QARAQALPAQSTAN RESPUBLIKASÍ BALALAR KITAPXANASÍ
«Ullımsań, áziyz Watanım!»
Ózbekstan Respublikası mámleketlik ǵárezsizliginiń 35 jıllıǵı múnásibeti menen Respublikakıq Balalar kitapxanasında
«Ullımsań, áziyz Watanım!»
atamasında ruwxıylıq saatı shólkemlestirildi.
Ilajdan kózde tutılǵan tiykarǵı maqset – jas áwlad qálbinde Watanǵa muhabbat hám sadıqlıq sezimlerin jánede kúsheytiw, olardıń milliy maqtanısh hám iftixar sezimlerin bekkemlew, mámleketimiz ǵárezsizliginiń tariyxıy áhmiyetin, búgingi rawajlanıw hám jańalanıwlar haqqındaǵı bilimlerin bayıtıwdan ibarat boldı.
Ruwxıylıq saatı Ózbekstan Respublikası Mámleketlik gimni menen saltanatlı túrde baslandı. Ilaj dawamında oqıwshılarǵa ǵárezsizlik jıllarında mámleketimizde ámelge asırılǵan keń kólemli reformalar, elimizdiń sociallıq-ekonomikalıq hám ruwxıy turmısında erisilip atırǵan jetiskenlikler, jaslar ushın jaratılıp atırǵan imkaniyatlar haqqında maǵlıwmatlar berildi.
Sonday-aq, ilaj qatnasıwshıları
"Jańa Ózbekstan - ǵárezsiz rawajlanıw jolında"
atamasında shólkemlestirilgen kitap kórgizbesi menen tanıstı. Kórgizbeden Ózbekstannıń ǵárezsizlik jıllarındaǵı rawajlanıwı, milliy mámlekechilik tariyxı, Watanımız tariyxı hám búgingi Jańa Ózbekstannıń kelbetin sáwlelendiretuǵın ádebiyatlar orın aldı. Kitaplar jaslardı mámleketimizdiń tariyxı hám búgingi kúnin tereńirek úyreniwge, kitap oqıwǵa qızıǵıwshılıǵın arttırıwǵa xızmet etti.
Ilajdan ruwxlanǵan balalar óz dóretiwshilik jumıslarında ǵárezsizlik, Watan hám elge bolǵan muhabbatın sáwlelendirip, túrli-tústi súwretler sızdı.
📶
Respublikalıq Balalar kitapxanası málimleme xızmet
i
Telegram
|
Facebook
|
Instagram
|
You tube
Bayniyaz Qayıpnazarov 110 jasta
1916-2001
📌
Bayniyaz Qayıpnazarov 1916-jılı 25-avgustta Shımbay rayonında tuwılǵan. 1939-jılı Tórtkúldegi muǵallimler institutın pitkerip, óz awılında muǵallim boladı (1939-1941).
B.Qayıpnazarov 1951-1956-jılları Moskvadaǵı M.Gorkiy atındaǵı ádebiyat institutında oqıdı. Al, 1956-1958-jılları «Ámiwdárya» jurnalında bas redaktorı, Jazıwshılar awqamında másláhátshi(1958-1963), «Ámiwdárya» jurnalında bólim baslıǵı, 1967-jıldan húrmetli dem alısqa sgıqqanǵa shekem (1986) «Qaraqalpaqstan» baspasında aǵa redaktor boladı. B.Qayıpnazarov tuwısqan xalıqlar poeziyasınan Tvardovskiydıń «Vasiliy Tyorkin», Sh.Rashidovtıń «Kashmir qosıǵı» poemaların, sonday aq, Lermontov, Miskeyvich, Yan Raynis, Shevchenkolardıń qosıqların awdarıwǵa qatnasqan. «Qaraqalpaqstan xalıq shayırı» (1976), «Qaraqalpaqstan Respublikası Berdaq atındaǵı mámleketlik siylıqtıń laureatı»(1984), 1939-jıldan Jazıwshılar awqamınıń aǵzası.
Ózbekstan Respublikası Ǵárezsizliginiń 35 jıllıǵına baǵıshlanǵan bayram ilajı
🇸🇱
Berdaq atındaǵı qaraqalpaq ádebiyatı tariyxı mámleketlik muzeyinde Ózbekstan Respublikası Ǵárezsizliginiń 35 jıllıǵı múnásibeti menen «Bir Watan, bir xalıq bolıp, jańa ómir hám keleshek jaratamız» súreni astında mazmunlı bayram ilajı bolıp ótti.
✅
Ilajǵa Respublikalıq Balalar kitapxanasınıń qánigeleri de belsene qatnasıp, mámleketimizde ǵárezsizlik jıllarında ámelge asırılıp atırǵan keń kólemli reformalar, jas áwladtı milliy hám ulıwmainsanıy qádiriyatlar ruwxında tárbiyalaw, olardıń kitap oqıwǵa bolǵan qızıǵıwshılıǵın arttırıw máselelerine toqtaldı.
Ilaj barısında Respublikalıq Balalar kitapxanası qánigeleri tárepinen kitap kórgizbesi shólkemlestirilip, onda balalar ádebiyatınıń saylandı úlgileri, tariyxıy hám kórkem shıǵarmalar, sonday-aq jas oqıwshılardıń intellektuallıq hám mádeniy dúnyaqarasın keńeytiriwge xızmet etetuǵın kitaplar jámáátshilik nazеrine usınıldı.
📌
Sonday-aq, kitapxana qánigesi A.Amangalieva tárepinen «Bir Watan, bir xalıq bolıp, jańa ómir hám keleshek jaratamız» ideyasınıń mazmunı, Ǵárezsizliktiń xalıq ómirindegi ornı hám áhmiyeti, búgingi kúnde jas áwladqa jaratılıp atırǵan múmkinshilikler haqqında mazmunlı doklad jasaldı.
📚
Bayram ilajı milliy qádiriyatlarımızdı, Watanǵa bolǵan súyuwshilikti, el-xalıqqa sadıqlıq sezimin bekkemlew, kitap oqıw mádeniyatın keń túrde násiyatlaw hám jas áwladtı ruwxıy-mádeniy jaqtan jetilistiriw jolındaǵı áhmiyetli ilajlardıń biri boldı.
Keńesbay Smamutov
Jaqsı adamlardıń jıllı alaqanı
Keńesbay Smamutov óziniń tereń mazmunlı , filosofiyalıq oy-pikirlerge bay, insandı hár tárepleme oylandıratuǵın shıǵarmaları menen tanılǵan jazıwshı bolıp esaplanadı. Jazıwshınıń "Jaqsı adamlardıń jıllı alaqanı" atlı esse toplamın da kitap oqıwshılarımız súyip oqıydı degen úmittemiz.
📶
Respublikalıq Balalar kitapxanası málimleme xızmet
i
Telegram
|
Facebook
|
Instagram
|
You tube
📚
"MENIŃ WATANIM" - WATANIM MENEN TANISAMAN!
🇺🇿
Áziyz balalar!
🌿
Ózbekstan haqqında kóp nárse bilesizbe? Onıń biytákirar tábiyatı, bay tariyxı, áyemgi qalaları, milliy taǵamları hám ájayıp estelikleri haqqında jáne kóplegen qızıqlı maǵlıwmatlardı biliwdi qáleysiz be?
📖
"Meniń Watanım" kitabı balalardı elimizdiń tariyxı, mádeniyatı hám qádiriyatları menen tanıstıradı. Kitaptı oqır ekensiz, Watanımızdı jáne de jaqsı bilip, oniń menen maqtanıp ilhamlanasız!
❤️
🇺🇿
📍
Kitaptı Respublikalıq Balalar kitapxanasınan tabiń hám Watan haqqındaǵı bilimlerinizdi bayıtıń!
📶
Respublikalıq Balalar kitapxanası málimleme xızmet
i
Telegram
|
Facebook
|
Instagram
|
You tube