FARSTAT Axborot xizmati | Rasmiy kanal

📊
Yozyovon tumanida xizmatlar hajmi sezilarli darajada oshdi
🏪
Farg‘ona viloyati statistika boshqarmasi ma’lumotlariga ko‘ra, 2026-yilning yanvar–aprel oylarida Yozyovon tumanida bozor xizmatlari hajmi 403,2 mlrd so‘mga yetdi.
📈
O‘tgan yilning shu davriga nisbatan xizmatlar hajmining 16,0 foizga o‘sishi tumanda xizmat ko‘rsatish sohasining kengayib borayotganidan dalolat beradi. Bu natija aholi va tadbirkorlik subyektlari ehtiyojlariga mos ravishda yangi xizmat turlarining joriy etilishi hamda mavjud xizmatlar sifatining yaxshilanishi bilan izohlanadi. Xizmatlar sohasidagi ijobiy o‘sish iqtisodiy faollikni rag‘batlantirish, yangi ish o‘rinlarini yaratish va aholi turmush darajasini oshirishda muhim omil bo‘lib xizmat qilmoqda.
Facebook
▪️
Telegram
▪️
Web sayt
▪️
Youtube

📚
“Kitobxon davlat xizmatchisi” tanlovi g‘oliblari taqdirlandi
✅
Farg‘ona viloyati statistika boshqarmasida kitobxonlik madaniyatini yuksaltirish, xodimlarning ma’naviy-ma’rifiy saviyasini oshirish hamda mutolaa an’analarini keng targ‘ib etish maqsadida, “Kitobxon davlat xizmatchisi” tanlovi o‘tkazildi.
✅
Mazkur tanlov O‘zbekiston Respublikasi Prezidentining 2022-yil 28-yanvardagi PF–60-son Farmoni bilan tasdiqlangan “2022–2026-yillarga mo‘ljallangan Yangi O‘zbekistonning taraqqiyot strategiyasi”, Vazirlar Mahkamasining 2022-yil 14-dekabrdagi 781-son qarori hamda O‘zbekiston Respublikasi Milliy statistika qo‘mitasi Hay’atining tegishli topshiriqlari ijrosini ta’minlash doirasida tashkil etildi.
✅
Tanlovda Farg‘ona viloyati statistika boshqarmasi hamda shahar va tuman statistika bo‘limlari boshqaruv xodimlari faol ishtirok etdi. Ishtirokchilar uchun o‘zbek va jahon adabiyotining sara namunalaridan iborat quyidagi asarlar tavsiya etildi:
🔹
Tog‘ay Murodning “Otamdan qolgan dalalar” asari;
🔹
Chingiz Aytmatovning “Qiyomat” romani;
🔹
Abdulla Qodiriyning “O‘tkan kunlar” romani.
✅
Tanlov jarayonida ishtirokchilarning mazkur asarlar mazmunini qay darajada o‘zlashtirgani, qahramonlar xarakteri va asarlarning g‘oyaviy-badiiy ahamiyati yuzasidan bilimlari, shuningdek, mutolaa madaniyati va tahliliy fikrlash ko‘nikmalari baholandi.
✅
Qizg‘in va murosasiz kechgan bahs-munozaralar natijasida Quva tumani statistika bo‘limi  bosh mutaxassisi M.Olimov “Kitobxon davlat xizmatchisi” tanlovi g‘olibi deb topilib, sertifikat va qimmatbaho televizor sovg‘asi bilan taqdirlandi.
Ta’kidlash joizki, bunday ma’naviy-ma’rifiy tadbirlar davlat xizmatchilarining bilim va dunyoqarashini kengaytirish, kitobxonlik madaniyatini rivojlantirish hamda yosh avlod uchun munosib ma’naviy muhitni shakllantirishda muhim ahamiyat kasb etadi.
✅
Farg‘ona viloyati statistika boshqarmasi tomonidan kelgusida ham xodimlar o‘rtasida kitob mutolaasini targ‘ib etishga qaratilgan ma’naviy-ma’rifiy loyihalarni va tanlovlarni muntazam tashkil etish rejalashtirilgan.
Facebook
▪️
Telegram
▪️
Web sayt
▪️
Youtube

📚
“Kitobxon davlat xizmatchisi” tanlovi g‘oliblari taqdirlandi
Facebook
▪️
Telegram
▪️
Web sayt
▪️
Youtube

📌
Farg‘ona tumanida demografik o‘sish sur’atlari
📊
Farg‘ona viloyati statistika boshqarmasi ma’lumotlariga ko‘ra, 2026-yil 1-aprel holatiga ko‘ra, Farg‘ona tumanida 231 078 nafardan ortiq aholi istiqomat qilmoqda. Bu o‘tgan yilga nisbatan 1,8 foizga ko‘p demakdir.
👨‍👩‍👧‍👦
Tumanda erkaklar soni 118 034 nafarni, ayollar soni esa 113 044 nafarni tashkil etib, aholi tarkibida muvozanat saqlanib qolmoqda.
🏘
Aholining katta qismi qishloq joylarda yashaydi. Jumladan, 143 021 nafar fuqaro qishloqlarda, 88 057 nafar fuqaro esa shaharlarda istiqomat qiladi.
👶
Joriy yilning dastlabki uch oyida tumanda 1 205 nafar chaqaloq tug‘ildi. Shu davrda 240 ta o‘lim holati qayd etildi. Bu esa aholi sonining tabiiy ravishda ortib borayotganini anglatadi.
💍
Yanvar–mart oylarida 226 ta yangi oila qurilgan bo‘lsa, 68 ta nikohdan ajralish holati ro‘yxatga olindi.
🚚
Tumanga 238 nafar fuqaro ko‘chib kelgan, 321 nafar fuqaro esa boshqa hududlarga ko‘chib ketgan.
Facebook
▪️
Telegram
▪️
Web sayt
▪️
Youtube

🍇
Farg‘ona viloyatining mayiz eksporti ijobiy sur’atlarda o‘smoqda
📊
Farg‘ona viloyati statistika boshqarmasi ma’lumotlariga ko‘ra, 2026-yilning yanvar–aprel oylarida viloyatdan xorijiy davlatlarga 1,6 ming tonna mayiz eksport qilinib, uning qiymati 2,5 mln AQSH dollarini tashkil etdi.
🌍
Viloyatda yetishtirilayotgan va qayta ishlanayotgan qishloq xo‘jaligi mahsulotlariga xalqaro bozorlarda talabning ortib borayotgani eksport ko‘rsatkichlarida ham o‘z aksini topmoqda.
📈
O‘tgan yilning mos davriga nisbatan mayiz eksporti hajmi 0,1 ming tonnaga ko‘paygani viloyat eksportyorlarining tashqi bozorlardagi faolligi kuchayib borayotganidan dalolat beradi.
🚚
Eksport hajmlarining ortishi nafaqat mahalliy ishlab chiqaruvchilar daromadining ko‘payishiga, balki yangi ish o‘rinlari yaratilishi va hududning eksport salohiyati yanada mustahkamlanishiga xizmat qilmoqda.
Facebook
▪️
Telegram
▪️
Web sayt
▪️
Youtube

👩‍🏫
Farg‘ona viloyatida o‘qituvchilar soni ortmoqda
📚
2025/2026-o‘quv yili boshida Farg‘ona viloyati umumiy o‘rta ta’lim tashkilotlarida (o‘rindoshlarsiz) faoliyat yuritayotgan o‘qituvchilar soni 60,6 ming nafarni tashkil etdi. Bu ko‘rsatkich 2024/2025-o‘quv yili boshiga nisbatan 1,3 ming nafarga yoki 2,2 foizga ko‘paygan.
📊
O‘qituvchilarning umumiy tarkibida ayollar ulushi 77,2 foiz, erkaklar ulushi esa 22,8 foizni tashkil etgan.
👩
Ayol o‘qituvchilar soni o‘tgan o‘quv yiliga nisbatan 1,5 ming nafarga yoki 3,3 foizga oshib, 46,8 ming nafarga yetgan. Erkak o‘qituvchilar soni esa 0,2 ming nafarga yoki 1,5 foizga kamayib, 13,8 ming nafarni tashkil qilgan.
🏫
Hududlar kesimida o‘qituvchilar sonining eng yuqori ko‘rsatkichlari Farg‘ona shahrida — 4,6 ming nafar va Buvayda tumanida — 4,2 ming nafar etib qayd etilgan.
📍
Nisbatan past ko‘rsatkichlar esa Quvasoy shahrida — 1,3 ming nafar, So‘x tumanida — 1,5 ming nafar hamda Yozyovon tumanida — 1,9 ming nafar o‘qituvchini tashkil etgan.

📌
Qo‘shtepa tumanida investitsiya faolligi yuksalmoqda
✅
Farg‘ona viloyati statistika boshqarmasi ma’lumotlariga ko‘ra, 2026-yilning yanvar–mart oylarida Qo‘shtepa tumanida asosiy kapitalga yo‘naltirilgan investitsiyalar hajmi 596,6 milliard so‘mni tashkil etdi.
🌍
Investitsiyalar tarkibida xorijiy investitsiyalar va kreditlar ulushi 52,1 foizni tashkil etgani Qo‘shtepa tumanining xalqaro investorlar uchun jozibador hududga aylanib borayotganidan dalolat beradi.
💰
Investitsiyalarning moliyalashtirish manbalari quyidagicha shakllandi:
🔹
xorijiy investitsiyalar va kreditlar — 52,1 %
🔹
tijorat banklari kreditlari va boshqa qarz mablag‘lari — 35,5 %
🔹
aholi mablag‘lari — 8,1 %
🔹
korxona va tashkilotlarning o‘z mablag‘lari — 4,2 %
🔹
respublika budjeti mablag‘lari — 0,1 %
📈
Investitsiya faolligining yuqori sur’atlarda davom etayotgani tumanda tadbirkorlik muhitini yaxshilash, infratuzilmani rivojlantirish va iqtisodiy o‘sishni ta’minlashda muhim omildir.
Facebook
▪️
Telegram
▪️
Web sayt
▪️
Youtube

📌
Dang‘ara tumanida xizmatlar sohasi barqaror rivojlanmoqda
🏢
Farg‘ona viloyati statistika boshqarmasi ma’lumotlariga ko‘ra, 2026-yilning yanvar–aprel oylarida Dang‘ara tumanida ko‘rsatilgan bozor xizmatlari hajmi
403,4 milliard so‘mni
tashkil etdi.
📈
Mazkur ko‘rsatkich o‘tgan yilning mos davriga nisbatan
17,2 foizga oshgan
bo‘lib, tumanda xizmatlar sohasining izchil rivojlanayotganini va iqtisodiy faollikning ortib borayotganini ko‘rsatadi.
💼
Xizmatlar tarmog‘ining kengayishi aholi uchun qulay va sifatli xizmatlar ko‘lamini oshirish, yangi ish o‘rinlarini yaratish hamda tadbirkorlik subyektlari faoliyatini qo‘llab-quvvatlashda muhim ahamiyat kasb etmoqda.
🌐
Bugungi kunda xizmatlar sohasi hudud iqtisodiyotining muhim drayverlaridan biri sifatida nafaqat aholi turmush darajasini yaxshilash, balki investitsion jozibadorlikni oshirish va barqaror iqtisodiy o‘sishni ta’minlashga ham xizmat qilmoqda.
Facebook
▪️
Telegram
▪️
Web sayt
▪️
Youtube

https://telegra.ph/Ozbekiston-tumanida-3-oyda-1-226-ta-chaqaloq-dunyoga-keldi-06-11

🧅
Farg‘ona viloyatida piyoz eksporti hajmi oshmoqda
📊
Farg‘ona viloyati statistika boshqarmasi ma’lumotlariga ko‘ra, 2026-yilning yanvar–aprel oylarida viloyatdan xorijiy mamlakatlarga 3,6 ming tonna piyoz eksport qilindi. Eksport qilingan mahsulotlarning umumiy qiymati 1,2 mln AQSH dollariga teng bo‘ldi.
🌍
Viloyatda yetishtirilayotgan sifatli piyoz mahsulotlarining tashqi bozorlarda xaridorgirligi ortib borayotgani eksport ko‘rsatkichlarida ham o‘z aksini topmoqda. Mahsulotning raqobatbardoshligi va eksport geografiyasining kengayishi ushbu yo‘nalishdagi ijobiy natijalarga xizmat qilmoqda.
📈
Taqqoslash uchun, o‘tgan yilning mos davriga nisbatan piyoz eksporti hajmi 0,3 ming tonnaga ko‘paydi. Bu esa viloyatning eksport salohiyati izchil rivojlanayotganini va qishloq xo‘jaligi mahsulotlarining xalqaro bozordagi o‘rnini mustahkamlayotganini ko‘rsatadi.
Facebook
▪️
Telegram
▪️
Web sayt
▪️
Youtube