اخبار الاهلى لحظه بلحظه
حمادة عبد اللطيف: غياب مروان عطية أمام أنجولا أثر سلبيا على المنتخب، وعودته أمام جنوب السودان هامة.
شوبير عن حسام حسن: جلّ من لا يخطئ. دي زلة لسان وخطأ في التعبير، وارد وبيحصل وعادي جدًا، حسام كلنا بنساندك، كلنا معاك، وكلنا وراك، إن شاء الله ترجع مع أولادك وفرقتك بانتصار كبير جدًا، وبعدها نقعد ونتكلم ونحكي
محمد صلاح ساب المعسكر ونيس وبرشلونة حذروا من مشاركة عبدالمنعم وحمزة عبدالكريم على ملاعب ترتان والأهلي بيطالب بإعفاء لاعيبته من المشاركة والزمالك دخل على الخط وقال خدوني معاكوا لأخرق نفسي وبيطالب هو كمان بإعفاء لاعيبته وشكلنا كدا هنشوف ثنائية التوأم حسام وإبراهيم في الملاعب من جديد وتوتنهام يطالب بمشاركة مرمرش على جميع ملاعب افريقيا الترتان والترابية والسقطة واللقطة
شوبير: «ممكن تحكم على شخص وتقول: يا جماله يا جماله، ده فلان ده ملوش مثيل، وبعد شوية من العمر تكتشف إن مفيش زيه في الجحود ونكران الجميل».
شوبير: «أنا اللي قدّمت هذا الإعلام، وليس الإعلاميين. مكنش الإعلام كده خالص، وأنا اللي قدّمته، وأنا اللي فكرت فيه. فكرت واشتغلت وجبت ناس، وراح ناس وجه ناس. هو فيه أكتر من كده رضا وفضل وبركة؟ وربنا أنعم علينا بالستر والصحة، فهروح بقى أرد على مين ومين؟ لا، أنا أتكلم مع المولى عز وجل علشان أقوله: متشكرين يا رب، واللي عملته معانا كتير وبزيادة».
شوبير: «فاضل ساعة وأتم 66 سنة من العمر، وأنا حاسس إني عشت أكتر من اللازم، واللي عايشينه دلوقتي هما الشوية الزيادة. وبشتغلهم بمزاج واستمتاع، والحمد لله النعمة والحب موجودين. والناس كل شوية تراهن إني هقع في أي محطة، ولكن في كل مرة بنعمل درجن درجن».
فايق: «أنا من اللحظة الأولى وأنا داعم للمنتخب وحسام حسن، وهذا الدعم مسمهوش دعم مطلق. المطلق ده اللي وراه حاجة، يعني بتعمل حاجة غلط وأنا أبررها؟ وعلشان إحنا مش عاوزين حاجة، أتمنى من الكابتن حسام ياخد الكلام بقلبه وعقله. عندنا مؤتمر قبل ماتش جنوب السودان، أتمنى يبقى عنده القدرة على صياغة جُمل تنهي الأزمة. إزاي؟ معرفش، ولكن تتعمل وبسهولة».
سيف زاهر: احنا عندنا ماتش مهم قدام جنوب السودان لو خسرنا أو اتعادلنا هتبقى مشكلة كبيرة، الناس عايزه تحاسب حسام دلوقتي وتدخل شوبير في الشناوي و الشناوي في شوبير و على مع ابراهيم وكل القصة دي، الإعلام مدارس و الواحد دايما عنده وجهة نظر والصالح العام للمنتخب ولمصر، اتكلموا بعد الماتش و سيبوا الحساب متأجل لحد لما نعدي المرحلة دي