Farg'ona viloyat Kengashi

Jamoatchilik eshituvida ekologik madaniyatni yuksaltirish masalasi
Fargʻona shahridagi "Eko shahar" massivida joylashgan Lola Murotova nomidagi qishloq xoʻjaligiga ixtisoslashtirilgan texnikumida deputatlar, partiyaning viloyat Kengashi a’zolari, professor oʻqituvchilar, mahalla faollari va ekofaol yoshlar ishtirokida jamoatchilik eshituvi oʻtkazildi.
Batafsil videoda....
Rasmiy sahifalarimiz:
Telegram
|
Instagram

Jamoatchilik eshituvida ekologik madaniyatni yuksaltirish masalasi
Fargʻona shahridagi "Eko shahar" massivida joylashgan Lola Murotova nomidagi qishloq xoʻjaligiga ixtisoslashtirilgan texnikumida deputatlar, partiyaning viloyat Kengashi a’zolari, professor oʻqituvchilar, mahalla faollari va ekofaol yoshlar ishtirokida O‘zbekiston Respublikasi Prezidentining 2025-yil 15-maydagi PQ 184 -son qarori yuzasidan jamoatchilik eshituvi oʻtkazildi.
Uchrashuvda belgilangan vazifalarning hududlardagi ijrosi, ta’lim muassasalarida ekologik ta’lim va tarbiyani rivojlantirish, ekologik burchaklar va yashil hududlar tashkil etilishi, chiqindi qutilaridan toʻgʻri foydalanish madaniyatini yuksaltirish, yoshlar o‘rtasida sportni ommalashtirish, suv va energiya resurslaridan oqilona foydalanish, shuningdek, mavjud muammolarni aniqlash va ularni bartaraf etish chora-tadbirlari haqida soʻz yuritildi.
Rasmiy sahifalarimiz:
Telegram
|
Instagram

#Live
#Sport_forumi
#Fargʻona_jamoasi
Sog‘lom turmush tarzi bilan ekologik barqarorlik sari
Bugun Toshkent viloyatining Bo‘stonliq tumanida O‘zbekiston Ekologik partiyasi xodimlari o‘rtasida Mustaqilligimizning 35 yilligi munosabati bilan
"Sog‘lom turmush tarzi bilan ekologik barqarorlik sari"
shiori ostida sport forumi bo‘lib o‘tmoqda.
Ushbu forumda partiyaning Fargʻona viloyati Kengashi jamoasi ham munosib ishtirok etishmoqda.
Jarayonlarni biz bilan birgalikda kuzatib boring!.
Rasmiy sahifalarimiz:
Telegram
|
Instagram

#Beshariq_tumani
#Ayollar_klubi
Ayol - kelajak bunyodkori: xotin-qizlarning jamiyatdagi o‘rni muhokama qilindi
O‘zbekiston Ekologik partiyasi Beshariq tuman Kengashi raisi, Xalq deputatlari tuman Kengashi deputati Muattarxon Sulaymonova tomonidan tumandagi 7-umumiy orta ta'lim maktabida faoliyat olib borayotgan xotin-qizlar ishtirokida “Ayol - kelajak bunyodkori” mavzusida davra suhbati o‘tkazildi.
Davra suhbatida ta'lim sohasida fidokorona mehnat qilayotgan shifokorlar, hamshiralar va boshqa tibbiyot xodimlarining jamiyat salomatligini ta’minlashdagi o‘rni alohida ta’kidlandi.
Tadbir davomida “Ayol — kelajak bunyodkori” g‘oyasining mazmun-mohiyati, ayolning oiladagi, mehnat jamoasidagi va jamiyatdagi o‘rni haqida fikr almashildi.
Bugungi kunda xotin-qizlar uchun yaratilayotgan imkoniyatlardan samarali foydalanish, ularning huquq va manfaatlarini himoya qilish, kasbiy bilim va ko‘nikmalarini rivojlantirish masalalariga ham alohida e’tibor qaratildi.
Shuningdek, ayollarning bandligini ta’minlash, munosib mehnat sharoitlarini yaratish, ularning ijtimoiy faolligini oshirish hamda jamiyatda o‘z o‘rnini topishi uchun zarur shart-sharoitlarni kengaytirish borasidagi vazifalar yuzasidan fikrlar bildirildi.
Ochiq muloqot ruhida o‘tgan tadbirda ishtirokchilar o‘zlarini qiziqtirgan masalalar yuzasidan fikr va takliflarini bildirdilar.
✅
Ekopartiya Fargʻona viloyat Kengashi matbuot xizmati

#Ozbekiston_tumani
#Jamoatchilik_eshituvi_monitoring
Islom mahallasida jamoatchilik nazorati kuchaytirilmoqda
O‘zbekiston Ekologik partiyasi O‘zbekiston tuman Kengashi raisi Nog‘oraxon Kamoliddinova tomonidan tumandagi Islom mahalla fuqarolar yig‘ini hududida jamoatchilik nazorati tadbiri o‘tkazildi.
Jamoatchilik nazorati davomida mahalla hududining sanitariya va obodonlik holatiga, atrof-muhit musaffoligini ta’minlash, chiqindilarni belgilangan tartibda yig‘ish va olib chiqib ketish, hududlarni toza va saranjom saqlash masalalariga e’tibor qaratildi.
Mahalladagi mavjud infratuzilma holati, umumiy foydalanishdagi hududlarning obodligi hamda aholi uchun qulay va sog‘lom yashash muhitini yaratish borasidagi ishlar ham o‘rganildi. Aniqlangan masalalar yuzasidan ularni bartaraf etishning amaliy yo‘llari haqida fikr almashildi.
Tadbir davomida fuqarolar bilan muloqot qilinib, ularning mahalladagi ekologik va ijtimoiy masalalarga oid fikr-mulohazalari tinglandi. Aholi tomonidan bildirilgan taklif va murojaatlar tegishli tartibda o‘rganib chiqish uchun qayd etildi.
Jamoatchilik nazorati davomida aniqlangan masalalarni tegishli tashkilotlar bilan hamkorlikda hal etish, ularning ijrosini nazoratga olish va mahalla hududida ekologik holatni yanada yaxshilash bo‘yicha takliflar ilgari surildi.
✅
Ekopartiya Fargʻona viloyat Kengashi matbuot xizmati

#Ozbekiston_tumani
#Eko_sana
T
abiatni asrash - kelajakni asrash demakdir
O‘zbekiston Ekologik partiyasi O`zbekiston tuman Kengashi raisi Nogoraxon Kamolidinova tomonidan tumandagi Wunderkend o`quv markazi ting'lovchilari o`rtasida  11-sentyabr - Butunjahon yovvoyi tabiat jamg‘armasi tashkil topgan kun munosabati bilan ochiq muloqot tashkil etildi.
Ochiq muloqot davomida yovvoyi tabiatning inson hayoti va ekologik muvozanatni ta’minlashdagi o‘rni haqida bolajonlarga tushunchalar berildi. Tabiiy ekotizimlarning barqarorligi, hayvonot va o‘simlik dunyosining xilma-xilligi tabiatdagi muvozanatni saqlashda muhim ahamiyatga ega ekani ta’kidlandi.
Noyob va yo‘qolib borayotgan hayvon hamda o‘simlik turlarini muhofaza qilish, ularning tabiiy yashash muhitini asrash, noqonuniy ovchilik va tabiatga zarar yetkazuvchi boshqa omillarning oldini olish masalalariga alohida e’tibor qaratildi.
Muloqotda ekologik madaniyatni bolalikdan shakllantirish muhimligi qayd etildi. Bolalarga tabiatni asrash faqatgina mutaxassislar yoki tegishli tashkilotlarning vazifasi emas, balki har bir fuqaroning kundalik hayotidagi mas’uliyati ekani uqtirildi.
Atrof-muhitni ifloslantirmaslik, chiqindilarni belgilangan joylarga tashlash, yashil hududlarni asrash, daraxt va o‘simliklarga zarar yetkazmaslik, yovvoyi hayvonlarni bezovta qilmaslik kabi oddiy, ammo muhim ekologik odatlar haqida fikr yuritildi.
Tadbir davomida bugungi ekologik muammolar, jumladan, tabiiy resurslardan oqilona foydalanish, yashil hududlarni kengaytirish, biologik xilma-xillikni saqlash va tabiatga inson ta’sirini kamaytirish masalalari yuzasidan fikr almashildi.
✅
Ekopartiya Fargʻona viloyat Kengashi matbuot xizmati

#Margilon_shahri
#Murojaat
Sog‘lom hayot va toza muhit sari qadam
.
O‘zbekiston Ekologik partiyasi Marg'ilon shahar Kengashiga shahardagi Orol bo'yi mahalla fuqarolar yig‘inida istiqomat qiluvchi fuqaro Nargiza Abduraxmonova tomonidan hududdan chiqindilarni o`z vaqtida olib ketilmayotgani ketilmayotgani, natijada ayrim joylarda chiqindilar to‘planib qolayotgani yuzasidan yollangan murojaat o`rganildi.
Mazkur murojaat O‘zbekiston Ekologik partiyasi Marg'ilon shahar Kengashi raisi Martlyubaxob Abduraxmonova tomonidan nazoratga olinib, masalani tezkor hal etish maqsadida chiqindilarni olib chiqish xizmatini ko‘rsatuvchi tashkilot bilan telefon orqali bog‘lanildi.
Murojaat mazmuni mutasaddilarga yetkazilib, hududdagi sanitariya va obodonlashtirish holatini yaxshilash, to‘planib qolgan chiqindilarni o‘z vaqtida olib chiqish bo‘yicha tegishli choralar ko‘rilishi so‘raldi.
Natijada fuqaro tomonidan bildirilgan murojaat amaliy jihatdan o‘z yechimini topdi. Chiqindilarni olib chiqish masalasi ijobiy hal etilib, hududdagi sanitariya holatini yaxshilashga qaratilgan zarur choralar ko‘rildi.
✅
Ekopartiya Fargʻona viloyat Kengashi matbuot xizmati

#Quva_tumani
#Murojaat
Damaroq mahallasini asfaltlashtirish masalalari muhokama qilindi
Oliy Majlis Qonunchilik palatasi deputati, O‘zbekiston Ekologik partiyasi fraksiyasi a’zosi Javlon Abdullaevning Farg‘ona viloyatiga tashrifi doirasida Quva tumanidagi Damariq mahalla fuqarolar yig‘ini hududida aholi vakillari bilan ochiq muloqot o‘tkazildi.
Ochiq muloqot davomida mahalla hududining infratuzilmasini yaxshilash, aholi uchun qulay va munosib yashash sharoitlarini yaratish bilan bog‘liq masalalar atroflicha muhokama qilindi. Fuqarolar o‘zlarini qiynayotgan muammolar, mavjud kamchiliklar va ularni bartaraf etish yuzasidan takliflarini bildirdilar.
Deputat Javlon Abdullaev tomonidan aholi murojaatlari va takliflari diqqat bilan tinglanib, ko‘tarilgan har bir masalaning ijtimoiy ahamiyati, dolzarbligi hamda yechim imkoniyatlari yuzasidan fikr almashildi.
Ayniqsa, mahalla infratuzilmasini rivojlantirish masalalarida aholining bevosita ishtirokini ta’minlash, fuqarolar tashabbuslarini qo‘llab-quvvatlash va mavjud imkoniyatlardan samarali foydalanish muhimligi ta’kidlandi.
Mahalladagi muammolarni bosqichma-bosqich hal etish, tegishli tashkilotlar bilan hamkorlikni kuchaytirish hamda aholining murojaatlarini nazoratga olish bo‘yicha zarur vazifalar belgilab olindi.
Muloqot davomida hududni obodonlashtirish, mavjud infratuzilma obyektlaridan foydalanish sharoitlarini yaxshilash, aholining kundalik ehtiyojlariga daxldor masalalarni hal etish borasida ham fikrlar bildirildi.
Hududdagi mavjud muammolarni hal etish bo‘yicha amaliy choralar ko‘rish hamda belgilangan vazifalarning ijrosini nazorat qilish yuzasidan mutasaddilarga tegishli ko`rsatmalar berildi.
✅
Ekopartiya Fargʻona viloyat Kengashi matbuot xizmati

#Margilon_shahri
#Murojaat
Orol bo'yi mahalla fuqarolar yig'ini muammolari o`rganildi
O‘zbekiston Ekologik partiyasi Marg‘ilon shahar Kengashi raisi, Xalq deputatlari Marg‘ilon shahar Kengashi deputati Matlyubaxon Abduraxmonova tomonidan shahardagi Orol bo'yi mahalla fuqarolar yig‘ini raisi va fuqarolari bilan ochiq muloqot o‘tkazildi.
Ochiq muloqot davomida mahalla hududining infratuzilmasini yaxshilash, aholi uchun qulay va munosib yashash sharoitlarini yaratish bilan bog‘liq masalalar atroflicha muhokama qilindi. Fuqarolar o‘zlarini qiynayotgan muammolar, mavjud kamchiliklar va ularni bartaraf etish yuzasidan takliflarini bildirdilar.
Deputat Javlon Abdullaev tomonidan aholi murojaatlari va takliflari diqqat bilan tinglanib, ko‘tarilgan har bir masalaning ijtimoiy ahamiyati, dolzarbligi hamda yechim imkoniyatlari yuzasidan fikr almashildi.
Ayniqsa, mahalla infratuzilmasini rivojlantirish masalalarida aholining bevosita ishtirokini ta’minlash, fuqarolar tashabbuslarini qo‘llab-quvvatlash va mavjud imkoniyatlardan samarali foydalanish muhimligi ta’kidlandi.
Mahalladagi muammolarni bosqichma-bosqich hal etish, tegishli tashkilotlar bilan hamkorlikni kuchaytirish hamda aholining murojaatlarini nazoratga olish bo‘yicha zarur vazifalar belgilab olindi.
Muloqot davomida hududni obodonlashtirish, mavjud infratuzilma obyektlaridan foydalanish sharoitlarini yaxshilash, aholining kundalik ehtiyojlariga daxldor masalalarni hal etish borasida ham fikrlar bildirildi.
Fuqarolar tomonidan bildirilgan taklif va murojaatlarni tegishli tashkilotlar bilan hamkorlikda o‘rganish, mavjud muammolarni hal etish bo‘yicha amaliy choralar ko‘rish hamda belgilangan vazifalarning ijrosini nazorat qilish yuzasidan kelishib olindi.
✅
Ekopartiya Fargʻona viloyat Kengashi matbuot xizmati

#Margilon_shahri
#Yosh_ekologlar
“Badan tarbiya mashqlarining foydalari” — sog‘lom avlod sari muhim qadam
O‘zbekiston Ekologik partiyasi Marg‘ilon shahar Kengashi raisi, Xalq deputatlari Marg‘ilon shahar Kengashi deputati Matlyubaxon Abduraxmonova tashabbusi bilan shahardagi 12-son davlat maktabgacha ta’lim tashkiloti tarbiyalanuvchilari o‘rtasida “Badan tarbiya mashqlarining foydalari” shiori ostida sport musobaqalari tashkil etildi.
Musobaqalar davomida tarbiyalanuvchilar turli jismoniy mashqlar va sportga oid shartlarda o‘zlarining chaqqonligi, tezkorligi, epchilligi hamda jamoaviy hamkorlik qobiliyatlarini namoyish etdilar.
Tadbir jarayonida bolalarga badan tarbiya mashqlarining organizm uchun foydasi, muntazam jismoniy harakatning sog‘lom va faol hayot kechirishdagi o‘rni haqida tushunchalar berildi.
Musobaqalar davomida bolalarning har bir yutug‘i qo‘llab-quvvatlanib, ularga sportda eng muhimi g‘alabadan ko‘ra faol ishtirok etish, jamoa bilan hamjihat bo‘lish va o‘z imkoniyatlarini sinab ko‘rish ekani tushuntirildi.
Tadbir doirasida sog‘lom turmush tarzining muhim tarkibiy qismlari — to‘g‘ri ovqatlanish, shaxsiy gigiyenaga rioya qilish, ochiq havoda sayr qilish va jismoniy faollikni muntazam yo‘lga qo‘yish haqida ham fikr almashildi.
✅
Ekopartiya Fargʻona viloyat Kengashi matbuot xizmati