QALAM EDUCATION
#saboq
📝
давоми
УЧИНЧИ ҲИКОЯ
🐏
Мактабда 4-синфда ўқиб юрган пайтларим дадам ишлайдиган фермага тушлик олиб борардим. Онам ҳар гал овқат солинган тугунни қўлимга тутқазиб:
“Тезроқ бор, болам, даданг биз учун қанчалик тер тўкиб меҳнат қиляптилар”
, дер эдилар.
Дадам фермада оддий хизматчи бўлиб ишлардилар. Ҳар сафар тушлик олиб борганимда чанг-тупроққа беланган уст-бошлари билан мени қарши олардилар. Доим манглайларидан тер қуйилиб турарди. Кўришганимизда эса дадамдан тер аралаш гўнг ҳиди келарди. Юзлаб қорамоллар, қўй-қўзилар, паррандалар боқиладиган фермада ишлайдиган одамда бундай ҳолатнинг бўлиши табиий.
Тушликдан сўнг дадам мени уйга кузатар эканлар, елкамга қўлларини қўйиб:
“Ўғлим мактабда яхши ўқи, дарсларингни ўз вақтида бажар, одобли бола бўл. Мен сени келажакда катта одам бўлишингни хоҳлайман. Мен бу ерда сизлар учун тер тўкиб меҳнат қиляпман”
, дер эдилар.
Дадамнинг такрор-такрор айтадиган бу сўзлари мени илм олишга илҳомлантирарди. Ҳар гал дарслардан толиқиб қолсам ёки дарс тайёрлашга дангасалик қилсам дадамнинг сўзлари эсимга тушиб дарров ўзимни унлардим.
Орадан бир неча йиллар ўтди. Дадам энди чет элга кўпроқ пул топиш учун ишга кетдилар. Ой сайин бизга пул жўнатиб турдилар. Дадам юборган бу пуллар баракали бўлиб, янги уй сотиб олдик, менинг ўқишимга сарфладик. Аввал коллежни, кейин эса институтни тамомладим.
Ҳозирда нефть ширкатларидан бирининг бошлиғиман. Аллоҳга беҳисоб шукрлар бўлсинки, моддий тарафлама камчилигимиз йўқ. Лекин мен учун дадамнинг ўша тупроққа беланган кийимлари, пешоналаридан оққан терлари, чет элларда мусофир бўлиб қилган меҳнатлари жуда қадрли.
Дадамнинг чеккан мана шу машаққатлари менинг ҳозирги кунимнинг пойдеворидир. Дадамнинг ҳақларига ҳамиша дуодаман.
🖋
"
Фарзанд тарбиясида 700 сабоқ" китобидан
.
@arabtili_Quron_darslari
❤️
Рамазоннинг саноқли кунлари қолди…
📷
Ҳар бир дақиқасини ғанимат деб билайлик.
@arabtili_Quron_darslari
Бугун соат 10:00 да устозамиз, Қуръон ходимаси 26 порадан тасхих дарсини ўтиб берадилар иншааллоҳ
🫥
#saboq
📝
давоми
ИККИНЧИ ХИКОЯ
🔥
Дадам автобусда чиптачи бўлиб ишлайдилар. Бир куни дадам мени ўзлари билан ишга олиб кетдилар. Мен автобусга худди дадамнинг шахсий машинасига ўтираётгандек виқор билан чиқиб, ойна томондаги ўриндиқлардан бирига ўрнашиб олдим. Автобус секин-аста йўловчилар билан тўла бошлади. Ҳайдовчи амаки автобусни ўт олдирди. Ҳа энди юрсак керак деб турсам, дадам йўқлар. Ҳайдовчи амакидан сўрайман деб туриб эдим ҳамки, дадам қўлларида салқин ичимликлар кўтарган ҳолда пайдо бўлдилар. Эҳ, ёзнинг жазирама кунида салқин ичимликлар ичиб автобусда кетишга нима етсин!..
Автобус бекатларда тўхтаб-тўхтаб борар, дадам эса йўловчилардан кира ҳақини бирма-бир йиғиб чиқардилар. Қуёш тиккаллашгани сайин кун исигандан исиб борарди. Мен қуёшдан қочиб ҳали у, ҳали бу тарафдаги ўриндиқларга ўтириб оламан. Дадам ҳар гал ёнимдан ўтсалар “қалайсан” дегандек кўзларини қисиб, чўнтакларидан дастрўмолларини олиб пешоналаридан оқаетган реза-реза терларни артардилар.
Тушлик пайти шоҳбекатга етиб борганда ҳайдовчи амаки, дадам ва мен учаламиз камтарона тушлик қилдик. Кейин автобус яна йўлга тушди. Кун иссиғидан кўзим эндигина илинган экан, шовқиндан уйғониб кетдим. Бир аёл:
“Намунча секин юрасизлар, тошбақага ўхшаб. Тезроқ юрсангиз бўлмайдими?!”
— дея бақираётган эди. Дадам эса босиқлик билан автобуслар қатновидаги оралиқ вақтга риоя қилиш кераклиги, ундан тез юриб бўлмаслиги, ҳайдовчи имкони қадар тез ҳайдаётганини тушунтирсалар-да, аёл тушунмасди. Дадамнинг кайфияти тушиб кетганини юзларидан билдим. Шу пайт дадамга қараб,
"Биз кундузи салқин уйда ухлаб ётган пайтимиз дадам жазирамада, одамларнинг дашномларига чидаб ишлар экан-да",
деган хаёл ўтди.
Қош қорайгунча шунга ўхшаш дилсийоҳликлар яна бир неча бор такрорланади.
Кун кеч бўлиб, иш вақти тугаб уйга қайтганимизда жуда қаттиқ чарчаганимни ҳис қилдим, ҳатто кечки овқатни емасдан ухлаб қолдим...
Мана орадан 30 йилдан ошиқ вақт ўтди. Лекин мен ўша кунни ҳали ҳамон кечагидек эслайман. Бир-бирини қувиб ўтаётган машиналар, автобусларга қарасам ёшлигим, дадам кўз ўнгимда гавдаланадилар, кўзларим ёшга тўлади...
✍️
"
Фарзанд тарбиясида 700 сабоқ" китобидан
.
@arabtili_Quron_darslari
🤲
Намозга дангасалик келса, ўзингизни айбламай яна туринг.
💡
Барчамизга манфаатли бир маслаҳат.
📍
Видеодаги кўрсатмага амал қилинг.
@arabtili_Quron_darslari
Бугун соат 9:30 да Муқаддас устозамиз 25 пoрани ўқиб берадилар иншааллох
🫥
#saboq
📝
давоми
БИРИНЧИ ҲИКОЯ
🔥
Болалигимда отам раҳматли мени ишхоналарига олиб кетардилар. Бундан мен жуда хурсанд бўлардим. Негаки, қачон ишхоналарига борсам, ҳамкасбларига менинг ютуқларимни айтиб мақтардилар. Ота мени мақтаганлари сари, бола бўлишимга қарамасдан, ўзимдаги масъулият ҳиссини ортиб бораётганини сезардим. Отам менга бирор ишни буюришларидан аввал ўша ишни кўнглидагидек бажариб қўйишга уринадим. Отамнинг бу тадбирлари кейинчалик менинг ҳаётда эришган кўплаб ютуқларимга сабаб бўлди.
Баъзи бир оталарнинг дўстлари, ҳамкасблари ёки қариндошларининг олдида фарзандларини камситишларини кўриб ҳайрон қоламан. Ахир бу ўсиб келаётган болаларнинг руҳиятига жиддий таъсир кўрсатади-ку. Шундай пайтларда юзларидан меҳр балқиб турган отажонимнинг сиймолари кўз ўнгимда гавдаланади ва қалбим тўла миннатдорлик туйғулари билан у кишининг ҳақларига дуо қиламан.
☝
"Фарзанд тарбиясида 700 сабоқ" китобидан
.
@arabtili_Quron_darslari
#saboq
ФАРЗАНДИНГИЗНИ ИШХОНАНГИЗГА ОЛИБ БОРАСИЗМИ?
🌟
Эрта тонгдан болалар ҳали уйғонмасдан ишга йўл олиб, тунда болалар ухлаган пайтда ишдан қайтиш кўпчиликда кузатиладиган ҳолат. Ҳатто баъзилар бир неча ҳафталар мобайнида фарзандларни уйғоқлигида кўра олишмаётгани, бир уйда яшаб туриб уларни соғиниб қолишаётганини айтиб, бунга ечим сўрашади. Балки сизда ҳам шундай муаммо бордир. Фарзандингиз билан кўпроқ вақт ўтказишни хоҳлайсиз, уларнинг ўқишлари, қизиқишлари ҳақида ҳадеб онасидан эмас, ўзларидан ҳам эшитгингиз келади. Лекин начора, ишламаса бўлмайди. Оилавий эҳтиёжлар тугамайди. Лекин фарзандлар тарбиясини фақат онасига ташлаб қўйиш ҳам тўғри эмас. Бундай вазиятда энг тогри ечим, фарзандингизни вақти-вақти билан ишхонангизга олиб боришингиздир. Бу билан фарзандингиз сизнинг кун бўйи иш вақтингиз давомида қандай қийинчилик ва машаққатлар эвазига пул топаётганингизга гувоҳ бўлади. Қолаверса унинг таълим олиши, еб ичиши, кийиниши ва бошқа кўплаб эҳтиёжларини қондириш ўз ўзидан бўлмаётганини ҳис этади. Бунинг исботини қуйидаги бир неча ҳикоя исботида кўришингиз мумкин:
Давоми бор...
@arabtili_Quron_darslari