Angren ixtisoslashtirilgan maktabi

🌐
MAKTABIMIZ — ENDİ BUTUN DUNYOGA YUZ TUTADI!
Bugun Angren shahar ixtisoslashtirilgan maktabi hayotida yana bir muhim va quvonarli voqea!
Maktabimizning 11-sinf o‘quvchilari
Rustamjonov Mirafzal
hamda
Maxmuraliyev Jamshidbek
o‘z tashabbuslari va bilimlari asosida maktabimizning web-saytini yaratishdi!
👏
💻
Endilikda maktabimizning:
🔹
yangiliklari va muhim voqealari;
🔹
ta’lim jarayoni va loyihalari;
🔹
o‘quvchilarimizning yutuqlari;
🔹
maktab hayoti va faoliyati
haqidagi ma’lumotlarni onlayn tarzda kuzatib borishingiz mumkin.
🌍
Eng muhimi, ushbu web-sayt orqali Angren shahar ixtisoslashtirilgan maktabi haqida nafaqat yurtimiz, balki butun dunyo bilishi uchun imkoniyat yaratiladi.
🎓
Saytning yana bir muhim jihati — kelajakda o‘quvchilarimiz xorijiy universitetlarga hujjat topshirish jarayonida o‘z maktabining rasmiy web-manzilini taqdim etishlari mumkin. Bu esa ularning xalqaro ta’lim muhitidagi professional portfoliolarini yanada boyitishga xizmat qiladi.
Bu loyiha — o‘quvchilarimizning IT sohasidagi bilimlari, ijodkorligi, tashabbuskorligi va maktab rivojiga bo‘lgan daxldorligining yorqin namunasi.
👏
Rustamjonov Mirafzal va Maxmuraliyev Jamshidbekka ushbu muhim loyihani amalga oshirganliklari uchun maktab jamoasi nomidan samimiy minnatdorlik bildiramiz!
Ishonamizki, bu hali boshlanishi. O‘quvchilarimiz bundan keyin ham zamonaviy texnologiyalar yordamida maktabimiz rivojiga o‘z hissalarini qo‘shib boradilar.
🚀
Kelajak — bilimli, tashabbuskor va texnologiyani yaxshi biladigan yoshlar qo‘lida!
🌐
Maktabimizning web-sayti:
angren-im.uz
@AngrenIMUz

🎓
ANGREN SHAHAR IXTISOSLASHTIRILGAN MAKTABI — XALQARO TA’LIM SARI QADAM!
🌍
Angren shahar ixtisoslashtirilgan maktabida
Cambridge xalqaro ta’lim dasturi
asosida zamonaviy dars jarayonlari yo‘lga qo‘yilgan.
📚
Mazkur dastur doirasida matematika, fizika va informatika fanlari ingliz tilida o‘qitilmoqda. Bu esa o‘quvchilarga nafaqat fanlarni chuqur o‘zlashtirish, balki ilmiy va akademik ingliz tilida erkin fikrlash, xalqaro ta’lim muhitiga moslashish imkonini bermoqda.
🚀
Cambridge dasturining muhim afzalliklaridan biri — o‘quvchilarni xalqaro darajadagi A-Level imtihonlariga puxta tayyorlashdir. Ushbu yo‘nalishdagi bilim va ko‘nikmalar kelgusida yoshlarning dunyoning
TOP universitetlari
ga kirish imkoniyatlarini yanada kengaytiradi.
💡
Bugun ingliz tilida matematika, fizika va informatika o‘rganayotgan o‘quvchi — ertaga xalqaro maydonda o‘z bilimini namoyon eta oladigan mutaxassisga aylanadi.
✨
Maqsadimiz — bilimli, mustaqil fikrlaydigan, zamonaviy kasblarni egallagan va dunyoning nufuzli universitetlarida tahsil olishga tayyor yoshlarni tarbiyalash!
🇺🇿
Maktab kelgusida KIMYO va BIOLOGIYA fanlarini ham ingliz tilida o'qitishni reja qilmoqda.
@AngrenIMUz

#kutubxona
✅
Toshkent viloyati Angren shahar ixtisoslashtirilgan maktabida bu yil o‘qishga qabul qilingan 5-b sinf o‘quvchilarini, maktab kutubxonasiga ekskursiya tashkillashtirdik.
📚
O‘quvchilarga kutubxona qoidalari, kitob o‘qish madaniyati, badiiy va sohaga oid kitoblar bilan tanishtirildi.
@AngrenIMUz

#Ixtisoslashtirilgan_maktab
#Birinchi_qoʻngʻiroq
🔔
YANGI O‘QUV YILI — YANGI ORZULAR!
📎
Angren shahar Ixtisoslashtirilgan maktabida
“Yagona Vatan, yagona xalq bo‘lib yangi hayot va kelajak yaratamiz!"
shiori ostida yangi o‘quv yiliga bag‘ishlangan
“Birinchi qo‘ng‘iroq”
tadbiri ko‘tarinki kayfiyatda o‘tkazildi.
📢
Tadbirni maktab direktori
Nazirov Abror Urinbayevich
ochib berib, o‘quvchilarni yangi o‘quv yili bilan tabrikladi.
➖
Tadbir mehmoni, Respublika Ma’naviyat va ma’rifat markazi Toshkent viloyati bo‘limi rahbari
Anarbayev Salim Mahmudovich
O‘zbekiston Respublikasi Prezidentining bayram tabrigini o‘qib eshittirdi.
🔰
Tadbirda o‘quvchilarga yangi o‘quv yilida ulkan zafarlar, yuqori natijalar va yorqin kelajak tilaklari bildirildi. Unda ota-onalar hamda jamoatchilik vakillari ham faol ishtirok etdilar.
📍
Bayramona tadbir badiiy chiqishlar bilan davom etib, barcha ishtirokchilarga unutilmas taassurot va ko‘tarinki kayfiyat ulashdi.
🔔
Birinchi qo‘ng‘iroq — yangi bilimlar, yangi marralar va katta orzular sari ilk qadam!
@AngrenIMUz

O’zbekiston Respublikasi Prezidenti Shavkat Mirziyoyevning mamlakatimiz maktablari o‘quvchilari va ustoz-murabbiylariga
tabrigi
Aziz farzandlarim!
Qadrli ustoz va murabbiylar!
Hurmatli ota-onalar!
Barchangizni Vatanimiz mustaqilligining 35 yillik qutlug‘ bayramiga uyg‘un va hamohang holda o‘tayotgan Bilimlar kuni bilan chin dildan samimiy muborakbod etaman.
Ushbu quvonchli ayyomda beg‘ubor nigohlarida hayrat va hayajon uchqunlari porlab, katta orzu-intilishlar bilan maktab ostonasiga qadam qo‘yayotgan 800 ming nafarga yaqin o‘g‘il-qizlarimizga, ota-onalar va pedagoglar jamoatchiligiga o‘zimning ezgu tilaklarimni bildiraman.
Yangi o‘quv yili mamlakatimizning butun ta’lim tizimida, maktab, litsey, texnikum va oliygohlarimiz hayotida yangi ma’rifiy yuksalish yili bo‘lsin!
Hurmatli bayram ishtirokchilari!
Keyingi yillarda ta’lim-tarbiya sohasida amalga oshirayotgan keng ko‘lamli islohotlarimiz tufayli Yangi O‘zbekiston maktablari butunlay yangicha qiyofa kasb etib, ta’lim sifati takomillashib borayotganini barchamiz ko‘rib turibmiz.
Ana shunday muhitda ulg‘ayib, kamolga yetayotgan, o‘qish, kasbiy ta’lim, “Ay-ti”, ijodiy izlanishlar, sport, jamoat ishlarida dastlabki yutuqlari bilan ota-onalar va ustozlarni xursand qilayotgan o‘g‘il-qizlarimiz – bizning nurli kelajagimiz, oltin fondimizdir.
Bunday bilimli, zukko, tirishqoq va intiluvchan, saflari yil sayin kengayib borayotgan farzandlarimiz timsolida biz Uchinchi Renessans nihollarini ko‘ramiz. Ularning har birini gurkirab o‘sadigan azim daraxt, yorug‘ istiqbolimiz ustunlari etib tarbiyalash – muqaddas vazifamizdir.
Hech shubhasiz, bunday ulug‘ maqsadlarga yetishda mustahkam poydevor bo‘lib xizmat qiladigan ta’lim-tarbiya sohasini rivojlantirishga biz bundan buyon ham ustuvor ahamiyat qaratamiz. Maktab bag‘ridan katta hayotga yo‘llanma oladigan farzandlarimiz puxta bilim bilan birga, albatta kamida bitta zamonaviy kasb-hunarni egallab chiqishi uchun barcha sharoitlarni yaratamiz. Buning uchun hududlarda “Kasblar shaharchalari”ni yaratib, zamonaviy tajriba hamda ilg‘or mutaxassislarni jalb etamiz.
Aziz farzandlarim, sizlarga baxtli va saodatli hayot eshiklarini ochadigan kalit ham, umr yo‘llaringizda paydo bo‘ladigan murakkab savollarning yechimi, sinov va mashaqqatlarni yengib o‘tishning kafolati ham faqat bilim, bilim va bilimdir. Go‘zal yoshlikning har bir daqiqasini qadrlab, yangi ilm, g‘oya va innovatsiyalarni, kasb va hunarlarni, ona tilimiz, boy tariximiz va madaniyatimiz asoslarini puxta egallang. Jahon tarixi va xorijiy tillarni ham astoydil o‘rganing. Izlanish va harakatdan hech qachon to‘xtamang.
Ajdodlarimizdan meros bo‘lgan tabarruk zaminimizni butun qalbingiz, yuragingiz bilan seving, xalqimiz va Vatanimizga cheksiz sadoqat tuyg‘ulari bilan yashang!
Shu yo‘lda mehribon ustozlaringiz, ota-onalaringizni eng yaqin do‘st va maslahatchi deb biling!
Sizlarga yangi o‘quv yilini a’lo baholar bilan boshlab, har bir o‘quv choragini muvaffaqiyatli yakunlashni, sihat-salomatlik, omad va zafar yor bo‘lishini tilayman.
Bilimlar bayrami barchangizga muborak bo‘lsin, aziz farzandlarim!
Shavkat Mirziyoyev,
O‘zbekiston Respublikasi Prezidenti
Prezident.uz
|
Facebook
|
Instagram
|
YouTube
|
X

#Ustozlar_milliy_forumi
#Taqdirlash
✍️
Viloyatimiz faxri — bilimda, sportda va iqtidorda yuksak natijalar!
➡️
O‘tgan o‘quv yilida Toshkent viloyatida 37 382 nafar o‘quvchi 11-sinfni tamomladi. Ularning 811 nafari oltin, 175 nafari kumush medal sohibi bo‘ldi. Quvonarlisi, 1 789 nafar bitiruvchi muddatidan oldin talaba bo‘ldi.
🔵
O‘tgan yili
TOP-100 talikka
kiruvchi nufuzli xorijiy oliy ta’lim muassasalariga 9 nafar Prezident maktabi bitiruvchisi o‘qishga kirgani bo‘lsa, bu yil esa mazkur marrani
13 nafar umumta’lim maktabi o‘quvchisi ham zabt etdi.
📎
Jumladan, Qibray tumanidagi 6-maktabning 11-sinf bitiruvchisi Ergashev A’louddin muddatidan oldin Angliyaning TOP-100 talikka kiruvchi 5 ta nufuzli universiteti — University of Nottingham, University of Manchester, University of Birmingham, University of Sheffield va University of York talabasi bo‘ldi.
O‘quvchilarimiz nafaqat ta’limda, balki turli tanlov va musobaqalarda ham viloyatimiz sharafini munosib himoya qilmoqda.
🏆
“Turon yo‘lbarslari” ko‘rik-tanlovida Zangiota tumani ixtisoslashtirilgan maktabi — Respublikada 1-o‘rin;
🥈
“Siz ekologiyaga oid qonunlarni bilasizmi?” tanlovida O‘rta Chirchiq tumanidagi 72-maktab — Respublikada 2-o‘rin;
🥉
“Vatanparvarlar” musobaqasining Respublika bosqichida Angren shahridagi 28-maktab — 3-o‘rinni qo‘lga kiritdi.
Sportdagi yutuqlarimiz ham tahsinga sazovor.
🥇
Yangiyo‘l tumani 1-maktabining 11-sinf o‘quvchisi Ablyazov Nafe taekvondo bo‘yicha Osiyo chempionatida oltin medalni qo‘lga kiritdi.
⚽️
Qibray tumani 1-maktabining 11-sinf o‘quvchisi Murodov Amirxon O‘zbekiston U-17 terma jamoasi safida Osiyo chempionligini qo‘lga kiritib, Prezident sovg‘asi — avtomobil bilan taqdirlandi.
Olmaliq shahridagi 5-soni umumta’lim maktabi o‘quvchilari kuni kecha Prezident sovrini uchun xorijiy tillarni o‘qitish bo‘yicha eng yaxshi maktab ko‘rik-tanlovida 3-o‘rinni egalladi.
Fan olimpiadalarida ham o‘quvchilarimiz yuksak natijalarni qayd etmoqda.
📚
Toshkent davlat agrar universiteti qoshidagi Akademik litseyning 11-sinf o‘quvchisi Yunusova Munira Rustam qizi asosiy fan olimpiadasida ona tili va adabiyot fani bo‘yicha Respublikada 1-o‘rinni egalladi.
🌍
Parij shahrida 55 ta davlat vakillari ishtirokida o‘tkazilgan Yevropa Qizlar matematika olimpiadasida Bo‘ka tumani ixtisoslashtirilgan maktabi o‘quvchisi Nihola Yo‘ldosheva bronza medaliga sazovor bo‘ldi.
➖
Eng muhimi, bu yutuqlar ortida katta mehnat, izlanish va fidoyilik bor.
Shu bois tantanali tadbir davomida mazkur yutuqlarni qo‘lga kiritgan
o‘quvchilar Toshkent viloyati hokimining pul mukofotlari va qimmatbaho sovg‘alari bilan taqdirlandi.
⭐
Ularning muvaffaqiyatiga munosib hissa qo‘shgan,
har bir natija ortida turgan ustozlariga ham viloyat hokimligi tomonidan pul mukofotlari hamda xorijiy sayohat yo‘llanmalari taqdim etildi.
Bugun ularning har bir yutug‘i — nafaqat oilasi, maktabi, balki butun Toshkent viloyatining faxri!
🇺🇿
Bunday yoshlar bor ekan, ta’limdagi yangi marralar, yangi g‘alabalar va yangi yutuqlar hali oldinda!
🌍
🌍
🌍
🌍
🌍
🌍
Kanalni yaqinlaringiz bilan ulashing
❤
https://t.me/toshkentv_xtb
|
🌐
Facebook
|
🔎
Veb-sayt
|
🌐
Instagram|
▶️
YouTube
👍
@ToshvilmmtbgamurojaatBot

Bizda ajoyib natija!
🎓
🔥
2025–2026-o‘quv yilida Angren shahar ixtisoslashtirilgan maktabini 94 nafar bitiruvchi tamomladi. Bu — Angren shahridagi maktablar orasida eng ko‘p bitiruvchiga ega bo‘lgan natija!
😎
Xo‘sh, natija qanday bo‘ldi, deb o‘ylaysizlar?
94 nafar bitiruvchidan
81 nafari OTM talabasi
bo‘lish baxtiga muyassar bo‘ldi!
🎉
Eng quvonarlisi esa —
59 nafar
bitiruvchimiz toza
GRANT
asosida talaba bo‘ldi!
🏆
🔥
Bu natija ortida katta mehnat, izlanish va fidoyilik bor.
Avvalo, ana shunday ajoyib natijaga erishgan bitiruvchilarimizni chin qalbimdan tabriklayman!
👏
Ularning bilimli, salohiyatli va raqobatbardosh bo‘lib yetishishida munosib hissa qo‘shgan barcha ustozlarimizga, farzandlarini doimo qo‘llab-quvvatlab kelgan ota-onalarimizga samimiy minnatdorlik bildiramiz!
🙏
https://t.me/AngrenIMUz

🎓
Rossiyaning TOP muhandislik universitetida o‘qish imkoniyati endi Toshkentda!
Agar siz IT, axborot texnologiyalari yoki elektronika yo‘nalishlarida tahsil olishni istasangiz, bu imkoniyatni qo‘ldan boy bermang!
🇺🇿
O‘zbekiston Respublikasi Prezidentining
PQ-276-son qarori
asosida
N.E. Bauman nomidagi Moskva davlat texnika universitetining Toshkent filiali
ilk bor abituriyentlar uchun qabulni boshladi.
📅
Hujjatlar 28-avgustga qadar qabul qilinadi.
📚
Bakalavriat yo‘nalishlari:
▫️
Informatika va hisoblash texnikasi
▫️
Axborot tizimlari va texnologiyalari
▫️
Elektron vositalarni loyihalash va ishlab chiqarish texnologiyasi
📝
Kirish imtihonlari:
✔️
Matematika
✔️
Rus tili
📍
Manzil:
Toshkent shahri, Olmazor tumani, 2-Chimboy ko‘chasi, 96-uy.
🌐
Batafsil ma'lumot:
🌍
Rasmiy sayt
📎
Hujjat topshirish
🚀
Telegram
📷
Instagram
Murojaat uchun:
☎️
+998 50 074 40 80
☎️
+998 97 712 10 30
⚡️
Muhandislik sohasida xalqaro darajadagi ta'lim olishni istasangiz, hujjat topshirishni kechiktirmang!
Facebook
|
Instagram
|
YouTube
|
Telegram

Dear debaters of Angren
📢
📢
📢
We are glad to announce our next session. Topic of our debate: Should students who study abroad come back and work for their country
❓️
❓️
❓️
🕟
at 5 pm 1st August
📍
Youth Park
This session will be picnic themed so you can bring some snacks along with your precious ideas.
We look forward to seeing you
🫵
🫵
🫵

Hurmatli stipendiat!
“El-yurt umidi” jamgʻarmasi Boshqaruv kengashi qaroriga ko'ra, 2026-yil 1-ochiq stipendiya tanlovida gʻolib boʻlganingiz bilan Sizni samimiy muborakbod etamiz!
Davlatimiz rahbari ta’kidlaganidek, “Yoshlar uchun, ularning istiqboli uchun bugun kiritilgan mablagʻ, investitsiya ertaga albatta oʻn, yuz, ming barobar boʻlib qaytadi”.
“El-yurt umidi” jamgʻarmasining stipendiati boʻlish — bu nufuzli xorijiy universitetda taʼlim olish imkoniyati bilan bir qatorda, Yangi Oʻzbekiston taraqqiyotiga bevosita hissa qoʻshishdek katta masʼuliyat hamdir. Bugun siz zamonaviy bilim va jahon tajribasini oʻzlashtirib, ertaga uni Vatan taraqqiyoti yoʻlida qoʻllaydigan mutaxassis, bunyodkor va islohotchi sifatida ulugʻ maqsadlar sari yoʻl olyapsiz.
Siz — kelajakning yangi tafakkur egasi, Uchinchi Renessans poydevorini barpo etayotgan fidoyilar safidasiz.
Bu gʻalaba — sizning bilimingiz, yillar davomida qilgan mehnatingiz samarasi, ona Vatanga boʻlgan muhabbatingiz va sadoqatingiz namunasidir.
Ishonamizki, xorijda olgan bilim va koʻnikmalaringiz, keng fikrlash doirangiz va liderlik salohiyatingiz bilan zamonaviy va milliy qadriyatlarni uygʻunlashtirgan yangi avlod vakillaridan biri boʻlib yetishasiz.
Sizga mustahkam iroda, kuch-gʻayrat va doimiy faollik tilaymiz. Barcha saʼy-harakatlaringizda jamgʻarma hamisha siz bilan birga boʻladi. Vatanimiz Siz kabi farzandlarga ishonadi va tayanadi. “El-yurt umidi” jamgʻarmasi oilasiga xush kelibsiz!
Oʻzbekiston Respublikasi Prezidenti huzuridagi Istiqbolli kadrlarni tayyorlash boʻyicha “El-yurt umidi” jamgʻarmasi