5-sinf Fayllar Bazasi
Gʻoyadan muvaffaqiyatgacha!
Buyuk kashfiyotchilar va taniqli startapchilar faoliyati orqali gʻoya va muvaffaqiyat yoʻli haqida bilib oling.
Videoning sifatli variantini
mana bu yerda
koʻrishingiz mumkin.
Eslatma: Videokontent sun’iy intellekt yordamida tayyorlangan hamda boshlangʻich (1–4) va oʻrta (5–8) sinf oʻquvchilariga moʻljallangan.
Startaperlar uchun 7 qadam
Muhim tavsiyalarni qiziqarli shaklda tomosha qilishingiz mumkin.
Videoning sifatli variantini
mana bu yerda
koʻrishingiz mumkin.
Eslatma: Video boshlangʻich (1–4) va oʻrta (5–8) sinf oʻquvchilariga moʻljallangan.
Amerikaga borgan qoraqalpoq qizi – Alfiya Amangeldiyeva
“Raqamli avloq qizlari-2025” tanlovi kashfiyoti Alfiya Amangeldiyeva oʻz muvaffaqiyati va tavsiyalari bilan boʻlishadi.
Videoning sifatli variantini
mana bu yerda
koʻrishingiz mumkin.
Eslatma: Video boshlangʻich (1–4) va oʻrta (5–8) sinf oʻquvchilariga moʻljallangan.
Toshkent shahridagi Prezident maktabidamiz
Sirojiddin maktab va turli obyektlarni xarita orqali oʻrganish boʻyicha startapini sinovdan oʻtkazadi. Bahonada Toshkent shahridagi Prezident maktabi bilan tanishib olamiz.
Videoning sifatli variantini
mana bu yerda
koʻrishingiz mumkin.
Eslatma: Video boshlangʻich (1–4) va oʻrta (5–8) sinf oʻquvchilariga moʻljallangan.
“Kelajak soati” darsining 5-8-sinflar uchun mashg‘ulot ssenariysi
20-mavzu:
Muvaffaqiyat sirlari. Startap
Hatto kichik g‘oya ham dunyoda katta o‘zgarishlarga sabab bo‘lishi mumkin.
1-kontent: Amerikaga borgan qoraqalpoq qizi – Alfiya Amangeldiyeva
2-kontent: Startaperlar uchun 7 qadam
3-kontent: Toshkent shahridagi Prezident maktabidamiz
4-kontent: Gʻoyadan muvaffaqiyatgacha!
5 sinf ona tili 23 bet 35 mashq 2 qism
Audio matn:
https://novdaedutainment.uz/media/6173
Adabiyot
Pahlavonning beshigi
Qora ammamning maslahati bilan o‘sha zahoti ko‘chaga yugurdim. «Suyunchi beringlar, oyim o‘g‘il tug‘dilar!» — deb eng avval Abduvalilarnikiga kirdim. Bilib qo‘ysin, endi bizning ham ukamiz bor. O‘g‘il ukamiz! Otini Omon qo‘yamiz.
Abduvalining o‘ziga o‘xshagan sariq oyisi do‘ppimga o‘rik to‘ldirib berdi.
— Xayriyat-e, — dedi suyunib, — omon-eson qutilib olibdi bechora.
O‘rik to‘la do‘ppimni mahkam ushlagancha choyxona tomonga chopib ketayotsam, ketimdan Abduvali ham yetib oldi. Uning oyisi tug‘magan-u, baribir suyunchimga sherik bo‘lmoqchi. Mayli, shu qilganiga dadasining sartaroshxonasiga kirib suyunchi so‘raymiz. Tuya amaki ikkalamizga bittadan yigirma tiyinlik berdi. Ilhom choyxonachi bo‘lsa juda ham sahiylik qilib yubordi:
— E-ye, giroy! Siz ukalik bo‘lasiz-u, bizni suyunchidan qochirasizmi? — deb menga ko‘k, Abduvaliga esa sariq qog‘oz pul tutqazdi.
Ukalik bo‘lish yaxshi ekan, bir pastda ancha-muncha narsali bo‘lib qoldim: chaqa pul, tanga pul, qog‘oz pul... Qo‘ynim turshak bilan yong‘oqqa to‘lib ketdi. Bunisi yaxshi-ku, ammo uka bo‘lishning yomon tomoni ham bor ekan. Yomonligi shuki, kechasi uxlab yotganimda chaqaloq «inga-inga» deb uyg‘otib yuboradi. Oyim ko‘krak tutmagunicha ovunmaydi. Bundan tashqari, kunduz kunlari ham oyim hovlida yumush qilib yurganida yig‘lab qoladi.
— Ukangga qara! — deydi oyim qo‘lini yuvish uchun oshxonaga yugurgilab.
Ukamga qaraganim shu bo‘ladiki, beshikni tebrataman. Baribir ming tebratganim bilan ukam ovunmaydi. Oqarib ketgan eski kavrapo‘shtni (beshik yopinchig‘i) ko‘tarib yuzini ochaman. O‘sha kuni Qora ammam chaqaloqni «pahlavondek» deb maqtaganiga, ukam kamida dadamdek bo‘lsa kerak deb o‘ylagan edim. Yo‘q, kichkinagina ekan. O‘zi kichkinayu, ovozi baland. Bittayam qoshi yo‘q. Kavrapo‘shtni ko‘tarishim bilan mitti ko‘zlarini ochib meni ko‘radi-yu, ovunish o‘rniga battar yig‘laydi. Og‘zida tishi ham yo‘q. Oyim kelishi bilan ovunib qoladi. Kichkina bo‘lib oyimni taniganini-chi!
Oyim beshikni sekin-sekin tebratadi. Beshik o‘rtasi g‘ichirlaydi. Oyimning aytishiga qaraganda, bu mening beshigim ekan. Eski bo‘lgani uchun g‘ichirlarmish. Bugun Qora ammam ukamga yangi beshik olib kelar ekan. Yangi beshik olib kelish qiziq bo‘lar ekan.
Qora ammam, Parcha xola va yana uch-to‘rt xotin bezatilgan beshikni ko‘tarib, eshikdan alla aytib kirishdi:
Alla bolam, allayo alla,
Shirin qo‘zim, allayo alla.
Bag‘rimdagi toychog‘im alla,
Beshikdagi munchog‘im alla.
O‘ziyam beshikmisan beshik! Ustiga cho‘g‘dek qizil gavrapo‘sht yopilgan. Gavrapo‘sht chetlariga chaqaloq ko‘ylakchalari, ishtonchalari, ukpar qadalgan, do‘ppisi chatib qo‘yilgan. Xotinlar alla aytib uyga yo‘l olishdi. Abduvali ikkimiz ergashib kirdik. Bir pastda mehmondorchilik boshlandi. Parcha xola shinniga non botirib uzatdi.
Nazokat xola yangigina beshikka boshqatdan joy sola boshladi. Avval tuvak, sumaklarini qo‘ydi. Keyin shildir-shildir qilayotgan qovusni (chaqaloq to‘shakchasi, ichida tariq po‘sti bor) yozdi. Ustidan oppoq yurgak tashladi. Ammam hokandozda tutab turgan isiriq ko‘tarib kirdi. Harsillab nafas olgancha allanimalarni pichirladi, beshik atrofiga hokandozni aylantirdi. Nazokat xola piyolaning og‘irligicha keladigan kulchani beshik boshiga qo‘ydi-da, ustiga yostiqcha tashladi.
— Hoy, Robiyaxon! — dedi ayvon tomonga qarab. — Olib keling!
Qarg‘ashoyi kiyib yasanib olgan oyim yurgaklangan ukamni ko‘tarib kirdi. Ammam ukamni oyimning qo‘lidan olib o‘sha tomonga o‘tayotgan edi, Parcha xola o‘tirgan joyidan qo‘lini cho‘zdi:
— Menga bering, — dedi do‘rillab, — uzatib yuboraman!
— Yo‘q, yo‘q! Xudo xayringni bersin! — dedi Nazokat xola shoshib-pishib qo‘l siltab. — Chaqaloq bechora qo‘rqib, shaytonlab-netib yurmasin, shinnigizni yeyvering.
Bir uy xotin kulib yuborishdi. Ayniqsa, Parcha xolaning o‘zi kulganiga uy ichi guldirab ketgandek bo‘ldi.
5 sinf ona tili 23 bet 2 qism
Savollarga javob.
1. Suyunchi — yaxshi xabar yoki xushxabar keltirgan kishiga minnatdorchilik sifatida beriladigan mukofot yoki hadya. U quvonchli voqeani birgalikda nishonlash va xabarni yetkazgan kishini xursand qilish maqsadi so‘raladi.
2. Ha, men suyunchi olganman. Masalan, maktabda a’lo baho olganimni yoki akamning safardan kelganini uyidagilarga birinchi bo‘lib aytganimda, menga suyunchi berishgan. Bu juda ham yoqimli holat bo‘lgan.
Toshkent shahar Mirzo Ulug‘bek
tumani
Aminova Maftuna Farhod qizi