قصائد ناصر الوبير

٣٩١
🔵
أبيات
صوت المطر كنه بلهفه يغني بك
يعذب من الصبح، والله إني أولابك
اللي يجيب المطر ياليته يجيبك
من بعد طول الفراق ووحشة غيابك
.

٣٩٠
🔵
أبيات
مابقى الا طلتك كل من حولي رحل
ضمني في كل ضلع بعد هجرك برد
اعتبرني أي شي في حياتك أو مثل
أي هدية بالزمن لا تباع ولا ترد
.

٣٨٩
🔵
أبيات
الليل هذا .. ليل سبعه وعشرين
والدين شي .. وهمتك شي اخر
وسط المقابر ناس لو ترجع الحين
مافرطت لحظه .. بعشر الأواخر
.

٣٨٨
🔵
أبيات
العمر ياخذني على نفس الذنوب
والبوح في سجن الحنايا كاتمه
شابت مشاعرنا على نفس الدروب
ياربّ غفرانك .. وحسن الخاتمه
.

٣٨٧
🔵
أبيات
من كثر ما حنّا غريبين نجمع
أفكار من فقر المشاعر جريحة
وقت النصيحه ما لنا خلق نسمع
لكنّا نسمع زين وقت الفضيحة
.

٣٨٦
🔵
أبيات
تعال علم لهفتي تصبر شويّ
ما قمت أصدق بأنها مسألة وقت
واللي رفع سابع سما ما ابي شي
بس إني لـ شوفة عيونك اشتقت
.

٣٨٥
🔵
أييات
‏( الشعر ) ماقصر معي .. قدم أشياء
أبرك من وجيهً ذبحني قرفها ..
شف حالتي وشلون من بعد الأضواء
( ناسً تقدرني ، وأنا ما عرفها ) .. !
.

٣٨٤
🔵
أبيات
المجتمع .. زادت عليه المشاكل
والناس ماتدري من اللي سرقها
به ناس من كيس العلاقات تاكل
وبه ناس تاكل رزقها من عرقها
.

٣٨٣
🔵
أبيات
للبعد ( أعذار ) وللوصل ( عذرين )
يا شوق يا أنك على الحاجة أتّوق
وأنا بتجربتي معك أعرفك زين
أقطع يدي منّا إذا جابك الشوق
.

٣٨٢
🔵
ابيات
يكفيني إني كبير .. وهمّتي عليا
ويعيش راسي عزيز ماهو بمخطي
ماني بمحتاج لأي واحد في هالدنيا
مادامني مقتنع بان ( الله المعطي )
.