AXBOROT | Yangiliklar kanali
Бугунги кун АҚШнинг Эронга берган зарбалари ичида энг кўламлиси бўлади — Пит Ҳегсет
АҚШ Уруш вазири Пит Ҳегсетнинг таъкидлашича, бугун aмалиётга ҳар қачонгидан ҳам кўп миқдордаги қирувчи ва бомбардимончи самолётлар жалб этилганлиган.
Унинг сўзларига кўра, разведка маълумотлари бу гал анча аниқроқ ва яхшироқ бўлиб, нишонларни аниқ йўқ қилиш имконияти юқори.
👉
@
Axborotyangiliklari
Ўзбекистонда балиқ овлаш вақтинча тақиқланмоқда
Балиқларнинг кўпайиш даври муносабати билан 11 мартдан табиий сув ҳавзаларида балиқ овлашга босқичма-босқич тақиқ ўрнатилади.
▪️
Амударё ва Сирдарёда — 11 мартдан 31 майгача;
▪️
Қорақалпоғистон ва Хоразмда — 26 апрелдан 10 июнгача;
▪️
бошқа сув ҳавзаларида — 16 апрелдан 31 майгача.
Мазкур чекловлар сунъий сув ҳавзалари, ирригация тармоқлари ва садокларда балиқ етиштириш фаолиятига татбиқ этилмайди.
👉
@
Axborotyangiliklari
Қамчиқ довонида қор ёғмоқда
Довон йўлидан ўтувчи ҳайдовчилардан қоидаларга риоя этишларини, тезликни меъёрдан оширмасдан, оралиқ масофани сақлаб ҳаракатланишлари сўралмоқда.
👉
@
Axborotyangiliklari
Қишлоқ хўжалиги вазирлиги экинларни совуқдан асраш бўйича тавсиялар берди
Вазирлик ва унинг тизимидаги илмий тадқиқот институтлари олимлари томонидан тўқсонбости усулидаги пиёз ва бошқа экинларни совуқдан ҳимоя қилиш бўйича тавсиялар ишлаб чиқилиб, деҳқон ва фермерларга етказилди.
Хабарда таъкидланишича, барча агротехник тадбирлар интенсив усулда ва қисқа муддат ичида бажарилиши лозим. Бу каби амалиётлар нафақат экинларни совуқдан ҳимоя қилишга ёрдам беради, балки ҳосилдорликни сақлаб қолишда ҳам муҳим ўрин тутади.
👉
@
Axborotyangiliklari
Сирдарё ва Сурхондарёда Тожикистондан олиб келинган жами 77 кг наркотик мусодара қилинди
Ховос туманидаги ҳолатда чегара тўсиғи орқали тожикистонлик наркокуръерлардан 6 та сумкадаги 8 кг 314 гр героин ва 54 кг 458 гр опий моддаларини қабул қилган 2 киши ушланди.
Сариосиёда мактаб ўқитувчиси тожикистонлик наркокуръерлар етказиб берган 14 кг 680 гр опий моддасини шартли харидорга $180 мингга сотаётганда қўлга олинди.
Ҳар икки ҳолат бўйича жиноят иши қўзғатилиб, айбланувчилар қамоққа олинган. Ҳозир уларнинг шерикларини аниқлаш ишлари олиб борилмоқда.
👉
@
Axborotyangiliklari
Тошкент метроси йўловчилари сони кескин ошди
10 йил аввал пойтахт метроси йилига 53,5 млн йўловчига хизмат кўрсатган. Ўтган йили эса бу кўрсаткич 286,8 млн кишига етган.
Бу ҳақда Ўзбекистон Миллий статистика қўмитаси маълум қилди.
👉
@
Axborotyangiliklari
Сергелида мактаб ўқувчилари қувур орқали Салор каналини кесиб ўтмоқда
Тумандаги «Юқори Дархон» ва «Жунариқ» маҳаллалари туташган ҳудуддан оқиб ўтувчи Салор канали устидаги кўприк бузиб ташлангани боис аҳоли, жумладан, мактаб ўқувчилари сув қувури орқали канал устидан ўтаётгани акс этган видеолар тармоқларда тарқалди.
Туман ҳокимлигининг маълум қилишича, ҳудуддаги кўприкни қайта қуриш бўйича Тошкент шаҳар ҳокимининг тегишли қарорлари қабул қилинган. Қурилиш ишлари яқин 5-10 кун ичида бошланиши режалаштирилган.
👉
@Axborotyangiliklari
Тошкентда яна ўсмирлар машина бошқариб юргани маълум бўлди
Уларнинг отаси фарзандларини тартибга чақириб қўйишни сўраб борган маҳалладошларга қўпол муносабатда бўлган. Бу ҳолат жамоатчиликка маълум бўлгач, ота 5 суткага қамалди, машиналардан бири жарима майдончасига олиб кетилди.
👉
@Axborotyangiliklari
Ҳозирга қадар Яқин Шарқдан 21 712 нафар ўзбекистонлик ватанга қайтарилди
Жумладан:
🇸🇦
Саудиядан – 17 963 нафар;
🇦🇪
БААдан – 3 290 нафар;
🇮🇷
Эрондан – 47 нафар;
🇶🇦
Қатардан – 378 нафар;
🇧🇭
Баҳрайндан – 27 нафар;
🇴🇲
Уммондан – 7 нафар.
Айни пайтда репатриация ишлари асосан фуқаролик авиацияси учун ҳаво ҳудуди очиқ бўлиб турган мамлакатлар орқали амалга оширилмоқда.
👉
@Axborotyangiliklari
Иссиқроқ кийининг: Ўзбекистоннинг тоғли ҳудудларида аллақачон қор ёғмоқда
Синоптиклар маълумотига кўра, мамлакатнинг қатор вилоятларида эрталабдан қор ёғмоқда. Сешанба куни Тошкентда ҳам нам қор ёғиши кутилмоқда. Кундузи ҳарорат +4 даража атрофида бўлади. Кечаси совуқроқ бўлади — ҳарорат −5 даражагача пасайиши мумкин.
👉
@Axborotyangiliklari