الرادود احمد الزوار
خدامج احنه وهيهات. ننسه الظلع وصوابه
٠٠٠٠٠
يا فاطمة من مجلسج صحنه بصوت
منعوفج ولا ننسه ثارج للموت
ونلعن بكل صبح ومسية الطاغوت
هو الدفع باب الدار. سَنّ الظلم وسبابه
٠٠٠٠٠
مولاتي احنه بخدمتج ليل انهار
لمصيبتج ننصب عزانه بكل دار
ما ننسه يوم مصابج وكلّ الصار
نعرف الهجموا عالبيت. ونعرف الحرگوا بابه
٠٠٠٠٠
يم الحسن مولاتي عندج خدام
طول الوكت ويّاج مو بس ايام
ما ننسه ثارج والظلع والآلام
والكسر ظلعج معروف هو وجميع اصحابه
٠٠٠٠٠٠٠
گد العهد مولاتي من عاهدناج
ننسه المصايب كلها بس ما ننساج
بضعة محمد فاطمه ما عفناج
وكل شيعي انتي تحضريه. من يدفن بترابه
٠٠٠٠٠٠٠
لابد يجي اليوم ونكشفه المستور
وتتضح للناس الحقيقة بعاشور
منهو بسبب اطماعه ظلعج مكسور
ومنهو الحرگ باب الدار. وغاظ النبي بغيابه
٠٠٠٠٠٠٠٠٠
يظهر المهدي بثورة ضد العدوان
وياخذ بثارج فاطمه منّ فلان
قبة وصحن يبنيلج الغايب چان
هيبة علي وجده وياه. كلّ الملوك تهابه
سيد زيد الفحام
لميلاد سيدتي ومولاتي زينب بنت أمير المؤمنين سلام الله عليه وعليها
هل ليله اعياد او سهر هل ليله
هل ليله ميلاد الفخر هل ليله
____
__
الليله افراح او تهاني الليله ميلاد الحياء
الليله زينب شع ضواها عل كواكب والسماء
وآل هاشم عيد عدهم والفخر لبسوه رداء
الله منطيهم عقيله اتغار منها الانبياء
قرآن واجب عل خلگ ترتيله
هل ليله ميلاد الفخر هل ليله
____
__
نور من نور الزچيه اشرقت عل خافقين
الله خالقها أميره بنت امير المؤمنين
من وقار الله خلقها ومن وفاء او من حنين
انولدت ابخامس جمادى واحنه بيها امعيدين
قرآن چنها بالقدر تنزيله
هل ليله ميلاد الفخر هل ليله
____
__
عيد للشيعه اسمها والهلاهل بي وجوب
والورد لازم ننثره هل مسيه عل دروب
نشعل اشموع المحبه واحنه وياهن نذوب
هاي زينب هاي بلسم .بلسم ايداوي القلوب
قرآن يا هاذه الاسم تأويله
هل ليله ميلاد الفخر هل ليله
____
__
انبارك الليله لبوها انبارك الأمها البتول
نهتف ابلهفه او ننادي ابمولد الحره نگول
صلي اللهم صلي على حيدر والرسول
ربي هالفرحه البهيه وي عمر حيدر تطول
يامن هديه من عدن هاديله
هل ليله ميلاد الفخر هل ليله
____
__
هيّه من آلآء ربي او بيها من فيضه يجود
يوم مولدها كرامه تستحق طول السجود
زينب او من مثل زينب دور ابكل الوجود
وحده . وانطاها الأميري لا شروط ولا قيود
محلفها لازم لو زحف نمشيله
هل ليله ميلاد الفخر هل ليله
____
__
زينب الحره العقيله الطاهره من كل رجس
الگمر محتار ابضواها واستحت منها الشمس
اتراب اليدوسه جدمها طاهر او يحيي النفس
ربي هل ليله نخيتك بس رضاها التمس
واسمي يصير اويه الخدم تسجيله
هل ليله ميلاد الفخر هل ليله
____
__
ابو فاطمة الطائي
ابوذيات جدد لميلاد سيدتي ومولاتي زينب بنت أمير المؤمنين سلام الله عليه وعليها
أسم زينب الساق العرش ... لا ماس
لا ياقوت . لا در . لا ذهب ... لا ماس
تراب الداسته اخت احسين ... لو ماس
جهنم تبرد او تصبح زهيه .....
العقيق ابتسم هاذه اليوم ... والدر
علي والزهره عدهم عيد ... والدار
بيها اعيون تهمل فرح ...... وادّر
وملائك نازله اتأدي التحيه ....
زينب نور يضوي ... زينب آيه
أودها او هاي خصله .. زينه بيه
يناس الليله هاذي ...... زينبيه
عيد او فرحه عند الهاشميه ...
الگلب ميلاد زينبنا ... سلا له ( صار سلوه اله )
واگول الضدها ريت الله .. سلا له
عظيمه انولدت امن اطهر .. سلاله
ابوها حيدره او امها الزچيه ....
أذا أمدح ابزينب ... عن ادله
والي يريد مصدر .... عنه ادله
يناس الگلب طاير .... عنّد أله
يصل مرقدها ويقدم هديه ...
ابو فاطمة الطائي
نعي الزهراء ع
يم الحــسن فكدج كسرني
مايشــــــفه گلبي عليج وني
ايام الــــــــحزن توهن لفني
ايام الحزن طحنن بلظلوع
شنهو البواجي وشنهو الدموع
يظل الگلب للموت ماجوع
يظل بلگلب يايمه المصاب
وكاتلج بســــــــــمار بلباب
طولج ييمه اليوم هل غاب
فاركتج وافــــــــــكد بجانج
يل ماكو بلــــــــدنيه بحنانج
يمعــــــــــذبه عشتي بزمانج
ابو سلام الجابري