Farg'ona shahar Abu Ali ibn Sino nomidagi jamoat salomatligi texnikumi👨‍⚕️🏢👩‍⚕️🇺🇿

Давлат мадҳияси — миллат руҳи тимсоли
1992 йил 10 декабрь санаси Ўзбекистон тарихида муҳим кун сифатида муҳрланиб қолган. Шу куни мустақил Ўзбекистон Республикасининг Давлат мадҳияси расман қабул қилиниб, у мамлакатнинг энг муқаддас давлат рамзларидан бирига айланди.
Мадҳия сўзлари халқ шоири Абдулла Орипов томонидан ёзилган бўлиб, унда Ватанга садоқат, озодлик, тинчлик ва халқ бирдамлиги ғоялари теран ифодаланган. Мусиқаси эса бастакор Мутал Бурхонов қаламига мансуб.

Hurmatli o‘quvchilar, Sizlar tanlagan yo‘l — bu oddiy ta’lim emas, bu inson hayotiga bevosita ta’sir ko‘rsatadigan muqaddas kasbga olib boradigan yo‘ldir.
Bugun Sizlar auditoriyada o‘tirib o‘rganayotgan har bir dars, amaliyotda qilayotgan har bir mashq, o‘zlashtirayotgan har bir bilim — ertaga kimningdir sog‘lig‘i, umri va taqdiri bilan bog‘liq bo‘ladi.
Shu bois, Sizlarning har bir qadamlaringiz nihoyatda qadrli.
Tibbiyot sabr, mehr, mas’uliyat va qat’iyat talab qiladi.
Tibbiyot texnikumida o‘qish qiyin bo‘lishi mumkin — uzun darslar, murakkab fanlar, amaliy mashg‘ulotlar…
– Sizlar ko‘plab hayotlarni saqlab qolishga hissa qo‘shadiganlar bo‘lasiz.
Har kuni qilgan mehnatingiz Sizni bir qadam oldinga olib chiqadi.
Har bir o‘zlashtirilgan mavzu — ertangi kasbiy mahoratingizning poydevoridir.
Shuning uchun, hurmatli o‘quvchilar:
o‘qishni, izlanishni, o‘zingizga bo‘lgan ishonchni hech qachon to‘xtatmang.
Siz tanlagan yo‘l sharafli, Siz tanlagan yo‘l zarur.Sizlardan faxrlanadigan kunlar hali oldinda.

Farg'ona shahar Abu Ali in Sino nomidagi jamoat salomatligi texnikumida zamonaviy Xirurgiya va Intensiv Terapiya (Reanimatsiya) fanlarining fundamental bilimlari va amaliy koʻnikmalarini chuqur oʻzlashtirishga qaratilgan "KONSILIUM" to'garagida o'quvchilarni tibbiyotning bu sohasida chuqur nazariy bilim berish bilan birga, tanqidiy fikrlash va muammolarni hal qilish koʻnikmalarini rivojlantiriladi.
Talabalar murakkab klinik holatlarni oʻrganish, shoshilinch tibbiy yordamni olib borish va zamonaviy tibbiy adabiyotlarni tahlil qilish orqali kasbiy mahoratlarini oshiradilar.
​Shior: "Bilim orqali hayotni saqlash – eng oliy burchdir."
​Bu toʻgarak tibbiyot sohasidagi kelajakda malakali xirurgiya va reanimatsuya o'rta tibbiy hodimlari uchun nazariy bilim va amaliy innovatsiyalar maskanidir.
🚑
📍
https://t.me/fargona2tibbiyot
📍
https://www.instagram.com/fargonaabualiibnsino

Ҳурматли ватандошлар!
Сизларни 8 декабрь — Ўзбекистон Республикаси Конституцияси қабул қилинган куни билан чин қалбимдан табриклаймиз! Конституциямиз — халқимизнинг иродасини, демократик тамойилларини, инсон ҳуқуқ ва эркинликларини ифода этувчи олий ҳуқуқий ҳужжатдир. Бу йил Конституциямиз қабул қилинганига 33 йил тўлди, демак, давлатимиз мустақиллиги ва ҳуқуқий фаолиятимиз мустаҳкам асосларига эга эканлигини яна бир бор эслатиб ўтади.
Асосий Қонунимизнинг 41-моддасига мувофиқ, ҳар ким билим олиш ҳуқуқига эга бўлиб, давлат бепул умумий таълимни кафолатлайди. Шунингдек, 40-моддасига кўра, ҳар ким малакали тиббий хизматдан фойдаланиш ҳуқуқига эга.
Шу улуғ сана муносабати билан барчангизга мустаҳкам соғлиқ, оилавий бахт, тинч ва фаровон ҳаёт, юртимиз равнақи йўлида улкан муваффақиятлар тилаймиз!
Байрамингиз муборак!

Farg‘ona shahar Abu Ali ibn Sino nomidagi Jamoat salomatligi texnikumida “Konstitutsiya — erkin va farovon hayotimiz kafolati” mavzusida ma’naviy-ma’rifiy tadbir tashkil etildi. Tadbirning asosiy maqsadi — talabalarda huquqiy ong va huquqiy madaniyatni yuksaltirish, O‘zbekiston Respublikasi Konstitutsiyasining ahamiyati, undagi asosiy tamoyillar, fuqaro huquq va erkinliklarining kafolatlari haqida chuqurroq tasavvur hosil qilishdan iborat bo‘ldi.
Tadbir davomida talabalarga Konstitutsiyaning yaratilish tarixi, unda belgilangan demokratik qadriyatlar, erkin va farovon hayotni ta’minlovchi asosiy me’yoriy tamoyillar haqida ma’lumotlar berildi. Shuningdek, “Konstitutsiya — erkin va farovon hayotimiz kafolati” g‘oyasi asosida rasmlar va ijodiy ishlanmalar ko‘rgazmasi namoyish qilinib, eng yaxshi ijodiy ishlar muhokama qilindi.
Tadbir ishtirokchilari o‘z chiqishlarida Konstitutsiyaning jamiyat hayotidagi o‘rni, fuqarolik mas’uliyati, qonunlarga hurmat bilan qarashning ahamiyati haqida fikr bildirdilar.

📌
Oliy ta'lim muassasalarida qishki ta'til 28-dekabrdan boshlanadi
Oliy taʼlim, fan va innovatsiyalar vazirligining tegishli buyrugʻiga muvofiq,
oliy, oʻrta maxsus va kasbiy taʼlim tashkilotlari
(davlat, nodavlat hamda xorijiy)
va akademik litseylar
talaba hamda o‘quvchilarining joriy o‘quv yili uchun  qishki taʼtil muddati
2025-yil 28-dekabrdan boshlanib, 2026-yil 10-yanvariga qadar (shu kuni ham) davom etadi.
😎
Obuna bo’ling
➡️
@OTM_Minbari

Farg‘ona shahar Abu Ali ibn Sino nomidagi Jamoat salomatligi texnikumida
2025-yil 4-dekabr kuni “Milliy liboslar — do‘ppi challenge” tadbiri yuqori kayfiyatda o‘tdi. Tadbirning asosiy maqsadi — yoshlar orasida milliy qadriyatlarga hurmat, tarixiy merosga mehr va milliy kiyimlarimizni targ‘ib etishdan iborat bo‘ldi.
Challenge jarayonida o‘quvchilar turli hududlarga xos milliy do‘ppilar, an’anaviy liboslar hamda milliy bezaklar bilan ishtirok etib, o‘z ijodkorligi va madaniyati bilan tadbirga yanada ko‘rk qo‘shdilar.

Farg‘ona shahar Abu Ali ibn Sino nomidagi Jamoat salomatligi texnikumida 1-dekabr — Butunjahon OITSga qarshi kurashish kuni munosabati bilan keng qamrovli davra suhbati tashkil etildi. Tadbirning asosiy maqsadi yoshlar o‘rtasida OIV/OITS bo‘yicha to‘g‘ri tushunchalarni shakllantirish, profilaktika choralarini targ‘ib qilish hamda sog‘lom turmush tarzini rivojlantirishdan iborat bo‘ldi.
Ushbu uchrashuvda Farg‘ona viloyati OITSga qarshi kurash markazining katta mutaxassisi Sotvoldiyeva Muniraxon Muxammadovna ishtirok etdi. U o‘z ma’ruzasida OIV infeksiyasining yuqish yo‘llari, oldini olish choralar, zamonaviy davolash usullari, kasallik bilan yashayotgan insonlar uchun yaratilgan ijtimoiy qo‘llab-quvvatlash tizimi haqida batafsil ma’lumot berdi.
Davra suhbati davomida talabalar o‘zlarini qiziqtirgan savollar bilan murojaat qildilar.Tadbir yakunida yoshlar o‘rtasida sog‘lom turmush tarzini targ‘ib qilish bo‘yicha texnikumda muntazam ravishda ma’rifiy ishlar olib borilishi ta’kidlandi.

Farg‘ona shahar Abu Ali ibn Sino nomidagi Jamoat salomatligi texnikumi rahbariyati tomonidan 2025-yil 29-noyabr kuni texnikumda
“Giyohvandlik va OITS — umr zavoli”
mavzusida ma’naviy-ma’rifiy, profilaktik targ‘ibot tadbiri o‘tkazildi.
Tadbirning asosiy maqsadi — yoshlar ongida sog‘lom turmush tarzini targ‘ib qilish, giyohvandlikning zararli oqibatlari haqida chuqur tushuncha berish, OITS va boshqa yuqumli kasalliklarning oldini olish bo‘yicha fikr-mulohazalarni mustahkamlash, kasalliklar profilaktikasi bo‘yicha zarur bilim va ko‘nikmalarni shakllantirishdan iborat bo‘ldi.
Tadbir davomida soha mutaxassislari tomonidan giyohvand moddalar inson hayoti va sog‘ligiga yetkazadigan jiddiy zararlar, OITS kasalligining tarqalish omillari, uning oldini olish choralari, shuningdek, yoshlarni ogohlikka chaqiruvchi ma’naviy-ma’rifiy tavsiyalar berildi. Ishtirokchilar mavzuga doir videoroliklar, taqdimotlar hamda savol-javoblar orqali o‘z bilimlarini yanada boyitdilar.

Farg‘ona viloyati Favqulodda vaziyatlar boshqarmasi tomonidan 2025–2026-yil kuz-qish mavsumini betalofat va xavfsiz o‘tkazish maqsadida profilaktik tadbirlar doirasida Farg‘ona shahar Abu Ali ibn Sino nomidagi Jamoat salomatligi texnikumida amaliy-o‘quv mashg‘uloti o‘tkazildi.
Mazkur mashg‘ulotning asosiy maqsadi o‘quvchi-yoshlar hamda pedagog xodimlar o‘rtasida favqulodda vaziyatlarda to‘g‘ri harakatlanish ko‘nikmalarini shakllantirish, yong‘in xavfsizligi qoidalariga rioya etish madaniyatini oshirish va mavsumiy xavf omillarini oldini olishdan iborat bo‘ldi.
Shuningdek, o‘quvchilar ishtirokida kichik o‘t o‘chirish vositalaridan foydalanish bo‘yicha amaliy mashg‘ulot o‘tkazilib, real sharoitga yaqinlashtirilgan evakuatsiya mashqi ham tashkil etildi.
Ushbu tadbir texnikum jamoasining xavfsizlik madaniyatini oshirish, yoshlarda favqulodda vaziyatlarda o‘zini yo‘qotmasdan to‘g‘ri harakat qilish ko‘nikmalarini mustahkamlashda muhim ahamiyat kasb etdi.