IIV JIED | Rasmiy kanal

Jamoada hamjihatlikni oshirish bo‘yicha psixologik trening o‘tkazildi
To‘rtinchi mintaqaviy hududga qarashli 33-son manzil-koloniyada xizmat olib borayotgan xodimlarda ko‘tarinki kayfiyatni shakllantirish, sog‘lom fikrlash muhitini mustahkamlash hamda xizmat jarayonida uchrashi mumkin bo‘lgan stress holatlarining oldini olish maqsadida psixologik treninglar tashkil etilmoqda.
Mazkur trening doirasida Qashqadaryo viloyati Muborak tumani maktab ta’limi psixologi hamda markaz psixologlari ishtirokida xodimlar uchun “Stress hamda depressiyadan xoli bo‘lish” mavzusida psixo-emotsional bo‘shashtiruvchi maxsus autotrening mashg‘ulotlari o‘tkazildi.
IIVJIED

Xodimlar bilan amali o'q otish mashg'ulotlari o'tkazildi
Ikkinchi mintaqaviy hududda joylashgan 10-son tergov hibsxonasi xodimlari bilan amaliy o‘q otish mashg‘uloti o‘tkazildi.
Mashg‘ulot davomida xodimlarga xizmat qurollaridan to‘g‘ri foydalanish, xavfsizlik qoidalariga rioya qilish va amaliy ko‘nikmalarini oshirish bo‘yicha tushuntirishlar berildi. Shuningdek, xodimlarning o‘q otish malakasi sinovdan o‘tkazilib, aniqlangan kamchiliklarni bartaraf etish bo‘yicha tavsiyalar berildi.
IIVJIED

Xodimlar bilan saf ko'rigi o'tkazildi
O‘zbekiston Respublikasi IIV huzuridagi Jazoni ijro etish departamenti Birinchi mintaqaviy hudud 23-son mahkumlar uchun ixtisoslashgan kasalxona xodimlari bilan navbatdagi saf ko‘rigi o‘tkazildi.
Saf ko‘rigi davomida O‘zbekiston Respublikasi Ichki ishlar vazirining 2019-yil 8-avgust kunidagi “Ichki ishlar organlarida formali kiyim-boshni kiyib yurish qoidalari to‘g‘risida”gi 232-sonli buyrug‘i talablariga muvofiq shaxsiy tarkib tomonidan xizmat kiyimlarini belgilangan tartibda kiyib yurishi, tashqi ko‘rinishi, xizmat guvohnomalari hamda shaxsiy raqamlarining mavjudligi tekshirildi.
IIVJIED

Xodimlar bilan amaliy o'q otish mashg'ulotlari o'tkazildi
Ikkinchi mintaqaviy hududda joylashgan 3-son tergov hibsxonasi xodimlari ishtirokida amaliy o‘q otish mashg‘ulotlari o‘tkazildi.
Mashg‘ulotlar davomida xodimlarning xizmat qurollaridan to‘g‘ri va xavfsiz foydalanish ko‘nikmalarini mustahkamlash, o‘q otish bo‘yicha amaliy malakasini oshirish hamda qurol bilan muomala qilishda belgilangan tartib-qoidalarga qat’iy rioya etish yuzasidan tushuntirishlar berildi.
Shuningdek, xodimlar tomonidan belgilangan nishonlarga amaliy o‘q otish mashqlari bajarilib, ularning tayyorgarlik darajasi sinovdan o‘tkazildi. Mashg‘ulot yakunida ishtirokchilarning natijalari tahlil qilinib, aniqlangan kamchiliklarni bartaraf etish bo‘yicha tegishli tavsiyalar berildi.
IIVJIED

Xodimlar bilan jangovar tayyorgarlik bo'yicha amali mashg'ulotlar o'tkazildi
Birinchi mintaqaviy hudud 43-son manzil-koloniyasi xodimlari o‘rtasida Ichki ishlar vazirining tegishli buyrug‘iga muvofiq Bo‘ka tumani IIBning tegishli soha mutaxassislari ishtirokida AKM va PM qurollari bo‘yicha amaliy o‘quv mashg‘uloti o‘tkazildi.
Mashg‘ulot davomida xodimlarga quroldan to‘g‘ri foydalanish hamda uning asosiy qismlari bo‘yicha tushuntirishlar berildi. Mashg‘ulot yakunida qurollarni noto‘liq qismlarga ajratish va qayta yig‘ish bo‘yicha sinovlar qabul qilindi.
IIVJIED

Xotin-qizlar bayrami nishonlandi
To‘rtinchi mintaqaviy hudud 9-son tergov hibsxonasida xizmat qilayotgan shahodatlang, ishchi va xizmatchi ayollar uchun 8-mart Xalqaro xotin-qizlar bayrami tadbiri o‘tkazildi.
Tadbirda Ichki ishlar vazirining bayram tabrigi o‘qildi, ayol xodimlarga Departament boshlig‘ining tashakkurnomasi va pul mukofotlari hamda hibsxona boshlig‘ining qimmatbaho sovg‘a va pul mukofotlari topshirildi.
IIVJIED

Xodimlarning jismoniy tayyorgarligi oshirilmoqda
Ichki ishlar vazirligining buyruq talablari asosida birinchi mintaqaviy hudud 48-son manzil koloniyasida xizmat qilayotgan xodimlarning jismoniy kuchi, tezligi, chidamliligi va chaqqonligi doimiy ravishda oshirilmoqda.
Mashqlar davomida qo‘shimcha yuklamalar berilib, turli vaziyatlarda kuchni to‘g‘ri taqsimlash bo‘yicha ko‘rsatmalar berildi, amaliy mashqlar bajarilib, jismoniy va jangovar tayyorgarlik mustahkamlanmoqda.
IIVJIED

Tashrif va tekshiruv o‘tkazildi
Oltinchi mintaqaviy hudud 2-son tergov hibsxonasi shaxsiy tarkibida IIV huzuridagi Jazoni ijro etish departamenti 6-mintaqaviy muvofiqlashtirish markazi kadrlari bilan ishlash mas’ul vakillari tashrif buyurib, tizimli ishlar va rasmiylashtirilayotgan hujjatlar holatini o‘rganishdi.
O‘rganish davomida aniqlangan kamchiliklar bo‘yicha tushuntirish berilib, amaliy yordam ko‘rsatildi. Shu bilan birga, xodimlarga yaratilgan shart-sharoitlar ham tekshirildi.
IIVJIED

Hibsxona xodimlari sport musobaqalarida g‘olib bo‘ldi
Oltinchi mintaqaviy hudud 2-son tergov hibsxonasi xodimlari sport musobaqalarida muvaffaqiyat qozondi.
Jazoni ijro etish departamenti rahbarining farmoyishi asosida o‘tkazilgan mini futbol bo‘yicha “Departament boshlig‘i kubogi” musobaqasida hibsxona xodimi safdor Rajabov Doniyor Otabek o‘g‘li 6-mintaqaviy muvofiqlashtirish markazi jamoasi nomidan 1-o‘rin va “Eng yaxshi uyinchi” sovrinini qo‘lga kiritdi.
Shuningdek, Qoraqalpog‘iston Respublikasi Ichki ishlar vazirining buyrug‘iga muvofiq ayollar o‘rtasida engil atletika musobaqasida hibsxona xodimi safdor Kazakbaeva Gulsara Rauaj qizi 3-o‘rin va diplom hamda sovg‘alar bilan taqdirlandi.
IIVJIED

Tajriba almashish ishlari o‘tkazildi
Oltinchi mintaqaviy muvofiqlashtirish markazi kadrlari bilan ishlash mas’ul vakillari boshchiligida 27-son manzil koloniyasida tajriba almashish ishlari olib borildi.
Shaxsiy tarkib bilan olib borilayotgan ishlar bo‘yicha hamkorlikni kuchaytirish, tashabbuskorlikni oshirish, yangi tizim yaratish va xizmat intizomini ta’minlash masalalarida o‘zaro ma’lumot almashildi, kelgusida amaliyotga tatbiq etish bo‘yicha choralar belgilandi.
IIVJIED