📚ONA TILI — MILLAT RUHI.🌿 O‘ZBEKISTON FILOLOGLARI🕊
***
Севги – гуллаган боғ.
Қайғу йўқ.
Фақат осмон...
Келиннинг кўйлаги – оппоқ.
Куёвнинг кўйлаги – оқ.
Турмуш ҳовлида айланиб юрар.
-Чой қўй.
Эшикни очиб кирар.
-Ишга кечикманг.
Турмуш ташвишланиб кечади сўзга.
-Бозорга бир кириб ўтсангиз.
Мана...
“Рўйхат:
-Олма (бир кило)...
-Ҳолва (бир кило)
-беш кило картишка.
-беш ўрам қоғоз (ҳар хил ишга)...”
Пичир-пичир...
Уй қуриш маслаҳати.
“Рўйхат:
-ўн куб ёғоч.
-ўн мошин тош.
-бўёқ – қирқ идиш.
-ғишт...
Фалон сўм, фалон тийин”...
Кўз тегмасин!
Турмуш юракни забт этар.
Пичир-пичир...
Тўй маслаҳати.
“Рўйхат:
-гурунч (икки қоп)
-гўшт (юз кило – фақат қўйники хисоб)
-ўн қути ароқ.
-бир синтир ёғ.
-йигирма тўн”...
Қарз – фалон сўм!
ТУРМУШ яйрабгина сочларда оқарар.
-Рўйхат...
-Рўйхатинг кимга керак?
Воҳ юрагим!.. Юрак...
Борини чиқар!
Оҳ, қориндошим!
Айланди бошим...
Ҳар тараф ташвиш –
Қуриди ёшим.
Турмушга уй тўлди.
Ҳовли тўлди.
Дунё...
Жонимдан тўйдим!
Юраклар яра...
Қара...
Кўйлакларимиз қоп – қора.
Уйдан қораликни қув!
Юв, онаси, кўйлакларни юв.
Бир онда,
Айвонда
Кўйлаклар осилар –
Оппоқ!
Оппоқ...
Гўё оқ байроқ!
Гўёки турмушга ишора –
Бас қилгин,
Бас қил!..
Юз бора,
Минг бора
Таслиммиз,
Таслим!..
Усмон Азим
@ONA_TILIM_MILLAT_RUHI
Assalomu alaykum.
Chorshanba tongi muborak
🥰
Kuningiz xayrli amallarga toʻla boʻlsin
🤲
@ONA_TILIM_MILLAT_RUHI
БУ ОҚШОМ...
Бу оқшом пориллар дил нурингизда,
Дийдор бахти насиб яна Сиз билан.
Турибман, азизлар, ҳузурингизда
Ҳамон ўтлиғ кўнгил, ёруғ юз билан.
Ҳамон мулкимдаги сийму зарим – шеър,
Сочимда, чеҳрамда йиллардан нишон.
Саждагоҳим танҳо Ватан, Она Ер,
Орзуларим карвон, сарбоним – ишонч.
Ҳамон ота-онам, икки жаҳоним,
Азиз ёди аро шикаста, бутман.
Ишқим – алангадир, қордир ҳижроним,
Саксон йил ловуллаб сўнмаган ўтман.
Иккита кўзимга икки қорачиғ –
Мунисим Ҳулкарим, алпим Омоним.
Ширин набиралар ҳаётдан тортиғ,
Ҳар бири жонига пайванддир жоним.
Номлари, ёдлари пайғамбар монанд
Ҳазрат устозларим – теран илдизлар.
Мен ундан жон олиб кўкарган дарахт,
Меваси – қалбимдан отилган сўзлар.
Ҳикматлар бағрида дур, марваридим –
Аждодларим менга ифтихор, ғурур.
Шу мавжлардан томган нуқра умидим –
Шоира қизларим бахш этган сурур.
Бу назм боғига киролмас хазон,
Бизни маҳв этолмас завол лашкари.
Мен кетсам мунғаймас умрим ҳеч қачон,
Бу боғлар – бир боғлар бўлади ҳали...
Ҳамон эътиқодим – ҳақиқат, ҳақдир,
Сўзлайман, юзимни тутиб Каъбага.
Емира олмайди ўткинчи тақдир,
Осуда ўтади руҳим абадга.
Эъзозлар, ардоғлар учун ташаккур,
Асли Сиз – офтобим, мен – зиёсиман.
Тонгларингиз кулсин дориломон, ҳур,
Бахтим шул – ўзбекнинг Зулфиясиман.
Зулфия ИСРОИЛОВА
@ONA_TILIM_MILLAT_RUHI
ТАРИХ САБОҒИ
Профессор Ғайрат Муродов сўзи
Жуда қадим замонлар эди,
Ёзувдан-да, тилдан-да қадим.
Бобо тарих саралаб, танлаб,
Бу халқ билан тузганди битим:
“Яратганга суюкли элсан,
Юрагингда энг покиза ҳис.
Бани одам йўлкитобини,
Кел, сен билан бирга ёзамиз”.
Шундан буён иккиси йўлдош,
Шундан буён жўшади илҳом.
Ёзади, гоҳ кўзларида ёш,
Ёзади, гоҳ яйрайди шодон.
Мен англаган илк сабоғи шу –
Тошкитобда унган муҳрлар:
Йўллуғ тегин муаллим бўлиб,
Дарслар ўтган бедор саҳарлар.
Етаклади қўлимдан тутиб
Алп Эр Тўнга мунаввар ёди.
Кўҳна дардни ичига ютиб
Қошғарийнинг “Девон” китоби.
Исломми у, Оловми, Будда –
Барининг бор қиши, баҳори.
Пок ахлоқни бир китоб қилди –
“Саҳиҳ” дея Имом Бухорий.
Югнакийнинг қўлини ўпдим,
Пешвоз чиқиб келди Хос Ҳожиб.
Наршахий ҳам боқди мулойим,
Тўрт минг йиллик сирларин очиб.
Ҳисоб дарсин ўтди Хоразмий,
Беруний-чи – фалакиётни.
Ибн Сино, Фаробий, Хайём –
Тиб, фалсафа, риёзиётни.
Ғарбу Шарққа қилди овоза
Мотурудий, Термизий бўлиб.
Етти пирга очдим дарвоза,
Эрта тонгда, фараҳга тўлиб.
Чин эдими, форсми, мўғулми
Ортга бурди карвон, отини –
Жалолиддин, Таробий, Темур
Қувганида, бериб додини.
Аршга нарвон солди Улуғбек,
Беш қитъани олди Навоий.
Бобур ҳарбга кирганида тик
Қайда эдинг сен, эй ҳавойи?
Огаҳийга сув беги Мунис
Берганида қаймоқариқни.
Қайда эдинг Беҳбудий, Мухлис
Ёзганида янги тарихни.
Мен бир йўлчи, ўша карвонда
Ёзилгандир менинг қисматим.
Қодирийдан олган хатимни
Чўлпон билан кўрмоқ истадим.
Ойбек келди чироғин ёқиб,
Шайхзода чой дамлар, эҳтимол.
Абдушукур, Йўлчи, Мирёқуб
Шу даврада эркин, бемалол.
Ҳали-замон... қадам товуши...
Ана, келар Одил, Пиримқул.
Озод, Эркин, Ўткир, Абдулла...
Саид Аҳмад, Иброҳим Ҳаққул.
Мен шу тахлит кирдим курашга –
Эл тарихин ўргандим яккаш.
Нафрат туйдим уруш, савашга,
Кўнгил қўйдим – ким юртга дардкаш.
Пешвоз чиқди устоз Бухорий,
Ҳамроҳ қилиб Самад Азимни.
Саид домла, Тожи домладан
Ўрганганман элга таъзимни.
Неча достон қилди Тошпўлат,
Неча достон – Ғулом, Самандар.
Ҳар бирида минг битта ҳикмат,
Ҳар бирида юртим музаффар.
Неъмат Амин, Омон Мухторнинг
Этагини тутди Сулаймон.
Шашмақому шашқаторларни
Ипга тизар Исроил Субҳон.
Абдунаби бахшиёнаси
Уйғотади неча авлодни.
Саидбурҳон ўксиб эслайди
Доғда қолган Бухорхудотни.
Тарих дилдан қувар андуҳни,
Дардли дилга қўяди малҳам.
Айний домла битган мактубни
Шодмон билан кўряпмиз баҳам.
Ҳали бу эл дунёга бергай
Неча табиб, неча ҳозиқни.
Яна неча Тилак Жўра-ю,
Яна неча Жўра Фозилни...
Ҳа, йўл олис, буюк имтиҳон,
Англаяпман дунё ҳикматин:
Минг шукурки, ҳар лаҳза, ҳар он
Журъат билан эгиз қисматим.
Лек кўксимда беадад оғриқ,
Қулоғимда фарёд, унлари.
Ўксиб-ўксиб йиғлаган бобом –
Сўлганида миллат гуллари.
Ёдимиздан кетмас то ҳануз –
Жонимиздан ўтган оғриқлар:
Қатағону сургун, маломат,
Яна қанча туҳмат, ёрлиқлар.
Йўқ, йўқ, энди адашмоқ абас,
Йўқ, йўқ, энди хато – гуноҳдир.
Энди ортга қайтмагай бу халқ,
Сўзларимга тарих гувоҳдир.
Эй ҳовлиқма, паришонхаёл,
Бунчалар кибрга тўласан?
Гўё сенга куни қолгандай
Тарихимни ёзмоқ бўласан.
Изламагин, қўй, таърифини –
Минг йиллар-ла бўйлашган мозий.
Гоҳ фоже, гоҳ шаън тарихини
Ёзгувчи ҳам шу халқнинг ўзи.
Шу сафларда борлигим – шараф,
Шу сафдадир дардим, ҳасратим.
Шу саф билан йўлдош яратдинг,
Минг бор шукур сенга, қисматим!
Шодмон СУЛАЙМОН
28.02.–02.03.2026 й.
@ONA_TILIM_MILLAT_RUHI
Ибрат
ПИЁДА ЮРИШ ХОСИЯТИ
Ҳар тонгда пиёда юриш--минг дардга даво. Саҳарда вужудингиз кислородга тўйинади.
Бўғимлар ҳаракати тезлашади. Юрак фаолияти нормаллашади.
Энг асосийси тонгги пиёда юриш ризқ, саломатлик дегани.
Сиз ҳам саҳарда уйқудан кечингу, тоза ҳавода, табиат қўйнида пиёда юришга шошилинг!
Аминмизки, умрингизга умр қўшилади.
@ONA_TILIM_MILLAT_RUHI
Esse yozish hali ham muammo boʻlyaptimi?
Keling, sizga super taklifimiz bor
👇
Esse tekshirish boʻyicha ekspert Mahbuba _ Muallimaning 1 oylik onlayn darslarida qatnashing!
Kurs rejasi:
15 marta ovozli chatda jonli dars
✅
10 ta videodars
✅
15 ta essening mukammal tahlili
✅
Hamda
🎁
📝
Aprel imtihonida tushishi mumkin boʻlgan 10 ta ehtimoliy esse mavzusiga mos dalillar, esse qolipi va barcha esse mavzularida qoʻllash uchun bogʻlovchi vositalar kurs sovgʻasi sifatida beriladi
💌
Asl narxi 200 ming soʻm boʻlgan kursni bugun va ertaga chegirma narxda 99 ming soʼmga olasiz
Darslar: 5-martdan boshlanadi
🧮
Guruh toʻlishi bilan qabulni yopamiz
💻
👩💻
Yuborilgan barcha ishlar ustoz tomonidan 100% qo'lda tekshiriladi va tahlil qilib beriladi .Har bir essening ovozli tahlili bilimlaringizni
mustahkamlaydi.
Murojaat uchun:
@Mahbuba_Muallima
Namuna dars va Natijalar
👇
👇
👇
👇
https://t.me/Mahbuba_OnaTili_Milliy_Sefr