قناة باب الحوائج

عتاب زینب مع الزمن
کل الناس اهلهه اعزاز
وانه اهلي اشگلت عنهم
سبعین اطلعوا ویای
ولا واحد رجع منهم
_
کل الناس اهلهه اعزاز
وانه اهلی بگو نومه
عزیز امی عله التربان
وبید الذابحه اهدومه
احسین العور افادی
عسانی لا ضگت یومه
مشیت امیسره وضلوا
جثث محد یدفنهم
____
کل الناس اهلهه اعزاز
وانه اهلی جزو عنی
عفه گلبی اشکثر صبره
یروحی للحشر ونی
ولله افراگ ابو اسکینه
لذیذ النوم حارمني
امن احسین الگضه بیهم
فرد ساعه اوگضوا کلهم
_
کل الناس اهلهه اعزاز
میتهم   یشیلونه
بس انه العفت اهلی
عرایه او موش مدفونه
حگی لو نحت لهلی
النایح یستحقونه
سلاطین البلد چانوا
و انه امدلله عدهم
_
کل الناس اهلهه اعزاز
بس انا العفت اهلی
ضحایه اعله الثره ضلوا
اخوتی اوکل بزر بطنی
مگوه جرعتی یا ناس
عله الشوقات مجلدنی
اطلعت ابواحد او سبعین
ما واحد سلم منهم
_
کل الناس اهلهه اعزاز
شگول انه على اخوانی
کلهه واگفه الامری
طوعی و لفظت السانی
عزیز احسین بزر امی
کل الساعه ایتفدانی
مگوا جرعتی یا ناس
ماموت اعله شوقتهم
_
کل الناس اهلهه اعزاز
وانه اهلی گضاهه الموت
لا شافو غسل و کفان
لا شالوهم ابتابوت
من اذکر مصایبهم
اونن ولگلب مفتوت ‌
عله اهلی الماگضه عمری
اویاهم و شبعت منهم
____
القصيدة التراثيه الاهوازيه التي قرئت بصوت رواديد الاهواز القدامى وعندي شاعرها مجهول
🚫
#اللهم_عجل_لوليك_الفرج
#یوسف
الزهراء
💔

نعي يشرح
حال الأمام الحسين (ع) بعد مصرع علي الاكبر
.                   يكابر بالجرح والحسره والـ آه
جـابـه لـلـخـيـم وتـمـدد اويـاه
وتجري للعزيز ادمـوع عـيـنـاه
وعلى إلسانـه اتـردد واعـلـيـاه
امصاب الولـد مـكـسـور خـلاه
يسمع عمته وي لـيـلـى تـنـعـاه
ويلاه العقيلـه اتـصـيـح ويـلاه
خويه اوليدك الاكبـر فـگـدنـاه
وبدال الـفـرح مـأتـم نـصـبـنـاه
گاللهه يخويـه ونـاره بـحـشـاه
اليفگد عـلـي مـا يـرفـع أگـفـاه
خليني يزيـنـب انـحـب احـذاه
متمدد اشوفه اوليدي شـرجـاه
((ابوذيه الأمام الحسين  يخاطب السيده زينب))
.               حزن روحچ يخـويـه اويــاي.. ظهري
ظـلام بـفـگـد الأكـبـر صـــار .. ظهري
انهدم حيلي واحس مكسور .. ظهري
يــزيـنـب و الـــولـــد راح امــن إديــه
*---------------*---------------*
✍️
خادم الحسين ع
الشاعر رعد الچريخي
🚫
#اللهم_عجل_لوليك_الفرج
#یوسف
الزهراء
💔

لاتضيّعني اباعبد الله
فدوه سجلني اباعبد الله
✦•┈┈┈••✦❁✦••┈┈┈•✦
حسين أنه التايه وضيّع حياته
غافي ابذنبه وانسى ساعة المماته
بكثرة ذنوبه طفى وغيّر صفاته
يبو گلب شكبره بس انته نجاته
بگلبك انظرلي اباعبد الله
فدوه سجلني اباعبد الله
✦•┈┈┈••✦❁✦••┈┈┈•✦
واگف بابك وأترجه رحمــــــتك
خوفي لا تحرمني من لذّة خدمتك
ياچبير وعايشه الناس بنعـــمتك
غيرك شعدنه يمن حزو رگبتــــك
بيدك سحبني ياباعبد الله
فدوه سجلني ياباعبد الله
✦•┈┈┈••✦❁✦••┈┈┈•✦
خوفي باچر من تجيني متعرفني
ومن أمد إيدي ولا تقبل تمدلي
شلون لو من خيمة الخدمة طردتني
حسين أحلفك بالعقيلة لا تذبني
بنورك اصلّحني اباعبد الله
فدوه سجلني اباعبد الله
✦•┈┈┈••✦❁✦••┈┈┈•✦
حسين لا تحرمني من درب المجالس
فدوه راعيني بحنانك مثل عابس
خدمتك صارت شرف تبني مدارس
حبك ودگ الصدر ينطينه واهس
بعطفك شملني اباعبد الله
فدوه سجلني اباعبد الله
✦•┈┈┈••✦❁✦••┈┈┈•✦
واصل الحد الجزع أني بغرامي
عذرني لو أذيتك بحچي وكلامي
وصل حده العشك ياروحي وهيامي
گمت أشوفن صورتك گدّامي دامي
حسين جنّني اباعبد الله
فدوه سجلني ياباعبد الله
✦•┈┈┈••✦❁✦••┈┈┈•✦
✍🏻
الشاعر فلاح الفكيكي
✦•┈┈┈••✦❁✦••┈┈┈•✦
🚫
#اللهم_عجل_لوليك_الفرج
#یوسف
الزهراء
💔

هل الهلال يزينب هل الهلال
والحمل مال يزينب. والحمل مال
حظري روحج لسبي
وصوط ذاك الاجنبي
هل الهلال يزينب. هل الهلال
➖
➖
➖
➖
➖
➖
➖
➖
من شفت انه الهلال ايدي اعله كلبي
صحت انه بصوت عالي ادخيل ربي
يمكن اخسر انه اخوتي الباري حسبي
خفت حيل اعله اخوتي
و اختنكت  بعبرتي
هل الهلال يزينب هل الهلال
➖
➖
➖
➖
➖
➖
➖
➖
اختنك بالعبره انه واحسب احساب
راح اضيع انه اخوتي وكل الشباب
اضل وحدي اويه الضعينه بكل السباب
وحدي اضل ويه الضعن
وخال ويلادي انطعن
هلا الهلال يزينب هل الهلال
➖
➖
➖
➖
➖
➖
➖
➖
عسى لا هل الهلال وعاينيته
خال ويلادي رحل اورافجيته
وسار بيهم بالضعينه وسايريته
وين  رايح  يالولي
وين كلمه ادللي
هلا الهلال يزينب هلا الهلا
➖
➖
➖
➖
➖
➖
➖
➖
زينب انه والدهر باليني بالوه
وراح اضيع بهالشهر غصبن وكوه
رايحه ويه الشمر ماكو امروه
وتنام كل اخواني
والزمن راواني
هل الهلال يزينب هل الهلال
➖
➖
➖
➖
➖
➖
➖
➖
عله الناكه يصعدوني انده يعباس
وين التكفل ضعوني ويرفع الراس
انه تالي امشي سبيه ابين هالناس
اوياخذوني للغرب
وبالصوط انه انضرب
هلا الهلال يزينب.   هلا الهلال
➖
➖
➖
➖
➖
➖
➖
➖
تمت بقلم خادمة اهل البيت ع
الشاعره هيلين الساعدي
🚫
#اللهم_عجل_لوليك_الفرج
#یوسف
الزهراء
💔

نعي هلال محرم
ياشهر الحزن بهلالك تهل
وعلينه النوايب بيك تنزل
خليت الدمع عالوجنات يهمل
يالبيك الفجيعه وضيم تحمل
....
يهلال القهر والحسرات هليت
بيت اهل النبوه خالي البيت
وزينب بالمناحه وسفه خليت
راحو اهلهه الگلب بالنار شبيت
......
من اتهل علينه اتهل الدموع
وبكل دار الك هالنوح مسموع
لحسين ومصابه الگلب مفجوع
ومن كثر الالم ياسيدي يلوع
.....
ياشهر المصيبه وشهر الجروح
خليت الگلب من لوعته ينوح
ابواليمه انچتل ياناس مذبوح
واهله ابلا ذنب للسبي اتروح
........
مالك السعيدي
🚫
#اللهم_عجل_لوليك_الفرج
#یوسف
الزهراء
💔

صعبه ياقصت رباب ****شافت أنواع العذاب
رادت أتكَمط الولد ===== مالكَت حته المهد
------------------
أجت تركض من بعد حركَ الخيم
من جمرهن ما تحط چف لجـدم
فگد ابنهه يزود من عنده الالم
حيلهه أخـلافــك يعبدالله انهــدم
حيره تمشي الياكتر * من كَرب وكت العصر
والكَلب  من عدهه ذاب
---------------------
صار الغروب أوبده أوياهه الحزن
اتخيلت نام أوتدكَ أعله المـتـن
صوت للخرخاشه ما تسمع يرن
والفــواطــم خافن أعليهه تجن
تدري بكَماطه أحتركَ * والعكـَل منهه أنسركَ
أتوسدت تل التراب
-------------------------
من أجاهه الليل تمشي أبلا وعي
ساعه تبجي أوساعه توكَف تندعي
للـفــواطــم تسمع أصوات النعي
كَالت ألهـن حزني نشف مــدمـعي
رحمِه مابيهم أبد * وانه أريدن للجسد
مايسمعون العتاب
-------------------------
ليلهه أشكَد طوُل ومامر فـجر
تركض أومدمعهه مابطل يـدر
تحجي وي زينب نروُح  لياكتر
باجر أيكَـولــون تمشن للـيسر
وبني يبقى أبلا دفن * وانه دم بجري الوجن
والسناسبل بلركَاب
-------------------------
عينهه أم عـــبدالله تنظر لشركَ
رادت من أثيابه وصله أبلا حركَ
كَالـــت أشتم بيهــا باجر نـفـتركَ
جنهه صارت ياضوه أعيوني صدكَ
باجرأمشي أعله الهزل * ونته دامي أبلا غسل
ماشفت ريع الشباب
(   فاخر علي الشبيبي)
🚫
#اللهم_عجل_لوليك_الفرج
#یوسف
الزهراء
💔

(﷽)
قصيدة: ياستري والسند
بصوت: علاء التميمي
الشاعر: محمد الزيدي
▪️
▪️
▪️
▪️
▪️
«ستري والسند»
١/نام ياهيبة خواتك لونك ولوني طفه
حتى اصبرهن واگلهن نام الحسين وغفه
لاتدور اعيونك الهن حيل مابيهن بعد
صعبه يندار الخواته الينذبح من الگفه
هذا ياهو العوراك.... ياهو بايگ لونك
والله مابياش اگول....  ياحسين شلونك
نام يابو سكينه نام..... وانسه طاري الخيمه
ذابحيتك من گفاك.... لاتدير عيونك
وينك ووين الخيام.... يمذبوح
عوفهن يحترگن ونام..... يمذبوح
*(خويه ياستري والسند)*
٢/لاتفكر بالبنات صواب نحرك مو سهل
يابو ألف وتسعميه شوايت الله على الحبل
حالهن مو مثل حالك اشوه ياخويه وعلي
انتٓ فوگ من الرماح وهنه فوگ من الهزل
لاتهم بيهن يخويه.... سولف على همومك
لاتدور عالبنات..... دور على هدومك
محبسك سولفلي وين.... هسه يا چف لابسه
والعمامة الخضرة ليش.... مامغطية رسومك
محبسك وين حرامات.... يمذبوح
والملابس غريبات..... يمذبوح
*(خويه يا ستري والسند)*
٣/ يبو عمامة اللامتنه وتالي ما تالي هوت
دمك على الخيمة طايح چا الخيل شگد مشت
غطي روحك من تجيلك بلكت تضيع الدرب
ولو عطرك بيش ينضم خويه ياعطر البخت
خيلهم ماچنهه خيب.... عاصبين عيونهه
راح اصيحلهم يبوي..... بلكت يوخرونهه
من صباح الله تدوس.... فوگك وما رايحه
ليش وصوهه عليك.... واختك يخلونهه
كون اغطيك واشمك..... يمذبوح
بس الخيول تلچمك..... يمذبوح
*(خويه ياستري والسند)*
٤/ آخ والآخ شكبرهه وهذا شلعان الگلب
سالبينك والملابس تارسه عيون الدرب
ماتلوگلهم هدومك ليش جروهه بحقد
والعمايم مال سادة ماتلوگ على الغرب
ياترف مو للشموس.....  ياعطش ياهيبة
شيبتك چانت ضواي..... هسه حمره الشيبة
ليش عريان الحنين..... والشمس محتامه
وثوبك يودي بعيد..... الهوه ويجيبه
خويه ثوبك يريدك..... يمذبوح
اگعد ومظلي ايدك.....يمذبوح
*(خويه ياستري والسند)*
٥/ يحسين وداعت امك بعد ماريده العمر
الگاع متروسه شماته ووين ما اوگف شمر
هذا شامت وذاك شامت وآنه بالنص ياعلي
لاتسولف عالمتون حسين سولف عالخدر
ماشيه بنص المضيف..... لاعلم لاريه
وابو گلب المو نظيف..... سمعاني حچايه
ياحسين وكون اموت..... حالي حال الماتوا
بأسم زينب خويه راح..... صار اسمهه الهايه
اختك انباگ علمهه..... يمذبوح
سولفوا ليش بأسمهه..... يمذبوح
▪️
▪️
▪️
▪️
▪️
خويه ياستري والسند .. مكتوبة
للأستماع
👇
🚫
#اللهم_عجل_لوليك_الفرج
#یوسف
الزهراء
💔

يالامغطيتك اسهام
تعال الحگ للأخيام
تعال ابعينك وشوف
ركضنه بگاع الاطفوف
.................................
مشيت وعيني تربي والگلب هايم
واشوف اتحزمت للباطل الوادم
ثلث ايام عن  ماي  النهر  صايم
ودعتك الله وايدي لزمت گلبي
وعيني اعله دربك يابو الاكبر تربي
وحگك تدري يحسين
عليك امغورگه العين
اصد وگلبي ملهوف تعال ابعينك وشوف
.................................
اتاني اتردلي والميمون رد خالي
انعصر ياخويه گلبي وموتي اشوالي
تخيل يالحنين اشصاير ابحالي
آنه الغريبه الماكو من بلواهه
من عيني رايح الي بي نتباهه
اعيش ابفرگته اشلون
تروح اوياه الاعيون
ابغيابه ابعيني ماشوف
تعال ابعينك وشوف
..................................................
على التل وانتخي من حرة اصوابي
ايد اعليك تومي وايدي بحجابي
وعلي اطيح الجبال البيهن امصابي
عالتل اصيح وانتخي يخواني
ما فززاكم عتبي يا ولياني
واطرن بين الاصفوف
تعال ابعينك وشوف
...............................
اجيتك بالدمع من امشي اتعثر
لگيتك نايم اعله المگفه ومطبر
اگدر طولك اعله اگداره ما اگدر
مخلوط طولك عرض والطول
معقول هذا حسين معقول
جسم ماكلته الاسيوف
تعال ابعينك وشوف
..................................
متغطي لجن غاطيتك اسهامك
ولگيت شجم رمح متروكه بحزامك
صحتلك گوم وصلت خصمك خيامك
طبو عليهه وصار الاصياح
اگعد يالامكطعته الارماح
اجيت ابحيره وبخوف
تعال ابعينك وشوف
خادم اهل البيت علي الزرگاني
🚫
#اللهم_عجل_لوليك_الفرج
#یوسف
الزهراء
💔

قصيدة في وداع زينب عليها السلام لاخيها الحسين عليه السلام
#شوط
كربلائي
كسر گلبي وهدم حيلي      وداعك ياضوه عيوني
اودعك للحرب يحسين       يذبحوك ويسلبوني
..............
آنه أم الخدر زينب يخويه حسين حاچيني
تودّعنـي وتروح شـلون جا منهو اليحاميني
عساني لكربـله لا جيت ولا تمشي وتخليني
شكول عله الدهر يحسين فرّق بينك وبيني
عفتني بعايله وايتام          غريبه وما يرحموني
اودعك للحرب يحسين       يذبحوك ويسلبوني
.................
أقـدّم مـهـرك بـأيــدي وحيد وماالك انصار
لون بيدي اروح وياك وقاتل دونك الاشرار
لا عبّـاس ظـل يـمّـك ولا اولادك الأطـهـــار
رايح للحرب وحدك اودعك والگلب محتار
اخاف عليك يبن امي         دخيلك لا يفجعوني
اودعك للحرب يحسين       يذبحوك ويسلبوني
......................
يكلها صبري يازينب اخوچ حسين سمعيني
احفضيـلي الحـرم يختي امانه بهاي عينيني
وذا شفتي انرفـع راسـي اصبري ولا تناديني
احفضي العيله والأيتام وانه بحالي عوفيني
زينب سمعته وصاحت        نيّتكم تخلّوني
اودعك للحرب يحسين     يذبحوك ويسلبوني
.............
ودّعــها الغـريـب حسين وراح يقـاتـل العدوان
وظلّت زينـب تعـايـن اخـوها وتـنـظـر النسوان
ساعة ولن خفه صوته وصارت ضجّه بالميدان
لنها تشوف مهر حسين اگبـل للـخـيـم لهـفـــان
يصهل ياهضيمه يصيح      الحگو حسين عينوني
اودعك للحرب يحسين       يذبحوك ويسلبوني
.....................
تـگـلّه يامـهـر هـونـك گلبـي مـعـذّب ومجـروح
اسألك وين اخويه حسين عفته بياكتر مطروح
يگلها عله الرمـح راسه اخوچ من الگفه مذبوح
گـامـت تلطـم عله الراس زينب وبحـزنـها تنوح
صاحت صوت يبن امي      بدالك خل يذبحوني
اودعك للحرب يحسين       يذبحوك ويسلبوني
....................
يگلها عله الرمح راسه وبالخيل انهشم صدره
بسيوف العـده مگـطّـع الف طعنه والف طبره
تـگـلّه ويـاك ودّينـي يمـهـر حسين اشم نحره
يـگـلــها ما يخـلّونـچ اخـوچ مـوسّـــد الـغـبـره
عالتل صعدت وصاحت     خويه شلون عفتوني
اودعك للحرب يحسين       يذبحوك ويسلبوني
....................
عليها هجمت العدوان ولوها وحرگوا خيمها
ما بيـن الحـرم والنـار زينــب حـارت بـهـمـها
لا عبّـاس يـحـمـيـــها ولا مـوجــود ابن امـها
يسلّبـوها ويشتـمـوها وحيده ومنهو يرحمها
صاحت يالمتت عطشان    ترضه بهاي شتموني
اودعك للحرب يحسين       يذبحوك ويسلبوني
خادم ام المصائب زينب عليها السلام
سيد زيد الفحام
🚫
#اللهم_عجل_لوليك_الفرج
#یوسف
الزهراء
💔

دارمي / ٣ دگات كربلائية
بحق عبد الله الرضيع عليه السلام
طور : يبن امي عالتربان عفتك رمية/ حمزة الزغير
الشاعر ابو محمد العاشور
عبدالله ماي العين  امك انه امك
اكعد يبعد جـــلاي  جيت انا يمك
__
اكعد يماي العــين  وفتح عيونك
ليش المنيه بساع  غمضت جفونك
شتسوى بعد دنياي   يوليدي دونك
وشيطفي جمر الاه   شيطفي همك
__
ماشوف عدهه ذات   كوم اللعينه
بنبلة غدر ذبحوك    كلهم ضغينه
ودمك رماه ليفوك    عودك ولينه
وماوكع فوك الكاع    عبدالله دمك
__
ابجي ونوح اعليك   وبكلبي حسره
وعبراتي لجلك دوم  عبره اعله عبره
الفاكد عزيز الروح    يبني شيصبره
احنلك حنين النوك   وتمـــــنه اشمك
__
عبدالله بيك البين   بالطف فجعني
خله الحزن والاه    بــــعدك اجني
اليوم المنيه وياي  زيـــــدلي وني
ووجهي الطمه حيل   لومرني اسمك
__
مصابك يحز بالروح  ومصاب الحسين
خلولي نص حشاي    خولي جرحين
جرحك وجرح حسين   صعبات الاثنين
وحالتي بعدك هاي   جيت انا اعلمك
__
المات ابنه  بالدلال    ناره سريه
يبقه يجر حسرات   حد المــــــنيه
والونه اله اوي النوح  تصبح سجيه
ريتك ترد لحظات   وبصدري اضمك
__
الشاعر ابو محمد العاشور
🚫
#اللهم_عجل_لوليك_الفرج
#یوسف
الزهراء
💔