BUXORO.UZ | Rasmiy kanal
🔵
Olotda chorvachilikni rivojlantirish: “Asadbek Jo‘raqul chorva”da qoramol soni 100 boshdan oshdi
➡️
Aholi bandligini ta’minlash, oilalar daromadini oshirish va kambag‘allikni qisqartirishda chorvachilik sohasi muhim o‘rin tutadi. Ayniqsa, tijorat banklarining imtiyozli kredit mablag‘lari hisobidan aholiga naslli chorva mollarini yetkazib berish orqali xonadonlarda qo‘shimcha daromad manbalarini yaratish borasida Olot tumanida ham salmoqli ishlar amalga oshirilmoqda.
📍
Jumladan, “Asadbek Jo‘raqul chorva” mas’uliyati cheklangan jamiyatida mahalliy “Qizilcho‘l” zotiga mansub qoramollar bilan bir qatorda naslli chorva mollarini parvarishlash va ko‘paytirish, shuningdek, aholi bandligini ta’minlash borasida amaliy natijalarga erishilmoqda.
✔️
Korxona faoliyatining dastlabki bosqichida xorijdan 100 bosh naslli qoramol xarid qilingan. Ayni paytda xo‘jalikda “Simmental”, “Angus” kabi zotlarga mansub qoramollar parvarishlanmoqda. Shuningdek, qo‘y-echki boqish ham yo‘lga qo‘yilib, ularning soni 500 boshga yetkazilgan.
🔼
Naslli chorva mollarini ko‘paytirish nafaqat chorvachilik mahsulotlari yetishtirish hajmini oshirish, balki yangi ish o‘rinlari yaratish, aholi daromadlarini ko‘paytirish va oilalar farovonligini ta’minlashga xizmat qilmoqda.
📌
Asosan bo‘rdoqichilikka ixtisoslashgan xo‘jalikda bir yilda 20 tonnagacha go‘sht yetishtirilib, aholi dasturxoniga yetkazib berilmoqda. Xo‘jalikning bir oylik daromadi salkam 300 million so‘mni tashkil etmoqda. Qolaversa, qoramol parvarishi bilan shug‘ullanayotgan aholi xo‘jaliklariga naslli buzoq hamda qo‘y-echki sotish orqali ham xo‘jalik qo‘shimcha daromad olmoqda.
⬇️
Ayni kunda Asadbek Jo‘raqulov boshchiligidagi chorva kompleksida o‘nga yaqin mahalliy aholi vakili doimiy ish bilan ta’minlangan.
✅
Kelgusida chorvachilik yo‘nalishidagi ishlarni yanada kengaytirish, nasldor chorva mollari sonini ko‘paytirish hamda aholining ushbu sohaga qiziqishini oshirish orqali yangi ish o‘rinlari yaratish borasidagi ishlar izchil davom ettiriladi.
⌛
Umuman, bugungi kunda viloyatning janubiy sarhadlaridan biri bo‘lgan Olot tumanida aholi va fermer xo‘jaliklari qaramog‘ida 198 ming 600 bosh yirik shoxli hamda 278 mingdan ortiq mayda shoxli mol, 1 million 300 ming boshdan ortiq parranda parvarishlanmoqda.
🔖
Tumanda chorvachilik sohasiga veterinariya xizmatlarini ko‘rsatishga ham alohida e’tibor qaratilmoqda. Hozirda tuman veterinariya bo‘limi tizimida tashkil etilgan 11 ta veterinariya uchastkasida 30 nafar veterinar mutaxassis aholi va fermer xo‘jaliklaridagi chorva mollari hamda parrandalarga xizmat ko‘rsatmoqda.
📊
Chorva hayvonlari orasida yuqumli kasalliklarning oldini olish maqsadida oqsil, quturish va boshqa o‘tkir yuqumli kasalliklarga qarshi emlash ishlari o‘z vaqtida va manzilli amalga oshirilmoqda. Shuningdek, chorva mollari elektron registr platformalariga kiritilib, ularning sog‘ligi va veterinariya holati muntazam nazorat qilib borilmoqda.
Viloyat hokimligi matbuot xizmati
Buxoro.uz
|
Facebook
|
Instagram
|
YouTube
#xalqaro_aloqalar
📺
Bugun viloyat hokimi Botir Zaripov Fransiyaning Oʻzbekistondagi Favqulodda va Muxtor elchisi Fuk Ualid bilan uchrashdi.
💬
Uchrashuvda Buxoro viloyati va Fransiya oʻrtasidagi doʻstona munosabatlarni yanada mustahkamlash, madaniy-gumanitar hamkorlikni yangi bosqichga olib chiqish hamda xalqlar oʻrtasidagi muloqotni kengaytirish masalalari yuzasidan oʻzaro fikr almashildi.
✔️
Muzokaralar chogʻida madaniy hamkorlikni turizm sohasi bilan uygʻunlashtirish masalasiga alohida eʼtibor qaratildi.
📌
Uchrashuv yakunida madaniyat, taʼlim, turizm, investitsiya va boshqa yoʻnalishlarda samarali hamkorlikni izchil davom ettirish, yangi qoʻshma loyihalarni amalga oshirish hamda Buxoroda Fransiya madaniyati kunlarini yuqori darajada tashkil etish boʻyicha amaliy ishlarni muvofiqlashtirishga kelishib olindi.
Buxoro.uz
|
Facebook
|
Instagram
|
YouTube
#bugun
📍
Buxoro shahridagi Kasbiy ko‘nikmalar markazida Prezidentimizning tegishli Farmoni asosida avf etilgan fuqarolar bilan ochiq muloqot o‘tkazildi.
💬
Unda viloyat hokimi Botir Zaripov, viloyat prokurori Ulug‘bek Hamdamov hamda Ichki ishlar boshqarmasi boshlig‘i Ikromjon Tursunov ishtirok etib, avf etilgan fuqarolar bilan suhbatlashdi, ularning muammo va takliflarini tingladi.
✔️
Tadbirda so‘z olgan viloyat hokimi avf etilgan fuqarolar jamiyatning to‘laqonli a’zolari ekanini ta’kidlab, ularga yaratilgan ushbu imkoniyatdan to‘g‘ri foydalanish, o‘tmishdan zarur xulosa chiqarish va kelgusida qonunbuzarlikka yo‘l qo‘ymaslik muhimligini qayd etdi.
— Davlatimiz rahbari tomonidan sizlarga yana bir imkoniyat berildi. Bu ishonchni oqlash, ozodlikning qadriga yetish, oila va jamiyat oldidagi mas’uliyatni his etib yashash — eng muhim vazifa, — dedi Botir Zaripov.
✏️
Shuningdek, fuqarolarning jamiyat hayotiga tezroq moslashishi, doimiy ish bilan ta’minlanishi, kasb-hunar egallashi va oilasi bag‘rida munosib hayot kechirishi uchun zarur ko‘mak ko‘rsatilishi ta’kidlandi.
➡️
Viloyat prokurori yurtimizda qonun ustuvorligi va jazo muqarrarligi tamoyillari qat’iy ta’minlanayotganini qayd etib, insonparvarlik tamoyili asosida berilgan avfni oqlash har bir fuqaroning zimmasidagi yuksak mas’uliyat ekanini qayd etdi.
⌛
Muloqot davomida avf etilganlarga huquqbuzarlik va jinoyat sodir etishdan tiyilish, oilasi bag‘rida tinch-totuv yashash, halol mehnat qilib, jamiyat taraqqiyotiga munosib hissa qo‘shish zarurligi tushuntirildi.
💬
Shu bilan birga, avfning insonparvarlik va mehr-oqibat ifodasi ekani, undan munosib xulosa chiqarish hamda berilgan imkoniyatni qadrlash zarurligi alohida ta’kidlandi.
⁉️
Shundan so‘ng viloyat hokimi har bir avf etilgan fuqaro bilan yakka tartibda suhbatlashdi. Suhbatlar davomida ularning kelgusidagi rejalari, bandligini ta’minlash va ijtimoiy hayotga moslashishi bilan bog‘liq masalalar muhokama qilindi.
📣
Fuqarolar o‘zlarini qiynayotgan masalalar, jumladan, ishga joylashish, chorvachilik va hunarmandchilik faoliyatini yo‘lga qo‘yish uchun amaliy yordam so‘rab murojaat qildilar.
❗️
Bildirilgan har bir murojaat qayd etilib, ularni hal etish yuzasidan mas’ul rahbarlar ziimasiga tegishli vazifalar yuklandi.
🖥
Uchrashuv yakunida avf etilgan fuqarolarga yaratilgan imkoniyatlardan unumli foydalanish, kasb-hunar egallab, halol mehnat qilish, oilasi va jamiyat oldidagi mas’uliyatini chuqur his etgan holda, yangi hayotni to‘g‘ri yo‘ldan boshlash bo‘yicha tavsiyalar berildi.
Buxoro.uz
|
Facebook
|
Instagram
|
YouTube
#bugun
📍
Viloyat hokimi Botir Zaripov, viloyat prokurori Ulug‘bek Hamdamov hamda Ichki ishlar boshqarmasi boshlig‘i Ikromjon Tursunov ishtirokida Kogon shahri va Kogon tumanida xizmat olib borayotgan profilaktika inspektorlari bilan ochiq muloqot o‘tkazildi.
💬
Unda soha xodimlarining mashaqqatli faoliyati tahlil qilinib, mavjud muammolar, xizmat samaradorligini oshirish va kelgusidagi ustuvor vazifalar muhokama qilindi.
📌
Ochiq va samimiy ruhda kechgan muloqot davomida viloyat rahbari har bir inspektor bilan suhbatlashib, ularning xizmat faoliyati bilan bir qatorda shaxsiy hayotidagi dard va tashvishlari, taklif hamda mulohazalarini tingladi.
✔️
Shuningdek, el-yurt tinchligi va jamoat xavfsizligini ta’minlashda profilaktika inspektori o‘z xizmat hududini har tomonlama, ya’ni “qarichma-qarich” bilishi muhim mezon ekani qayd etildi.
📈
Muloqot davomida xizmat sifatini oshirish, hududlarda jinoyatchilikning oldini olish va xavfsiz muhitni ta’minlashga qaratilgan qator takliflar bildirildi.
⌛
Jumladan, ichki ishlar tizimini to‘liq raqamlashtirish, hududlarni xavfsiz muhitga aylantirish, tibbiyot birlashmalarining narkologiya bo‘limlarini zarur tibbiy vositalar bilan ta’minlash, hushyorxonalarda doimiy narkolog shifokor faoliyatini yo‘lga qo‘yish masalalari o‘rtaga tashlandi.
🔖
Bundan tashqari, ayrim ob’yektlarni qo‘riqlovga olish, serqatnov va xavflilik darajasi yuqori bo‘lgan chorrahalarga svetoforlar o‘rnatish hamda profilaktika inspektorlari oila a’zolarining bandligini ta’minlashda amaliy yordam ko‘rsatish bo‘yicha takliflar ham bildirildi.
💬
Tadbirda O‘zbekiston Respublikasi Prezidentining 2026 yil 26 avgustdagi “Ichki ishlar organlari uchun professional kadrlarni tayyorlash tizimini transformatsiya qilish chora-tadbirlari to‘g‘risida”gi PQ-303-son hamda 4 sentyabrdagi “Ichki ishlar organlarining jamoat xavfsizligini ta’minlash faoliyatiga yangicha ishlash tizimini joriy etish chora-tadbirlari to‘g‘risida”gi PQ-314-son qarorlari doirasida kadrlar yo‘nalishida amalga oshirilayotgan islohotlar haqida ham fikr yuritildi.
✏️
Ushbu islohotlar ichki ishlar organlari xodimlarining kasbiy salohiyatini yuksaltirish, xizmat samaradorligini oshirish va aholi xavfsizligini ta’minlashda muhim ahamiyat kasb etishi ta’kidlandi.
❗️
Uchrashuv yakunida profilaktika inspektorlari tomonidan bildirilgan barcha taklif va muammolar yozib olindi. Ularning ijobiy yechimini ta’minlash maqsadida mas’ul rahbarlarga aniq ko‘rsatma va topshiriqlar berildi.
Buxoro.uz
|
Facebook
|
Instagram
|
YouTube
https://youtu.be/-KbYoQ-EvJM
#bugun
#hokim_hududlarda
#Kogon_shahri
🔵
Prezidentimiz raisligida joriy yil 3-sentabr kuni kambag‘allikni qisqartirish va aholi daromadlarini oshirish bo‘yicha ishlarni yangi bosqichga olib chiqish masalalariga bag‘ishlab o‘tkazilgan yig‘ilishda belgilangan vazifalar ijrosini ta’minlash maqsadida Kogon shahar hokimligida ham shtab tashkil etilgan.
❗️
Shahar shtabi ishchi guruhlari tomonidan 19 ta mahallada xatlov ishlari o‘tkazilib, natijada 1 050 nafar ishsiz va kambag‘al fuqaro aniqlangan.
✔️
Ularning bandligini ta’minlash maqsadida har bir fuqaro bilan manzilli ish olib borilib, mavjud imkoniyatlaridan kelib chiqqan holda turli yo‘nalishlarga jalb etilmoqda.
✅
Hozirga qadar 626 nafar fuqaroning bandligi ta’minlangan.
Xususan:
🔹
419 nafar fuqaro o‘zini o‘zi band qilish orqali daromad manbaiga ega bo‘ldi;
🔹
184 nafar fuqaro doimiy ish o‘rinlariga joylashtirildi;
🔹
14 nafar fuqaro kasb-hunarga o‘qitildi;
🔹
9 nafar fuqaroga tadbirkorlik faoliyatini boshlash uchun tijorat banklari tomonidan jami 525 million so‘m imtiyozli kredit ajratildi.
➡️
Ayni paytda qolgan 424 nafar ishsiz va kambag‘al fuqaroning bandligini ta’minlash bo‘yicha ham amaliy ishlar davom ettirilmoqda.
🔝
Asosiy maqsad — har bir fuqaroning doimiy daromad manbaiga ega bo‘lishini ta’minlash, oilalar farovonligini oshirish va mahallalarda mavjud imkoniyatlarni samarali ishga solishdir.
🔼
Kelgusida belgilangan chora-tadbirlarni izchil amalga oshirish orqali Kogon shahrini ishsizlikdan xoli hududga aylantirish maqsad qilingan.
⚡️
Viloyat hokimi Botir Zaripov ishtirokida o‘tkazilgan navbatdagi muhokama yig‘ilishida kambag‘allikni qisqartirish va aholi bandligini ta’minlash borasida amalga oshirilayotgan ishlar atroflicha muhokama qilindi.
💬
Yig‘ilishda belgilangan vazifalar ijrosi, sohadagi mavjud muammolar hamda ularni bartaraf etish bo‘yicha ko‘rilayotgan choralar tahlil qilindi. Mas’ullarning hisobotlari tinglanib, yo‘l qo‘yilgan kamchiliklarni bartaraf etish, belgilangan vazifalar ijrosini jadallashtirish va har bir yo‘nalish bo‘yicha aniq natijaga erishish yuzasidan mas’ullarga tegishli topshiriq va vazifalar belgilab berildi.
Buxoro.uz
|
Facebook
|
Instagram
|
YouTube