𝐃𝐞𝐡𝐪𝐨𝐧𝐨𝐛𝐨𝐝 24 ️

Foto reportaj: Dehqonobodning eng olis hududlari — Oybek va Oqqishloqning betakror manzaralari
Dehqonobod tumanining tuman markazidan eng olis hududlaridan biri hisoblangan Oybek va Oqqishloq mahallalari o‘zining so‘lim tabiati, musaffo havosi va betakror manzaralari bilan ajralib turadi.
Ayni kunlarda tumanning boshqa hududlarida yoz faslining jaziramasi sezila boshlagan bo‘lsa, bu go‘zal maskanlarda hanuz bahorning yoqimli nafasi hukm surmoqda. Yam-yashil adirlar, gulga burkangan qirlar va tabiiy manzaralar ushbu hududning o‘ziga xos jozibasini yanada namoyon etmoqda.
Tabiatning betakror ne’matlariga boy Oybek va Oqqishloq mahallalari nafaqat mahalliy aholi, balki bu yerga tashrif buyuruvchilar qalbida ham unutilmas taassurot qoldirmoqda.
Kanalimiz:
Dehqonobod 24
✔️

Payshanba — Yoshlar kuni: navbatdagi “Rahbar va yoshlar uchrashuvi” Oqqishloq va Oybek mahallalari yoshlari bilan o‘tkazildi
Mamlakatimizda yoshlarning muammo va takliflarini o‘rganish, ularni qo‘llab-quvvatlash hamda hayotda munosib o‘rin egallashiga ko‘maklashish maqsadida “Payshanba — Yoshlar kuni” doirasida joylarda ochiq muloqotlar tashkil etilmoqda.
Navbatdagi “Rahbar va yoshlar uchrashuvi” Dehqonobod tumanining eng olis hududlaridan hisoblangan Oqqishloq mahallasidagi 91-sonli umumiy o‘rta ta’lim maktabida bo‘lib o‘tdi. Unda Oqqishloq va Oybek mahallalarida istiqomat qiluvchi yoshlar faol ishtirok etdi.
Uchrashuvda Dehqonobod tumani hokimi Sherzod Shokirov, tuman prokurori Otabek Usanov, tuman ichki ishlar bo‘limi boshlig‘i Ibrohim Namozov, Jinoyat ishlari bo‘yicha tuman sudi raisi Shahzod Baxtiyorov hamda tegishli tashkilot va idoralar rahbarlari qatnashdi.
Ochiq va samimiy ruhda o‘tgan muloqot davomida yoshlarning ta’lim olish, oliy ta’lim muassasalariga kirish, kontrakt to‘lovlarini amalga oshirish, ish bilan ta’minlash, sport infratuzilmasini rivojlantirish hamda yoshlar uchun yaratilayotgan imkoniyatlarni yanada kengaytirishga oid taklif va murojaatlari tinglandi. Har bir murojaat yuzasidan mas’ullarga tegishli topshiriqlar berilib, ularni hal etish bo‘yicha aniq vazifalar belgilandi.
Tadbir davomida yoshlarning iste’dod va ijodiy salohiyatiga ham alohida e’tibor qaratildi. Xususan, yosh baxshi Muzaffar Shodiyev tomonidan ijro etilgan terma yig‘ilganlarda katta taassurot qoldirdi. Shuningdek, iste’dodli yosh shoira Durdona Nazarova o‘zining she’riy to‘plamini tuman hokimi Sherzod Shokirovga sovg‘a qilib, uchrashuvga o‘zgacha ruh bag‘ishladi.
Ta’kidlanganidek, bunday uchrashuvlar yoshlarning muammo va takliflarini bevosita o‘rganish, ularning tashabbuslarini qo‘llab-quvvatlash hamda kelajak sari dadil qadam tashlashlari uchun muhim ahamiyat kasb etmoqda.
Kanalimiz:
Dehqonobod 24
✔️

⚡️
Yashnobod mahallasida asfaltlashtirish ishlari jadal davom etmoqda
Prezidentimizning PQ–141-son qarori ijrosi doirasida Dehqonobod tumanining Yashnobod mahallasida keng ko‘lamli bunyodkorlik ishlari olib borilmoqda.
Ayni paytda mahalladagi 10 kilometr 340 metr ichki yo‘llarni asfaltlashtirish ishlari qizg‘in bosqichda davom etmoqda. Shuningdek, hududda 90 o‘rinli bog‘cha qurilishi hamda elektr tarmoqlarini rekonstruksiya qilish ishlari ham izchil olib borilmoqda.
Mahalla aholisi amalga oshirilayotgan bunyodkorlik ishlaridan mamnun ekanliklarini bildirib, Prezidentimiz boshchiligidagi islohotlar uchun minnatdorlik izhor etmoqda.
🇺🇿
Ta’kidlanganidek, ushbu loyihalar Yashnobod ahli uchun mustaqillikning 35 yilligi arafasidagi munosib bayram sovg‘asi bo‘lmoqda.
Kanalimiz:
Dehqonobod 24
✔️

📢
DIQQAT, E'LON!
🔹
Dehqonobod tumani markazida joylashgan tadbirkorlik obyekti va qoʻshimcha yer maydoni sotiladi.
🏠
Avtoservis (avtomobillar ustaxonasi)
sifatida faoliyat yuritgan bino.
📐
Hajmi:
12 x 7,5 metr
📄
Hujjatlar:
To‘liq va rasmiy tayyorlangan.
✅
Avtoservis orqasida 10 soʻtix yer maydoni bor.
💰
Narxi — kelishiladi.
📍
Manzil:
M39 yo‘nalishi bo‘yida,
Qarashina shaharchasi, Dehqonobod tumani.
🎯
Mo‘ljal:
Ohak zavodi qarshisida, “Vatanparvar” tashkiloti ro‘parasida.
📞
Qo‘shimcha ma’lumot uchun:
📱
+998 99 950 44 45
📬
Reklama joylashtirish uchun murojaat:
@Dehqonobod_24_admini
#reklama

#BU_MUHIM
🏠
Agar siz o‘z hovlingizda, bo‘sh turgan yer maydonida uy, tadbirkorlik uchun noturar bino yoki boshqa har qanday obyekt qurmoqchi bo‘lsangiz, avvalo tegishli tartibda ruxsat olishingiz, loyiha hujjatlarini rasmiylashtirishingiz hamda shaharsozlik talablariga rioya qilgan holda qurilishni boshlashingiz talab etiladi.
❗️
Aks holda bu noqonuniy qurilish holati sifatida baholanib, jarima to‘lashingizga va obyektning majburiy buzilishigacha olib kelishi mumkin.
Kanalimiz:
Dehqonobod 24
✔️

🔴
#Live
Yashnobod mahallasida asfaltlashtirish ishlari qizg‘in davom etmoqda
O‘zbekiston Respublikasi Prezidentining 2024-yil 28-martdagi “Islom taraqqiyoti banki ishtirokida “Qishloq joylarni kompleks rivojlantirish” (2-bosqich) loyihasini amalga oshirish chora-tadbirlari to‘g‘risida”gi PQ–141-son qarori ijrosi doirasida Dehqonobod tumanida keng ko‘lamli bunyodkorlik ishlari amalga oshirilmoqda.
Mazkur loyiha asosida “Yashnobod” mahallasida ham infratuzilmani yaxshilash va aholi uchun yanada qulay sharoitlar yaratishga qaratilgan qator loyihalar hayotga tatbiq etilmoqda. Xususan, hududda 90 o‘rinli zamonaviy maktabgacha ta’lim muassasasi qurilmoqda, 13 kilometr elektr tarmoqlari rekonstruksiya qilinib, 500 dan ortiq eski simyog‘ochlar yangi beton tayanch ustunlarga almashtirilmoqda.
Ayni paytda mahalla aholisini eng ko‘p quvontirayotgan ishlardan biri — ichki yo‘llarni asfaltlashtirish jarayonidir. Loyihaga ko‘ra, mahalladagi 10 kilometr 340 metr ichki ko‘chalarga asfalt qoplamasi yotqizilishi belgilangan bo‘lib, hozirda mazkur ishlar jadal sur’atlarda olib borilmoqda.
🚧
Yo‘lsozlik texnikalari va mutaxassislar tomonidan asfalt qoplamasi yotqizish ishlari izchil davom ettirilib, mahalla ko‘chalari zamonaviy qiyofa kasb etmoqda.
Mahalla aholisi amalga oshirilayotgan asfaltlashtirish va bunyodkorlik ishlaridan mamnun ekanliklarini bildirib, xalq farovonligi yo‘lida olib borilayotgan islohotlar uchun Prezidentimiz boshchiligidagi rahbarlarga samimiy minnatdorlik izhor etmoqda.
🇺🇿
Ta’kidlanganidek, Yashnobod mahallasida amalga oshirilayotgan ushbu keng ko‘lamli bunyodkorlik ishlari yurtimiz mustaqilligining 35 yilligi arafasida mahalla ahli uchun munosib bayram sovg‘asi bo‘lmoqda.
Kanalimiz:
Dehqonobod 24
✔️

🏗
Prezident qarorlari amalda: Oqtosh mahallasida yangi maktab qurilib, infratuzilma yangilanmoqda
Dehqonobod tumanining Oqtosh mahallasida Prezidentimizning hududlarni kompleks rivojlantirish, aholi turmush farovonligini oshirish va ta’lim sifatini yuksaltirishga qaratilgan qarorlari ijrosi doirasida muhim bunyodkorlik ishlari amalga oshirilmoqda.
Xususan, O‘zbekiston Respublikasi Prezidentining 2025-yil 27-dekabrdagi PQ–393-sonli “2026–2028-yillarda O‘zbekiston Respublikasining ijtimoiy va ishlab chiqarish infratuzilmasini rivojlantirish chora-tadbirlari to‘g‘risida”gi qarori asosida Oqtosh mahallasidagi 42-sonli umumiy o‘rta ta’lim maktabi uchun 120 o‘rinli zamonaviy qo‘shimcha o‘quv binosi qurilmoqda. Ayni paytda qurilish ishlari jadal sur’atlarda davom etmoqda.
Mahallada infratuzilmani yaxshilash borasida ham salmoqli ishlar amalga oshirilmoqda. Fuqarolarning faol tashabbusi va birdamligi natijasida “Tashabbusli byudjet” loyihasida g‘olib bo‘lgan yo‘llar bosqichma-bosqich asfaltlashtirilmoqda. Jumladan, Oqtosh mahallasini tuman markazi bilan bog‘lovchi yo‘llarning bir qismi avvalgi mavsumlarda, yana bir qismi esa joriy mavsumda g‘olib deb topilib, zamonaviy asfalt qoplamasi bilan ta’minlanmoqda.
Mahalla ahli hududda amalga oshirilayotgan bunyodkorlik va obodonlashtirish ishlaridan mamnun ekanliklarini bildirib, ta’lim va infratuzilma rivojiga qaratilayotgan e’tibor uchun Prezidentimiz hamda mutasaddi rahbarlarga samimiy minnatdorlik izhor etmoqda.
Ta’kidlanganidek, Oqtosh mahallasida amalga oshirilayotgan ushbu loyihalar yurtimiz mustaqilligining 35 yilligi arafasida aholi uchun munosib tuhfa bo‘lib, hududning yanada rivojlanishiga xizmat qilmoqda.
Kanalimiz:
Dehqonobod 24
✔️

🏗
Chilgaz mahallasida Prezident qarorlari ijrosi doirasida keng ko‘lamli bunyodkorlik ishlari amalga oshirilmoqda
Mamlakatimizda Prezidentimizning qaror va farmonlari ijrosi doirasida aholi turmush farovonligini oshirish, ijtimoiy infratuzilmani rivojlantirish hamda hududlarni obod qilishga qaratilgan keng ko‘lamli bunyodkorlik ishlari izchil davom ettirilmoqda.
Jumladan, Dehqonobod tumanining Chilgaz mahallasida ham muhim loyihalar hayotga tatbiq etilmoqda. Xususan, O‘zbekiston Respublikasi Prezidentining 2025-yil 27-dekabrdagi PQ–393-sonli “2026–2028-yillarda O‘zbekiston Respublikasining ijtimoiy va ishlab chiqarish infratuzilmasini rivojlantirish chora-tadbirlari to‘g‘risida”gi qarori ijrosi doirasida 90-sonli umumiy o‘rta ta’lim maktabining ta’mirtalab holatga kelgan 180 o‘rinli binosi to‘liq rekonstruksiya qilinmoqda. Ayni paytda qurilish ishlari jadal sur’atlarda olib borilmoqda.
Shuningdek, mahallada “Og‘ir mahalla” dasturi asosida bir qator muhim infratuzilma loyihalarini amalga oshirish rejalashtirilgan. Jumladan, 250 kVA quvvatli transformator punktini o‘rnatish, elektr tarmoqlarini rekonstruksiya qilish, beton tayanch ustunlar o‘rnatish, ichki yo‘llarni asfaltlashtirish, mahalla guzari hamda xizmat ko‘rsatish binosini qurish ishlari loyihalashtirilgan bo‘lib, ularni amalga oshirish ishlari tez orada boshlanishi ko‘zda tutilgan.
Chilgaz mahallasi aholisi hududda olib borilayotgan bunyodkorlik va yangilanish ishlaridan mamnun ekanliklarini bildirib, xalq farovonligi yo‘lida amalga oshirilayotgan islohotlar uchun Prezidentimiz hamda mutasaddi rahbarlarga minnatdorlik izhor etmoqda.
Ta’kidlanganidek, Chilgaz mahallasida amalga oshirilayotgan ushbu loyihalar yurtimiz mustaqilligining 35 yilligi arafasida mahalla aholisi uchun munosib tuhfa bo‘lib xizmat qiladi.
Kanalimiz:
Dehqonobod 24
✔️

🏗
Darxon mahallasida yangi bog‘cha, mahalla idorasi va ichimlik suvi tarmog‘i barpo etilmoqda
Mamlakatimizda Prezidentimizning qaror va farmonlari ijrosi doirasida aholi turmush farovonligini oshirish, eng chekka hududlarda ham zamonaviy infratuzilmani shakllantirishga qaratilgan bunyodkorlik ishlari izchil davom etmoqda.
Jumladan, Dehqonobod tumanining Darxon mahallasida ham bir qator muhim loyihalar amalga oshirilmoqda. Xususan, viloyat mahalliy byudjeti mablag‘lari hisobidan 60 o‘rinli yengil konstruksiyali davlat maktabgacha ta’lim tashkiloti qurilmoqda.
Shuningdek, tuman mahalliy byudjeti mablag‘lari evaziga mahallaga ichimlik suvi tarmog‘ini tortish ishlari boshlab yuborilmoqda. Mazkur loyiha aholini sifatli ichimlik suvi bilan ta’minlash imkoniyatlarini yanada kengaytiradi.
Bundan tashqari, O‘zbekiston mahallalari uyushmasi mablag‘lari hisobidan mahalla fuqarolar yig‘inining yangi ma’muriy binosi qurilib, foydalanishga topshirish arafasiga kelgan.
Mahalla faollari va nuroniylari hududda amalga oshirilayotgan bunyodkorlik ishlari aholi uchun yaratilayotgan keng imkoniyatlarning amaliy ifodasi ekanini ta’kidlab, Prezidentimizga, viloyat va tuman rahbariyatiga samimiy minnatdorlik bildirmoqda.
Ta’kidlanganidek, Darxon mahallasida amalga oshirilayotgan ushbu loyihalar yurtimiz mustaqilligining 35 yilligi arafasida mahalla aholisi uchun munosib bayram sovg‘asi bo‘lmoqda.
Kanalimiz:
Dehqonobod 24
✔️

#Tayinlov
Jumayev Husniddin Bekmurodovich
—
O‘zbekiston Respublikasi Prezidenti huzuridagi Ijtimoiy himoya milliy agentligi Qashqadaryo viloyati Dehqonobod tumani "Inson" ijtimoiy xizmatlar markazi direktori lavozimiga tayinlandi.
H.Jumayev bunga qadar Dehqonobod tumani “Dehqonobod” mahalla fuqarolar yig‘inida tadbirkorlikni rivojlantirish, aholi bandligini ta’minlash va kambag‘allikni qisqartirish masalalari bo‘yicha hokim yordamchisi lavozimida ishlab kelayotgan edi.
Kanalimiz:
Dehqonobod 24
✔️