TUMO Parents Corner

Ծնողներ ջան
🌸
Այս կիրակի՝ մարտի 8-ին՝ Կանանց միջազգային օրը, Թումո կենտրոններում և տուփերում դասեր չկան։

Սիրելի ծնողներ
🤍
Այս տարի Թումոն դառնում է 15 տարեկան
✨
Նախորդ 15 տարիների ընթացքում Թումոն ոգեշնչել է պատանիներին կերտելու իրենց ապագան և վերափոխելու սեփական համայնքները։ Ավելի քան 100.000 պատանի հմտացել է տեխնոլոգիաների և դիզայնի ոլորտներում, բարելավել է ուսումնական առաջադիմությունը, սկսել կարիերա և ընդլայնել է իր աշխարհայացքը։
Հիմա մենք առաջ ենք նայում։ Հաջորդ փուլը պահանջում է բոլորովին նոր տեսակի ուսանող՝ սուպերսովորող, որը կարող է անընդհատ հարմարվել ու աճել աննախադեպ փոփոխությունների պայմաններում։ Տեխնիկական հմտությունները կարևոր են, բայց կարևոր են նաև ճկունությունը, դիմակայունությունը և ապագան երևակայելու ունակությունը։
Մենք ընդլայնվում ենք հասանելի դառնալու համար հարյուր հազարավոր նոր պատանիների։ Միասին մենք կկառուցենք ապահով, զարգացած և իսկապես մարդկային ապագա։

Ծնողներ ջան
📸
Լուսանկարչությունը ոչ միայն ճիշտ կադրը գտնելու, այլև լուսանկարելու միջավայր ստեղծելու մասին է։ Հենց սա են սովորել Երևանի թումոցիները Բարսելոնայից ժամանած լուսանկարիչ Մարտինա Օրսկայի աշխատարանում։
Նրանք աշխատել են բնական ու արհեստական լուսավորության, և տարբեր ֆոների ու օբյեկտների հետ՝ օգտագործելով իրենց երևակայությունը։ Եվ ստացել են յուրահատուկ նատյուրմորտներ, որոնք ներկայացնում են հայկական խոհանոցը։
Ծանոթացեք աշխատարանի ընթացքին և արդյունքներին՝ թերթելով նկարները
🙌🏻

Սիրելի ծնողներ
💙
Երկու տարի առաջ քաջարանցի Մանեն ոտք դրեց Թումո մեծ լարվածությամբ ու գրաֆիկական դիզայնի աշխարհը բացահայտելու վճռական նպատակով։ Այսօր արդեն նա մասնակցել է Թումոյում գրաֆիկական դիզայնի և շատ այլ ոլորտների դասընթացներին ու աշխատարաններին։
Թումոն Մանեի համար դարձել է նույնքան հարազատ, որքան իր սիրելի քաղաքը՝ Քաջարանը, որին նվիրված է իր ստեղծած գրաֆիկական պաստառը:
«Եթե հարցնեն՝ որոնք են սիրածս գույները, միանշանակ կասեմ՝ սպիտակն ու կապույտը. այն գույները, որոնցով շնչում է Թումո Կապանը», — ասում է Մանեն ժպիտով:

Ծնողներ ջան
💚
Թումոցիները՝ գիտական հոդվածի հեղինակներ
🤓
Հայաստանի ազգային գրադարանի «Բանբեր» գիտական հանդեսում հրապարակվել է հոդված, որտեղ Թումոյի ուսանողները հանդես են գալիս իբրև հեղինակներ։
Նախորդ ապրիլին՝ AI տեխնոլոգիաների ֆրանսիական Calfa կազմակերպության հիմնադիր-նախագահ Շահան Վիդալի և ծրագրերի ղեկավար Բատիստ Քյոշի աշխատարանի ընթացքում, Երևանի թումոցիներն ստեղծեցին AI գործիք, որն OCR-ի միջոցով վերականգնում է արխիվային նյութերի բովանդակությունը։

Սիրելի ծնողներ
❤️
2025-ը նշանակալի տարի էր մեր աջակիցների շնորհիվ
🤩
Թումո Կապանի հիմնական շենքն արդեն մեկ տարի գործում է։ Գորիսի և Շատինի Թումո տուփերը կրթությունն ավելի հասանելի են դարձնում հեռավոր համայնքների պատանիների համար։
Վանաձորում նոր Թումո կենտրոնի ֆինանսավորումն ապահովված է, այն իր դռները կբացի 2028 թվականին։
Դիտե՛ք տեսանյութը և իմացե՛ք, թե որքան բան է իրագործվել բարեգործության շնորհիվ Սյունիքից մինչև Լոռի և այլուր։
Շնորհակալ ենք Թումոյի մասը լինելու համար։

Ծնողներ ջան
🤍
Բոլորը գիտեն, որ Թումո Կողբի 18-ամյա ուսանող Արթուրը միշտ առաջինն է գրանցվում ցանկացած նոր աշխատարանի ու դասընթացի.
«Իմ մանկության երազանքն անիմացիա ստեղծելն էր, — պատմում է Արթուրը, — միշտ ուզում էի իմ կարողություններն ամբողջությամբ օգտագործել։ Բայց մեր համայնքում շատ էի զգում թվային աշխարհն ուսումնասիրելու հնարավորությունների պակաս ու չգիտեի՝ ինչպես կարող եմ սովորել այդ ոլորտներում»։
2023 թվականին Կողբում բացվեց Թումոն, և Արթուրն ու իր նման հարյուրավոր պատանիներ հնարավորություն ստացան ուսումնասիրել Թումոյի նորարարական կրթական ոլորտներն առանց հեռանալու իրենց համայնքներից.
«Ես սովորեցի թվային նկարչություն, անիմացիա ու նաև բացահայտեցի ստեղծագրությունը, որը դարձավ իմ ամենասիրելի հոբբիներից մեկը, — խոստովանում է Արթուրը, — Հիմա ես կամ տանն եմ լինում, կամ Թումոյում։ Այն մեմի պինգվինի նման, որը գնում է դեպի լեռները, ես էլ գնում եմ իմ Թումո ուղով»։

Իսկ Դուք վերջին անգամ ե՞րբ եք գնացել ծնողական ժողով
🤭
Թումոյում պետք չէ սպասել հատուկ առիթի կամ հրավերի։ Կարող եք ցանկացած պահի ինքնուրույն պատվիրել Ձեր ծնողական ժողովը, գալ Թումո կենտրոն կամ տուփ և տեղում տեսնել, թե ինչպես է անցնում թումոյական առօրյան։
Պարզապես ընտրեք Ձեզ հարմար օրը և ամրագրե՛ք հանդիպումը Ձեր թումոցու գրաֆիկին համապատասխան։
Հղումը -
tumo.org/parents
Սիրով սպասում ենք Ձեզ
❤️

Ծնողներ ջան
❤️
Որքան ձմեռն է այս տարի ձյունաշատ, նույնքան էլ կոդաշատ է Թումո Տեխնոձմեռը
❄️
Թումո Երևանում MIT-ից ժամանած Խավիեր Սանչեզի աշխատարանին ուսանողները ծանոթացան breadboard-ի հիմունքներին, Arduino ծրագրավորմանը, DC շարժիչների կառավարմանը և ռոբոտի մարմնի կառուցմանը։ Վերջում թումոցիներն ստեղծեցին ռոբոտ, որը հաղթահարում է արգելքներ և շարժվում լաբիրինթով։

Ծնողներ ջան
✨
Գորտեր, բադիկներ և փերիներ Երևանում
🐸
🐥
🧚‍♀️
Դետրոյթից ժամանած արտիստ Մայք Բրդիկը, որն աշխատել է Procreate, Airbnb, Facebook, Duolingo, Rivian, Nike և The New York Times ընկերությունների հետ, «Էսքիզից մինչև շարժում» աշխատարանի ընթացքում Երևանի թումոցիներին սովորեցրեց, թե ինչպես կարելի է նկարազարդումը վերածել անիմացիայի։ Արդյունքում՝ նրանք ստացան այս վառ քաղաքային gif-երն իրենց յուրօրինակ նկարազարդումներով։