعجلنا، طيب الزيادة تمت من 1 أبريل
😁
😁
عشان تفتح بقك تاني
😂
...
*️⃣
عامة الزيادة ظريفة يعني الشرايح اللي تحت الألف كيلو في أمان، لكن اللي فوق الالف كيلو هيزيد... والتجاري هيزيد، يعني معظم الشعب فاتوره مش هتزيد، لكن التجاري بقى في زيادات عنده في شرايح هتزيد 90% لكن لو زودوا الأسعار بتاع خدماتهم هيطلع لك فلحوس أفندي يقولك جشع التجار
😃
... كهرباء ايه اللي زادت أنا فاتورة بيتي مزادتش، وبكده الشعب يشتم التجار وكل سنة وانتم طيبين يا مصريين
*️⃣
فيديو الاسبوع دا لسه متصورش الصراحة والوضع محير بالنسبة لي رغم ان التصعيد الامريكي دا وحتى ضرب الجسر انا قايله من بداية الحرب ان الشهر الثاني هو اعادة ايران للعصر الحجري وضرب كل شيء. لكن فعليا مش قادر أحلل لانشغالي جداً في شغلي لكن ربنا كريم

بعيد عن ترامب والدولار والاخبار اللي تزهق دي، قولت انشر خبر حلو
*️⃣
شركة ويز قررت زيادة رحلاتها من مصر من 80 رحلة أسبوعي ل 240 رحلة وهتفتح خطوط جديدة من 9 دول أوروبية إلى المطارات المصرية، هي مقدونيا ورومانيا وبلغاريا وسلوفاكيا وبولندا وليتوانيا وأرمينيا وألبانيا ومولدوفا
*️⃣
الدول دي كثير منها معندوش ربط مباشر بمصر فدا هيكون خبر كويس للسياحة
*️⃣
لو مهتم بتفاصيل الرحلات فهي 45 رحلة أسبوعياً من بولندا إلى مطارات سفنكس والغردقة وشرم الشيخ ومرسى علم، و27 رحلة من رومانيا إلى الغردقة وشرم الشيخ وسفنكس، و27 رحلة من ألبانيا إلى شرم الشيخ والغردقة وسفنكس.
*️⃣
ومعاهم 10 رحلات أسبوعياً من سلوفاكيا إلى شرم الشيخ ومرسى علم والغردقة، و7 رحلات من ليتوانيا إلى مرسى علم وشرم الشيخ والغردقة، و3 رحلات من ملدوفا إلى شرم الشيخ والغردقة، ورحلتين من مقدونيا إلى الغردقة، ورحلتين من بلغاريا إلى شرم الشيخ، إضافة إلى رحلتين من أرمينيا إلى مرسى علم.
*️⃣
قطاع السياحة المصري السنوات القادمة هيشهد طفرة كبيرة وبالمناسبة الدولة مستهدفة دا في السردية الاقتصادية المنشورة لو فاكرينها.

ترامب الكل انتظر خطابه النهاردة يعلن نهاية الحرب
*️⃣
لكن ترامب طلع قال لسه مخلصناش، ومش فارق معانا بترول الخليج عشان مش بنستورد من الخليج بترول، واللي متضايق من المضيق يروح يفتحه، وناقص يقول أبوكم
😂
*️⃣
راح الذهب والفضة واقعين والبترول قافز
😂
😂
😂
*️⃣
آدي أخره اللي يتوقع حاجة من رئيس كل يوم بكلمة زي ترامبو
تفتكروا هيطلع تقرير ان جهات مجهولة باعت ذهب وفضة واشترت بترول قبل الخطاب
😂
🤔
🤔
🤔

بما ان الحرب يبدو انها بتلفظ أنفاسها الأخير فدا فيديو ضخم كنت حاطه في الفريزر وقررت اطلعه بيتكلم عن العالم بعد الحرب وهل انتهت الازمة الاقتصادية ام تستمر بعد الحرب
فيديو طويل مدته ساعة بس متقسم لعدة اقسام تحت الفيديو هتلاقي وقت اختار القسم إللي يعجبك
وافتكر بس انه متصور 23 مارس فلو حاسس حاجة قديمة
https://youtu.be/FoFQIgFlzOQ

احم احم
ها يا شباب، دارحتى كنت طيب وبقول هينزل ربع جنية بس
شايفين النزول دا
برضك لسه مصر ان النهاردة خروج
😁
بكره دخول بسيط
والاسبوع القادم دخول هوت ماني
الااااا لو حصل تطور كبير بالحرب