ARNASOY24 | TEZKOR XABARLARI

Fuqarolar murojaatlari e’tiborda
Arnasoy tumani hokimining o‘rinbosari – tuman investitsiyalar, sanoat va savdo bo‘limi boshlig‘i
Yaxshibayev Esonboy
tomonidan navbatdagi shaxsiy qabul o‘tkazildi.
Qabul davomida fuqarolar tomonidan bildirilgan murojaat va takliflar tinglanib, har bir masala atroflicha o‘rganildi hamda amaldagi qonunchilik talablari asosida ko‘rib chiqildi.
Yakunda, ko‘tarilgan masalalar yuzasidan tegishli mutasaddilarga zarur topshiriq va ko‘rsatmalar berilib, murojaatchilarga huquqiy tushuntirishlar hamda amaliy yordam ko‘rsatildi.
Fuqarolar bilan ochiq muloqotni yo‘lga qo‘yish, ularning muammo va takliflarini o‘z vaqtida o‘rganib, amaliy yechim topish borasidagi ishlar izchil davom ettirilmoqda.

⚡️
Пластик операция қимматга тушди
😳
Хитойлик аёл юзини операция қилдирганидан сўнг 6 йилдан бери кўзини юма олмаяпти.
👉
Арнасой хабарларига аъзо бўлинг
👉
https://t.me/+KkvL0GOzZhhi
MDgy

Videoreportaj: “Aydarko‘l Resort” — Jizzaxning so‘lim maskani
Arnasoy tumanida, betakror Aydarko‘l sohilida joylashgan
“Aydarko‘l Resort”
dam olish maskani o‘zining go‘zal tabiati, musaffo havosi va zamonaviy sharoitlari bilan mehmonlarni o‘ziga jalb etmoqda.
Mazkur maskan tabiat qo‘ynida sokin va mazmunli dam olishni istovchilar uchun ayni muddao bo‘lib, bu yerda inson o‘zini tabiat bilan uyg‘un holda his etish imkoniyatiga ega bo‘ladi.
So‘lim manzaralar, keng hudud va toza havo mehmonlarga haqiqiy orom bag‘ishlaydi. Aydarko‘lning moviy qirg‘oqlari va betakror landshafti dam olish madaniyatini yangi bosqichga olib chiqmoqda.
Ayniqsa, oilaviy dam olish, do‘stlar davrasida hordiq chiqarish hamda tabiat qo‘ynida unutilmas onlar o‘tkazish uchun ushbu maskanda barcha zarur qulayliklar yaratilgan.
👉
Арнасой хабарларига аъзо бўлинг
👉
https://t.me/+KkvL0GO
zZhhiMDgy

Arnasoy tumanida qo‘mondonlik-shtab o‘quv mashqlari o‘tkazilmoqda
Joriy yilning 9–11-iyun kunlari Arnasoy tumanida “Boshqaruv organlari, favqulodda vaziyatlarning oldini olish va bunday vaziyatlarda harakat qilish davlat tizimi hududiy hamda funksional quyi tizimlarining aholini va hududlarni tabiiy hamda texnogen xususiyatli favqulodda vaziyatlardan muhofaza qilish bo‘yicha harakatlari” mavzusida qo‘mondonlik-shtab o‘quv mashqlari o‘tkazilmoqda.
O‘quv mashqlarining birinchi kunida tuman telekommunikatsiya tarmog‘i orqali berilgan “Yig‘in” signaliga asosan Arnasoy tumani hokimligida Favqulodda vaziyatlarning oldini olish va bunday vaziyatlarda harakat qilish davlat tizimi (FVDT) tarkibiga kiruvchi xizmatlar rahbarlari ishtirokida yig‘ilish o‘tkazildi. Unda o‘quv mashqlarining maqsad va vazifalari, shuningdek, mashq g‘oyasi hamda amalga oshiriladigan tadbirlar yuzasidan tegishli ko‘rsatmalar berildi.
Shundan so‘ng, FVDT xizmatlarining shaxsiy tarkibi, texnika va maxsus vositalarining saf ko‘rigi tashkil etilib, ularning favqulodda vaziyatlarda harakat qilishga tayyorgarlik darajasi baholandi.
Keyingi o‘quv nuqtalarida shartli ravishda sodir bo‘lgan zilzila oqibatida vayronalar ostida qolgan fuqarolarni qidirish va qutqarish, yuzaga kelgan yong‘inlarni bartaraf etish bo‘yicha amaliy harakatlar bajarildi. Shuningdek, xavfli hududlarda istiqomat qiluvchi aholini xavfsiz hududlarga evakuatsiya qilish, ularni vaqtinchalik joylashtirish hamda zarur sharoitlar bilan ta’minlash bo‘yicha tadbirlar amalda sinovdan o‘tkazildi.
O‘quv mashqlarining navbatdagi bosqichida tuman tibbiyot birlashmasining favqulodda vaziyatlar natijasida jabrlangan fuqarolarni dala sharoitida qabul qilish, ularga birlamchi tibbiy yordam ko‘rsatish va saralash bo‘yicha harakatlari namoyish etildi.
O‘tkazilgan amaliy tadbirlar davomida barcha xizmatlarning o‘zaro hamkorligi, boshqaruv organlarining tezkorligi hamda kuch va vositalarning favqulodda vaziyatlarga tayyorgarlik darajasi sinovdan o‘tkazildi. Qo‘mondonlik-shtab o‘quv mashqlari belgilangan reja asosida davom etmoqda.
👉
Арнасой хабарларига аъзо бўлинг
👉
https://t.me/+KkvL0GOzZhhiMDgy

❗️
1995-йилдаги ва 2026-йилдаги болалар
👉
Арнасой хабарларига аъзо бўлинг
👉
https://t.me/+KkvL0GOzZhhiMDgy

Jizzax viloyatida yoz mavsumida yuzaga kelishi mumkin bo‘lgan favqulodda vaziyatlarning oldini olish borasida amalga oshirilayotgan ishlar o‘rganildi
Dastlab, Arnasoy tumanidagi fermer xo‘jaliklari hududlarida joylashgan membrana qoplamali suv havzalarida xavfsizlik holati ko‘zdan kechirildi. Suv havzalari atrofidagi ogohlantiruvchi belgilar, himoya to‘siqlari va qutqaruv vositalarining holati o‘rganilib, mas’ullarga xavfsizlik choralarini yanada kuchaytirish bo‘yicha tegishli ko‘rsatmalar berildi.
👉
Арнасой хабарларига аъзо бўлинг
👉
https://t.me/+KkvL0GOzZhhiMDgy

Videoreport: Arnasoyda g‘alla o‘rimidan dastlabki hosil xirmonga qabul qilindi
Arnasoy tumanida 2026-yil hosili uchun yetishtirilgan g‘allani yig‘ib olish ishlari qizg‘in davom etmoqda. Joriy yilda 7 ming 100 gektar maydonda g‘alla parvarishlanib, 29 ming 580 tonna hosil yetishtirish rejalashtirilgan.
Mavsumni uyushqoqlik bilan o‘tkazish maqsadida 33 ta don o‘rish kombayni va 231 ta yuk tashish texnikasi tayyor holatga keltirilgan.
Buxoro xo‘jaligidagi “Asalboy-1991” fermer xo‘jaligida 21 gektar maydonda parvarishlangan bug‘doydan yuqori hosil olinmoqda. Xo‘jalik davlatga 84 tonna g‘alla topshirishi rejalashtirilgan.
E’tiborga molik jihati shundaki, mazkur xo‘jalikdan yig‘ib olingan bug‘doy tuman don qabul qilish maskaniga yetkazilgan 2026-yil hosilining ilk mahsuloti bo‘ldi. Ayni paytda tuman hududlarida g‘alla o‘rim-yig‘imi uyushqoqlik bilan davom etmoqda.
👉
Арнасой хабарларига аъзо бўлинг
👉
https://t.me/+KkvL0G
OzZhhiMDgy

🌈
Bolajonlar uchun sog‘lomlashtirish oromgohiga imtiyozli yo‘llanmalar taqdim etildi
Arnasoy tumani “Inson” ijtimoiy xizmatlar markazi tashabbusi bilan bolalarning yozgi ta’til kunlarini mazmunli tashkil etish, ularning sog‘lig‘ini mustahkamlash va har tomonlama qo‘llab-quvvatlash maqsadida navbatdagi xayrli tadbir amalga oshirildi.
Mazkur tashabbus doirasida 5 nafar bolajon Sirdaryo viloyatidagi sog‘lomlashtirish oromgohiga imtiyozli yo‘llanma asosida yuborildi.
Oromgohda bolalar uchun turli madaniy-ma’rifiy tadbirlar, sport musobaqalari, qiziqarli uchrashuvlar hamda dam olish mashg‘ulotlari tashkil etilib, ularning jismoniy va ma’naviy rivojlanishiga ko‘maklashish ko‘zda tutilgan.
Shuningdek, oromgohda bolalarning xavfsizligi, sog‘lig‘ini tiklashi va bo‘sh vaqtlarini samarali o‘tkazishi uchun barcha zarur shart-sharoitlar yaratilgan.
Bolalarning baxtli, sog‘lom va barkamol voyaga yetishiga qaratilgan bunday ezgu ishlar davlatimiz ijtimoiy siyosatining ustuvor yo‘nalishlaridan biri bo‘lib qolmoqda.
👉
Арнасой хабарларига аъзо бўлинг
👉
https://t.me/+KkvL0GOzZhhi
MDgy

PAYSHANBA — YOSHLAR KUNI
Arnasoy tumanida “Yangi O‘zbekiston bunyodkorlari” kasbiy mahorat milliy tanlovining tuman bosqichi ko‘tarinki ruhda bo‘lib o‘tdi.
FOTOLAVHALAR...
Tanlovda yigit-qizlar turli kasb-hunar yo‘nalishlarida o‘z bilim va ko‘nikmalarini namoyish etdilar. Ishtirokchilar o‘rtasida sog‘lom raqobat muhiti hukm surib, ularning kasbiy mahorati hakamlar hay’ati tomonidan munosib baholandi.
Yakuniy natijalarga ko‘ra, 10 ta asosiy yo‘nalish bo‘yicha g‘oliblar aniqlandi hamda faol ishtirokchilar esdalik sovg‘alari bilan taqdirlandilar.

🌙
Qurbon hayiti munosabati bilan Arnasoy tumanida mehr-saxovat tadbirlari tashkil etildi
🖋
O‘zbekiston Respublikasi Prezidentining muborak Qurbon hayiti munosabati bilan aholini davlat tomonidan qo‘llab-quvvatlash hamda mehr-saxovat tadbirlarini samarali tashkil etish yuzasidan qabul qilingan qarori ijrosi doirasida Arnasoy tumanida ham xayriya tadbirlari o‘tkazildi.
✅
Mazkur ezgu tashabbus doirasida tumandagi 265 nafar davlat ta’minotidagi oilalar, shuningdek, 16 nafar o‘zgalar ko‘magiga muhtoj yolg‘iz va yolg‘iz yashovchi keksalar hamda nogironligi bo‘lgan shaxslarga — jami 281 nafar ehtiyojmand oilaga “Vaqf” xayriya jamoat fondi orqali oziq-ovqat mahsulotlari yetkazib berildi.
💚
Shuningdek, tumanda og‘ir va nogironlikni keltirib chiqaradigan kasalliklarga chalingan bolalar oilalariga ham alohida e’tibor qaratilib, davolanish hamda jarrohlik amaliyotlarini tashkil etish uchun vaucherlar topshirildi.
👉
Арнасой хабарларига аъзо бўлинг
👉
https://t.me/+KkvL
0GOzZhhiMDgy