إستشارة طبية
-طفل عمره 4 سنين
هذا شنو اللون حبيبي؟
الام تجاوب ما يعرف دكتور ما معلمته
-طفل عمره 6 سنين؟
هاي الفلوس ابو شكد؟
الاب يجاوب ما يعرف دكتور ما معلميه
- طفل عمره 3 سنوات
هذا شنو الللي بالصوره؟
الام تجاوب ما معلمته دكتور انه هاي بزونه
- طفل عمره غير محدد لان نادرا ما يجاوبني الطفل على هذا السؤال و علميا يكولون بعمر 3 سنين يعرف يكول وين بيتهم ؟
وين بيتكم؟
سكوت سكوت سكوت
- طفل عمره سنتين
وين عيونك؟
الام : ما معلمته دكتور
الملخص :
التربيه تعليم اكثر مما شنو اوكله اليوم
د. سيف سمير البياتي اخصائي طب الاطفال
_
_
https://t.me/doctoristishara1
و وصلنا لعمر ٩ ايام
و بدا الخروج يتأخر
يعني كان كلش هوايه يطلع بعد كل رضعه
و بدا يتأخر مره باليوم
او كل يومين مره
بس بدا يعصر و يحمر من يصير عنده خروج
و نوبات يبجي من يصير عنده خروج
رغم ان قوام الخروج طبيعي
شنو الموضوع؟
اولا انظري للموضوع بنظره ايجابيه
انه بدا يستفاد من الحليب اكثر
فبدت الامعاء تتحسن و بالتالي الخروج يقل
ثانيا
ابو الرضاعه الطبيعيه يصير عنده خروج كل اسبوع مره طبيعي
و ابو الرضاعه الصناعيه يصير عنده خروج كل ٥ ايام مره طبيعي
اهم شي
و اهم شي
قوام الخروج
اذا طبيعي فطبيعي
زين و التعصر و البجي؟
ما هو الطفل ما يعرف اصلا شلون يسوي خروج فيعصر
شويه شويه يتعلم
بس العلم يكول انه البروبايوتك تقلل هذه التحزق
اي نوعيه تقلل الحزق؟
Lactobacillus reuteri
Bifidobacterium breve
و كلش مفيده
هم للامعاء و هم للمغص و هم للمناعه
و كلش مع اعطاؤها اول الف يوم من حياه الطفل
و الحليب؟
اذا الخروج صلب غيري النوعيه اذا صناعي
و اذا الخروج صلب و انت ترضعين طبيعي اكلي خوخ و برتقال
بس ملاحظه
البرتقال يسوي مغص في بعض الاطفال
مثله مثل الحليب و مشتقاته و البقوليات
المهم نرجع
اكو سلسله اسمها
#يوم_بيوم
نتابع بيها الطفل يوم بيوم
و اليوم وصلنا لليوم التاسع
د. سيف سمير البياتي اخصائي طب الاطفال
$$$$
https://t.me/doctoristishara1
وبمرور الأشهر تزيد مهارته، إلى أن يصبح الاعتماد على الكوب أسهل بكثير.
المهم لا نستعجل ولا نخلي الانتقال معركة.
🥕
شنو أرتب له الأكل؟
ماكو قانون يقول لازم الطفل يأكل الخضار أولاً ثم الفواكه ثم اللحوم.
الأهم هو التنوع.
حاولوا تدخلون تدريجياً:
🥦
خضار
🍐
فواكه
🌾
حبوب مثل الرز والشوفان والقمح
🥩
لحوم ودجاج
🐟
سمك مناسب
🥚
بيض
🫘
بقوليات
🥛
ألبان مناسبة لعمر الطفل
ومن المهم أن يحتوي غذاء الطفل على تنوع من المجموعات الغذائية، مع التركيز على الأطعمة الغنية بالعناصر الغذائية.
⚠️
وإذا تغير الخروج؟
طبيعي جداً يتغير البراز بعد بدء الطعام.
ممكن يتغير:
💩
اللون
💩
الرائحة
💩
القوام
💩
عدد مرات التبرز
وممكن بعض الأطفال يصير عندهم إمساك مؤقت بسبب تغيير النظام الغذائي.
لكن إذا صار الإمساك شديد أو مستمر، أو ظهر دم بالبراز، أو صار قيء، أو انتفاخ شديد، أو الطفل ما دا ينمو بشكل طبيعي، هنا لازم مراجعة طبيب أطفال.
🩸
ليش أحچي هواية عن طعام الأطفال؟
لأن مرحلة إدخال الطعام مو مجرد تجربة نكهات.
هي مرحلة مهمة جداً لبناء عادات الأكل وتوفير الحديد والزنك والبروتين وبقية العناصر الغذائية التي يحتاجها الطفل للنمو.
ولهذا فكرة:
"خليه على الحليب وحده أطول فترة ممكنة"
مو صحيحة بعد عمر 6 أشهر.
الحليب مهم جداً، لكن بعد 6 أشهر نحتاج نضيف طعاماً مناسباً وآمناً حتى نغطي الاحتياجات الغذائية المتزايدة للطفل.
❤️
وأخيراً…
طفلك مو مشروع مقارنة مع طفل الجيران.
مو شرط يأكل نفس الكمية.مو شرط يحب نفس الأطعمة.ومو شرط يتطور بنفس السرعة.
ابدؤوا بهدوء، قدموا أكل متنوع، احترموا إشارات الجوع والشبع، ولا تجبرون الطفل.
الأكل الصحي مو بس حتى يشبع الطفل…الأكل الصحي هو حتى نعلّمه علاقة صحيحة مع الطعام من البداية.
❤️
وأهم شيء:
الحليب + الطعام التكميلي + التنوع + الصبر + عدم الإجبار = بداية جميلة وصحية.
🥰
د. سيف سمير البياتي أخصائي طب الأطفال
_
https://t.me/doctoristishara1
طعام الأطفال… من أول ملعقة إلى أكل البيت
ادري و الله البوست طويل
بس علمود يختصر كل الاسئله بخصوص طعام الاطفال؟
من أكثر الأسئلة اللي تتكرر :
دكتور، ابني كمل 4 أشهر… أبدأ له أكل؟ لو أنتظر 6 أشهر؟
🤔
خلونا نرتب الموضوع من البداية، لأن دخول الطعام مو مجرد "عمر الطفل صار كذا، يلا نبدأ".
👶
متى نبدأ الطعام؟
التوصيات الحالية حسب الصحه العالميه تنصح بأن تكون الرضاعة الطبيعية حصرية خلال أول 6 أشهر (180 يوم)، وبعدها نبدأ الطعام التكميلي مع استمرار الرضاعة.
بس منظمات اخرى تكول ٤ أشهر و أبرزها المنظمه الاوربيه لأمراض الجهاز الهضمي و الكبد ESPGHAN
بس بشروط معينه اهمها
✅️
مضاعفه وزن الولاده
✅
يسيطر على رأسه ورقبته بشكل جيد
✅
يقدر يجلس مع مساعدة ودعم
✅
ما يدفع الطعام بلسانه بشكل تلقائي
✅
يهتم بالأكل ويتابعه بعينه ويحاول يشارككم
✅
يقدر يفتح فمه عندما يُقدَّم له الطعام
✅
يكون نموه ووزنه مناسبين لعمره
⏱️
أول وجبة… شنو أسوي؟
أول تجربة ممكن نخليها بوقت الظهر أو خلال النهار، حتى نكون قادرين نراقب الطفل إذا ظهر أي عرض غير معتاد.
ونبدأ بكمية صغيرة جداً، مثل ملعقة أو ملعقتين، ثم نزيد تدريجياً حسب تقبّل الطفل وشهيته.
والأهم:
🚫
لا نجبر الطفل على الأكل.
إذا سد فمه، لف وجهه، أو فقد اهتمامه… نوقف ونحاول بوقت آخر.
الأكل مو معركة
😅
❤️
الطفل يتعلم الأكل تدريجياً، والهدف بالبداية مو أن "يشبع من الوجبة"، وإنما أن يتعلم الطعم والقوام وطريقة الأكل.
🥣
شنو يكون قوام الطعام؟
بالبداية ممكن يكون الطعام مهروساً أو طرياً وسهل البلع، وبعدها نزيد القوام تدريجياً حسب قدرة الطفل.
ومع تطور مهاراته، ننتقل من المهروس إلى الطعام الأكثر خشونة، ثم الطعام الذي يستطيع يمسكه بيده.
من حوالي 8 أشهر، معظم الأطفال يستطيعون البدء بأطعمة الإصبع المناسبة والطرية، وبعمر سنة يستطيع معظم الأطفال تناول نفس أنواع أكل العائلة إذا كان محضراً بطريقة مناسبة وآمنة.
🍐
وطعام الأصابع؟
أحب هذه الطريقة جداً
❤️
لأنها تساعد الطفل يتعلم يعتمد على نفسه، وتمسك الأكل بيده، وتطوّر مهاراته الحركية وتخليه يتفاعل مع الطعام بصورة طبيعية.
لكن لازم يكون الطعام:
طري + مناسب لحجم الطفل + بدون خطر اختناق.
وبعمر 9 أشهر تقريباً يبدأ الطفل يطور مهارة التقاط القطع الصغيرة باستخدام الإبهام والسبابة.
وبعمر سنة، أغلب الأطفال يگدرون ياكلون أكل البيت نفسه، مع الانتباه إلى الملح والسكريات والقوام وخطر الاختناق.
🚫
شنو الأشياء الممنوعة؟
❌
العسل قبل عمر سنة
❌
السكر المضاف
❌
الإكثار من الملح والأطعمة العالية بالصوديوم
❌
العصائر والمشروبات السكرية
❌
المكسرات الكاملة لأنها ممكن تسبب اختناق
❌
أي طعام قاسي أو دائري أو بحجم وشكل ممكن يسد مجرى التنفس
🥩
اللحم للطفل؟
نعم، وبقوة!
❤️
من بداية إدخال الطعام نريد نهتم بالأطعمة الغنية بالعناصر الغذائية، خصوصاً مصادر الحديد والزنك.
ممكن نقدم:
🥩
لحم
🍗
دجاج
🐟
سمك مناسب وآمن
🥚
بيض
🫘
بقوليات مناسبة لعمر الطفل
واللحوم والأطعمة الحيوانية مهمة جداً خلال هذه المرحلة، خصوصاً لأن احتياجات الطفل من الحديد والعناصر الغذائية تزداد مع النمو.
🥚
والبيض؟
نعم، يمكن تقديم البيض من عمر 6 أشهر ضمن الطعام التكميلي، إذا كان الطفل مستعداً للأكل.
وماكو داعي للفكرة القديمة أن لازم نبدأ بالصفار وننتظر أيام حتى نعطي البياض.
المهم يكون البيض مطبوخاً بشكل جيد وبكمية مناسبة لعمر الطفل.
بس عادي ابدي صفار وره ٣ ايام بياض بيض
🫖
والشاي؟
لا تعطون الطفل شاي.
❌
خصوصاً مع وجباته، لأن الشاي ممكن يقلل امتصاص الحديد، والحديد عنصر مهم جداً خلال مرحلة النمو.
وإذا الطفل يشرب شاي، لا تعتبرونه بديلاً عن الحليب أو الماء أو الطعام.
🦠
شنو قصة البروبيوتك؟
وهنا نقطة مهمة كثير من الأمهات ما يعرفوها.
الأمعاء تحتوي على مليارات الكائنات الدقيقة، وتوازن هذه البيئة المعوية له علاقة بالهضم والمناعة ووظيفة الجهاز الهضمي.
البروبيوتك هي كائنات حية نافعة تُستخدم في بعض الأطعمة أو المكملات، لكن مو كل بروبيوتك نفس الشي، والفائدة تعتمد على نوع السلالة والطفل والسبب الذي نستخدمها من أجله.
فإذا فكرتِ تضيفين منتج بروبيوتك لطفلك، لا تختارين أي منتج عشوائياً؛ شوفي السلالة، العمر المناسب، طريقة الاستخدام، والجرعة،
وبعض المنتجات المخصصة للأطفال، مثل أوبتيباك، قد تحتوي على سلالات بروبيوتك مخصصة لدعم صحة الجهاز الهضمي
فوائدها هوايه خصوصا ويه بدايه الاكل
🍼
والحليب والرضاعة؟
هنا لازم ننتبه إلى كلمة مهمة:
طعام تكميلي… مو طعام بديل.
يعني لما نبدأ الأكل بعمر 6 أشهر، ما نترك الرضاعة.
نستمر بالرضاعة الطبيعية حسب حاجة الطفل، والطعام يضاف حتى يكمل احتياجاته الغذائية المتزايدة و شويه شويه نفطم
🥛
والكوب؟
من عمر 6 أشهر نبدأ ندرب الطفل تدريجياً على الكوب.
اليوم هو الثامن من عمر الطفل
و لاحظتي انه ابو صفار بدا يزيد على غير المتوقع
او لاحظتي انه ابو صفار بدا اليوم
لحظه دكتور
ابو صفار حجيت عنه مسبقا؟
اي حجيت عنه بس ما حجيت عن ابو صفار الناتج عن الرضاعه الطبيعيه!!
و لهذا كلتلك اليوم راح يبدي
اليوم هو الثامن
و ابو صفار الناتج عن الرضاعه الطبيعيه يبدي بالاسبوع او يزيد بالاسبوع الثاني
لذلك ماكو نظريه تكول انه نقطع حليبك بالاسبوع الاول
المهم خلينا نسولف عن ابو صفار الناتج عن الرضاعه الطبيعيه
و عن جمله (افطمي لأن حليبچ يسوي أبو صفار؟)
خل نهدّأ شوي وناخذ نفس عميق… ونفهم العلم صح
👇
السلام عليكم
🌿
اليوم واجبنا ندحض إشاعة منتشرة بكل بيت:
"افطمي لأن حليبچ يسوي أبو صفار"
الموضوع يحتاج تركيز شوي لأن بيه تفاصيل مهمة جدًا،
وشرحت قبل عن أبو صفار، بس اليوم نشرحه من الصفر وبطريقة علمية بسيطة.
---
نبدي من البداية ونحچي مبادئ أساسية
👶
أثناء الحمل
المشيمة (الجاره) هي الجسر بينچ وبين الطفل:
تنطيه الغذاء
وتاخذ فضلات جسمه ومن ضمنها جزيئات أبو صفار وتوديها لجسمچ، وجسمچ يطرحها عن طريق الكبد والكلية.
📌
معلومة مهمة:
خلايا الدم تعيش 120 يوم فقط ثم تتحلل، ومن تتحلل تطلع منها جزئيا، نسميها جزيئات أبو صفار.
بهذا العمر، المشيمة كانت تتكفل تتخلص منها بكل سهولة.
---
شنو يصير بعد الولادة؟
🎉
صارت الولادة وألف مبروك
المشيمة طلعت… والطفل صار وحده
وتكسر الدم راح يستمر بمعدله الطبيعي (1% يوميًا)
لكن هالمرة:
ماكو مشيمة تساعد
لازم كبد الطفل هو اللي يشتغل ويتخلص من مادة أبو صفار
وهنا المشكلة: الكبد بعده جديد ومو ناضج بالكامل وينرادله كم يوم حتى يتأقلم ويشتغل بكامل طاقته.
ولهذا:
🔸
يرتفع أبو صفار
🔸
وغالبًا يكون بسيط ويختفي خلال أيام
ومرات يكعد أعلى إذا:
أكو اختلاف دم بين الأم والطفل
أو تكسر الدم أعلى من الطبيعي وهنا نحتاج متابعة طبية وربما دخول مستشفى.
---
شنو يسوي العلاج الضوئي؟
علاج الضوء مو "شمعة"
😅
هو ضوء طبي خاص يعبر الجلد ويكسر جزيئات أبو صفار ويحولها لصيغة يطرحها الجسم بسهولة مع البول والخروج
💛
---
شنو تأثير الرضاعة؟
الحليب = طاقة
وكلما زادت الرضاعة:
نضج الكبد أسرع
نزل أبو صفار أسرع يعني ترك الرضاعة مو حل إلا بحالات خاصة جدًا.
---
نجي للسؤال الذهبي
هل حليب الأم ممكن يسوي أبو صفار؟
نعم… ممكن ويسموه (Breast milk jaundice)
لأن حليب الأم يحتوي مادة تعطل بعض إنزيمات الكبد المسؤولة عن تكسير أبو صفار.
لكن:
✔
إذا الكبد ناضج: ماكو مشكلة
✔
إذا الكبد بعده ضعيف: ممكن يرتفع الرقم
---
طيب والحل؟
1️⃣
مراجعة الطبيب
تأكد أنه ماكو سبب مرضي
2️⃣
إذا أبو صفار بسيط
الطبيب راح يكولچ:
استمري بالرضاعة وكثريها
❤️
لأنها تساعد الكبد يشتغل أسرع
3️⃣
إذا الرقم عالي
وهنا انتبهولي
👇
ممكن نقطع الرضاعة 24 ساعة فقط فقط فقط
حتى تنشط أنزيمات الكبد، وبعدها ترجعي ترضعي طبيعي
مو أكثر من 24 ساعة
🔥
---
الخلاصة
يا أمي يا تاج الراس
💛
الموضوع كله وقت ونضج كبد…
مو ثوم… ولا مشروبات سحرية… ولا فطام خاطئ
ورب العالمين قال:
> وتبارك الله أحسن الخالقين
د. سيف سمير البياتي
أخصائي طب الأطفال
👶
💙
الصوره للاكتشاف اللي تم بمحض الصدفه لعلاج الابو صفار تحت ضوء الشمس حيث لاحظن الممرضات انه أبو صفار يقل بالاطفال اللي يخلوهم تحت اشعه الشمس
اللي ما متابعني خل يتابع سلسله
#يوم_بيوم
اتابع بيها الطفل يوم بيوم
اليوم كان اليوم الثامن
_
https://t.me/doctoristishara1
الطهور !
الختان !
اليوم هو السابع من عمر الطفل
و اللي ما متابع خل يتابع السلسله الجديده من مشوار الطفل و بيها نتابع الطفل يوم بيوم
و وصلنا بيها لسابع يوم من عمر الطفل
و هوايه يختارون هذا اليوم للختان بوازع ديني او تقليدي
و خلينا نسولف
الهاشتاك
#يوم_بيوم
حتى ما تضيع منكم البوستات
❤
شنو احسن وقت للطهور ؟
اول ايام بعد الولاده
❤
اي تحضيرات مهمه؟
إعطاء فيتامين K بعد الولاده مباشرة
❤
يفرق صيف او شتاء ؟
اهميه الطهور بالشهر الأول تفوق الموسم لذلك الأفضل مبكرا
❤
دينيا نعرف ان الختان واجب عند اليهود و المسلمين فهل هو ضروري طبيا؟
الختان يقلل خطر الاصابه بالتهاب المسالك البوليه ٢٠ إلى ٣٠ مره
و يقلل من الاصابه بالامراض المنتقله جنسيا عند البلوغ و يقلل خطر الاصابه بسرطان العضو الذكري
❤
اني افضل تأجيل الختان بعد الأربعين شتكول؟
ما افضل
المضاعفات تزداد ٣ أضعاف اذا تاخر الختان بعد الشهر الأول
❤
حضرتك تسوي ختان ؟
لا طبعا
الأفضل إجراء الختان بيد جراح اطفال
❤
كوي او جراحي ؟
جراحي
❤
بيه ابو صفار عادي اطهر؟
اي عادي
❤
شوكت طهرت ابنك؟
ثاني يوم بالشتاء عند طبيب اختصاص جراحه اطفال او جراحه مجاري بولية
❤
اكو موانع للطهور؟
نعم
الطفل غير مكتمل النمو ( يعني ما داخل بالشهر التاسع من الحمل )
او الطفل مطهر طهور ملائكي ( المبال التحتاني)
اي تشوهات في القضيب
❤
توصيات دوليه؟
الجمعيه الامريكيه لطب الأطفال بعدها ما ناصحه بالختان للكل بس تشجع عليه و تدعو للختان مبكرا خلال اول ٢٨ يوم بعد الولاده
♥️
زين دكتور ابننا كبر و عبر الشهر شنسوي؟
طهره هسه
اليوم احسن من بكره
فالختان المتأخر يزيد خطر الاصابه بالتهاب المسالك البوليه
♥️
و اذا عبر السته اشهر من العمر؟
نفس الحجي بس خليكم منفتحين على خيار التخدير العام
لان التجربه بهذا العمر مو لطيفه و تحمل ذكريات سيئه للطفل
و كلش معاها
د. سيف سمير البياتي اخصائي طب الاطفال
_
'
https://t.me/doctoristishara1
اليوم يا يوم ؟
اليوم هو السادس
و شكو باليوم السادس
السره وكعت باليوم السادس
تعالوا نسولف
رعاية السره
الحبل السري هو طريق تغذيه طفلك و عند الولاده يتم قطعه قريبا من جسمه
شوكت يوكع الحبل السري:
يوكع الحبل السري من 7 إلى 21 يوم بعد الولاده
و من يوكع احتمال ينضح دم بسيط أو سائل اصفر بسيط
لا تخافين هذا طبيعي
شون نعتني بالحبل السري؟
ما يدخل ضمن الحفاظه مثل الصوره
الأهم أن يبقى جافا
يعني أنه ما يدخل ضمن الحفاظه
و تتجنبين يوصل اله المي بالغسل
أبد لا تحاولين تسحبيه حتى لو باقيه شعره بينه و بين الجلد
ماكو داعي للكحول الطبي إلا بوصفه طبيب
.
.
.
التهاب الحبل السري هو أنه تصير قاعدته حمره او تشوفين ابنك يتأذى من تلمسين الجلد داير ما داير قاعده السره أو ارتفاع بالحرارة أو ريحه ما طيبه من السره
و هنا لازم تراجعين الطبيب
كذلك إذا لاحظتي أن النزف غير طبيعي لازم تراجعين
المقال حسب توصيات منظمه الصحه العالميه
و الصوره توضح انه التنظيف فقط داير مداير السره فقط و فقط إذا كان اكو اوساخ أو بقايا نسيج
عداها ما يحتاج
#ملاحظه
: الحبل السري لا يحتوي على أعصاب حسية فما ياذي مثل ما هوايه يتوقعون
و وكعت السره شاسوي؟
و لا شي و باجر أن شاء الله عمر الطفل اسبوع و وكعت السره و راح نغسله
يلا خلي نسولف عن اول حمام يوم غد
ويايه بالسلسله الجديده
#يوم_بيوم
د. سيف سمير البياتي اخصائي طب الاطفال
___
https://t.me/doctoristishara1
الكماط اي لو لا؟
الطفل بعده اليوم عمره ٥ ايام
نكمطه لو لا؟
الكماط أو تكميط الطفل حاله مو بس موجوده بالعراق و إنما موجوده بكل دول العالم و هي بازدياد بامريكا لأن تضمن نومه هانئه للطفل و سهوله انه تشيل الطفل
موضوع مع أو ضد
الموضوع بعده ما انخصم من قبل جمعيه طب الأطفال الامريكيه
بس من نقرر نكمط و خلص خلونا نكمط بالطريقه الصحيحه
أهم توصيات الجمعيه :
1. طريقه الكماط الصحيحه موجوده الصوره
2. خلي مساحة كافيه لحركة الرجلين
3. أهم شي لا تخلي الرجلين ممدات و بقوه مثل ما أكثر الأمهات يسوون
4. ماكو داعي للكماط بعد شهرين
فإذن خيار الكماط متروك الكم
لا اللي يكمط غلط
و لا اللي ما يكمط غلط
بس الأهم يصير بالطريقه الصحيحه
و مثل ما تشوفون بالصوره شون في حاله الرجلين حره و شون المفصل بمكانه في حين اللي رجليه مضبوبه شون المفصل على وشك يطلع
ملاحظه: اللي اقصده بالبوست هو انه الكماط اللي يعدل الرجلين عامل خطوره مو الا يصير
و لا كل اللي يتكمطون يصير عدهم خلع
الصوره من المعهد الدولي لخلع مفصل الورك
#كماط
#يوم_بيوم
د. سيف سمير البياتي اخصائي
طب الاطفال
$$
https://t.me/doctoristishara1