D.F.L | Rasmiy Kanali | 🏆
🔥
TASMASOYDAN SHEDEVR!
⚽️
Bir qarashda oddiy goldek, ammo hujum qanday qurilganiga e’tibor bering!
To‘p bir futbolchidan ikkinchisiga juda tez va aniq yetkazildi, har bir harakat o‘z vaqtida bajarildi. Eng muhimi — ushbu hujumda jamoaning barcha aʼzosi ishtirok etdi
👏
🧠
Aynan shunday vaziyatlarda Tasmasoy futbolchilarining maydonda bir-birini qay darajada yaxshi tushunishi ko‘rinadi.
🎯
Yakun esa — tomosha qilishga arziydigan gol!
https://t.me/dfl1liga
🔥
G‘ALABADAN KEYINGI EMOTSIYALAR!
Yangi Qurilish futbolchilarining Tasmasoy ustidan qozonilgan muhim g‘alabadan keyingi xursandchiligi!
👍
Chempionlik poygasida juda katta ahamiyatga ega bo‘lgan g‘alaba — bunday o‘yindan keyin hissiyotlar ham o‘zgacha!
💪
https://t.me/dfl1liga
🏆
KUTILGAN MARKAZIY O‘YIN KUTILGANIDAN HAM QIZIQ BO‘LDI
🔥
Yangi Qurilish — Tasmasoy uchrashuvi 1-Ligadagi markaziy bahs maqomiga munosib o‘tdi.
O‘yin boshida Tasmasoy biroz sustkashlikka yo‘l qo‘ydi va Yangi Qurilish bundan unumli foydalandi. Birinchi taymda to‘p nazorati ko‘proq Tasmasoy tomonida bo‘lgan bo‘lsa-da, Yangi Qurilish o‘yinni o‘ziga qulay yo‘nalishda olib bordi. Yaratilgan imkoniyatlardan maksimal foydalanib, tanaffusga 2:0 hisobidagi ustunlik bilan chiqdi.
⚡
Ikkinchi taymda esa maydonga butunlay boshqa Tasmasoy qaytdi. Ammo taym boshidagi qo‘pol xato qimmatga tushdi — Yangi Qurilish vaziyatdan foydalanib hisobni 3:0 ga yetkazdi.
Shundan so‘ng Tasmasoy katta bosim uyushtirdi. Ketma-ket hujumlar, yuqori temp va kurash evaziga ikkita gol kiritdi va hisob 3:2 ga keldi. Yangi Qurilish esa bu vaqtda ko‘proq qarshi hujumlarga tayandi va hisobni oshirish uchun o‘z imkoniyatlariga ham ega bo‘ldi.
⏱
Yakunda hisob o‘zgarmadi — 3:2. Yangi Qurilish g‘alaba qozondi va Tasmasoyning mag‘lubiyatsiz seriyasiga nuqta qo‘ydi.
👏
Eng muhimi, uchrashuv kutilganidek shiddatli, yuqori tempda va sifatli o‘tdi. Maydondagi azart tribunaga ham ko‘chdi — muxlislar haqiqiy futbol zavqini his qilishdi.
Chiroyli o'yini va o'z xarakteri orqali muhlislarga haqiqiy futbol shousini namoyish etgan ikkala jamoa ham tahsinga sazavor.
⚽
🔥
https://t.me/dfl1liga
🔥
23 O‘YIN DAVOM ETGAN MAG‘LUBIYATSIZ SERIYA!
DFL tarixidagi eng uzun mag‘lubiyatsiz seriya Yangiobod jamoasiga tegishli.
4-mavsumning ikkinchi davrasidan 5-mavsumning so‘nggi turigacha jamoa ketma-ket 23 uchrashuvda mag‘lub bo‘lmadi:
✅
20 g‘alaba
🤝
3 durang
❌
0 mag‘lubiyat
💪
Bu shunchaki uzoq seriya emas, Yangiobodning DFLdagi eng kuchli davri edi. Aynan shu vaqt oralig‘ida jamoa DFL Kubogi va DFL 2-Liga chempionligini qo‘lga kiritdi.
👤
Jamoaga asoschisi Ilyos Toshtemirov qisqa vaqt ichida sovrinlar uchun kurasha oladigan kuchli va raqobatbardosh tarkib shakllantirdi. Keyinchalik Yangiobod DFL Superkubogini ham qo‘lga kiritdi, Superligada esa 2-o‘ringacha yetib bordi.
🔄
Bugun bu jamoaning tarixi boshqa nom ostida davom etmoqda — Sano-Milk.
📊
23 o‘yinlik rekord esa hamon yangilanmagan.
https://t.me/Denovfutbolligasi
🏆
1-LIGADA KATTA O‘YIN!
🔥
YANGI QURILISH VS TASMASOY
Ertaga chempionlik uchun kurashayotgan ikki asosiy da’vogar — Yangi Qurilish va Tasmasoy o‘zaro to‘qnash keladi!
⚔️
Tasmasoy hozirgacha barcha uchrashuvlarda g‘alaba qozongan. Yangi Qurilish esa atigi bitta mag‘lubiyat bilan peshqadamning eng yaqin ta’qibchisi.
Bu shunchaki navbatdagi o‘yin emas — 1-davra taqdiriga katta ta’sir qiladigan bahs!
🔥
🏟
Xayrabod stadioni
🕤
21:30
📅
10-sentabr
Barcha futbol muxlislarini stadionda kutamiz!
🙌
⚽
https://t.me/dfl1liga
🏆
DFL SUPERLIGASI | 9-TUR
Superligada 1-davraning so‘nggi tur bahslari!
🔥
🕗
20:00 | Zaytun
🆚
Uzun
🕘
21:00 | Sariosiyo
🆚
Bobotog‘
🕙
22:00 | Jobu
🆚
Mez City
🔥
🕚
23:00 | To‘palang
🆚
Namuna
🔥
Turning markaziy uchrashuvi — Jobu vs Mez City. Turnir jadvalining ikki yetakchisi o‘zaro to‘qnashadi va bu bahs 1-davra peshqadamini aniqlab beradi.
📅
13-sentabr | Yakshanba
🏟
Ulyanov Chuqur stadioni
https://t.me/Denovfutbolligasi
🏛
DFLNING ENG TARIXIY KLUBI — NAMUNA
🏆
DFLning ilk mavsumidan boshlab maydonda bo‘lgan va liga tarixining deyarli barcha davrlarini boshdan kechirgan jamoa — Namuna.
7 mavsumlik DFL tarixida Namuna 6 mavsumda ishtirok etdi. Shu yillar davomida klub o‘z nomini sovrinlar bilan ham tarixga yozdi:
🏆
1× DFL Kubogi
🏆
1× DFL Superkubogi
🥈
Superligadagi eng yaxshi natija — 2-o‘rin
Ammo Namunaning tarixi faqat natijalar bilan o‘lchanmaydi. Bu jamoada sodiqlik va qadriyatlar ham bor.
💪
Jamoa sardori Eshboyev Azamat DFLdagi 6 mavsumining barchasini Namuna safida o‘tkazdi. U shu vaqt davomida jamoasini almashtirmadi va klub bilan birga turli davrlarni boshdan kechirdi.
📊
Namuna turnir jadvalida qaysi o‘rinda bo‘lishidan qat’i nazar, har qanday sharoitda maydonga chiqib, bor kuchi bilan kurashib kelgan. Balki klubning uzoq yillar davomida DFLda qolayotganining asosiy sabablaridan biri ham shudir.
🔥
Namuna — shunchaki DFL jamoalaridan biri emas. U DFL tarixining bir qismi.
https://t.me/Denovfutbolligasi
🔄
DFL | TRANSFER OYNASI 14-SENTABRDA OCHILADI!
DFLda davralar oralig‘idagi transfer oynasi 14-sentabr kuni rasman ochiladi.
📅
Transfer muddati:
14-sentabr 00:00 dan — 24-sentabr 00:00 gacha.
Ushbu davr mobaynida jamoalar o‘z tarkibini kuchaytirish imkoniyatiga ega bo‘ladi. Har bir jamoa 3 nafargacha yangi futbolchini ro‘yxatdan o‘tkazishi mumkin.
🔥
Transfer oynasi jamoalar uchun ikkinchi davra oldidan tarkibdagi muammolarni bartaraf etish va yangi kuch bilan qaytish uchun muhim imkoniyat bo‘ladi.
https://t.me/Denovfutbolligasi
🏆
HURMAT NATIJADAN USTUN
Kubok guruh bosqichining dastlabki ikki turidan so‘ng To‘palang va Navoiy jamoalari ochko jamg‘ara olmagandi. 3-turdagi uchrashuv esa ular uchun turnir jadvali nuqtayi nazaridan deyarli hech narsani hal qilmasdi.
Shunga qaramay, har ikki jamoa ham 3-turda maydonga chiqib, guruh bosqichini oxirigacha munosib yakunladi.
Ayniqsa, To‘palang jamoasining Sariosiyodan kelib, so‘nggi uchrashuvini o‘tkazganini alohida e’tirofga loyiq.
Bu shunchaki bitta o‘yin emas. Bu — musobaqaga, raqibga va o‘z nomiga bo‘lgan hurmat.
DFL aynan shunday munosabatni qadrlaydi.
🤝
https://t.me/Denovfutbolligasi
🎩
Maestro — Xolmurodov Fazliddin!
Uch nafar raqib orasidan ajoyib assist!
🎯
Raqiblar qurshovida ham sherigini ko‘ra bildi va nozik pas bilan golga imkoniyat yaratdi. Yakun ham assistga yarasha — chiroyli gol!
⚽
🔥
Bu pasga necha baho berasiz?
👀
https://t.me/Denovfutbolligasi