QUR'ON•TV
Мусо алайҳисслом ва қассоб
Мусо алайҳисслом Аллоҳдан: "Жаннатда ким билан қўшни бўламан?" деб сўрадилар. Аллоҳ таоло бир қассобнинг исмини айтди. Мусо алайҳиссалом ҳайрон бўлиб, ўша қассобни излаб бордилар ва унинг уйида меҳмон бўлдилар.
Кўрсаларки, қассоб овқат пишириб, бир заиф кампирни ўз қўли билан овқатлантирар, уни ювиб-тараб, эъзозлар эди. Шунда кампир қассобнинг қулоғига нимадир деб шивирлади. Қассоб эса табассум қилди.
Мусо алайҳисслом сўрадилар:
— Бу аёл ким ва у сизга нима деди?
Қассоб жавоб берди:
— Бу менинг онам. У ҳар гал хизматини қилганимда:
"Аллоҳ сени Жаннатда Мусога қўшни қилсин",
деб дуо қилади. Мен эса:
"Мен қаерда-ю, Мусо пайғамбар қаерда?"
деб кулиб қўяман.
"Ибратли ҳикоятлар"дан
@qurontvuz
Dunyoga muhabbat I Audiokitob | Imom G'azzoliy
@QuronTvuz
#савол_жавоб
Спорт ёки машқ мақсадида балиқ овлаш
мумкинми?
Савол:
Ижтимоий тармоқ орқали “Исломда спорт учун балиқ овлаш тавсия этилмаган, балки бу макруҳ амал ҳисобланади” деган гапни ўқиб қолдим. Бу гапнинг шаръий асоси борми?
Жавоб:
Бисмиллаҳир Роҳманир Роҳим. Шариатимиз кўрсатмаларига кўра, машқ ёки спорт мақсадида балиқ овлангандан кейин ундан овчининг ўзи ёки бошқалар манфаат кўрса, бу ов тури жоиздир. Аммо овланган балиқдан ҳеч ким фойда олмаса ва овланган балиқ ташлаб кетилса, бу турдаги овлаш макруҳ ҳисобланади. Бу ҳақда “Мавсуатул фиқҳийя” китобида бундай дейилган:
Яъни, овлашдан мақсад ўйин-кулги бўладиган бўлса макруҳдир. Зеро, Расулуллоҳ соллаллоҳу алайҳи васаллам:
“Жони бор нарсани нишон қилманглар”,
деганлар
(Имом Муслим ривояти).
Бу мавзуда “Фатавои Татархонийя” китобида бундай дейилган:
Яъни: «Абу Юсуф раҳматуллоҳи алайҳ айтадилар: “Агар овлашдан мақсад ўйин-кулги бўлса, унда яхшилик йўқдир ва мен уни хуш кўрмайман. Агар овлашдан мақсад сотиш, истеъмол қилиш ва шу каби фойдали нарсалар бўлса, ундай овлашнинг зарари йўқдир». Валлоҳу аълам.
“Фатволар тўплами”дан
@QuronTvuz
🌸
ЖУМА АЙЁМИНГИЗ МУБОРАК БЎЛСИН!
🕋
🌙
🤲
🌙
Энг яқин инсоним кириб келган “Жума” куни муборак бўлсин.
Бу кунда барча дуо қилувчиларнинг дуолари ижобат бўлсин. Қалбларимизни ўзининг муҳаббати билан шод айласин!
❗️
Яқинларингизни биринчи бўлиб табриклаш эсдан чиқмасин
😊
◦•●○◉❀✧
🌺
✧❀◉○●•◦
@QuronTvuz
Alhamdulillah
🤍
Bugun Qur’oni Karimni yakunlash nasib etdi. Bu — Allohning katta fazli va rahmati.
Allohim, bu amalni mendan qabul qilgin, undagi kamchilik va xatolarimni mag‘firat etgin. Uni men uchun sadaqai joriya aylagin va undan foyda olgan har bir kishiga ajr ato etgin.
Qalblarimizni Qur’on nuri bilan yoritgin, bizni uni o‘qib, anglab va unga amal qiladigan bandalaringdan qilgin
🤲
Alhamdulillah har bir ne’mat uchun.
@Umaralqatami
Minnat qilish haromdir. Faqat, ota o'z bolasiga, ustoz o'z shogirdiga va er o'z xotiniga minnat qilsa, ularning haqlari ulug'ligidan joiz hisoblanadi.
🌟
"Odoblar xazinasi", 1-juz.
@QuronTvuz
Ибн Муборакка айтилди:
Сен намоз ўқигандан кейин нега биз билан ўтирмайсан?
У деди: мен саҳобалар ва тобеинлар билан ўтираман.
Уларнинг китоб ва асарларини ўқийман.
Сизлар билан нима қиламан?
Сизлар одамларни ғийбат қиласизлар.
📚
سير أعلام النبلاء (8/398)
Аллох та'ало мархамат килади:
Сиз ўзингизни эрта-ю, кеч Парвардигорларининг юзини — розилигини истаб, Унга илтижо қиладиган зотлар билан бирга тутинг! Кўзларингиз ҳаёти дунё зийнатларини кўзлаб, улардан ўтиб (ўзга аҳли дунёларга боқмасин)!
📚
( Кахф сураси 28 оят)
•••┄┄┄༻❅༺┄┄┄•••
@QuronTvuz