Hazorasp pedagoglari|Rasmiy kanal

#KRK
#KRS
Navbatdagi KRK kunlari
Hazorasp tumanidagi ilg‘or o‘qituvchilar ishtirokida filologiya fanlari yo‘nalishi bo‘yicha navbatdagi KRK tadbirlari tashkil etildi. Mazkur tadbirlar Hazorasp tumanidagi 1-sonli hamda 21-sonli umumiy o‘rta ta’lim maktablarida yuqori saviyada o‘tkazildi.
Tadbir davomida tajribali va ilg‘or pedagoglar tomonidan zamonaviy pedagogik yondashuvlar, dars jarayonida qo‘llanilayotgan samarali metodlar hamda o‘quvchilarning bilim va ko‘nikmalarini rivojlantirishga qaratilgan ilg‘or tajribalar namoyish etildi. Shuningdek, o‘qituvchilar o‘zaro fikr almashib, dars jarayonini yanada takomillashtirish, o‘quvchilarning ona tili va adabiyot fanlariga bo‘lgan qiziqishini oshirish bo‘yicha muhim tavsiyalar berdilar.
Ushbu KRK tadbirlari pedagoglar o‘rtasida tajriba almashish, metodik yordam ko‘rsatish hamda ta’lim sifatini yanada oshirishda muhim ahamiyat kasb etadi.
Hazorasp tuman MMTB Axborot xizmati
Hazorasp tuman Maktabgacha va maktab ta’limi bo'limining rasmiy sahifalari
✅
Telegram
|
📹
Youtube
|
📱
Facebook
|
➡️
Hazorasp_MMTB
⬅️

#bayram
#8mart
🗓
Hazorasp tumanidagi 1-son umumiy o‘rta ta’lim maktabida 8-mart — Xalqaro xotin-qizlar kuni munosabati bilan
“Sen baribir muqaddassan, ayol”
nomli bayram tadbiri ko‘tarinki ruhda tashkil etildi. Mazkur tadbir ayol ustoz va murabbiylarning jamiyatdagi o‘rni, ularning ta’lim-tarbiya sohasidagi fidokorona mehnatini e’tirof etish hamda ularga hurmat va ehtirom ko‘rsatish maqsadida o‘tkazildi.
Tadbir davomida maktab o‘quvchilari tomonidan tayyorlangan badiiy chiqishlar, raqslar hamda sahna ko‘rinishlari namoyish etildi. Ayniqsa, yoshi ulug‘ va tajribali ayol ustozlarimiz sharafiga bag‘ishlab o‘quvchilar tomonidan ijro etilgan raqslar, she’rlar va sahna ko‘rinishlari yig‘ilganlarga katta taassurot qoldirdi. O‘quvchilar o‘z chiqishlari orqali ustozlarga bo‘lgan hurmat va minnatdorliklarini ifoda etdilar.
Bayram tadbiri davomida ta’lim tizimida uzoq yillar samarali mehnat qilib kelayotgan ayol o‘qituvchi va murabbiylarga alohida e’tibor qaratilib, ularga qimmatbaho sovg‘alar topshirildi. Shuningdek, tadbirda faol ishtirok etgan o‘quvchi-qizlar ham rag‘batlantirilib, ularga faxriy yorliqlar hamda esdalik sovg‘alari berildi.
Mazkur bayram tadbiri barcha ishtirokchilarga ko‘tarinki kayfiyat ulashib, ayol ustoz va murabbiylarga bo‘lgan hurmat va ehtiromni yana bir bor namoyon etdi. Tadbir yakunida barcha ayol ustozlar va o‘quvchi-qizlar bayram bilan samimiy qutlanib, ularga sihat-salomatlik, baxt-saodat hamda kelgusi faoliyatlarida ulkan muvaffaqiyatlar tilandi.

🗓
8️⃣
➖
🔤
🔤
🔤
🔤
Hazorasp tumani Maktabgacha va maktab ta’limi bo‘limi boshlig‘i boshchiligida 8-mart — Xalqaro xotin-qizlar kuni munosabati bilan bayram tadbiri tashkil etildi. Ushbu tadbir davomida tumanimizdagi maktabgacha ta’lim tashkilotlari hamda umumta’lim maktablarida faoliyat yuritib kelayotgan ayol o‘qituvchilar va murabbiylar, shuningdek, Maktabgacha va maktab ta’limi bo‘limida mehnat qilayotgan xotin-qizlar samimiy tabrik va ezgu tilaklar bilan qutlandi.
Tadbir davomida ta’lim tizimida fidokorona mehnat qilib kelayotgan ayollarning jamiyat hayotidagi o‘rni, yosh avlodni tarbiyalashdagi beqiyos hissasi alohida e’tirof etildi.
Ularning ta’lim-tarbiya sohasidagi samarali faoliyati, mas’uliyatli mehnati hamda yosh avlodni bilimli va barkamol etib tarbiyalash yo‘lidagi xizmatlari yuqori baholandi.
Bayram munosabati bilan barcha ayol ustoz va murabbiylarga samimiy minnatdorlik izhor etilib, ularga sihat-salomatlik, oilaviy baxt-saodat hamda kelgusi ishlarida ulkan muvaffaqiyatlar tilandi.
Hazorasp tuman MMTB Axborot xizmati
Hazorasp tuman Maktabgacha va maktab ta’limi bo'limining rasmiy sahifalari
✅
Telegram
|
📹
Youtube
|
📱
Facebook
|
➡️
Hazorasp_MMTB
⬅️

#Turon_maktab_teatri
#Birinchi_bosqichi#
🎭
Bugun Respublikamizdagi barcha tuman va shaharda “Turon” maktab teatri tanlovining 1-bosqichi o’tmoqda.Hazorasp tumani MMTB ga qarashli umumta'lim maktablari o‘rtasida 2 kun davom qilgan bu tanlov o‘quvchilarda katta taassurot qoldirdi.
🏆
Tanlov natijalariga ko‘ra g’olib jamoalar viloyat bosqichida oʻz tumanlari sharafini himoya qiladilar.
🗓
Tanlovning viloyat bosqichi aprel oyida boʻlib oʻtishi rejalashtirilgan.
📷
Rasmda Xorazm viloyati Hazorasp tumanidagi jarayonlar
Hazorasp tuman MMTB Axborot xizmati
Hazorasp tuman Maktabgacha va maktab ta’limi bo'limining rasmiy sahifalari
✅
Telegram
|
📹
Youtube
|
📱
Facebook
|
➡️
Hazorasp_MMTB
⬅️

2026-yil 6-mart kuni 1-sonli umumta’lim maktabida “Kasbiy rivojlanish kuni” doirasida ingliz tili fanidan "How can we observe lesson constructively based on international practises"mavzusida navbatdagi amaliy trening mashg‘uloti tashkil etildi. Mazkur trening 1-sonli umumta’lim maktabining mentor o‘qituvchisi Saidova Dilfuza va xorijiy mutaxassis, ingliz tili o‘qituvchisi Pritesh Kumar tomonidan olib borildi.
Trening davomida ingliz tili o‘qituvchilari uchun zamonaviy pedagogik yondashuvlar, xususan, o‘quvchiga yo‘naltirilgan ta’lim tamoyillari asosida darsni tashkil etish usullari, interaktiv metodlar, hamkorlikda o‘qitish feedback turlari hamda raqamli texnologiyalardan samarali foydalanish yo‘llari namoyish etildi. Xorijiy o‘qituvchi tomonidan xalqaro tajriba asosida kommunikativ yondashuv, madaniyatlararo muloqotni rivojlantirish va dars jarayonida ko'rgazmali materiallar va harakatli o'yinlardan foydalanish bo‘yicha amaliy tavsiyalar berildi.
Mashg‘ulotda maktabning barcha ingliz tili yetakchi fan o‘qituvchilari faol ishtirok etib, davomat 100 foizni tashkil etdi. Ishtirokchilar o‘zaro tajriba almashish, innovatsion metodlarni amaliyotga tadbiq etish hamda kasbiy mahoratni oshirish yuzasidan fikr-mulohazalar bildirdilar. Trening yakunida berilgan taklif va tavsiyalar kelgusida dars sifati va samaradorligini yanada oshirishga xizmat qilishi alohida ta’kidlandi.
Hazorasp tuman MMTB Axborot xizmati
Hazorasp tuman Maktabgacha va maktab ta’limi bo'limining rasmiy sahifalari
✅
Telegram
|
📹
Youtube
|
📱
Facebook
|
➡️
Hazorasp_MMTB
⬅️

🇺🇿
Davlatimiz rahbari Sh.M. Mirziyoyev tomonidan 2026-yil 24-fevral kuni Ko‘ksaroy qarorgohida yoshlar bilan o‘tkazilgan muloqot davomida har haftaning payshanba kuni “Yoshlar kuni” deb e’lon qilindi. Ushbu tashabbus yoshlarning muammolarini o‘rganish, ularni qo‘llab-quvvatlash hamda kelajak rejalari va tashabbuslarini rag‘batlantirishga qaratilgan muhim qadam sifatida e’tirof etildi.
Mazkur topshiriqlar ijrosini ta’minlash maqsadida 2026-yil 5-mart kuni Hazorasp tumanidagi 1-son umumiy o‘rta ta’lim maktabida yoshlar bilan uchrashuv tashkil etildi. Uchrashuvda maktab direktori A. Ismailov hamda Hazorasp tumani Maktabgacha va maktab ta’limi bo‘limi xodimi K. Yaxshimuradov ishtirok etdilar.
Uchrashuv davomida o‘quvchi-yoshlar bilan ochiq va samimiy muloqot o‘tkazilib, ularning kelajakdagi orzu-maqsadlari, tanlagan kasblari, ta’lim jarayonidagi yutuq va qiyinchiliklari haqida suhbatlashildi. Shuningdek, yoshlarni bilim olishga yanada rag‘batlantirish, ularning qobiliyat va iste’dodlarini rivojlantirish, Vatanga sadoqat ruhida tarbiyalash masalalariga alohida e’tibor qaratildi.
Suhbat davomida yoshlar o‘zlarini qiziqtirgan savollar bilan murojaat qilib, kelajakdagi rejalari haqida fikr-mulohazalarini bildirdilar. Mutasaddilar esa ularga o‘z tavsiya va maslahatlarini berib, doimo bilim olishga intilish, yuksak marralarni ko‘zlab harakat qilish zarurligini ta’kidladilar.
Mazkur uchrashuv yoshlarning fikr va tashabbuslarini qo‘llab-quvvatlash, ularning jamiyat hayotidagi faolligini oshirish hamda kelajakda yetuk va vatanparvar insonlar bo‘lib yetishishlariga xizmat qilishi bilan ahamiyatlidir.
Hazorasp tuman MMTB Axborot xizmati
Hazorasp tuman Maktabgacha va maktab ta’limi bo'limining rasmiy sahifalari
✅
Telegram
|
📹
Youtube
|
📱
Facebook
|
➡️
Hazorasp_MMTB
⬅️

O‘zbekiston Respublikasi Maktabgacha va maktab ta’limi vazirining 2025-yil “ 3 ” -noyabrdagi 417 - son buyrug‘iga asosan 2025-2026-o'quv yilida Umumta’lim maktab o‘quvchilari o‘rtasida “Ixtirochilikka qadam” tanlovining viloyat bosqichida faol qatnashganligi uchun viloyat maktabgacha va maktab ta'limi boshqarmasining Faxriy yorliqi bilan taqdirlanadi.
Hazorasp tuman MMTB Axborot xizmati
Hazorasp tuman Maktabgacha va maktab ta’limi bo'limining rasmiy sahifalari
✅
Telegram
|
📹
Youtube
|
📱
Facebook
|
➡️
Hazorasp_MMTB
⬅️

2026-yil 4-mart kuni Hazorasp tumanidagi 45-sonli tayanch maktabida Tabiiy fanlar yo‘nalishida faoliyat yuritayotgan o‘qituvchilar uchun navbatdagi Kasbiy rivojlantirish kursi (KRK) mashg‘uloti yuqori saviyada tashkil etildi.
Uyga vazifa sifatida berilgan "Chiqindiga ikkinchi hayot" nomli topshiriqni guruhlar taqdimot qilib berishdi qolaversa "Darslarda raqamli platformalar va interaktiv vositalardan foydalanish" mavzusiga bag‘ishlangan ushbu dars mashg‘ulotini mentor o‘qituvchi Mirzayeva Nafisa olib bordi.
Mashg‘ulot davomida zamonaviy ta’limning muhim vositalari hisoblangan Kahoot, Wordwall, Plickers va Canva kabi platformalarning imkoniyatlari atroflicha yoritib berildi. Mentor tomonidan ushbu dasturlarda ishlash tartibi, interaktiv o‘yinlar va testlar yaratish hamda dars jarayonida ulardan unumli foydalanish usullari amaliy mashqlar orqali tushuntirildi. Ayniqsa, raqamli texnologiyalarni darsga tatbiq etish o‘quvchilarning fanga bo‘lgan qiziqishini oshirish va dars sifatini yangi bosqichga olib chiqishning eng samarali yo‘li ekanligi alohida ta’kidlandi.
Hazorasp tuman MMTB Axborot xizmati
Hazorasp tuman Maktabgacha va maktab ta’limi bo'limining rasmiy sahifalariga
✅
Telegram
|
📹
Youtube
|
📱
Facebook
|
➡️
Hazorasp_MMTB
⬅️

Hazorasp tumanidagi 17-son umumiy o‘rta ta’lim maktabining tarix fani o‘qituvchisi To‘raxonova Yulduzxon tomonidan 5-“B” sinf o‘quvchilari ishtirokida “Turkiston ma’rifatparvarlari” mavzusida ochiq dars tashkil etildi. Mazkur dars o‘quvchilarning tarixiy bilimlarini mustahkamlash, ularni milliy qadriyatlar va ajdodlarimiz merosiga hurmat ruhida tarbiyalash maqsadida tashkil etildi.
Dars davomida o‘quvchilar Turkiston taraqqiyoti yo‘lida fidokorona xizmat qilgan jadid ma’rifatparvarlari — Mahmudxo‘ja Behbudiy, Munavvarqori Abdurashidxonov, Abdulla Avloniy kabi buyuk allomalarning hayoti, faoliyati hamda ularning xalq ma’rifati yo‘lidagi beqiyos xizmatlari haqida batafsil ma’lumotlarga ega bo‘ldilar. O‘quvchilarga ushbu ma’rifatparvar zotlarning millat ravnaqi, ta’lim-tarbiya rivoji va jamiyat taraqqiyotidagi o‘rni keng tushuntirildi.
Ochiq dars jarayonida zamonaviy pedagogik yondashuvlar, interfaol metodlar, guruhli ishlanmalar hamda savol-javob usullaridan samarali foydalanildi. Bu esa o‘quvchilarning darsga bo‘lgan qiziqishini yanada oshirib, ularning mustaqil fikrlash ko‘nikmalarini rivojlantirishga xizmat qildi. Shuningdek, o‘quvchilarda tarixiy xotiraga hurmat, ajdodlarimiz merosiga ehtirom hamda Vatanga sadoqat tuyg‘ularini shakllantirishga alohida e’tibor qaratildi.
Dars davomida o‘quvchilar faol ishtirok etib, mavzu yuzasidan o‘z fikr-mulohazalarini bildirdilar, jadid ma’rifatparvarlari haqida tayyorlagan kichik taqdimot va ma’lumotlarini namoyish etdilar. Bu esa darsning mazmunli va qiziqarli o‘tishiga xizmat qildi.
Mazkur ochiq darsning asosiy maqsadi — yosh avlod qalbida milliy o‘zlikni anglash, ajdodlarimizning boy ma’naviy merosiga hurmat ruhini shakllantirish hamda ularni ilm-ma’rifatga intilish, yurt ravnaqi yo‘lida fidokor bo‘lish g‘oyalari ruhida tarbiyalashdan iboratdir.
Hazorasp tuman MMTB Axborot xizmati
Hazorasp tuman Maktabgacha va maktab ta’limi bo'limining rasmiy sahifalariga
✅
Telegram
|
📹
Youtube
|
📱
Facebook
|
➡️
Hazorasp_MMTB
⬅️

Bugun, 2026-yil 4-mart kuni Hazorasp tumanidagi 1-son umumiy o‘rta ta’lim maktabida viloyat ishchi guruhi tomonidan o‘rganish ishlari olib borildi. Mazkur o‘rganish O‘zbekiston Respublikasi Vazirlar Mahkamasining 2022-yil 25-avgustdagi “Qoraqalpog‘iston Respublikasi va Xorazm viloyatidagi umumiy o‘rta ta’lim muassasalarida boshlang‘ich sinf o‘quvchilarini bepul ovqat bilan ta’minlashni tashkil etish chora-tadbirlari to‘g‘risida”gi 472-sonli qarori ijrosini ta’minlash maqsadida tashkil etildi.
O‘rganish jarayonida 1–4-sinf o‘quvchilariga yetkazib berilayotgan “keytering” xizmatlari asosidagi oziq-ovqat mahsulotlarining maktabga qabul qilinishi, ularning sanitariya talablariga muvofiq holda saqlanishi hamda o‘quvchilarga belgilangan tartibda tarqatilishi holatlari atroflicha ko‘zdan kechirildi.
Ishchi guruh a’zolari tomonidan mahsulotlarning sifati, yaroqlilik muddati, saqlash sharoitlari hamda ovqat tarqatish jarayonining amaldagi me’yoriy hujjatlar asosida tashkil etilgani alohida e’tibor bilan o‘rganildi. Shuningdek, oshxona va oziq-ovqat mahsulotlarini saqlash joylaridagi sanitariya-gigiyena talablari ham ko‘zdan kechirildi.
O‘rganish davomida ishchi guruh a’zolari sinf xonalariga kirib, o‘quvchilar bilan suhbatlashdilar hamda ularga berilayotgan bepul ovqatning sifati va ta’mi haqida fikrlarini so‘radilar. O‘quvchilar bilan o‘tkazilgan suhbatlar orqali ovqatlanish jarayonining qay darajada tashkil etilgani yuzasidan ham ma’lumotlar olindi.
Mazkur o‘rganish ishlari boshlang‘ich sinf o‘quvchilarini sog‘lom va sifatli ovqat bilan ta’minlash tizimini yanada takomillashtirish, mavjud jarayonlarni yanada samarali tashkil etish hamda qaror ijrosini to‘liq ta’minlashga qaratilgani bilan ahamiyatlidir.
Hazorasp tuman MMTB Axborot xizmati
Hazorasp tuman Maktabgacha va maktab ta’limi bo'limining rasmiy sahifalariga
✅
Telegram
|
📹
Youtube
|
📱
Facebook
|
➡️
Hazorasp_MMTB
⬅️