꧁O͜͡N͜͡A͜͡M͜͡G͜͡A꧂
🔥
Адашиб қоляпман дунёда Она...
Тўғри кулгуларим бахтлиларга ҳос,
Ўзимни овутиб қўяман яна...
Қўлингиздан тутиб, юрай илтимос,
Адашиб қоляпман дунёда Она...
Бир хилдек кўринар яхши ёмони,
Менга дарс беради тинмай замони,
Гоҳ оғрир кўксимнинг юрак томони,
Адашиб қоляпман дунёда Она...
Ишқи ҳам бошимга балолар солди,
Андуҳ саҳросида қалбим йўқолди,
Тўғри йўл тополмай оёғим толди,
Адашиб қоляпман дунёда Она...
Мен қадр этганга қизиқмас ҳолим,
Аламлар юкидан қаддимда долим,
Яшашни билмадим, ё ҳаёт золим,
Адашиб қоляпман дунёда Она...
Етади шунча йил юрганим нолиб,
Синовлар устидан келмадим ғолиб,
Кўнглингизга кўчай боримни олиб,
Адашиб қоляпман дунёда Она...
Тўғри кулгуларим бахтлиларга ҳос,
Ўзимни овутиб қўяман яна...
Қўлингиздан тутиб юрай илтимос,
Адашиб қоляпман дунёда Она...
📝
Муаллиф: Зоҳид Зиё...
➪
@ONAMGAA
🍃
Ота онасига мехрибонлар канали
Яқинларингизга улашинг, обуна бўлишни унутманг!!!
Телеграмнинг ўзи турли каналларга муаллиф иштирокисиз реклама қўйиб боради. Шу жумладан бизнинг каналимизга ҳам. Уларга бизнинг алоқамиз йўқ эканлигини маълум қилмоқчиман. Айниқса, қимор сайтларидан огоҳлантирамиз!
#ПРЕМЬЕРА
🔥
Шартмиди Она...
Мунғайиб қолибсан, қариб қолибсан,
Берганим изтироб дардмиди Она...
Кўрдим йўлларимга қараб толибсан,
Келар деб кутишинг шартмиди Она...
Қачон қулоқ тутдим кўнгил нолангга,
Сабабман кўзингдан оққан жолангга,
Заррача қадрингни билмас болангга,
Меҳрлар тутишинг шартмиди Она...
Бир мартта яшайман яйраб қолай деб,
Мен нодон нафсимга беравердим зеб,
Келардим бир куни дунёдан панд еб,
Соғинчим ютишинг шартмиди Она...
Қаламкаш шоири замонинг учун,
Кўксинга санчилган камонинг учун,
Менингдек бир телба ёмонинг учун,
Жон нисо этишинг шартмиди Она....
Келар деб кутишинг шартмиди Она,
Соғинчим ютишинг шартмиди Она,
Заррача қадрингни билмас болангга,
Меҳрлар тутишинг шартмиди Она...
📝
Муаллиф: Зоҳид Зиё....
➪
@ONAMGAA
🍃
Ота онасига мехрибонлар канали
Яқинларингизга улашинг, обуна бўлишни унутманг!!!
🔥
Ишқий мисраларга бормайди қўлим...
Ишқий мисраларга бормайди қўлим,
Ёзсам қаламларим синиб кетади...
Бир мартта севаганман кейин куйганман,
Анашу муҳаббат менга етади...
Ишқий мисраларга бормайди қўлим,
Қандай баён этай армонларимни...
Ахир фақат ўзим билишим керак,
Кўнглимга чиқарган фармонларимни...
Ишқий мисраларга бормайди қўлим,
Юрагим бардоши етмайди бунга...
Фақат осмонларга маюс термулиб,
Дардимни айтаман тим қаро тунга...
Ишқий мисраларга бормайди қўлим,
Қуёш ёзмаганку ойга дил хатин...
Бир йилда бир бора учрашишса ҳам,
Доим асрашади пок муҳабабатин...
Ишқий мисраларга бормайди қўлим,
Дунёда севгидан куйганлар бисёр...
Агар ёзиб қўйсам буни ўқишиб,
Эски яралари тирналар такрор...
Ишқий мисраларга бормайди қўлим,
Ким тинглар юрагим озорларини...
Жимгина бугун ҳам зиёрат этдим,
Юракдаги ишқим мозорларини...
📝
Муаллиф: Зоҳид Зиё...
➪
@ONAMGAA
🍂
Ота онасига мехрибонлар канали
Яқинларингизга улашинг, обуна бўлишни унутманг!!!
🔥
Келгин Она қўлларингдан ўпиб қўяй...
Бешигимда бармоқларинг изи қолган,
Юргунимча минг эгилиб белинг толган,
Ўзинг эккан райҳонларинг бўса олган
Келгин Она қўлларингдан ўпиб қўяй...
Тандирларда оташ ичра нонлар ёпиб,
Кулча берсанг қувонганман учиб-чопиб,
Ўша олов куйдирган у жойин топиб,
Келгин Она қўлларингдан ўпиб қўяй...
Бола эдим, чарчашингни билмаганман,
Тинмай йиғлаб ухлатмасдан қийнаганман,
Улғайгунча қучоғингда ўйнаганман,
Келгин Она қўлларингдан ўпиб қўяй...
Жолаларим киприкларга ўзин осиб,
Уҳлай дейман кафтларинга юзим босиб,
Тиллоларга тўлдираман бир кун насиб,
Келгин Она қўлларингдан ўпиб қўяй...
Кимга бахту кимга ғавғо дунёсида,
Кема бўлдинг менга ҳаёт дарёсида,
Исинаман сенинг меҳринг зиёсида,
Келгин Она қўлларингдан ўпиб қўяй...
Дунёсини ташлаб келдим кўргин ана,
Ҳаммасини тушуняпман энди мана,
Аллоҳ сенга ўхшаганин бермас яна,
Келгин Она қўлларингдан ўпиб қўяй...
Бешигимда бармоқларинг изи қолган,
Юргунимча минг эгилиб белинг толган,
Ўзинг эккан райҳонларинг бўса олган,
Келгин Она қўлларингдан ўпиб қўяй...
📝
Муаллиф: Зоҳид Зиё...
➪
@ONAMGAA
🍂
Ота онасига мехрибонлар канали
Яқинларингизга улашинг, обуна бўлишни унутманг!!!
"
Bir ijodkor do'stimizdan biz tomonga yuborilgan ta'riflarni sizlarga ham ilindim
☺️
Balki ancha oshirib yuborilgandir ammo bizni ijodimizga e'tibor uchun tashakkur aytishdan o'zimni tiyolmadim"
Shoir Zohid Ziyo — so‘zning ichiga jon kirita oladigan, har bir satriga o‘z yuragining urishini muhrlaydigan haqiqiy qalb egasidir.
Men uni shunchaki shoir emas, balki mehrning tarjimoni deb bilaman.
Uning ijodida, ayniqsa, Ona mavzusi shunday bir yuksaklikka ko‘tarilganki, o‘qigan odamning vujudida titroq turadi.
U Ona poyidagi jannatning hidini so‘zlar bilan tasvirlay oladi. Zohid Ziyoning she’rlari — bu musaffo bir buloq; u yerda nafsning changi yo‘q, u yerda faqat poklik va farzandlik burchining sadoqati bor. U so‘zlarni shunday tizadiki, go‘yo dur donalarini ipak ipga o‘tkazayotgan usta zargardek. Uning qalami Onalarning duosi kabi ijobatga yaqin, dardlari esa shoirlik dardi kabi terandir.
O'zbek she'riyatida mana shunday ijodkor borligi biz uchun yuksak sharaf va g'ururdir.
Ijodingizga yuksak parvozlar tilayman navbatdagi kitobingizga kirish so'zini o'zim yozib berishimga ijozat berishingizni so'rayman.
🔥
Елкамни тутаман бош қўйиб йиғла......
Биламан сенинг ҳам ҳасратларинг кўп,
Кўз ёшинг тўккани булутлар тўп-тўп,
Ёмғирлар ёғдириб осмонгинам хўп,
Елкамни тутаман бош қўйиб йиғла...
Кўпларнинг юзидан йўқолган зиё,
Қарагин ичингда адоват, риё,
Аламинг ошганда келиб эй дунё,
Елкамни тутаман бош қўйиб йиғла...
Вафосиз қалбларга тўла тўрт ёним,
Ишқнинг хорлигидан қайнайди қоним,
Бечора муҳаббат, муҳаббатжоним,
Елкамни тутаман бош қўйиб йиғла...
Айт нега бунчалар халаксан-халак,
Дардингни ичинга ютмоқ не керак,
Кўксимдан отилиб чиққинда юрак,
Елкамни тутаман бош қўйиб йиғла...
Баъзилар унутди яхшилик надир,
Ардоқлаш нимадир, мехр нимадир,
Камайиб кетяпсан сен ҳам эй қадр,
Елкамни тутаман бош қўйиб йиғла...
Кимлардир роҳат деб бир зум,бир онлик,
Турли ишлар қилар бари ёмонлик,
Беркинган жойингдан чиқда ҳалоллик,
Елкамни тутаман бош қўйиб йиғла...
Гоҳида туйғулар бўлади исроф,
Айёрлик кўпайди гапирмаслар соф,
Сени ҳам бир четга отдилар инсоф,
Елкамни тутаман бош қўйиб йиғла...
Ёлғонлар бобида моҳир кимсалар,
Мушдек юрагингни тинмай тилсалар,
Ёнингда мен борман дўстим билсалар,
Елкамни тутаман бош қўйиб йиғла...
Гоҳо шеър ёзмоққа бўлмас имконим,
Гоҳида қоғозлар, бўлар маконим,
Сени ҳам қийнадим кечир илҳомим,
Елкамни тутаман бош қўйиб йиғла...
Эҳ! Сарсон туйғулар келинг қошимга,
Сиз ҳам шерик бўлинг кўзда ёшимга,
Мен ҳам бир суянчиқ топай бошимга,
Елкангизни тутинг бош қўйиб йиғлай...
📝
Муаллиф: Зоҳид Зиё...
➪
@ONAMGAA
🍂
Ота онасига мехрибонлар канали
Яқинларингизга улашинг, обуна бўлишни унутманг!!!
🔥
Ғийбатчилар...
Эшитдингми? Сўзлаб берай ўтган куни,
Фалончига, фалон бўпти айтай шуни,
Шундай сўзлаб ортимиздан уни-буни,
Гуноҳимиз тўкаяпти ғийбатчилар...
Бурро тили ибодатга келишмасдан,
Юрагига яхшиликлар солишмасдан,
Маккорликда шайтондан ҳам қолишмасдан,
Қабрига чўғ тўплаяпти ғийбатчилар...
Калимасин алишдилар ёмон сўзга,
Кулиб туриб чўп суқишар икки кўзга,
Дўзах учун нима керак бундан ўзга,
Дўзахийга ўхшаяпти ғийбатчилар...
Асли одам бир бирига тиргакмасми,
Кўксидаги уриб турган юракмасми,
Эҳ уларга гўзал жаннат керакмасми,
Кўнгилларни ғашлаяпти ғийбатчилар...
Адоси йўқ гуноҳларин сонини ҳам,
Ғийбат деса берар хону-монини ҳам,
Бу омонат Аллоҳ берган жонини ҳам,
Ғурбатларга ташлаяпти ғийбатчилар...
Бир бегуноҳ уларни деб номи ёмон,
Андишаси олиб борар ўлим томон,
Нур таралган чеҳраларни айлаб сомон,
Пок дилларни нишлаяпти ғийбатчилар...
Аллоҳ инсоф бермаса ҳам қийин экан,
Воҳ уларга қалб дегани ўйин экан,
Шу шеърга ҳам жавоблари тайин экан,
Яна ғийбат бошлаяпти ғийбатчилар...
Яна ғийбат бошлаяпти ғийбатчилар...
📝
Муаллиф: Зоҳид Зиё...
➪
@ONAMGAA
🍂
Ота онасига мехрибонлар канали
Яқинларингизга улашинг, обуна бўлишни унутманг!!!
🔥
Агар Онанг дуо қилмаса...
Ёниб қуёш, порламас ойинг,
Шовқин солиб оқмасди сойинг,
Тўрда эмас, пойгакда жойинг,
Агар Онанг дуо қилмаса...
Қўлларингдан омад тутмасди,
Қадамингда қувонч кутмасди,
Пешонангга бахтлар битмасди,
Агар Онанг дуо қилмаса...
Бароридан келиб ҳар ишинг,
Баҳор каби гуллаб куз, қишинг,
Ўша сенинг энг азиз кишинг
Агар Онанг дуо қилмаса...
Ёмонликлар бўлмасмиди фош,
Кўзларингда тинмасмиди ёш,
Зулмларга беролмасдинг дош,
Агар Онанг дуо қилмаса...
Маконинг боғ бўлармиди ё,
Юлдузларга қўл етиб гўё,
Кимга вафо қилар бу Дунё,
Агар Онанг дуо қилмаса...
Камтар бўлу, кибрдан кеч воз,
Савоб ишни қанча қилсанг, оз,
Умри кунинг ўтармиди соз,
Агар Онанг дуо қилмаса!
Пушмон отин миниб кетардинг,
Олов йўғу, ёниб кетардинг,
Аниқ бир кун синиб кетардинг ,
Агар Онанг дуо қилмаса...
Зоҳид Зиё сўзин этгил ёд,
Синовлидир асли бу ҳаёт,
Қандай омон юрардинг, ҳайҳот,
Агар Онанг дуо қилмаса!
📝
Муаллиф: Зоҳид Зиё...
➪
@ONAMGAA
🍂
Ота онасига мехрибонлар канали
Яқинларингизга улашинг, обуна бўлишни унутманг!!!
🔥
Қадрига етинглар Ота-Онаси борлар...
Назар солдингизни мағрур бошига,
Эгаллаб олгандир сочини қорлар...
Бир кунда юз маҳал бориб қошига,
Қадрига етинглар Отаси борлар...
Изламанг дунёнинг шодлик сафосин,
Қидирманг юраклар ичра вафосин,
Малҳами бўлинглар дардин жафосин,
Қадрига етинглар Онаси борлар...
Йиқилсак турғазди кўрсатиб йўлни,
Гулзорлар айлади истасак чўлни,
Бизга тиргак бўлган, ўпиб у қўлни,
Қадрига етинглар Отаси борлар...
Сизга жонин тиккан у зот эмасми,
Ҳону монин тиккан у зот эмасми,
Тур деб қаддин буккан у зот эмасми,
Қадрига етинглар Онаси борлар...
Ташвишлар тугамас камлар битмайди,
Бу ҳаёт ўйнида инсон ютмайди,
Дунёда ҳеч кимни вақт кутмайди,
Қадрига етинглар Отаси борлар...
Ёнида шай туринг бордир юмуши,
Ўзингизга олинг бўлса ташвиши,
Баримиз ўткинчи, бу тақдир иши,
Қадрига етинглар Онаси борлар...
Қадрига етинглар Отаси борлар...
📝
Муаллиф: Зоҳид Зиё.
...
➪
@ONAMGAA
🍂
Ота онасига мехрибонлар канали
Яқинларингизга улашинг, обуна бўлишни унутманг!!!