معكاز شعر
بنت الكفو ماهي بحاجه للامداح
عن مدحها يكفي لها صيت ابوها .
ليت العمر وقف على ذيك الازمان
وليت الطفولة ما عطتنا ظهرها .
امك وابوك اللي من الصغر ربوك
احرص على تقديرهم واحترمهم
يرجون منك المنفعة يوم جابوك
لا تجحد المعروف والخير منهم .
المشكلة اللي حلها خشم الريال
أدعس على خشم الريال وحلها
ما دام دنياك الدنيه .. للزوال
الله ولا ضيم النفوس وذلها
مال بليّا عز ما هو راس مال
لو صاحبه حاز المناصب كلها
لا تمشي برجلك على درب الخمال
رجلك عن اللي ما يعز أفطن لها .
انا ماني معلمك الخطا والصح يا رجال
تبي تعرف ليا خاويتنا وشهي مراجلنا
قصرنا الخطوة اللي قدمها كل الدروب هزال
وعلى درب السنع سقنا خطاوينا وعجلنا
على ظهور الاصايل ما نسابق غير : طيّب فال
واذا شفنا الردي يبغى يسابقنا .. ترجلّنا .
ياعسّى كل عام ، لا مر رمضان وجهك المنور يبارك لي عليه .
عسى الله يبارك في لياليك ياشعبان وعسى الله يبلغنا رمضان وتراويحه .
ياهاتفي من قبل لا نصوم بـ ايام ارسل على من يستحق الرسايل قبل مراسيلك تخصص بالارقام ارقام تكفى حطها فـ الاوايل اصحابها عندي عزيزين وحشام واهل الكرم والجود واهل الجمايل عسى يعود الصوم عامٍ وراء عام « وانتم وحنا في نعيم وفضايل ».