𝐅𝐚𝐫𝐨𝐡𝐮𝐧

Uyaling.
Qalbingizning bo‘shlig‘idan uyaling.
Sizda muqaddas qadriyatlaringiz, o‘zgarmas va inkor etib bo‘lmaydigan haqiqatlaringiz, shaxsiy qoidangiz va tamoyillaringiz yo‘qligidan uyaling. O‘zingizdagi irodasizlikdan, beqarorlik, va ishonchsizlikdan uyaling.
Faqat oshkora pastkashlikdangina emas, insonlar siz haqingizda pastkash deb o‘ylab qolishlariga sabab bo‘ladigan eng kichik ehtimoldan ham uyaling.
Unutmang, pastkashlik juda mayda, go‘yo tabiiy instinktdek tuyuladigan—mas’uliyatdan qochish, xavfdan chetga chiqib ketish, boshqalarga tahdid solayotgan balodan qutulib qolishga urinib, mas’uliyatni boshqalarga yuklash kabi istaklardan boshlanadi.
Mas’uliyatsizlik, jiddiy narsalarga yengil qarash, his-tuyg‘ularni qadrsizlantirishdan uyaling.
Munosabatlarda ham sodiq va mas’uliyatli bo‘la bilish kerak. Johillikdan uyaling.
Sizning xulqingizni himoya qilib turadigan narsa—sizdagi mukammal va yetuk bo‘lmagan jihatlar uchun doimiy uyat hissi bo‘lsin.

Qaramliklardan voz kechish—darmon
Boshqalarning ishlariga aralashmaslik—darmon
Oʻz muammo va tashvishlarida faqat oʻzinigina ayblash—darmon
Gʻazabda oʻzini nazorat qilish—darmon
Yomonlikni unutish—darmon
Xatolarni isloh qilish—darmon
Qalban va aqlan pok boʻlish—darmon
Samimiylik, rostgʻoylik, ixlos—darmon
Erishganiga shukr, yoʻqotganiga toqat qilish—darmon
Yuqori mansabdan foydalanib, yaxshiliklar qilish—darmon
Hayvonlarga ozor bermaslik—darmon
Obroʻ va e’tiborda boʻlib, oddiy insonlarga xizmat qilish—darmon
Koʻtarilish va yiqilish jarayonida, oʻzini nazorat qilish—darmon.
Biz insonlarni tashqi faktorlar kasal qilmaydi.
Hastalik—ichimizda, buni qarang-ki, shifosi ham oʻzimizni ichimizda.
Toʻgʻri foydalanishni bilish kifoya.

Men hali hamon yanvarning begʻuborligini,
fevralning umidini,
martning taslimligini,
mayning telbaligini,
iyunning qarorini
iyulning yorqin davrini,
avgustning qoʻrquvini,
sentyabrning ogʻrigʻini,
oktyabrning havotirini,
noyabrning sukunatini eslayman..
Va hamd boʻlsin-ki, endi dekabrdagi baxtning hidini ham sezyapman..

Munofiqlik.
Biz munofiqlikda oʻzimizdan boshqa hammani ayblashimiz mumkin.
Munofiq jahannamning eng tubida qolishi haqida oʻqib turib, biz yana jondan aziz oʻzimizni emas boshqalarni tasavvur qilishni boshlaymiz.
Biz oʻzimizning yomon amallarimizni koʻrmaymiz, lekin boshqalarnikini hisob-kitob qilishning ustasimiz.
Biz oʻzgalarni kuzatamiz deb, oʻzimiz va qalbimiz holatini unutib qoʻydik.

Yilning qiymatini bilishni xohlasang, imtihondan yiqilgan talabaga qara.
Oyning qiymatini bilishni xohlasang, bolasini muddatidan oldin dunyoga keltirgan onaga qara.
Haftaning qiymatini bilishni xohlasang, haftalik jurnal muharririga qara.
Soatning qiymatini bilishni xohlasang, jarrohlik amaliyotiga kirib ketgan shifokorga qara.
Daqiqaning qiymatini bilmoqchi boʻlsang, poyezdga kech qolgan insonga qara.
Soniyaning qiymatini bilmoqchi boʻlsang, avtohalokatda yaqinini yoʻqotgan insonga qara.
Soat millari hech qachon yurishdan toʻxtamaydi. Hayotimizdagi har bir onni qadrlab, bugungi kunimizni eng buyuk ne’mat deb bilishimiz uchun shu haqiqatning oʻzi yetarli deb oʻylayman.

Bu dunyoni tark etganingizdan keyin, sizni—siz sadaqa berganlar, namozga uygʻotgan insonlaringiz, tasalli berganlaringiz, yashirincha nasihat qilganlaringiz, tabassum ulashganlaringiz—izlaydi.
Biz bu hayotda musofir, yoʻlchi, gʻaribmiz..
Bizdan qoladigani—iz.
U chiroyli boʻladimi yoʻqmi, yuqoridagi amallarimiz belgilaydi.

Agar mening ayolim oʻylanuvchan boʻlsa, men ikki baravar anglovchan boʻlaman.
Uning ongini tinchlantirish borasida muammoyim yoʻq.

Ba’zi insonlar faqat o‘zlariningina vaziyatiga mos tushadigan narsalarni boshqalarga yopishtiradi, shu sababdan ayblaydi, muhokama va tanqid qiladi.
Ular bizga adolat ko‘zi bilan emas, balki o‘zlari qilayotgan amallarining ko‘zi bilan qarashadi.
Va qancha harakat qilmaylik, ularning qiyshiq oynasida o‘zimizni to‘g‘ri aks ettirishning iloji yo‘q.

Mayli hayot achchiq boʻlsa ham, unda Sen goʻzalsan.
Mayli bandalaring gʻazablansa ham, asosiysi Sening roziliging.
Maxluqotlaring bilan aloqam vayron boʻlsa boʻlsin-u,
Sen bilan mening oʻrtamdagi aloqa yaxshilansin, yuksalsin.
Oʻzing meni sevsang, boshqasi muhim emas, ahamiyatsiz.
Chunki yer yuzidagi hamma narsa, aslida yer bilan bir—yerning oʻzi..