قناة الكاتب د. عمرو كامل عمر
خريطة ذهنية لرواية سفر وادي النسناس
🐒
الرواية متاحة الآن للقراءة على تطبيق أبجد
رواية سفر وادي النسناس
🐒
الآن متاحة على تطبيق أبجد
📚
خلصنا من تريند فراج ندخل بقى على الشديد.. وبالمناسبة عايز أسأل سؤال دايما حارق دمي ومش لاقي له تفسير.. أنا هستفاد إيه من عمل مسلسل كامل قايم على سيرة واحد ساحر زي السيد الحسيني الفلكي، يكون هو البطل فيه، ويحكي سيرته النجـ*ـة للناس؟ واحد لما مات ودخلوا شقته الخاصة لقوا فيها كل عدة الشغل واللي من ضمنها كم من المناديل ملوثة بدماء حيض والسائل منوي، وصور أرقام هواتف فنانين الوسط كله.. وطبعا أحمد مكي اللي هيتقمص شخصيته، كأي ممثل عايز عمله ينجح ويرجع تاني للأضواء، هيعمل المستحيل علشان الدور يكون كاريزما وغامض وجامد أوف أح ويعمل أعلى مشاهدات وتريندات وحركات، اللي بالمناسبة هيكون مشاهديه بنسبة أكبر هم شباب صغير دماغهم خربانة ومش حمل كمان تمجيد في سحرة.. لا ومش أي سحرة.. يعني مش طيبين مثلا زي هاري بوتر.. لا ده سحرة من النوع الشرير أوي.. الفاجر أوي.. أووي.
نفسي مرة أفهم هو أحمد مراد إيه رسالته في الحياة أو القيمة اللي حريص إنه يقدمها في أعماله اللي كلها تجاوز لكل الحدود وبتقلب المعروف منكرا والمنكر معروف.. بس علشان نبقى ماشيين على خطى وتوجهات السينما العالمية اللي بتمجد في الشر والأشرار وبتجعل منهم قدوات.. والنتيجة احنا شايفينا مش محتاجة توضيح.
غير كده امتى هنعمل لشهر رمضان احترامه.. لا داحنا بنتطور كمان، يعني غير بلطجة رمضان وسعد والعوضي، وهز وسط إش إش ومشمش اللي خلاص بقت وجبات تقليدية على مائدة الإفطار.. لا كمان دلوقتي بنقدم في الشهر مسلسل عن الفلكي الساحر.. يا سيدي ما تعمل مسلسل رعب ولا دارك ولا أي هباب عادي ويكون الفلكي ده مثلا واخد فيه دور الشرير على جنب كده وخلاص لزوم الحبكة.. إنما يكون هو محور العمل ده شيء بشع والله وعواقبه على المجتمع سيئة.
بالمناسبة الصورة التانية مالهاش أي علاقة بالمسلسل.. دي صورة من جلسة تأمل (اللي هي أساسا عبادة وتواصل مع الشياطين اللي بيسموهم ملايكة عند أتباعها، مش رياضة زي ما بيضحكوا علينا) ومعمولة في وقت شروق او غروب الشمس مش عارف في أحد جروبات "الهيلينج".. واللي هو في كل الأحوال منهي فيه عن الصلاة.. شوف كم "المحجبات" اللي في صورة وتصور حال المجتمع وجهله ودماغه المهوية الفاضية اللي ماعندوش مشكلة في أنه يمارس الطقوس دي كنوع من أنواع العلاج.. واللي هو طبعا بيكون علاج مؤقت وهمي من فعل الشياطين.. وضيف عليهم مسلسل زي بتاع فراج اللي طلع فيه المـ*جرم شيخ في الجامع.. وحط عليهم بقى كمان مسلسل كامل عن الحسيني الفلكي.. وعليه العوض ومنه العوض، وإلى الله المشتكى.
أنا شخص بيحب المينيونز وشاف كل أفلامهم، وكل مرة بعلق على مشكلة فيها أسوأ من اللي قبلها.. لكن المرة دي مش هعلق على الفيلم ولا عن فكرة Despicable Me الأساسية لأن المشكلة هنا باينة من عنوانها، ولأني كتبت عنها قبل كده من ١٠ سنين في كتاب الأشرار وفي كذا مناسبة أخرى والناس سمعت مني كتير سواء عن الفيلم ده أو غيره.. لكن اللي هقوله باختصار، وتعقيبا بالمناسبة على بوست أحمد مكي/ الفلكي السابق، هو أننا حاليا بنعيش مرحلة جديدة من التطبيع مع الشر والأشرار.. وهي التطبيع مع الوحوش والجن والشياطين.. وده أصبح واضح ومكثف بشكل مريب جدا في مظاهر الحياة المختلفة، واللي منها طبعا بقى استبدال العلاج الروحي والنفسي الصحيح بطقوس اليوجا والطاقة وما إلى آخره… وبإيهام الضحايا أن التواصل اللي بيحصل كنتيجة بيكون مع ملائكة مش شياطين.. واحد هيقولي إيه السمك لبن تمر هندي اللي انت كاتبه ده، هقوله معلش ماجاتش عليا.
https://www.facebook.com/share/p/18ZQ4aAUL6/
قناة الدكتور كريم العريني من القنوات القيمة للمتابعة
https://t.me/karimelarini1
لو شفت ابنك بيتفرج على كرتون فيه مشاهد غلط تعمل إيه؟
محمد عرف يغفلني قبل التسجيل! كنا بنتكلم وبنطمن على أحوال بعض بحكم أن آخر مقابلة جمعتما كانت من ٧-٨ سنين في الجريك كامبس بالجامعة الأمريكية، في ندوة مشتركة كان هو بيناقش فيها كتابه بوكس أوفيس، وانا كنت بناقش كتابي الأشرار، وكان لقاء جميل وذكراه مميزة.. المهم واحنا بندردش بيسألني: إيه الجديد؟ فقلتله: الجديد شديد! وبدأت أحكي عن فكرة الكتاب الجديد اللي شغال عليه حاليا، ربنا يتم الأمر على خير.. فلقيته انجذب للموضوع وحصلت حالة سكون في الاستوديو، وبعدين قالي: ممكن نذيع الكلام ده في آخر الحلقة؟ ترددت شويتين، بس بعدها قلتله: ذيع، على الله.. وكان "حصريا" لمحمد جمال والبودكاست الجميل بتاعه.. اللقاء كان خفيف ولطيف ومدته ٤٥ دقيقة فقط، تكلمنا فيه عن تحديات القراءة والكتابة مع تطور الأجيال والأفكار، وحقيقي كنت سعيد به جدا، خالص الشكر للكاتب محمد جمال، وأتمنى لكم وقتا ممتعا. رابط البودكاست:
https://linktr.ee/booksoffice