OTU Life

#RektorTabrigi
🇺🇿
8-dekabr — O‘zbekiston Respublikasi Konstitutsiyasi qabul qilingan kun!
Konstitutsiya milliy davlatchiligimiz, suverenitetimiz, shu kunga qadar erishgan barcha yutuq va marralarimiz, demokratik huquqiy davlat barpo etish yo‘lidagi sa’y-harakatlarimizning mustahkam poydevori hisoblanadi.
Bosh qomusimizning 33 yilligi yurtdoshlarimizga muborak bo‘lsin, barchaga farovonlik, omad, sog‘lik va oilaviy baxt tilayman.Yurtimiz tinch, osmonimiz musaffo, xalqimiz omon bo‘lsin!
Har birimiz ona Vatanimiz ravnaqi uchun hissa qo‘shishda davom etaylik!
Lochin Raxmonov
Osiyo texnologiyalar universiteti rektori

Konstitutsiya kuni munosabati bilan O‘zbekiston xalqiga
bayram tabrigi
—
Праздничное поздравление
народу Узбекистана по случаю Дня Конституции
Prezident.uz
|
Facebook
|
Instagram
|
YouTube
|
X

🎥
O‘ZBEKISTON KUBOGI
“Sevinch” jamoasi mavsumning eng muhim bellashuvi —
O‘zbekiston Kubogi finali
doirasida Navoiyning “Qizilqum-W” jamoasiga qarshi maydonga tushdi.
📍
Bellashuv Qarshidagi
Nasaf Markaziy stadionida
bo‘lib o‘tdi.
Osiyo texnologiyalar universiteti talabalari
stadionda faol ishtirok etib, jamoamizni qo‘llab-quvvatlashdi.

📘
“Konstitutsiya – Erkinlik va Adolatning Mustahkam Poydevori” mavzusida ma’naviy-ma’rifiy tadbir o‘tkazildi.
Osiyo texnologiyalar universitetida Konstitutsiya kuniga bag‘ishlangan ma’naviy-ma’rifiy tadbir bo‘lib o‘tdi. Tadbirda Yoshlar masalalari va ma’naviy-ma’rifiy ishlar bo‘yicha birinchi prorektor E.Ibragimov ishtirok etib, Konstitutsiyaning davlat boshqaruvi, jamiyat hayoti va fuqarolarning huquq va erkinliklarini ta’minlashdagi o‘rni haqida ma’ruza qildi.
Tadbirning asosiy maqsadi — O‘zbekiston Respublikasi Konstitutsiyasining demokratik jamiyat qurishdagi ahamiyatini, inson sha’ni va huquqlarini himoya qiluvchi oliy hujjat sifatidagi rolini keng targ‘ib qilishdan iboratdir. Uchrashuv davomida Bosh Qomusning erkinlik, adolat va qonun ustuvorligini ta’minlovchi poydevor ekani haqida batafsil tushunchalar berildi.
Tadbir yakunida insholar va rasmlar tanlovida faol ishtirok etgan talabalar universitet tomonidan diplom va esdalik sovg‘alari bilan taqdirlandi.

📚
Tarix yo‘nalishi 1-kurs magistrantlari uchun amaliy mashg‘ulot tashkil etildi.
Joriy yilning 6-dekabr kuni Osiyo texnologiyalar universiteti 1-kurs tarixchi magistrantlari uchun amaliy mashg‘ulot o‘tkazildi. Mashg‘ulot doirasida talabalar Sayido Nasafiy nomidagi Qashqadaryo viloyat axborot-kutubxona markaziga tashrif buyurishdi.
Talabalar kutubxonaning umumiy faoliyati, fondlar bilan ishlash tartibi, elektron resurslardan foydalanish imkoniyatlari bilan tanishtirildi. Mazkur jarayonni Ijtimoiy fanlar va raqamli texnologiyalar kafedrasi dotsenti Oydinoy Ochilova olib bordi.
Shuningdek, magistrantlarga ilmiy izlanishlar olib borishda manbalarni izlash, ularga ishlov berish, tahlil qilish va ilmiy ishda samarali qo‘llash bo‘yicha amaliy ko‘rsatmalar berildi.
Mazkur tashrif talabalar nazariy bilimlarini mustahkamlash, ilmiy faoliyatni yo‘lga qo‘yish hamda zarur ko‘nikmalarni shakllantirishda muhim ahamiyat kasb etdi.

7-dekabr kuni “Sevinch” jamoamiz mavsumdagi so‘nggi bellashuvini — O‘zbekiston Kubogi finalini — o‘tkazadi. Bu safargi raqibimiz Navoiyning “Qizilqum-W” jamoasi bo‘ladi. Uchrashuv soat 14:00 da start oladi.
Musobaqaning maxsus mehmoni sifatida estrada xonandasi Shohruhon Siz, aziz muxlislar uchun kuylar ijro etadi. Uchrashuvga kirish bepul. Konsert dasturi 13:30 dan boshlanadi!
Uchrashuvga kirish bepul.

GERMANIYADA ISHLASH UCHUN AJOYIB IMKONIYAT!
Qashqadaryo viloyat hokimligi hamda “Ishga marhamat” monomarkazi Germaniya Federativ Respublikasidagi “Motiba” MJChga yuqori maosh evaziga uzoq muddatli ishga taklif etadi.
Ish turlari soni :
32 xil kasb
Ish joyi manzili:
Berlin shahri
Oylik maosh:
oyiga 3000 yevrodan boshlab.
DIQQAT!
nomzodlar uchun
“Ishga marhamat”
monomarkazida nemis tilini o‘rganish dasturi bepul tashkil etiladi.
Talab etiladigan hujjatlar:
nomzod haqida ma’lumotnoma (rezyume), pasport, o‘qish yoki ish joyidan ma’lumotnoma;
kasb-hunar ta’limi diplomi (qo‘shimcha sertifikati yoki ishlab chiqaruvchi korxonalarning maxsus kurslarida qatnashganlik afzallik beradi);
til bilish darajasini tasdiqlovchi hujjat (agar bor bo‘lsa);
tegishli ish tajribasi (ish tajribasini tasdiqlovchi hujjat);
yosh chegarasi 18-35-oralig‘i
Ishlash istagida bo‘lgan talaba-yoshlar zudlik tegishli hujjatlari bilan tyutorlariga murojaat etishlari lozim.
Qo‘shimcha bog‘lanish uchun teleqon raqam:
90-425-99-68, 94-617-25-52

“Erta turmush qurishning salbiy oqibatlari” mavzusida profilaktik tadbir o‘tkazildi
Osiyo texnologiyalar universiteti faollar zalida erta turmushning xavfli oqibatlari va uning oldini olishga bag‘ishlangan profilaktik tadbir bo‘lib o‘tdi.
Tadbirda Xotin-qizlar masalalari bo‘yicha rektor maslahatchisi, “Pedagogika” kafedrasi professor-o‘qituvchilari hamda Qashqadaryo viloyati skrеning markazi bo‘lim boshlig‘i, oliy toifali shifokor Gulnora Astanova ishtirok etdi.
Mutaxassislar erta turmush oqibatida yuzaga keladigan sog‘liq muammolari, iqtisodiy qaramlik, yetuklikning jismoniy, psixologik va huquqiy mezonlari haqida talabalarga batafsil ma’lumot berishdi. Shuningdek, qizlarning bilimli, ongli va mas’uliyatli bo‘lishi muhimligi ta’kidlandi.
Tadbir davomida Odob-axloq kodeksining maqsad va vazifalari, talabalarda ma’naviy madaniyat, zamonaviy imidj va huquqiy ongni shakllantirish borasidagi yondashuvlar tushuntirildi.
📌
Ochiq muloqot shaklida o‘tgan uchrashuvda talaba-qizlar o‘zlarini qiziqtirgan savollarga mutaxassislar tomonidan batafsil javob olishdi.

Talaba-yoshlar, ota-onalar va pedagoglarga giyohvandlik va narkojinoyatlarning salbiy oqibatlaridan ogohlikka chaqirishga qaratilgan
MUROJAAT
Qadrli yoshlar, hurmatli ota-onalar, aziz ustozlar!
Farzand — inson uchun eng bebaho ne’mat, ota-onaning orzu-umidi va kelajagidir. Uni har qanday xavf-xatardan asrash, to‘g‘ri yo‘lga yo‘naltirish barchamizning muqaddas burchimizdir.
Afsuski, keyingi paytlarda yoshlarimiz orasida kuchli ta’sir qiluvchi va tarkibida psixotrop moddalar mavjud bo‘lgan dori vositalariga qaramlik illatiga ruju qo‘yish holatlari ko‘p kuzatilmoqda.
Bu illat yosh oilalarning barbod bo‘lishiga, bolalarning tirik yetim qolishiga zamin bo‘layotgani taassuflidir. Vaqtinchalik “zavq” yoki “oson pul” degan aldovlar oqibatida qancha yoshlar o‘z umrini, kelajagini, oilasini barbod qilmoqda.
Hurmatli yoshlar!
Siz – kelajak bunyodkorlarisiz, Jahon ilm-faniga ulkan hissa qo‘shgan buyuk ajdodlarimiz vorislarisiz. Sizga aytar so‘zimiz, kelajagingizni asrang. Sog‘lom turmush tarzini tanlang. Bilganlaringizni bilmaganlarga yetkazing.
Sizdan ongli va mas’uliyatli bo‘lishingizni, zararli illatlardan yiroq turishingizni, shubhali takliflarga aldanmasligingizni so‘raymiz.
Hurmatli ota-onalar!
Hadislarda
“Ota-onaning o‘z farzandiga bergan yaxshi ta’lim-tarbiyasi va odobidek fazilatli hadya yo‘qdir”
deb bayon etilgan. Shunday ekan, farzand tarbiyasi, eng avvalo, ota-ona zimmasidadir.
Farzandlarimiz bilan ko‘proq suhbatlashaylik, ularga mehr va e’tibor beraylik. Bolaning qalbida ishonch, mehr va ma’naviyat bo‘lsa – u hech qachon yomon yo‘lga kirib ketmaydi. Ular qanday muhitda, kimlar bilan muloqotda ekanidan boxabar bo‘lish, bu borada hushyorlik - zamon talabidir.
Zotan, Abdulla Avloniy aytganidek,
“tarbiya biz uchun yo hayot – yo mamot, yo najot – yo halokat, yo saodat – yo falokat masalasidir”.
Kelajagingizni asrang!
Giyohvandlikka qarshi birlashaylik!
Hurmat bilan, Lochin Raxmonov
Osiyo texnologiyalar universiteti rektori

♿️
3-dekabr — Xalqaro nogironlar kuni
Bugun, 3-dekabr — Xalqaro nogironlar kuni munosabati bilan Qarshi shahrida tashkil etilgan ko'rgazma tashkil etildi. Ushbu tadbirda universitetimiz professor-o‘qituvchilari hamda talabalar faol ishtirok etib, jamiyatda nogironligi bo‘lgan shaxslarni qo‘llab-quvvatlash, ularga mehr-muruvvat ko‘rsatish va inklyuziv muhit yaratish borasida muhim fikr-mulohazalar bilan o‘rtoqlashdilar.
Tadbir davomida nogironligi bo‘lgan fuqarolarning huquqlari, imkoniyatlari va jamiyatdagi o‘rni borasida suhbatlar tashkil qilinib, insonparvarlik, hamjihatlik va mehr-oqibat kabi yuksak qadriyatlar yana bir bor e’tirof etildi.