Alisher Sadullaev

Samarqanddagi XII global konferensiya o‘z yakuniga yetdi
Samarqand shahrida bo‘lib o‘tgan Yosh parlament aʼzolarining XII global konferensiyasi o‘z ishini yakunladi. Yopilish marosimida anjumanning yakuniy deklaratsiyasi o‘qib eshittirildi.
Hujjatda inson huquqlarini himoya qilish, iqtisodiy bandlikni taʼminlash, barqaror rivojlanish maqsadlarini amalga oshirish, shuningdek, raqamli xavfsizlik va iqlim o‘zgarishiga qarshi kurashish bo‘yicha ustuvor vazifalar belgilandi.
To‘liq nutq — videoda.
#12IPU
#Samarqand
@alisher_sadullaev

Samarqandda Yosh parlament aʼzolarining XII global konferensiyasi boshlandi!
Samarqand shahrida
4–6-sentyabr kunlari
“Murakkab davrda inson huquqlari, adolat va inson qadr-qimmatini tiklash yo‘lida” mavzusidagi nufuzli xalqaro anjuman o‘z ishini boshladi. Unda dunyoning
58 ta mamlakatidan
yosh parlament aʼzolari va xalqaro tashkilotlardan
250 nafarga yaqin
ishtirokchi qatnashmoqda.
Tadbirning ochilish marosimida O‘zbekiston Respublikasi Prezidentining konferensiya ishtirokchilariga yo‘llagan
tabrigi
o‘qib eshittirildi. Unda yoshlarning siyosiy jarayonlardagi ishtirokini kengaytirish barqaror taraqqiyotning muhim omili ekani alohida taʼkidlandi.
Konferensiya doirasida inson huquqlari, raqamli xavfsizlik, taʼlim, yoshlarning siyosiy faolligi hamda parlamentlararo hamkorlikka oid qator muhim masalalar muhokama qilinib, yakunda maxsus hujjat qabul qilinishi ko‘zda tutilgan.
#12IPU
#Samarqand
@alisher_sadullaev

Toshkent zamonaviy san’at xaritasida yangi markaz sifatida namoyon
bo‘lmoqda
.
@alisher_sadullaev

Oilaviy va yoshlar tadbirkorligi bo‘yicha imtiyozli kredit resurslarini boshqarish vakolati tuman shtablariga
o‘tkaziladi
.
@alisher_sadullaev

Ishlaydigan onalarga farzandi bir yoshga to‘lguniga qadar Ijtimoiy sug‘urta jamg‘armasidan nafaqa to‘lanadi.
Mehnatga layoqatsiz ehtiyojmand oilalarga “passiv daromad” keltiradigan ijtimoiy paket uchun joriy yil
300 milliard so‘m
ajratilgan.
Bunday yordam olgan
11 ming oilaning yarmida daromad sezilarli oshgani qayd etildi.
Bir haftada
ushbu tizimni davom ettirish bo‘yicha qaror loyihasini kiritish
topshirildi.
–
Kelasi yildan reyestrga kirgan oila farzandlarining
davlat va xususiy bog‘cha badali, o‘quv markazi to‘lovi, yo‘lkirasi hamda oliygohdagi yotoqxona xarajati vaucher orqali qoplab beriladi
,
– dedi davlatimiz rahbari.
Vaucher 12 oy muddatga beriladi
va ehtiyojmand oila
Ijtimoiy reyestrdan chiqarilganidan keyin ham amal
qiladi
.
@alisher_sadullaev

Yig‘ilishda
ehtiyojmand oilalarning ijtimoiy himoyasini kuchaytirishga qaratilgan yangi yondashuvlar
belgilab berildi.
Ijtimoiy himoya milliy agentligiga yil yakuniga qadar
ehtiyojmand aholini “ijtimoiy reyestr”ga kiritish tizimini qayta ko‘rib chiqish
topshirildi.
Bunda aholi
daromadi bilan birga surunkali kasallik, nogironlik, ko‘p bolalilik va oila a’zosining xorijda ishlayotgani kabi omillarni qamrab oladigan ko‘p o‘lchovli baholash tizimiga
o‘tiladi.
Respublikada
kambag‘allik darajasi 3,9 foizga tushgan
bo‘lsa-da,
3 yoshgacha farzandi bor oilalarda mazkur ko‘rsatkich o‘rtacha 6,5 foizni tashkil etmoqda.
–
Bola parvarishlayotgan ota-onalarni uyida yoki mahallada ishli va daromadli qiladigan tizimni
yo‘lga qo‘yamiz
, –
dedi
Prezidentimiz.
@alisher_sadullaev

Tuman shtablari
kimga qancha kredit berish, uni naqd yoki naqdsiz shaklda ajratish, mablag‘ni qaytarish muddatini uzaytirish va to‘lov grafigini biznes turiga moslashtirishni mustaqil hal qiladi.
Shuningdek,
inklyuziv moliyalashtirish masalalari ham shtablar vakolatiga o‘tkaziladi.
Hozir oilaviy tadbirkorlik uchun
1 trillion 370 milliard so‘m
, yoshlar tadbirkorligi uchun esa
450 milliard so‘m resurs mavjud.
Tuman shtablariga
mahalliy sharoit va loyihalarning samaradorligidan kelib chiqib,
moliyalashtirish masalalarini mustaqil hal etish
imkoniyati beriladi.
Lider tadbirkor
10 ta oila bilan kooperatsiya qilsa, 500 million so‘mgacha, 100 ta oila
bilan hamkorlikni yo‘lga qo‘ysa,
5 milliard so‘mgacha garovsiz kredit olishi mumkin
bo‘ladi.
@alisher_sadullaev

Xorazmda o‘rganilgan kambag‘al oilalarda
48 ming nafar bola
borligi qayd etildi.
Biroq mas’ullarda
ushbu yoshlar bilan alohida shug‘ullanish va ularni hozirdan kasb-hunarga jalb etish bo‘yicha maxsus dastur mavjud emas.
Viloyatning har bir tumanida
kamida 1-2 tadan texnikum va 4-5 tadan o‘quv markazi faoliyat yuritayotgani
ko‘rsatib o‘tildi.
Yoshlar yetakchilari, hokim yordamchilari va xotin-qizlar faollariga
maktab, texnikum va o‘quv markazlarida kambag‘al oilalar farzandlari uchun qo‘shimcha to‘garaklar tashkil etish
vazifasi belgilandi.
Xorazmda kambag‘al oilalardagi
10 mingdan ziyod ayol bola parvarishi bilan band.
Bunday oilalar farzandlarining bog‘cha qamrovi 75 foizga ham yetmasligi ko‘rsatib o‘tildi.
646 nafar kollej o‘quvchisi hamda oliygoh talabasining
hududdagi yangi loyihalardan kelib chiqib,
dual ta’lim asosida kasbiy ko‘nikmalarini oshirish
imkoniyati bor.
Shuningdek, kambag‘al oilalardagi
pensiya yoshidagi va nogironligi bo‘lgan 526 nafar insonga
ijtimoiy yordamni kuchaytirish orqali parvarish bilan band oila a’zolariga
daromadli mehnat bilan shug‘ullanish uchun imkoniyat yaratish
mumkinligi
ta’kidlandi.
@alisher_sadullaev

Prezident Shavkat Mirziyoyev raisligida
kambag‘allikni qisqartirish va aholi daromadini oshirish bo‘yicha ishlarni yangi bosqichga olib chiqish
masalalari muhokamasiga bag‘ishlangan yig‘ilish boshlandi.
Yil boshida respublikada
kambag‘allik darajasi 5,8 foizga tushib, ehtiyojmand aholi soni 2 million 200 ming nafar edi.
Hozir bu ko‘rsatkich
1,5 million nafarni tashkil etmoqda.
Ishni to‘g‘ri tashkil qilgan
49 ta tuman
va
3 ming 429 ta mahalla ishsizlik va kambag‘allikdan xoli hududga aylanayotgani
ko‘rsatib o‘tildi.
Ayni paytda
qolgan 159 ta tuman va shahar hamda 5 ming 536 ta mahalladagi mas’ullar faoliyatida natija yetarli emasligi
tanqid qilindi.
Davlatimiz rahbari
barcha hududlarga bir xil vakolat, resurs va imkoniyat berilganini
ta’kidlab,
ulardan samarali foydalanish zarurligini
qayd
etdi.
@alisher_sadullaev

🇺🇿
Aziz yoshlar, qadrli vatandoshlar!
Sizni Vatanimiz mustaqilligining 35 yillik bayrami bilan chin qalbimdan muborakbod etaman!
Bugun yoshlarimiz ilm-fan, IT va zamonaviy kasblarda o‘z so‘zini aytib, yurtimiz bayrog‘ini baland ko‘tarmoqda. Mustaqillik bizga yaratish va dunyoni kashf etish uchun ulkan imkoniyatlar ochdi.
Birgalikda kuchli va qudratli Yangi O‘zbekistonni bunyod etyapmiz. Bu yo‘lda har biringizning o‘rningiz beqiyos!
Bayramingiz muborak bo‘lsin, yurtimiz tinch, kelajagimiz abadiy bo‘lsin!
#Mustaqillik35
@alisher_sadullaev