Medical Data Without Youtube🤍🌺

ازيكم يا شباب
✳
في مشكلة صعبة بتواجه أصحاب القنوات ع التليجرام وهي أنه لما يحول القناة العامة لقناة خاصة لأي سبب كل اللينكات والفهارس مش بتشتغل والرسايل بتتوه وممكن متعرفش تطلعها من وسط الرسايل لو قناة كبيرة
⭐
فدا حل سهل وبسيط جدا وعملي هتخلص كل الفهرس في عشر دقايق بس
1⃣
دي قناة كنت عاملها السنة الي فاتت كانت عامة وبعدين حولتها خاصة فالفهرس معدش شغال زي ما ضغطت في الأول فبقوم واخد لينك أي رسالة ع القناة دلوقتي وواخد الجزء اللي أنا خدته بس لازم يكون من أول c مع الرقم اللي بعده "الجزء دا كأنه اسم القناة الجديد" بس مش باخد اخر رقم لأن دا رقم الرسالة ع القناة
2⃣
بعدين باخد الجزء دا كوبي بيست واحطه مكان الاسم القديم في كل لينك قديم زي ما عملت بالظبط
ويفضل لو بتعمل الحركة دي ب تليجرام X زي ما أنا عامل بيه هيوفر عليك وقت جامد
بالتوفيق
❤

السلام عليكم
لو سمحت في حد قريبي محتاج سكن في العباسية أو مكان قريب ليها،
لو أمكن تسأل إذا حد معاه رقم سماسرة ضروري!

لا حول ولاقوة الا بالله
إنا لله وإنا إليه راجعون…
زميلنا حسام في ذمة الله بعد معاناته إثر التقاط عدوى من احد المرضى أدت إلى إصابته بالتهاب الأغشية السحائية
، ربنا يرحمه ويغفر له ويكرم نزله ويجعل ذكراه دايمًا طيبه بيننا
اللهم اربط على قلوب أهله ، وارزقهم الصبر والسلوان.

ملكش نيابة:
بتدخل الزمالة المصرية في الصحة وبتتعلم ذيك ذي النايب
مش هياخد معادلة:
عادي بتقعد في مصر وبتفتح عيادة أو بتشتغل في مستشفي خاصة أو تروح دول الخليج تشتغل
بقيت First Gen:
أيوة إيه المشكلة.. هو كل الناس آبهاتهم دكاترة بيساعدوهم
ده أساتذتك في الكلية نفسهم فيه منهم كتير ذيك
هتجيب فلوس منين؟!
هشتغل في وزارة الصحة نايب هناك وهقبض ميقلش عن ٧ ل ٨ آلاف جنية إن مكنش أكتر دلوقتي
وحتي لو مكانوش كافيين هيزيدوا مع الوقت
وإحمد ربنا إن كليتك فيها شغل وتكليف أساساً
غيرك بيتعب ويشقي ذيك كلية ٥ سنين وفي الآخر بيشتغل سواق تاكسي أو Waiter في مطعم أو قاعد عالقهوة
هتاكل منين؟!
وقبل ما تتخرج كنت بتاكل منين؟!
وأنت مين قالك إنك لازم تعتمد فقط عالشغل الحكومي؟!
ما تفتح مشروع خاص بيك ما تشتغل في مستشفي خاصة..
دي حياتك وأنت أدري إزاي تجيب الفلوس
إيه اللي دخلك كلية طب:
المفروض إنك قبل ما تدخلها عارف كويس إيه اللي هيحصل..
عارف إنها صعبة وطويلة وغير مجزية مادياً في الأول
لكن بعد كده مستقبلها جميل جداً ومربح
ويكفيك إنك تكون سبب يقلل معاناة المتألم والمريض
رضيت بكده كان به
مرضتش بكده يبقي فعلاً إيه اللي دخلك كلية طب؟!
ممكن تمشي في أي لحظة علي فكرة أو تعمل Career shift
ولا أنا ولا حد هيلومك علي فكرة
وتبقي رحمت نفسك من كل المشاكل اللي أنت قولتها فوق دي
منغير ما نحبط الأجيال الجديدة

ابتسمت وقتها، وافتكرت كلام شيخي لما قال: إنك لو مشيت في طريق الشوق متعب، وتألمت، ووجعك طول، إياك تستعجل فتخسر.
لو كانت من نصيبك، ربنا هيقربها لك ولو بعد حين، وهيبدل لك الأقدار كلها علشان توصلك.
ولو ما كانتش، فاطمن..
" يُؤْتِكُمْ خَيْرًا مِّمَّا أُخِذَ مِنكُمْ "
فاهدأ قلبك، واصبر على اللي لسه ما فهمتش حكمته.. لأن تدبير ربنا دايمًا أرحم، وألطف، وأجمل مما نتخيل
💙
Amr nasser -

- بجد هي اتخطبت؟! مش إشاعة يعني؟
كنت لسه شغال متدرب في صيدلية يوم ما عرفت إن البنت اللي كنت بطلبها من ربنا في دعائي، واللي كنت بذكرها في سجودي كل يوم، بقت لحد غيري.
يومها حسيت إن الدنيا ضاقت مرة واحدة، وكأن كل حاجة وقفت قدامي فجأة..
ومن بعدها اتبدلت تمامًا..
من شخص خفيف ووشه مبتسم على طول، لواحد ساكت أغلب الوقت، يحب العزلة، ما بين شغله والمسجد والبيت، ولو فضي دقيقة يا إما ماسك المصحف، يا إما تايه على الفيس من غير نفس لأي حاجة..
وفي ليلة من الليالي، كنت واقف بصلي العشاء ورا الإمام، وسمعته يكرر آية كأنها جاية مخصوص تطبطب على قلبي: " يُؤْتِكُمْ خَيْرًا مِّمَّا أُخِذَ مِنكُمْ "
بعد الصلاة استنيته، وكان أصلًا شيخي اللي بحفظ عليه.
ربت على كتفي وقال:
جاهز تراجع وردك يا أحمد؟
ابتسمت وقولتله: = جاهز يا شيخنا.. بس قولي، يعني إيه: " يُؤْتِكُمْ خَيْرًا مِّمَّا أُخِذَ مِنكُمْ "؟
بصلي وقال:
بص يا أحمد، مفيش حاجة راحت مني في حياتي، وقلت بعدها الآية دي، إلا وربنا عوضني بأحسن منها بكتير.
لما خسرت شغلي مثلًا، ورجعت البيت مكسور، ومراتي سألتني: هنعمل إيه في المصاريف والعيال؟
قلتلها وأنا جوايا يقين كامل: " يُؤْتِكُمْ خَيْرًا مِّمَّا أُخِذَ مِنكُمْ "
وبعدها بأيام قليلة ربنا رزقني شغل أحسن، ومرتب أكبر.
وسكت شوية، وكمل:
ولما ابني الأول مات بعد سنين طويلة من الحرمان، وبعد تعب وعلاج وربنا رزقنا بيه، وكنت أنا اللي بدفنه بإيدي، قلت نفس الكلام:
" يُؤْتِكُمْ خَيْرًا مِّمَّا أُخِذَ مِنكُمْ "
وربنا بعد سنة واحدة بس رزقني بتوأم.. ومن غير أي أسباب كنت متوقعها.
وبعدين قال:
أم سلمة لما فقدت أبو سلمة، الرسول علمها تقول: " اللهم أجرني في مصيبتي، واخلف لي خيرًا منها "
قالتها بقلب مؤمن، وكان العوض بتاعها رسول الله ﷺ.
وسيدنا يوسف خرج من السجن لمكانة ما كانش حد يتخيلها،
وسيدنا يعقوب رجعله بصره بعد حزن طويل،
وسيدنا زكريا بعد طول انتظار ربنا رزقه بيحيى.
عوض ربنا يا ابني مش بس جميل.. ده فوق ما القلب يتخيل.
وبصلي كده وقال:
دايمًا هون على نفسك باليقين، ورددها من قلبك: " يُؤْتِكُمْ خَيْرًا مِّمَّا أُخِذَ مِنكُمْ "
خرجت من المسجد يومها وأنا لأول مرة حاسس براحة.
ومن بعدها كل ما الوجع يزيد، أو اليأس يقرب، كنت أحط إيدي على قلبي وأكرر: " يُؤْتِكُمْ خَيْرًا مِّمَّا أُخِذَ مِنكُمْ "
وأقول وأنا ساجد: اللهم ارزقني خيرًا مما فقدت..
ومع الوقت، بطلت أدعي بيها هي تحديدًا، وبطلت حتى أفكر فيها، وسلّمت أمري لربنا، وبقى عندي يقين إن الخير بيتدبر في الخفاء، حتى لو أنا مش شايفه.
عدّت الأيام، وخلصت شغلي في التدريب، وبعدها بفترة كلمني شيخي وقال:
أعرف لك بنت صالحة، أخلاقها طيبة، ومن بيت محترم.
قولتله: = خلاص، ابعت التفاصيل لوالدي، وهم يروحوا يسألوا، وأنا أول ما أرجع أبقى أشوفها.
أنا قدامي كام يوم شغل وبرجع.
وفعلًا، والدتي راحت، وكلمتني بعدها.
طمنيني يا أمي، إيه الأخبار؟
= بصراحة بنت كويسة جدًا.
ضحكت وقلت: = يا أمي أنا بكلم جد.
قالت:
ما أنا بتكلم جد. هي بنت محترمة، بس كانت مخطوبة قبل كده، والموضوع ما كملش عشان كان عندها حدود في فترة الخطوبة والطرف التاني ما قدرش يلتزم بيها.
وكمان فاضل لها سنة في دراستها، وعندها شوية شروط.
قولتلها: = شروط زي إيه؟ هي اسمها إيه أصلًا؟
قالت:
بتعلّم البنات قرآن في المسجد، وعايزة تكمل في ده بعد الجواز، وكمان شرطها الأساسي إنها متمسكة بالضوابط اللي مقتنعة بيها.
وبصراحة يا أحمد، البنت مريحة جدًا في الكلام وأخلاقها جميلة.
قولتلها: = تمام إن شاء الله، أنا كمان أربع أيام وراجع.. حددتوا معاد مع أهلها؟
قالت:
لا، كلم والدها بنفسك.
= حاضر.. طب اديني الرقم.. واسمها إيه؟
قالت:
اسمها مريم.
= نعم؟!
في إيه يا ابني؟
= .......
قفلت وأنا قلبي بيجري بطريقة غريبة..
كنت مش فاهم، هل هو مجرد تشابه أسماء؟
ولا هي فعلًا؟
وقتها قلت بيني وبين نفسي: يارب.. أنا كنت نسيتها، ليه رجعت سيرتها تاني؟
كلمت والدها، واتفقنا على ميعاد، ونزلت فعلًا.
ولما وصلت البيت، ارتحت شوية أول ما اكتشفت إنهم نقلوا من المكان القديم، وإن البيت مش هو اللي كنت أعرفه.
استقبلنا والدها، أنا والشيخ، ودخلنا وقعدنا شوية..
وبعدها قام والدها وأخد الشيخ وخرجوا بره.
وبعد دقيقة تقريبًا دخلت هي.
قلبي وقتها بدأ يدق بسرعة غريبة..
وعيني على الأرض، ومش قادر أرفعها.
عدّت لحظات طويلة.. خمس دقايق.. يمكن أكتر..
وبعدين رفعت بصري بالتدريج.
شوفت إيديها وهي بتفركهم ببعض بتوتر،
وشوفتها هي..
وقتها وقفت أفكر: إزاي السنة دي كلها عدّت؟
إزاي أنا نسيتها من دعائي، لكن ربنا ما نسيهاش؟
إزاي كنت كل اللي بقوله: يارب ارزقني خيرًا مما أُخذ مني، ويكون الخير اللي جه هو نفسه الحاجة اللي كنت فاكر إنها راحت خلاص؟
قطعت شرودي وقالت:
حضرتك في حاجة؟
= لا.. لا أبدًا.
أنا اسمي مريم.
= عارف.. وأنا أحمد.

ابني الغالي،
السبب الحقيقي لإرهاقك الدائم ليس كثرة العمل… بل الدوائر المفتوحة في حياتك.
الرسالة التي لم تردّ عليها،
الاعتذار الذي تدين به،
القرار الذي تؤجله،
والحديث الذي تواصل تأجيله.
هذه الأمور تبقى تعمل بصمت في خلفية ذهنك طوال اليوم،
تستنزف طاقتك دون أن تشعر.
أغلق دوائرك المفتوحة…
وسترى طاقتك تعود إليك.
فالفوضى الذهنية
أشد إنهاكًا من أي جهدٍ جسدي.

السلام عليكم
لو موجود معانا دكتورة امتياز في الزهراء ياريت ترد في الكومنت
جزاكم الله خيرا

https://t.me/gentarrbot
بوت اذكار يا شباب جعلنا الله وإياكم من الذاكرين

تتقدم جامعة الأزهر برئاسة فضيلة الدكتور سلامة جمعة داود، رئيس الجامعة، ونواب رئيس الجامعة، وعمداء الكليات، وأمين عام الجامعة؛ بخالص العزاء وصادق المواساة إلى أسرة مستشفى الزهراء الجامعي، في وفاة المغفور لها- بإذن الله تعالى- الدكتورة «آلاء جمعة صديق»، نائب قسم الباطنة، سائلين المولى- عز وجل- أن يتغمدها بواسع رحمته، وأن يسكنها فسيح جناته مع النبيين والصديقين والشهداء والصالحين وحسن أولئك رفيقًا.
﴿إنَّا لله وإنَّا إليه راجعون﴾.