Farg'ona viloyat Kengashi

#Beshariq_tumani
Issiqxonalarda ekoreyd o‘tkazildi
😄
O‘zbekiston Ekologik partiyasi Beshariq tuman Kengashi raisi Muattarxon Sulaymonova boshchiligidagi ishchi guruh tomonidan tumandagi issiqxonalarda ekoreyd tashkil etildi. Mazkur tadbir hududda ekologik madaniyatni yuksaltirish, atrof-muhitni muhofaza qilish hamda yashil makonlarni kengaytirish borasida amalga oshirilayotgan ishlarni o‘rganishga qaratildi.
🟡
Ekoreyd davomida issiqxonalar faoliyati atroflicha ko‘zdan kechirilib, ularda yetishtirilayotgan o‘simliklar, parvarishlash jarayonlari hamda ekologik talablarga rioya etilish holati tahlil qilindi. Xususan, Fotimaxon Xo‘jaqulova tomonidan yuritilayotgan gulchilik issiqxonasi faoliyati bilan yaqindan tanishildi.
🟣
Tashrif chog‘ida issiqxonada gul ko‘chatlarini yetishtirish, ularni parvarishlash va ko‘paytirish jarayonlari o‘rganildi. Shuningdek, yetishtirilayotgan ko‘chatlardan aholi tomorqalari va jamoat joylarini ko‘kalamzorlashtirishda samarali foydalanish masalalariga alohida e’tibor qaratildi.
🔘
Mutaxassislar tomonidan issiqxona faoliyatini yanada takomillashtirish, ekologik toza mahsulot yetishtirish hamda hududda yashil hududlarni kengaytirish yuzasidan tegishli tavsiyalar berildi.
✅
Ekopartiya Fargʻona viloyat Kengashi matbuot xizmati

#Fargona_shahar
“Ko‘ngil ekologiyasi” — yoshlar qalbida tabiatga mehr uyg‘otgan tanlov
✅
Farg‘ona shahrida yoshlar o‘rtasida ekologik madaniyatni yuksaltirishga qaratilgan navbatdagi muhim tadbir tashkil etildi. O‘zbekiston Ekologik partiyasi Farg‘ona shahar Kengashi raisi Nilufarxon Isaqova tashabbusi bilan 30-umumiy o‘rta ta’lim maktabida “Ko‘ngil ekologiyasi” mavzusida rasmlar va loyihalar tanlovi bo‘lib o‘tdi.
🔘
Mazkur tanlovning asosiy maqsadi aholi, ayniqsa, yoshlar ongida atrof-muhitga nisbatan mas’uliyat hissini shakllantirish, ekologik madaniyatni oshirish hamda sog‘lom turmush tarzini keng targ‘ib etishdan iborat bo‘ldi. Tadbirda maktab o‘quvchilari o‘zlarining ijodiy ishlari — turli mavzulardagi rasmlar, ekologik loyihalar va innovatsion g‘oyalar bilan faol ishtirok etishdi.
🟣
Ishtirokchilar tomonidan taqdim etilgan ishlarda tabiatni asrash, chiqindilarni kamaytirish, yashil hududlarni kengaytirish, suv va havoni muhofaza qilish kabi dolzarb masalalar yoritildi. Yoshlarning ijodiy yondashuvi va atrof-muhitga befarq emasligi tanlov davomida yaqqol namoyon bo‘ldi.
🟡
Tanlov yakunida eng faol va iqtidorli o‘quvchilar munosib taqdirlanib, ularning kelgusidagi ekologik tashabbuslari qo‘llab-quvvatlandi. Tadbir ishtirokchilarda ekologik ongni mustahkamlash, tabiatga mehr va e’tibor tuyg‘usini yanada oshirishda muhim ahamiyat kasb etdi.
✅
Ekopartiya Fargʻona viloyat Kengashi matbuot xizmati

#Quvasoy_shahar
#Tabiat_uchun_onlayn_chellenji
Quvasoyda “Tabiat uchun” chellenji doirasida gul ko‘chatlari ekish aksiyasi o‘tkazildi
😄
Quvasoy shahrida atrof-muhitni muhofaza qilish va ekologik madaniyatni yuksaltirishga qaratilgan navbatdagi muhim tashabbus amalga oshirildi. O‘zbekiston Ekologik partiyasi tomonidan tashkil etilayotgan “Tabiat uchun” onlayn chellenji doirasida keng ko‘lamli obodonlashtirish ishlari olib borildi.
🔘
Mazkur tashabbusda partiyadan Xalq deputatlari Quvasoy shahar Kengashiga saylangan deputatlar hamda shahar Obodonlashtirish boshqarmasi xodimlari faol ishtirok etdi. Ular hamkorlikda shahar hududlarida gul ko‘chatlari ekib, yashil hududlarni kengaytirishga o‘z hissalarini qo‘shdilar.
🟡
Tadbir davomida ishtirokchilar atrof-muhitni asrash, yashil maydonlarni ko‘paytirish va aholining ekologik ongini oshirish bugungi kunning ustuvor vazifalaridan biri ekanini ta’kidladilar. Shuningdek, bunday amaliy tashabbuslar orqali fuqarolarni tabiatga e’tiborli bo‘lishga undash muhim ahamiyat kasb etishi qayd etildi.
Ekopartiya Fargʻona viloyat Kengashi matbuot xizmati

#Velomarafon
“Tabiat uchun birlashaylik”: Farg‘onada velomarafon o‘tkazildi
✅
Farg‘ona shahridagi Istiqlol stadionida “Tabiat uchun birlashaylik” shiori ostida velomarafon tashkil etildi. Tadbir O‘zbekiston Ekologik partiyasi Markaziy Kengashi Ijroiya qo‘mitasi hamda Oliy Majlis Qonunchilik palatasidagi ekofraksiya deputatlari tashabbusi bilan o‘tkazildi.
🔵
Mazkur velomarafonda Farg‘ona viloyati jamoatchiligi, turli tashkilot va idoralar vakillari faol qatnashdi. Xususan, Ekologik partiya viloyat Kengashi raisi o‘rinbosari Shoxrux Karichayev, viloyat sport boshqarmasi boshlig‘i Nodirbek Hakimov hamda boshqa mutasaddi rahbarlar ishtirok etdi.
🔵
Tadbir davomida so‘zga chiqqanlar atrof-muhitni muhofaza qilish, ekologik madaniyatni yuksaltirish va aholining sog‘lom turmush tarziga amal qilishini ta’minlash bugungi kunning muhim vazifalaridan biri ekanini alohida ta’kidladilar. Shuningdek, velosportni rivojlantirish orqali transport vositalaridan chiqadigan zararli gazlar miqdorini kamaytirish, ekologik barqarorlikka erishishda muhim omil bo‘lishi qayd etildi.
🔵
Velomarafon ishtirokchilari ushbu tashabbus orqali jamiyatda tabiatga ehtiyotkorona munosabatni shakllantirish, yoshlarni sog‘lom hayot tarziga jalb etish hamda ekologik ongni oshirishga o‘z hissalarini qo‘shdilar.
🔵
Tadbir davomida faol ishtirokchilar va tashabbuskorlar rag‘batlantirildi hamda bunday marafonni muntazam ravishda o‘tkazish zarurligi ta’kidlandi.
✅
Ekopartiya Fargʻona viloyat Kengashi matbuot xizmati

🔴
#Live
#Fraksiya_yigilishi
Raqamli texnologiyalar xalqaro markazi maxsus hudud maqomiga ega bo‘ladi
Partiyamiz fraksiyasining bugungi yig‘ilishida ko‘rib chiqilgan "Raqamli texnologiyalar xalqaro markazi to‘g‘risida"gi qonun loyihasi bilan bu aniq belgilanmoqda.
Ushbu Konstitutsiyaviy Qonunning maqsadi Raqamli texnologiyalar xalqaro markazining maxsus hudud sifatidagi maqomini va uning hududida amal qiladigan maxsus huquqiy rejimni belgilashdan iborat.
Ushbu qonun maxsus huquqiy rejimni belgilashga qaratilgan.
✅
Telegram
|
✅
Facebook
|
🌐
Instagram
|
🌐
Web site
|
📹
You Tube

#Rishton_tumani
Jamoatchilik nazorati va monitoringi: “Yashil makon” loyihasi doirasidagi ko‘chatlar holati o‘rganildi
✅
O‘zbekiston Ekologik partiyasi Rishton tumani Kengashi raisi Azizbek Saydullayev boshchiligidagi ishchi guruh tomonidan tumandagi 12-sonli davlat maktabgacha ta’lim tashkiloti hududida jamoatchilik monitoringi nazorati tadbiri o‘tkazildi.
🟡
Monitoring davomida muassasa hududida “Yashil makon” umummilliy loyihasi doirasida ekilgan ko‘chatlarning holati atroflicha ko‘zdan kechirildi. O‘rganish jarayonida ko‘chatlarni parvarishlash, sug‘orish tizimi, ularning yashovchanligi va umumiy ekologik muhitga ta’siri tahlil qilindi.
🟣
Shuningdek, ishchi guruh tomonidan hududdagi yashil maydonlarni kengaytirish, mavjud ko‘chatlarni asrab-avaylash hamda ularga sifatli agrotexnik xizmat ko‘rsatish bo‘yicha mas’ullarga tegishli tavsiyalar berildi.
🔘
Tadbir davomida muassasa xodimlariga atrof-muhitni muhofaza qilish, yashil hududlarni ko‘paytirish va “Yashil makon” loyihasining mazmun-mohiyati yuzasidan tushuntirish ishlari olib borildi.
✅
Ekopartiya Fargʻona viloyat Kengashi matbuot xizmati

🔴
#Live
#Fraksiya_yigilishi
Hozirgi kunda zamonaviy qurilmalar, xavfli, koʻngilochar atraksionlar koʻpaymoqda. Ammo ularni tartibga solish, qonun asosida qat’iy nazorat qilib birish juda muhim.
Fraksiyamizning avvalgi yigʻilishlarida shu masalalarni qamrab olgan
“Xavfli ishlab chiqarish obyektlarining va potensial xavfli obyektlarning sanoat xavfsizligi toʻgʻrisida”
gi qonun loyihasi muhokama qilingan, deputatlarimiz tomonidan qator taklif va fikrlar bildirilgan edi.
Bugun maskur qonunning yanada takomillashtirilgan, deputatlarimiz takliflari bilan toʻldirilgan koʻrinishi yana bir bor koʻrib chiqildi.
✅
Telegram
|
✅
Facebook
|
🌐
Instagram
|
🌐
Web site
|
📹
You Tube

🔴
#Live
#Fraksiya_yigilishi
Oliy Majlis Qonunchilik palatasidagi O‘zbekiston Ekologik partiyasi fraksiyasi
ning navbatdagi yig‘ilishi boshlandi.
Yig‘ilishda bir qator muhim qonun loyihalari muhokama etilishi ko‘zda tutilgan. Bizni kuzatishda davom eting, mazkur qonun loyihalari bilan batafsil tanishtirib boramiz.
✅
Telegram
|
✅
Facebook
|
🌐
Instagram
|
🌐
Web site
|
📹
You Tube

🧠
O‘simliklaringiz nima yetishmayotganini o‘z barglari orqali "aytib beradi"
Agar e’tiborli bo‘fsangiz, buni osongina tushunib olishingiz mumkin.
👇
Bizni kuzatishda davom eting!
https://t.me/ecopartyfargona

#Rishton_tumani
Noqonuniy daraxt ko‘chirish holatlari aniqlandi
✅
O‘zbekiston Ekologik partiyasi Rishton tumani Kengashi raisi Azizbek Saydullayev boshchiligidagi ishchi guruh tomonidan tumandagi Guliston mahalla fuqarolar yig‘ini hududida ekologik reyd tadbiri o‘tkazildi.
🔘
Reyd davomida hududdagi ekologik holat atroflicha o‘rganilib, bir qator kamchiliklar aniqlangan. Xususan, ayrim hududlarda daraxtlarning noqonuniy ravishda ko‘chirilgani ma’lum bo‘ldi. Mazkur holat ekologik me’yor va talablarning buzilishi sifatida qayd etildi.
🟡
Tadbir davomida aniqlangan qoidabuzarliklar yuzasidan tegishli hujjatlar rasmiylashtirilib, mas’ul tashkilot va mutasaddilarga qonunchilik doirasida zarur choralar ko‘rish bo‘yicha tavsiyalar berildi.
🟣
Shuningdek, ishchi guruh tomonidan mahalla aholisiga atrof-muhitni asrash, daraxt va yashil hududlarni muhofaza qilishning ahamiyati yuzasidan tushuntirish ishlari ham olib borildi.
✅
Ekopartiya Fargʻona viloyat Kengashi matbuot xizmati