Kabul News TV
د افغانستان لپاره د روسیې ځانگړي استازي ضمیر کابلوف کابل کې د بهرنیو چارو وزیر امیر خان متقي او کورنیو چارو وزیر سراج الدین حقاني سره کتلي دي.
د یادو وزارتونو له قوله پدې لیدنو کې د افغانستان او روسیې پر دوو اړخیزو اړیکو، د سیمې پر وضعیت او د اقتصادي همکاریو پر پراختیا خبرې شوي دي.
یوناما ویلي پر کونړ باندې د پاکستان په پروني بریدونو کې ملکي وگړي وژل شوي او ټپیان شوي دي.
یوناما په «اکس» کې لیکلي چې د نړیوال قانون پر اساس د تعلیمي مرکزونو په گډون باید د ټولو ملکي تاسیساتو ساتنه وشي.
بلخوا بیا د اففانستان لپاره د ملگرو ملتونو ځانگړي راپور ورکوونکي «ریچارد بنټ» پر افغانستان د پاکستان پروني بریدونو په تړاو د عاجلو او بیطرفه څیړنو او له عاملینو یې د حساب اخیستلو غوښتنه کړې ده.
د افغانستان لپاره د روسیې ځانگړي استازي ضمیر کابلوف کابل ته سفر کړی.
د راپورونو له مخې کابلوف به په کابل کې د هیواد بهرنیو چارو وزیر امیر خان متقي او د ا.ا نورو لوړپوړ چارواکو سره ملاقاتونه ولري.
«یونیسف» ویلي که پر ښځو باندې فعلي بندیزونه پر ځای پاتې شي افغانستان به تر کال ۲۰۳۰ پورې ۲۵ زره ښځینه معلمانې او طبي کارکوونکې له لاسه ورکړي. د ملگرو ملتونو د ماشومانو د برخې مسوولې شعبې یا یونیسف په خپلې تازه ارزیابۍ کې ویلي چې افغانستان کې همدا اوس یو میلیون نجونې له زده کړو محرومې دي او یوازې له ۲۰۲۳ کال تر ۲۰۲۵ پورې د ښځینه کارکوونکو په شمیر کې ۳٪ نور کمښت راغلی دی. یونیسف وایي دا بندیزونه به پداسې یو هیواد کې چې له اوله د تعلیم او صحي خدماتو له کمبود سره مخامخ دی ډیر ژر د ښځینه ډاکټرانو، نرسانو او قابله گانو نور کمبود رامنځته کړي.
د لومړنیو معلوماتو پر اساس پر کونړ باندې د پاکستان بریدونو کې د یوې ښځې په گډون ۷ تنو خپل ژوند له لاسه ورکړی او د ښځو او ماشومانو په گډون ۷۰ تنه نور ټپیان شوي دي.
بلخوا د لوړو زده کړو وزارت ویلي چې په کونړ کې پر سید جمال الدین افغاني پوهنتون باندې د پاکستان برید کې ۳۰ محصلین ټپیان شوي دي.
د ا.ا مرستیال ویاند حمدالله فطرت په خپلې «اکس» پاڼې کې دا بریدونه په کلکو ټکو غندلي او جنگي جنایت او وحشت پارونکی عمل یې بللي دي.
پخواني ولسمشر حامد کرزي پر کونړ او سپین بولدک د پاکستان د تازه بریدونو غندنه کړې او دلته پر ښوونځیو او پوهنتونونو د پاکستان بریدونو ته په اشاري یې ویلي چې اسلام آباد غواړي په افغانستان کې د تعلیم او ترقۍ ریښه وچه کړي. د نوموړي په وینا پاکستان د اسعد آباد تر پوهنتون مخکې بریکوت کې هم پر ښوونځیو بریدونه کړي وو او سلگونه زده کوونکي یې له زده کړو محروم کړي وو.
کرزي پر ملگرو ملتونو غږ کړی چې د افغانستان پر خلکو، خاورې او ملي تاسیساتو د پاکستان نظامي حملې په جدیت وڅیړي، غندنه یې وکړي او ژر تر ژره یې مخه ونیسي.
پاکستاني جټ او بې پیلوټه الوتکو نن پر کونړ پراخ بریدونه کړي او د نورو ملکي اهدافو ترڅنگ یې د کونړ پر پوهنتون او لیلیې هم بمباري کړې چې یو شمیر محصلین او استادان پکې ټپیان شوي.
«بي بي سي» د سرچینو په حواله ویلي چې پر کونړ د پاکستان د بریدونو په نتیجه کې د ښځو او ماشومانو په گډون درۍ تنو خپل ژوند له لاسه ورکړی او ۵۰ نور ټپیان شوي دي.
دې سره هممهاله د سپین بولدک په گډون د ډیورند کرښې په اوږدو کې د افغان او پاکستاني ځواکونو ترمنځ نښتې شوي دي.
د ایران د بهرنیو چارو وزیر «سید عباس عراقچي» تر عمان وروسته نن بیرته پاکستان ته راغی.
«سي ان ان» د سرچینو په حواله ویلي عراقچي چې پتېیل شوې وه مسکو ته ولاړ شي بیرته اسلام آباد ته راغی چې دلته تر لنډ توقف وروسته مسکو ته ولاړ شي او هلته به د روسیې له ولسمشر «ولادیمیر پوتین» سره وگوري.
ښایي اسلام آباد کې به د پاکستاني چارواکو لخوا عراقچي ته د امریکا پیغام ورسپارل کیږي.
د افریقایي هیواد «مالي» دفاع وزیر «سادیو کمارا» د تروریستي ډلو په یوه هماهنگ شوي برید کې وژل شوی دی.
د راپورونو له مخې وسله والو د موټر بم په واسطه د «کمارا» پر کور چې یوې نظامي اډې کې واقع و برید کړی.
دا په داسې حال کې ده چې له دوو ورځو راهیسې د القاعده سره تړلې (JNIM) او دوو نورو وسله والو ډلو د مالي پر پایتخت او یو شمیر نورو ښارونو پراخ بریدونه پیل کړي دي.
تیره شپه واشنگټن کې د سپینې ماڼۍ لخوا خبریالانو لپاره کلنۍ میلمستیا کې چې ولسمشر «ډونلد ټرمپ»، دده مرستیال «جی دی ونس» او نورو لوړپوړ چارواکو گډون درلود ډزې وشوې.
د راپورونو له مخې د «کول الن» په نوم کس غوښتل په «ډونلد ټرمپ» برید وکړي خو د امنیتي سرتیرو لخوا یې مخه نیول شوې او وسله وال دا مهال توقیف کې او تر څیړنو لاندې دی.